រំលងបានមួយខែ ដែលពួកគេទាំងពីររស់នៅក្នុងផ្ទះជាមួយគ្នា ពេលថ្ងៃធ្វើការរៀងខ្លួន ថេហ្យុង ទើបតែចូលរៀនវិញបន្ទាប់ពីស្បើយរវល់ ពេលល្ងាចបើ ជុងហ្គុក មកផ្ទះក្រោយនាយនិងទិញរបស់ញាំមកជាមួយ ថ្ងៃសម្រាកទៅដេកនៅប៊ូសានមួយយប់ មកវិញទៅគេងនៅផ្ទះប៉ារបស់ ថេហ្យុង ប៉ាគេមិនសូវបានថាស្តីអ្វីព្រោះរវល់មើលថែ ម៉ូយ៉ុង ដែលជុតគ្រប់ខែទៅហើយនោះ ។
មួយខែមិនបានរលូនទេ ថេហ្យុង ពេលខ្លះកិចកុករករឿងនាយរឿងពាក់ពន្ធ័និង យ៉ូអាន់ តើអោយនាយគេចទៅណាបើធ្វើការជាមួយគ្នា គេចមុខមិនបានតែបេះដូងនាយគេចពីគេបានតើ ។
ពួកគេរៀបចំត្រៀមថតផ្សព្វផ្សាយរថយន្តថ្មីរបស់ក្រុមហ៊ុន ជុងហ្គុក នាយសម្រេចចិត្តយក ថេហ្យុង របស់នាយមកផ្សាយជារបៀបវីដេអូខ្លីៗសម្រាប់ផ្សាយក្នុងបណ្តាញសង្គមតែសម្រាប់ការផ្សព្វផ្សាយធំនៅតែជាតារាល្បីៗដដែលទេ ។
ថ្ងៃនេះ ថេហ្យុង មកថតជាមួយក្រុមការងារដែល ជុងហ្គុក បានរៀបចំមកជាមួយឡានទំនើបក្នុងក្រុមហ៊ុន ហើយសម្រាប់ Concept ថតគឺ ថេហ្យុង ជាអ្នកចេញគំនិត ជុងហ្គុក បានយកមកប្រជុំនិងយល់ព្រមអស់ហើយទើបសម្រេចចិត្តថត ។
ថេហ្យុង នៅថតភ្នែករ៉េមើល យ៉ូអាន់ ចេះតែនាំ ជុងហ្គុក និយាយតែរហូត នាយឯណេះក៏រវល់ដែរ មិនសូវបាននិយាយជាមួយ យ៉ូអាន់ ប៉ុន្មានទេ មានតែឆ្លៀតមកមើលថែគេយ៉ាងល្អ ។
ថតពេញមួយថ្ងៃរហូតដល់ពេលល្ងាចទើបរួចរាល់ទាំងស្រុង ហើយវីដេអូនេះគឺ ថេហ្យុង ជាអ្នកបង្ហោះក្នុងបណ្តាញសង្គមរបស់គេ ។
"ហត់នឿយហើយទាំងអស់គ្នា ល្ងាចនេះខ្ញុំប៉ាវអ្នកទាំងអស់គ្នាញាំសាច់អាំង" ថេហ្យុង បន្លឺឡើងអរគុណ ក្រុមការងារថ្ងៃនេះហត់សឹងតែពេញមួយថ្ថៃទៅហើយ គេនិងកក់ហាងសាច់អាំងសម្រាប់ក្រុមការងារទាំងអស់ដែលនៅទីនេះ ។
"Wow ថៅកែតូចឡូយណាស់" ជុងហ្គុក ទះដៃអោយគេ ក្រុមការងារឯណេះក៏នាំគ្នាអរគុណទៅកាន់ ថេហ្យុង ដូចគ្នា ។
ថេហ្យុង ទៅរៀបចំខ្លួននៅបន្ទប់ទឹក លុបលាងមុខរបស់គេនិងប្តូរសម្លៀកបំពាក់ ចៃដន្យជួបជាមួយ យ៉ូអាន់ នៅក្នុងបន្ទប់ទឹកដែរ ដូចជាមានតែពួកគេតែពីរនាក់ទេ?
