اول ايام عيد الفطر المُبارك البيت يعمه الفرح واصوات البنات وصوت الاستشوار وصوت الكعب وريحة بخور العود واجتماع العوائل
عِنان بصراخ:دليل ويين البخورررر سنهه راحت علي الصلاة
دلال:جيت جيت معليش تأخرت عزيز ناشب لي توي هجيت عنه
عِنان:يلا معليه بس طالعه حلوه اليوم غطيتي عليهم
دلال:طالعه عليك اخوي عنون م اصير حلوه؟
عِنان:تسلمين بس قلتي عنون مره ثانية بخرب ملامح وجهتس وصل؟
دلال: طيب طيب بسكت
وصلهم صوت ابوهم من بعيد: عِناننننن ويينكك يلا الناس خلصت صلاة
دلال: روح روح لا يكفر فيك
عِنان: يلا بروح محد أخرني غيرتس مع السلامة
دلال: هههههههههههههههههه مع السلامة
وصلها صوت وعد داخله عليهم: دلوللللل
دلال بضحك: هلا هلا بالحب امداتس جيتي بدري الناس
وعد بتكشيره:الشرهه ماهو بعليتس الشرهه علي جيتتس زعلت
دلال:امزح امزح احلى من يجي جعل محد يجي غيرتس
وعد كشرت بزعل: وين البنات ؟
دلال تراضيها:لفي لفي واااووو طالعه ملكة جمماللل
وعد وهي شبهه رضت: طالعه عليتس يبعدي بس وين البنات ؟
دلال:كلهم داخل يجهزون محد خلص غيري
وعد:يلا بندخل عندهم
دلال: يلا
دخلت وعد بصراخ عم الغرفه: هااااايييي
البنات بصوت واحد: بسم الله
لفت جود بذهول: وااووو وعيدان طالعه تجننييينن
وعد:شكرًا شكرًا احبابي طالعه عليكم
وصف لأشكال البنات
دلال فستان احمر بأكمام طويله وقصير ومكسر من تحت بطريقة جميلة شعرها طويل لأخر ظهرها ومسويته ويفي ورافعته من قدام واكسسوار فضي ومن ملامحها الطفولية وبياضها الخفيف اللي لايق من حمار فستانها ومطلعها مُبهرة وجميلة فعلًا
جود فستان تركوازي طويل واكمام قصيره وماسك من فوق لعند خصرها ومن تحت نازل بالراحه وشعرها قصير لفوق كتفها ومسويته ستريت واكيد زايده الزينه بأكسسوارات فضية ومع جمال لونها الحُنطي وجمال عيونها الوساع وكثافة رموشها ومرسم حواجبها
-وعد فستان ازرق ماسك من فوق للخصر يشبهه فستان جود ونازل من تحت بالراحة بأكمام لنص اليد واكسسوارات فضية وشعرها كان بطول شعر دلال لااخر ظهرها وكان ستريت واسود وكثيف لدرجة مُلفته مع ملامحها المُريحه للنظر وواسع عيونها وشفايفها الممتلية بشكل طبيعي
-
وعد: واو بناتتتت اشكالكم تجنننن تاخذون العققلللل
وكلهم ابتسموا من كلامها
-
عائلة ابو سَهم
ام سَهم: ياابو سَهم انا بروح عند ام عِنان وعد راحت لهم وبروح اعيد عليهم تبي شي؟
ابو سَهم: لا سلامتك روحي
ابتسمت واطلعت
-
عائلة ابو عِنان
دلال: يلا بنات بنروح لاامي نشوفها تحتاج شي ولا لا الرجال الحين يوصلون وحنا باقي ماجهزنا الفطور
راحوا البنات يساعدون ام عِنان بالفطور
-عند الرجال
عِنان:يبه ترا ثالث العيد طالع للرياض
ابو عِنان: ليه ماعطوك إجازة ؟
عِنان:حاولت يبه اكثر من مره بس تعرف المهمات علينا كثيره وصعب هالفترة اخذ إجازة لازم اداوم الشغل كله علينا
ابو عِنان:طيب وبراء بيطلع معك ولا لا ؟
عِنان: والله يايبه ماادري مااتوقع براء يطلع لان توه راجع
عبدالعزيز بضحك: تبي نصدق انك ماتدري علينا ياعنانوه انت روح براء كيف م تدري اذا عنده دوام ولا لا
عِنان: شوف لو ماتسكت بخرب ملامحك بالصينية اللي قدامك قلة ادب اخوك الكبير احترمني وش عنانوه
عبدالعزيز: خلاص يابوي بسكت ابشر على هالخشم يأخوي الكبير
عِنان:المهم تبون شي من الرياض توصون شي وانا راجع؟
ابو عِنان: لا ابد سلامتك
عبدالعزيز: شوف البنات يمكن يبون شي يحتاجون شي
ابو عِنان بعصبية: لا مو محتاجين شي مو لازم تجيب لهم خرابيط البنات واشياء مالها داعي ومالها قيمة
عِنان بتنرفز وضح على ملامحه:يبه اللي داخل خواتي وهم روحي الثانية اللي يبونه لو انه برا الرياض يجيبهم وماهم طالبين شي مايحتاجونه
ابو عِنان: لا تتدلعهم بس وتكبر رؤسهم علينا
عِنان وهو قايم:يحق لهم يتدلعون على اخوهم والحمدلله كثر الله خيركم
ابو عِنان وعروقه وضحت على وجهه من العصبية: اوريك ياعِنان تمشي كلمتك علي وتسوي لهم اللي يبونه البنت مالها الا بنت زوجها هو يلبي طلباتها ويجيب اغراضها وبس
عِنان ناظر فيه ولف وجهه وطلع من البيت متوجهه لبراء اللي بكل مره يضيق من ابوه او يتهاوش معه يروح لبراء
-
البراء:هلا هلا بالقاطع وينك ياخي صار لي اسبوع ماشفتك
عِنان بضيق بان عليه: معليه منشغل هاليومين وتوي أفضى
البراء:عِنان فيك شي؟
عِنان: لا يااخوك بس ابوي كالعاده
البراء زفر بملل:ياخي هالابو كلنا نعرفه مستقعد لكم على النقطه بس ليه هالمره وش مسوي؟
عِنان: ياخي بس عشاني بشوف خواتي اذا يحتاجون شي من الرياض اجيبه قال لا لا تجيب لهم دلع بنات
البراء بزعل: معليه ياحبيبي انت جيب لخواتك اللي يبون وخل ابوك بحاله
عِنان: بأذن الله بس متى طالع الرياض انت؟
جاء بيتكلم براء وقطع عليهم إتصال جوال عِنان رفع الجوال وشافها جود ورد
عِنان:هلا هلا بالجود
اول ماسمع اسمها حس بفراشات بقلبه ماقدر يكتم ضحكته لف وابتسم وزفر بفرحة
براء بنفسه: ياربي هذا هو اسمها يقلب موازيني كيف لو هي بنفسها اهخخ يارب أرفق بعبدك
عند عِنان وجود
جود:هلابك يابعد روح الجود
عِنان:امري بغيتي شي؟
جود: لا ابد سلامتك يروحي بس كنت بقول لك لا تزعل على كلام ابوي اليوم انا سمعت كل شي وندري انك ماتقصر جعلك ذخر لنا والله يخليك لنا وابد اذا بغينا شي مايردنا شي
عِنان بضحكه خفيفه حست فيها وسمعتها جود: يروحي معليه هذا ابوي ويأمر ومازعلت منه وانتم لكم عيوني لو تبون
جود: طيب الحين وينك انت؟
عِنان: مع براء
اختلت موازينها ووضح هالشي بصوتها وعلى طول طرى ببالها الموقف اللي صار بينهم
نرجع لقبل سنه بالضبط
البراء ينتظر عِنان عند باب البيت عشان يمشون لرياض لشغل والدنيا كانت مطر وغيم جميل جدًا
براء وهو يدق الباب بقوه:عِنانوه وصمخ وينك ياخي تأخرنا ومن هنا لين نوصل لرياض يووووو بنتأخر كثييير
طلعت بالحوش تركض بتفتح الباب على بالها عزيز وفتحت وطلعت وجهها مع الباب: هلا والله عزوز...........
عم الصمت لثواني وهي تدقق بملامح وجهه الحادة والواضح معصب وبدلته اللي عليه وشعره المبعثر ومتبلل من المطر الخفيف رجعت على ورا: معليش اسفه احسبك عزيز
براء اللي لأول مره مو قادر يغض البصر ولا هو قادر يبعد عيونه عنها جمال شعرها الناعم ولونها الحُنطي وجمال ضحكتها وفمها الصغير وشفايفها الممتلية بشكل خفيف وحواجبها الكثيفه والمرسومه رسم وكثافة رموشها وكانت لابسه شرشف صلاة فوق راسها :لا عادي بس نادي لي عِنان تأخرت
جود: تمام دقيقه
لفت بتسكر الباب وتدخل والتوت رجلها وطاحت صرخت بصمت دخل البراء وهو يحاول مايناظرها: شفيتس وش صار لتس
جود ببكي: رجلي التوت توجعنييي
البراء:طيب انتظري دقيقه
طلع لسيارة وجاب منها شاش ورجع لها ولف رجلها وهو كل شوي يسرق النظر لعيونها المليانه دموع
براء بقلبه: حتى وهي بالدموع حلوه لا إله الا الله
سمعوا صوت من بعيد يناديها: جود يالجود وينك
قام براء وطلع وجاء عِنان: جودي شفيتس وانا اخوتس تبكين
جود: رجلي التوت وتوجعني
عِنان: طيب تبيني اوديتس مستشفى؟
جود: لا لا مايحتاج اروح لااامي تحط لي مرهم وتصير احسن روح خويك برا ويقول تأخرت على الدوام
عِنان حك جنبيه: يووو صح براء برا يلا يعيوني ادخلي داخل وطمنيني عنتس وانا بروح
جود: ابشر من عيوني وانتبه لنفسك وتوصل بالسلامة
ابتسم وطلع
نرجع للواقع
جود: زين خلاص متى رايح الرياض؟
عِنان: بكره
جود:زين انتبهلك
عِنان ابتسم وسكر
-
عائلة ابو حمد
حنين: يبه بروح عند بنات عمي كلهم مجتمعين وعندهم بنت عمي عبدالعزيز
ابو حمد: طيب انتظري حمد يجي يوديتس البيت بعيد واخاف عليتس
حنين: يايبه تكفى معليك الحارة مليانه محد بيجيني واكيد العيال وحمد برا بينتبهون لي
ابو حمد بقلة حيلة:طيب انتبهي لنفستس ولا تطولين
حنين: ابشر على هالخشم
ابو حمد:محد رايح معتس من خواتتس؟
حنين:اي رسل بتروح
ابو حمد: طيب انتبهوا لكم
حنين: ابشر يبه
راحت حنين ترتب الحلا حق العيد ومبسوطه بتروح لبنات عمها مشتاقه لهم
رسل: حنين بسبقتس انا
حنين:طيب
خلصت حنين ترتيب الحلا وطلعت من البيت وهي تتمشى ومبسسوطه لانهم واحشينها
ماحست بنفسها الا وهي صادمه بشخص كان طويل وعريض ولا قدرت تشوف وجهه
حنين:اهخخ ماتشوف
عبدالعزيز:معليش ماانتبهت
حنين:وش يفيدك اعتذارك دمرت الحلا
عبدالعزيز: خلاص عاد اعتذرت لا تطولينها مشى عبدالعزيز عنها
حنين: اوفف يقهر يقهر سخيف ومايستحي
كان عبدالعزيز يسمعها ابتسم وكمل مشي
أنت تقرأ
جيتني من أقصى دنياي...وصرت الدنيا بعيوني
Fantastikأول رواية لي مبتدئة...اتمنى تنال أعجابكم ونكمل مع بعض🤍🤍
