جيتني من أقصى دنياي...وصرت الدنيا بعيوني

البارت-51

-
الرياض
ام صقر وضيّ يتقهوون بالصاله
رفعت رأسها ام صقر علو جوالها
اللي يدق وشافت الأسم
"ام سَهم " ابتسمت وردت
عليها : هلا والله ام سَهم
ضيّ رفعت عيونها على
امها يوم سمعت اسم
ام سَهم: هلابك زود ياام صقر شلونكم وش اخباركم؟
ام صقر:بخير الحمدلله انتم شلونكم؟
ام سَهم: والله الحمدلله تمام "سكتت شوي وكملت" والله كلمتتس بقول لتس نبي فندق قريب منكم
ام صقر: عسى ماشر ليه؟
ام سَهم ضحكت: ماشر ان شاءالله بس عشان تعرفين بكره الملكه وبنمشي الحين للرياض
ام صقر: افا ياام سَهم تعالوا عندنا وش له الفنادق
ام سَهم: لا والله نبي نريحكم ونرتاح واكيد عندكن تجهيزات وشغل
ضحكت ام صقر: اقول بس ان شاءالله
مايردكم شي عن بيتنا تعالوا عندنا لكن جناح كامل
ام سَهم استحت من إصرارها: اجل ان شاءالله
ام صقر: ننتظركم
ام سَهم: فمان الله
سكرت والتفت لضيّ: قومييي بسرعه قولي للخدم ينظفون الجناح المسكر
ضيّ تسوي نفسها ماتعرف: ليه ؟
ام صقر: بيجون عندنا اهل سَهم
ولا نسيتي بكره ملكك
ضيّ فزّت: تمام بقول لهم
-
الديره
صحى من نومه وهو يحس رأسه
مصدع فتح جواله وشاف
رسالة من خويه صقر وكان
محتواها" حجزت لك على دُبي يرضيك كذا؟"
رد عليه بسرعه" اي مشكور ماقصرت تعبتك معي "
سكر جواله وقام يتروش
ويصلي اللي فاته وطلع شنطته
من فوق ورماها على السرير وفتحها
فتح الدلاوب وصار يحط ملابسه
اللي كلها عباره عن"ثياب وشمغ "
لفت انتباهه فستان اصفر كان لسُلاف
اخذه وصار يتأمله ويتذكر شكلها
فيه قربه له وصار يّشم ريحتها
ابتسم وحطه بين ملابسه سكر
شنطته وطلع حط شنطته ورا
وركب انتبه لبراء جاي لعنده وقف
ينتظره ووصل عنده: هلا براء
براء استغرب من شنطته: وين رايح؟
عِنان: طالع من الديره
انصدم براء ماتوقع هالتصرف من عِنان: افا ليه
عِنان صرخ بوجهه: افا ليه توك تقول افا ليه توها تطري عليك؟؟؟ يوم كلكم مسحوا فيني الأرض
وماباقي ادمي بالديره مااعتذرت منه انت امي سُلاف ابوك سَهم باقي تركي وينه طلعوه خلوني اعتذر منه
وامك ومن باقي بعد اي بعد ابوي تبي اعتذر قبل اروح
براء كان مصدوم لان مو عِنان اللي يعرفه: عِنان
عِنان تنرفز: عِنان عِنان عِنان هاه شتبي انا ماعاد لي مكان بينكم ابد "التفت بيركب السيارة ورجع التفت لبراء"
وصح قول لااختك اني طلعت من الديره ومن السعودية كلها خلها تاخذ راحتها واسف
ركب سيارته ومشى طالع من الديره بدون مايسلم على اذوه ولا حتى يبوس رأس امه مشى وبراء واقف
مكانه ومصدوم طلع من الديره وهو يضرب الدركسون طلع بدون مايسلم عليها او يودع عيونها اللي يحبها
صرخ صرخه بكل ماعطاه ربي من قوه صرخ وهو يحس عروقه بتطلع من مكانها نزلت دمعته على خدته ومسحها بسرعه
وكأنه بيبيّن لنفسه انه قوي ومحد يقدر يبكيه او ينزل دمعته حتى الحب وحتى الشوق وحتى الوداع مشى بطريقه لرياض رامي كل ماضيه وراه......
-
بيت ابو سَهم
كانوا مجتمعين على الغداء دخل براء ووجه واضح صاير له شي التفت له امه : تعال تغداء ماتغديت عشان بنمشي لرياض
براء: مو مشتهي
ام سَهم: شفيك شفيه وجهك مقلوب صاير شي؟
براء: عِنان
التفت اول ماسمعت اسمه فزّ فيها شي تداركت نفسها وشافت محد سأل وتكلمت: شفيه؟
التفت لها براء : سافر
رفعت حاجبها بأستغراب: ليه سافر ووين؟
براء: وين مدري بس برا السعوديه وليه مدري الصدق بعد بس يقول ماله مكان بيننا وخلاص بيروح وماعاد بيرجع
طاحت اللقمة من يدها وقامت وراحت للغرفه  سكرت الباب بقوه وصارت تبكي وانهارت بكي
ابو سَهم: الله يهديك ليه تقول قدامها
براء: معليش والله توقعت ماتهتم
ابو سَهم: خلاص روح ركب الأغراض مع سَهم دامك ماتبي غداء عشان نخلص ونمشي
براء: ابشر
اما عند سُلاف ؟ صارت تبكي بشكل مو طبيعي وتشهق بقوه صارت تسأل نفسها ليه تبكين
عليه ليه وهو سبب اللي انتي فيه الحين لييه ياسُلاف ليييييه ليه تبكين علييه وش هالشي اللي يداخلك تضايق
وش هالشي اللي زعل وخلاك تبكين لييييييه حطت يدها على وجهها وصارت تبكي اكثر من قبل دخلت عليها
اديم وشافها تبكي بشكل قوي تقدمت وحضنتها: تكفين خلاص سُلاف عذبتي نفستس بالبكي تكفين
سُلاف: ليه ابكي عليه لييييييهه
أديم: خلاص ماعليتس منه قومي وغسلي عشان بنمشي يلا ترضين تعكرين على اخوتس جوه؟
قامت سُلاف وراحت الحمام غسلت وجهها وطلعوا....
-
وصل لرياض والدنيا بكبرها
ضايقه فيه وقف سيارته ونزل للمطار
وجلس ينتظر وقت طيارته اللي باقي عليها
ساعة رفع رأسه فوق وتنهد
بقوه وهمس: يارب مااندم ن
زل رأسه على جواله اللي يدق
وشافه "سَهم" رد عليه: هلا
سَهم: السلام عليكم
عِنان: عليكم السلام
سَهم: صحيح اللي سمعته من براء؟
عِنان ابتسم على جنب بسخرية: ماشاءالله انتشر الخبر
سَهم بحدة صوته: صصحيحح!!
عِنان: صحيح
سَهم: يعني ماراح تحضر ملكة اخوك وولد عمك كذا تتركني بهاليوم بكل بساطة؟
انصدم عِنان ان ملكته اليوم : ماكنت ادري انها اليوم ومن قوة مااني مهم عندكم محد قال لي عنها
اصلًا عمومًا الله يوفقك يارب وييسر لك ويجعلها زواج الدهر واعذرني.
سَهم حس بحرج لان فعلًا محد قال لعِنان عن شي : معذور بس لا تسافر
عِنان: مالي مكان بينكم بس لو سمحت ابي اكلم سُلاف اذا هي معك
سَهم مارد ومدّ الجوال لسُلاف: كلمي عِنان
حطته على أذنها : هلا
عِنان : بقول لك كم شي وذي اخر مره
يمكن تسمعين فيها صوتي اول شي
اسف على كل شي صار ولو كان بسببي
او مو بسببي ثاني شي اتمنى تستمتعين بحياتك
مابقى احد مااعتذرت له عشان ترجعين لي
أهنت نفسي وكرامتي ونزلتها عشانتس
واعتذرت لكل شخص له صله فيتس
لكن مافاد قررت اطلع من الديره
ومن السعودية كلها وحتى رقمي بغيره
وكل شي بتغير اتمنى تكون حياتتس حلوه بدوني
وربي يعلم بالنية وصح لا انسى مفتاح بيتنا
او بيتتس خليته تحت الباب روحي
خوذيه وخليه معتس اذا ودتتس لاني ادري
ان ام سَهم تزعجتتس كثير وماترتاحين
يمديتس تسكنين فيه مرتاحه عِنان
ماعاد فيه وابي اطلب منتس طلب
بسمع صوتتس قبل اسكر
سكتت ماكانت تقدر تتكلم لو تكلمت
بكت وكمل: ماراح تسمعيني يعني ؟
كانت ساكته ولا تكلمت ابد : طيب براحتتس فمان الله
سكر المكالمة وهي ماقدرت تنطق حرف واحد ندمت انها ماتكلمت نزلت دموعها يوم سمعت
صوته صوت له حنين بداخلها كملوا
الطريق وسُلاف تبكي بصمت....
انا عند عِنان؟ سمع التصويت لرحلته
قام واخذ اغراضه ومشى جهة الطيارة
يحس بثقل برجلينه لكن كمل وركب الطيارة
وجلس بمكانه عند الشباك صار يتأمل
الناس وبعد وقت بدت تطير الطيارة
وصار يتأمل الرياض من بعيد
وهمس:احفظيها يالرياض تحت سماك
ماعاد هو لي ولا عاد اعرف اخباره
سند رأسه على الكرسي ونام...
-
صباح اليوم الثاني
اليوم المُميز بالنسبه للكل
وبالنسبه لسَهم ولضيّ اكثر من باقي الناس
هل نامون امس؟ او جفى عيونهم النوم
من الحماس والفرحة والحب
الكل نايم وبداخله حب كبير لشخص
مُعين نفس جسار اللي ماقدر ينام
وهو يدري انها تنام معه بنفس البيت
واديم بعد اللي جفى عيونها النوم من الحب
العميق بقلوبهم الكل صحى او الكل صاحي
اصلًا بدوا تجهيزات وتحضير للملكة
وكل البنات متهتمين لتزيين مع ضيّ
ويهتمون لكل شي وكل شي تضبط
وصار نفس ماتبي ضيّ واكثر وأرضاها أتم الرضا
~المغرب 7:00
كانت واقفه على الكرسي المُخصص للعروسه وينتظرون العريس يملك ويدخل
-
عند الرجال
الشيخ جالس ويمينه سَهم
ويساره خالد ابو صقر وبدا يملك
لهم فتح الدفتر وبدأ: بسم الله وعلى بركة الله إن الحمدلله نحمده ونستعينه ونستغفره
وبدأ يقرا أيات لعقد النكاح
التفت لاابو صقر: قُل لهُ زوجتك أبنتي ضيّ على سنة الله ورسوله
ابو صقر: زوجتك ابنتي ضيّ على سنة الله ورسولة
التفت لسَهم: قُل لهُ قبلت أبنتك زوجةً لي
ماقدر يخفي ابتسامته ابتسم: قبلت أبنتك زوجةً لي
الشيخ: وبحضور الشهود وعلى بركة الله أعلنكم زوجين "التفت لسَهم" مبروك ياولدي مبروك الله يوفقكم يارب
ابتسم سَهم : امين مشكور ماقصرت
وقامرا يسلمون على بعض ويباركون لسَهم قرب جسار من سَهم: يلا عشان تدخل
سَهم: يلا قول لهم انا جاهز
جسار: يلا امش حتى هم جاهزين
دخل سَهم وتغطوا والبنات
ودخل وتدم وقف جنبها
ابتسم وقرب وبأس راسها: مبروك علي انتي
اشتغلت الأغنية اللي بأختيار ضيّ
"اخر عناقيد البنات
ليلة فرحها يوم جات
وغنها لها كل الوجود....
ريح السنابل والزهر
الليل اجمل مايكون
اذا لها كان السهر....
توقف لها وترسل سلام
لعيونها تصفا السماء
وبأسمها يشقى الظلام...
الله يوفق دربها
ويااللي قلبه حبها
والله يتمم بالهنا فرح وسعادة قلبها"
ابتسمت ونزلت رأسها بخجل
جابت ام سَهم الخواتم: يلا ياابوي عشان تلبسون بعض
تقدم سَهم واخذ الخاتم والتفت لها
ومسك يدها ولبسها الخاتم: يزهى والله
تقدمت واخذت الخاتم ومسكت يده
وهي ترجف ولبسته والبنات يصفقون ومبسوطين
جلسوا وصارت اديم تقطع الكيكة
وتعطيهم وصاروا يأكلون بعض
وبعد الوقت الحلو طلع سَهم لرجال عشان البنات ياخذون راحتهم
وصارت ترقص هي والبنات
ويصورون ومبسوطات جدًا ...
-
دُبي 9:00
صحى من النوم صحصح
وهو يتسوعب وين قام وتأفف
بضيق وراح للحمام وشاف وجهه
ووضح له كيف بكاء قبل ينام غسل
وتوضى وصار يصلي وطلع يشوف الأماكن
والاشياء وياكل لانه من امس مو ماكل
شي شاف مطعم قريب للفندق دخل
وصدم ببنت وهو مو شايف:معليش اسف
البنت: لا عادي شكلك واضح تعبان
عِنان:لا معليك
تقدم وجلس على طاوله
وعيون البنت تراقبه وواضح التعب بعيونه
وبوجهه كامل اكل وخلص وطلع
وصار يتمشى والجو البارد عليه
صار يشد على الجاكيت اللي لابسها
فوق ثوبه ويتمشى ومايهتم للهوى
اللي يضرب وجهه والبرد اللي
جمد عظامه كان التعب والزعل وكل شي
منسيه العالم اللي حوله حس ماله نفس
يتمشى ورجع للفندق دخل وشاف نفس البنت
اللي بالمطعم ابتسمت له التفت ومشى
وراح لغرفته وهو يفكر
مين ذي وليه كل مره يشوفها
وصار بتذكر وين اول مره شافها
وتذكر انه شافها بالمطار اول مانزل
تنهد بضيق وماحس بنفسه
ونام وهو روتينه صاير بس
نوم نوم نوم ماعنده شي يسويه ابدًا
-
انتهى اليوم الحلو بكل شعور
فيه وبكل حب وبكل فرح والبنات
غيروا لبسهم وقرروا يسهرون
بالسطح لكن اديم نزلت بدون مااحد يحس
عليها توجهت للأسطبل وهي
تدعي ماتشوف جسار بس بتشوف الخيل
مشت بخطوات خفيفه ووصلت للأسطبل
وصارت تناظرهم من برا وتتكلم
معهم وكأنهم يفهمون عليها: تدرون اني احبكم صح؟ بس بعد اخر مره زعلتوني منكم
حيييلللل حيل للحين رجلي توجعني
بسببكم بس يلا عادي افداكم
بس والله اني احبكم بس تدرون
صاحبكم ذا جسار انا مااطيقه
شايف نفسه على مدري ايش
يحسب كل البنات ميتين عليه
اوففف ياليت اخذكم عندي هو كريهه
بس انتم احبكم
فزّت على الصوت اللي جاء
من وراها: صاحبهم ايش فيه؟
اديم بتوتر: هاه لا يعني وش مافيه شي مافيه شي
جسار يمثل العصبيه: اجل صاحبهم ماتحبينه وشايف نفسه واحسب كل البنات ميتين علي؟
اديم صارت تشتت انظارها حول المكان : لا يعني مو قصدي
ضحكت بقوه عليها وخافت
من ضحكته قبل شوي كان معصب
والحين يضحك: فيه شي يضحك؟
جسار وهو يضحك: والله اذا فيه شي يضحك فهو انتي المهم انتبهي ترا فيه خيل جديد ماهو مروض لا يقطعك قطعة قطعة هنا
اديم ضحكت بخفه: يخسى
جسار: لا ادخلي ونشوف
اديم : بجيه بكره تحسب اني بخاف منه يعني بس الحين برجع للبنات
جسار بجديه: لا جد اديم انتبهي ترا صدق ماهو مروض ويمكن يذبحك
اديم: طيب طيب استاذ جسار فهمنا
دخلت للبنات وهو يضحك عليها ....
-
عند ام سَهم بغرفتها رفعت رأسها
على جوالها اللي يدق وشافت الاسم
وكانت"ام وليد" تأففت وهي
تعبانه ماودها تكلم احد
ردت عليها: هلا ام وليد
ام وليد : هلابتس شلونتس؟
ام سَهم: بخير الحمدلله انتم شلونكم
ام وليد: الحمدلله على أحسن حال الا اقول ام سَهم صحيح الخبر اللي سمعته؟
ام سَهم: وشهو؟
ام وليد: طلاق عِنان وسُلاف
تأففت بضيق: اي صحيح
ام وليد: ايييي عشان ودي اخطبها
لولدي وليد اذا خلصت العده
ام سَهم: ابد اذا خلصت العده اخطبوا
ام وليد: ان شاءالله بكلم ابو وليد يكلم ابو سَهم
ام سَهم: اي والله زين وعين سُلاف
بنت ماتتفوت
ام وليد: اي وهذا اللي قلته
يعطيتس العافيه
ام سَهم: الله يعافيتس
سكرت ونزلت جوالها وهي تبتسم
تبي تفتك من سُلاف بأي طريقه ممكنه....

"لا تنسون النجمة حبايبي ورأيكم العسل عشان اتحمس واكمل🫦🤍🤍🤍🤍
وتعالوا انستا لتسريبات والتشبيهات اللذيذة "rwiiai1"🫶🏻🫶🏻🫶🏻