جيتني من أقصى دنياي...وصرت الدنيا بعيوني

البارت-9

بيت ابو عِنان
ابو سَهم قال له كل الموضوع من بداية لين يوم جت سُلاف: وهذا الموضوع ياخوي وابي فزعتك
ابو عِنان: ابد انت امر وانا اقول تم
ابو سَهم: ابيك تخلي عندك سُلاف هالفتره عند بناتك لين افهم ام سَهم بالموضوع شوي شوي وارجعها
ابو عِنان صح انه شال هم عياله وانهم بالبيت بس مايقدر يرد اخوه وعضيده: ابد ابشر وتم خل سَهم يجيبها عند البنات
ابو سَهم: مشكور ياخوي ويعطيك العافية ماقصرت
ابتسم ابو عِنان لأبو سَهم وكملًا يتقهوون ويسولفون
-
بيت ابو سَهم
وعد فهمتها كل شي وانها بتروح تعيش ببيت عمها فترة لين تليّن ام سَهم ويرجعونها وسُلاف تقبلت الموضوع على طول وهي تحب دلال وجود وتحب جلستهم وانبسطت
-بيت ابو حمد
انصدموا خواته من اللي قاعدين يسمعونه واستغربوا ليه انفعل لذي الدرجة حمد الموضوع كان عادي وكان يقدر يسكته بدون هالمشاكل وتكبير السالفه دخل حمد غرفته وسكر الباب بكل قوته وكلهم خافوا من صوت الباب قامت حنين وطقت الباب عليه ووصلها صوته
حمد:خخييييرررر
حنين:حمد افتح انا حنين
حمد: حنين مالي خلقتس بالله روحي لسربوت خليه يوديكم انا ماالي خخلقق اططلععع
-
حنين بادرت بالسؤال السؤال اللي صدم حمد ولاا قدر يفتح فمه بكلمه وكأنه يحس ان لسانه صار ثقيل من كبر السؤال عليه
-
بيت ابو عِنان
دلال: هلا هلا والله بسُلاف
سُلاف ضحكت وهي تحاول تتقمس لهجتهم وتتكلم نفسهم:هلابس
دلال ضحكت:هلابتس مو هلابس
ضحكت سُلاف: اريد ان اتعلم لم اعرف كثيرًا إلى الآن
دلال: معذروه يحبي عادي نعلمتس هنا اصبري علي شهر بس اخليتس من اهل الديره ابًا عن جد
ضحكت سُلاف وكملوا سوالف وقاموا يتمشون بالبيت وتوريها دلال بيتهم
دلال: هذي غرفة عِنان اخوي الكبير يشتغل ضابط بالرياض وهو ماهو فيه الحين
وهذي غرفة هتان اخوي الثاني يشتغل دكتور وبعد بالرياض
هذي غرفة عزوزي عبدالعزيز يشتغل محامي بالرياض
ضحكت سُلاف: لماذا لا تذهبون إلى الرياض جميعهم هُناك
بادلتها دلال بالضحك: ادري بس حكم القوي على الضعيف وش نسوي مانقدر
وهذي غرفتي انا وجويد طبعًا هي نايمه الحين اذا صحت اوريتس الغرفه
ونزلوا تحت للحوش
وهذا الحوش وفيه ورا حديقة لااخوي عِنان ومااحد يقدر ولا يفكر يوصل لها هو يحب الورد عشان كذا مسوي له حديقة صغيره بأخر الحوش "مسكت يد سُلاف وصارت تمشي بسرعه" امشي امشي نشوفها
شوي سمعت صوت امها
دلال: اصبري شوي سُلاف واجيتس
ركضت لاامها: سمي يمه لبيه
ام عِنان: روحي جيبي لي اغراض للخياطه عند حنين شاريتها لي ولا عندها احد يجيبها
دلال: ابشري الحين البس عبايتي واخلي احد يوصلني واجيبها
راحت دلال تلبس عبايتها وطلعت ولقت هتان عند الباب ووصلها لبيت ابو حمد
-
بيت
ابو سَهم
وعد بحزن:فاقده سُلاف
ضحك سَهم: مسرع تعودتي عليها لدرجة ماتقدرين بدونها
وعد وفيه فيها غصه: والله تعودت عليها مره
سَهم: روحي شوي لبيت عني فهد واجلسي معها
وعد انبسطت: صدقققق
-
سَهم ضحك: اي صدق وانا بوديتس
ركضت وعد تلبس عبايتها وصرخ سَهم بضحك: قلت لتس شوي مو الحين
وعد بصراخ: مااتحمممللللل
ضحك سَهم طول صوته: مريضه والله
-
بيت ابو حمد
سؤال حنين للحين يتردد برأسه منعه من النطق ماحس الا بصوتها
:حمد افتح خلنا نتفاهم
حمد: تكفين ياحنين ماني رايق
حنين:ماراح اتحرك لين تجاوبني على سؤالييي
بحركة سويعه فتح حمد الباب: نعم اخلصي عشان تشرفين عني
حنين: تحب دلال عشان كذا غرت عليها من فيصل؟
حمد بصرامة: لا مااحبها ولا اطيقها ولا ابيها طويلة لسان وقليلة ادب وماتستحي لا شكل ولا اسلوب ولا شي احبها عشان ايش بالضبط فهميني ويوم دافعت عنها عند فيصل لان فبصل خسيس وراعي بنات مو حبًا فيها فهمتتيييي؟؟؟؟؟"دفها بعدها عن طريقه"بعدي عني بطلع ماني فاضي لك ولا لها
حنين فتحت عيونها بذهول وكانت مصدومه من اللي يقوله حمد والكلام اللي عن دلال وصدمة حنين ماكنت ابدًا تقل عن صدمة دلال اللي كانت عند الباب وسمعت كللل شييي حطت يدها على فمها تمنع شهقاتها تطلع ودموعها بدت تنزل بشكل كبير طلع حمد وشاف دلال عند الباب حاطه يدها على فمها ودموعها تنزل صحت على نفسها وتذكرت انها منزله غطاها رفعته وتغطت وطلعت من. البيت
دلال: هتان يلا بنمشي
هتان: وين اغراض امي؟
دلال: حنين تقول بكره تجينا وتجيهم
هتان حس بنبرة صوتها شي او انها تبكي مسك وجهها بكفه ولفه لوجهه:دلال فيتس شي وش بتس وليه صوتتس كذا
دلال: مافيني شي يلا بنمشي
مشوا للبيت وهتان حاس ان فيها شي بس ماحب يضغط عليها وبيخلي جود تفهم له الموضوع
حمد لازال بمكانه متجمد ويهمس:معقوله سمعتني؟ ياراسي لو سمعتني والله ماقصدت لحظة تهور وغضب من اللي سواه فيصل اهخخ ياربي ليكون سمعتني يارب والله ان سمعتني فأنا خسرتها طول عمري الله ياخذ غبائك ياحمد الله ياخذه وطلع من البيت وهو مقرر يروح الرياض وبيطلع ويرتاح