جيتني من أقصى دنياي...وصرت الدنيا بعيوني

البارت-3

-
بعيد جدًا بعيد عن الديرة عن الرياض وعن السعودية
-
إيطاليا
-
{مُلاحظة,يتكلمون باللغة الانجليزية بس انا أفضل اكتبها بالعربي لان مو الكل يعرف يقرأ انجليزي}
-
سُلاف بمكالمة مع المطار: أريد أول طائرة على المملكة العربية السعودية
وصلها الرد:تمام لديك أقرب طائرة غدًا
سُلاف:حسنًا
جوليا:هل انتي متأكده من الذي تفعلينه؟
سُلاف:نعم أريد ان أذهب عند أبي بعد ان توفت أمي وبقيت وحدي ماذا أفعل هُنا؟
جوليا:ماذا بك انني موجوده لأجلك
سُلاف: لا داعي ياخالتي لك أن تذهبي عن اطفالك انا سوف اذهب لأبي
جوليا:حسنًا افعلي ماتُريدين ولكن ماذا تقرأين؟
سُلاف: اقرأ كتب اللغة العربية واسمع لغتهم لكي اتأقلم واتعلم
-
الرياض
عِنان:ترا بكره راجع بترجع معي
براء:اكيد طبعًا هو انا اقدر اخليك؟
عِنان بضحك: خلاص تم نمشي على العصريه
براء:مانسيت شي؟
عِنان:لا وش ناسي؟
براء بزعل:والكشته اللي من امس وانا اطلبك
عِنان بضحكه خفيفه: ابد ابشر بي نروح نكشت بس اول شي بروح البيت لااهلي بعدين تاخذ عزيز وحمد اذا بيروحون ونروح
براء بفرح:خلاص تمم
-
الديرة
دلا:وعد طلبتتس نامي عندنا اليوم
وعد:حبيبتي مره مالي خلق اتهاوش مع امي بس بكره تعالوا عندنا عازمتكم
حنين تنحنحت:هو لنا نصيب من العزيمه؟
وعد بضحك:انتِ اساس العزيمه
دلال:عفوًا مين اساس العزيمه
وعد:انتي ياحلوتي
حنين بضحك:ام وجهين
-
من بكره العصر دخل عِنان وبراء الحارة
حمد وعزيز بصوت واحد: ياهلا باللي نوروا الديرة
عِنان وبراء:نوركم يابعدي
وقفوا عندهم يسولفون شوي
حمد:كيف الدوام ياضباطنا
عِنان:ابد والله كل شي تمام التمام الحمدلله
حمد:الحمدلله وليش ياعريس ماعلمتنا بخطبتك؟
عِنان بصدمه فتح عيونه بذهول:خطبه؟؟؟
حمد وكأنه انصدم ان عِنان مايدري:اي ابوك قال لاابوي والملكة الاسبوع الجاي
عِنان لف لبراء وهم كان منصعق من الخبر: براء وش السوات وش نسوي الحين حددوا حتى الملكة
براء بصدمه:روح لبيتهم وانا بروح لبيتنا وكل واحد يتصرف باللي عنده
عِنان:زين زين
-
دخل عِنان البيت واعتلى صوته:يااهل البيت
تجمعوا خواته حوله
دلال:هلا هلا بنور البيت اشتقنا
عِنان بأبتسامه: النور نوركم وانا والله اشتقت لكم
جود: هلا بحبيبي هلا
عِنان:هلا فيتس يروح حبيبتس
ام عِنان:هلا بوليدي
عِنان:هلابتس ياميمتي شلونتس بشريني عنتس
ام عِنان:بخير عساك بخير
عِنان بعضبية: يمه وش اللي صاير وانا مدري عنه وش سالفة هالخطبه اللي حتى بدون شوري؟؟؟
ام عِنان:ياوليدي انت كبرت وخلاص عمرك بيطق ال34 وانت ماتزوجت ولا شفت عيالك
عِنان:بس ماتخطبين لي بدون شوري وتحددون الملكة وكأن مالي شور بهالبيت ابد
ام عِنان:ليه وعد يعيبها شي؟
عِنان:انا ماقلت شي بـ وعد ووعد تنشرو بالغالي وهي اخت اغلى اخوياي بس يمه الزواج بكبره انا ماابيه ماابيه
التفت على صوت ابوه وراه اللي سمع كل الكلام بينهم
ابو عِنان:بتتزوج وعد وغصبًا عليك انا خطبتها وعطيناهم كلمة وكلمة الرجال ماتنرد تفهم ياعِنان ولا لا
عِنان:يايبه ماقلت شي بس مافيه شي غصب وانا ماابي اتزوج مااسست نفسي ولا كونتها ولا حتى استعديت لهالشي طيب كان عطيتوني خبر افكر طول هالفترة
ابو عِنان: شف ياعِنان اخر الكلام بتكسر كلمتي "اشر ابو عِنان على باب البيت"هذا الباب يتعذرك
عِنان:تطردني يبه عشان زواج؟
ابو عِنان:اي اطردك ولا اخليك تكسر كلمتي
عِنان بصمت طلع من البيت وام عِنان كانت خايفه عليه
ام عِنان:فهد ماتحس انك قصيت عليه شوي
ابو عِنان: لا يـ ياسمين ماقسيت هو ماينفع معه الطيب هالولد بس روحي جهزي لي الشاهي والقهوه
ام عِنان بقلة حيلة:زين
-
راح عِنان عند حمد وهو ماوده يروح لبراء ويحرجه معه
حمد:معليه ياخوك هونها وتهون تعرف انت ابوك اقشر ابو شفته بحياتي مع احترامي لك
عِنان تنهد بقوه:حمد احس فيني ضيقة الدنيا ومافيها وش سبب هالضيقه مدري بس ماابي اتزوج
حمد:انت سبب رفضك وعد؟
عِنان: ياخي شفيكم انتم اقول لكم وعد مافيها شي وعد ذهبه واخوها اغلى شخص بحياتي ولو عليها هي والله ماارفض بس انا الزواج بفكره ماابيه ماابي مااحس اني مستعد تكفى ياحمد افهمني
حمد وحس انه ضاق بشكل مو طبيعي بعد ماسمع كلامه حمد:هونها يابعدي وتهون هونها
عِنان:يارب "وبضحكه خفيفه"بس بنام عندك اليوم تستقبلني
ضحك حمد:ياشيخ اذا ماوسعك البيت توسعك العين وحنا الطالعين وانت الداخل
عِنان:مشكور ياحمد مابنسى معروفك لي
حمد:من متى بيننا معروف ياولد العم ابد عيوني لك بس امر
-
من بكره الصبح كل العايلة مجتمعين على الفطور ماعدا عِنان ومحد يتجرأ يقول لاابوهم شي لانه يدري بيكفر فيهم الا شوي سمعوا طق الباب فزت جود تفتح وتتمنى يكون عِنان وفتحت الباب وطلت
جود:عِنان وين.......
انصدمت يوم اكتشفت انه براء
براء بعصبية: انتي شفيتس بس جالسه عند البيبان وتفتحين لرايح والجاي
جود بقهر من كلامه:مالك دخل وبعدين كنت احسبك عِنان اخوي
براء:ترا تقدرين تفتحين الباب بدون ماتطلعين رأسك مو كل مره تفتحين طلعتي هالراس
جود:ومن سوء حظي انك بس انت تطلع قدامي
ضرب براء الباب بقوة لدرجة قطعت نفس جود من الخوف:لييه ناويه غيري يشوفتس شوفي قسم بالله ياجود لو سويتي هالحركة اني لااقول لعِنان وكيفتس
جود بخوف سكرت الباب وسمع صوت باكها من ورا الباب انقهر انه صرخ عليها وهو ماوده لكن الغيره ذبحته كونه يتخيل شخص غيره يشوفها
وقرر يعتذر لكن مو الحين وبطريقه ترضيها
-
بيت ابو سَهم
-
عند وعد
وعد:يمه ماابي عِنان شفيكم علي مافيه شي يجي بالغصب
ام سَهم: وعد خلاص انتهى الموضوع عطينا الناس كلمة وانتهى تبين تكسرين بكلمتي؟؟؟
وعد: يمه تكفين قولي وعد رفضت خليها علي مو عليتس طلبتتس يمه تكفين ماابي عِنان
ام سَهم:عِنان رجال وكل بنت بهالديرة تتمناه وسمعته سابقته على اي اساس ماتبينه؟
وعد:يمه البلاء مو بعِنان انا ماابي اتزوج ماابيييي
جاهم صوت ابو سَهم من وراهم:وعد عِنان بتاخذينه يعني بتاخذينه رضيتي ولا انرضيتي وماعندنا بنات يقولون مانبي حنا قلنا كلمة وعطيناهم موافقه خلاص يعني انتهى الموضوع والملكة الاسبوع الجاي
وعد فتحت عيونها بصدمه وكيف ابوها مايشورها ركضت ودخلت غرفتها واسرع ماانهارت بكي
-
بوسط الحارة وعند الدكان
هتان:شلون الشغل معك وش مسوي وينك مالك حس
مازن:ابد والله الشغل ماخليني اتنفس كل شوي شغل شغل
هتان:وفيصل شلونه معك بالشغل
مازن زفر بضيق:هالفيصل ذا مااعرفه ولا يعرفني مو طبيعي ياكثر مافشلني
هتان:وش مسوي بعد ؟
مازن: يرقم بنات فيه شي غير هالشي يسويه
هتان:استغفرالله هالادمي مدري متى يتعدل وعمي ماهو حوله ولا كان رباه من جديد
مارن: والله انا ماودي اقول له ولا ودي يصير شي بسببي بس فيصل طولها وهي قصيره
هتان تنهد:خلاص ياشيخ ماعليك منه قم قم بقفل المحل ونسري للبيت
مازن:تجي تتقهوى عندي
جاء بيتكلم هتان وقاطعه مازن:طلبتك لا تردني ماعندك شي ولا عندي شي تعال
هتان بضحكه:خلاص تم يلا بقفل ونروح سوا
مازن:تم بسبقك للبيت اخليهم يجهزون القهوه والشاهي
راح مازن للبيت وهتان يقفل المحل ويشك على الأغراض قبل يقفل
وصا مازن للبيت واعتلى صوته:رسل رسسسلل
رسل:هلا مازن شفيك
مازن:جعلني طالبك
رسل :ابشر بي ياخوي امر
مازن بأس رأسها:ياجعلني فداتس سوي لنا قهوة وشاهي
رسل ليه مين بيجيك؟
مازن:هتان
رسل:طيب يلا الحين اروح اسوي لكم
مازن ابتسم وراح يستقبل هتان ويدخله
-
بيت ابو عِنان
دلال بزعل:جويد اشتقت لعِنان مره فاقدته
جود:اههخ يادلال والله واحشني اكثر
دلال:المشكلة ماندري وينه
جود بتفكير:يمكن بيت براء
دلال: صح يمكن طيب كيف بنعرف اذا هو فيها او لا
جود: انا اتصرف
لبست عبايتها وطلعت توجهت لبيت ابو سَهم وطقت الباب
فتح لها براء : هلا مين
جود: ابي وعد
براء:هذا انتي
جود: لو سمحت ابي وعد وخر عني
براء:زعلانه لاني صرخت عليتس امس؟
جود:ومين انت عشان تزعلني مايهمني
براء:جودي
جود توترت من نقطه لااسمها كيف حنون ولامسها ويدها صارت ترجف
انتبه ليدها وهي ترجف وقرب ومسكها
شهقت من الخوف
براء:جودي تطمني مافيه شي يدعي الخوف ابيتس تسمعيني
جود فكت يدها منه وضربته على صدره بعيون دامعه:وخر عني ياللي ماتستحي كيف تمسك يدي حقير ححقيييييررررر
راحت وتركته واقف وحاير وخايف وكان بيراضيها ولعله جاب العيد فيها
رجعت للبيت ركض وانفاسها شوي وتنقطع دخلت وشافتها دلال
دلال: بسم الله عليتس جويد فيتس شي؟
جود وصدرها يطلع وينزل من الركض:لا لا مافيني شي
دلال: تستهبلين شوفي فيك تتنفسين كأن احد يحلقتس
جود:اي كنت خايفه لحالي ورجعت اركض
دلال وهي حاسه ان فيه شي بس سكتت:طيب عِنان عند براء ولا؟
جود: لا ماهو عنده
دلال بأستغراب: غريبه وينه اذا مو عند احب شخص بالدنيا له
جود: طيب يمكن عند حميد
دلال: صح يمكن
جود: روحي شوفي انتِ انا مابروح
دلال: لا خليها بكره اذا مارحع الوقت تأخر شوي
جود: زين يلا ندخل قبل احد يجي