جيتني من أقصى دنياي...وصرت الدنيا بعيوني

البارت-31

-
الديره بيت ابو سَهم
دخلت عليهم وعد وكانت بقمة فرحتها ماتدري كيف تقول لهم ماتدري كيف تعبر عن فرحتها كيف تصارهم ان اخوانها وخواتها بيصيرون خوال لااول مره حست الدنيا ماهي سايعتها ولا راح تاسعهم من الفرحة اللي تغمرهم
وعد بأبتسامه:السلام عليكم
ام سَهم: هلا والله ببنتي عليكم السلام
تقدمت وعد وباست رأس امها والتفت لاابوها وباست رأسه : اخباركم شلونكم
ابو سَهم: بخير يابنتي الحمدلله انتي شلونتس وشلون فواز معتس
وعد جلست جنبهم: بخير الحمدلله كل شي تمام ويسلم عليكم
ابو سَهم: الله يسلمه ويسلمكم ياعيالي
وعد ابتسمت بخجل : قول لي مبروك
ابو سَهم: على وشو يابنتي
وعد التفت لاابوها: بتصير جد "التفت لاامها" بتصيرين جده " والتفت لااديم اللي نايم على الكنب" وهالبقره بتصير خالـ....دخل سَهم قبل تكمل كلمتها وقفت تسلم عليه وتقدم باس رأس امه وابوه:ماشاءالله مين اللي بيصيرون جدان وبتصير خاله
اشرت وعد على امها وابوها واديم ابتسم بفرحة يوم استوعب انها حامل: حااامملل؟؟؟؟
وعد هزت رأسها بأيه تقدم وحضنها:مبروك مبروك واخيرًا بصير خال
ابو سَهم: مبروك يابنتي الله يتمم لك يارب ونشوف ذيّاب بالطريق
التفت له وعد ورفعت حاجبها: حتى انت
سَهم ضحك: شكل فواز ناشب لها بأسم ذيّاب
وعد : اي والله صادق يااخوي ابلشني
اعتلت أصواتهم بالضحك والفرحة اللي قاعده تغمرهم كَون ان عايلتهم بتزيد شخص
ام سَهم ابتسمت وحضنها وعد اللي جالسه جنبها: مبروك مبروك ياامي "التفت لااديم النايمه" يلا عقبال البقره ذيك
فتحت عيونها بتعب ورفعت رأسها:يالليل هالبقره اللي عجزت تنام
سَهم حذف عليها علبة المنديل: قومي شوفي الاخبار الحلوه مو بس نايمه
اديم قامت وهي تحوس بشعرها : وش صاير
سَهم : بتصيرين خاله
اديم شهقت: متى تزوجت ومتى حملت وكيف ؟
سَهم انصدم من غبائها جاء عندها وشد شعرها: اول شي يابقره اذا تزوجت وجاني عيال تصيرين عمتهم مو خالتهم ثانيًا وعد اللي حامل
بعدت عنه وهي تتوجع وشهقت يوم سمعت ان وعد حامل :عمى وجعتني "ركضت لوعد وحضنتها" واااووو مبروك حبي مبروك ليه ماقلتي لي من بدري قبلهم ياييي بصير خاله
بعدت عنها وهي مبسوطه وتنقز من الفرحة: ياربي ياليت سُلاف هنا تعرف بالخبر
التفت لسَهم: تكفى كلم عِنان نبي نكلمها تكفى تكفى تكفى
سَهم خط يده على فهمها: اسكتي شوي يرحم امتس حتى وعد عجزت ترد عليتس
اديم بعدت يده: اههوووه علينا لا تبلشني واتصل على عِنان
طلع جواله من جيبه واتصل على عِنان دقايق ووصله صوته : هلا بالنسيب
عِنان ابتسم للمسمى: عليكم السلام
سَهم : اخباركم اخبارك سُلاف؟
عِنان: بخير الحمدلله كلنا بخير انتم اخباركم واخبار عمي وعمتي
سَهم: ابد والله على مايرضيك بخير الحمدلله
عِنان: الله يجعله دوم يارب
سَهم: اقول عِنان وين سُلاف بنكلمها خواتها بيكلمونها
عِنان: والله انا تحت جالس أخلص إجراءات الخروج وهي فوق ماهي عندي
سَهم : ماشاءالله خلاص كتبوا لها خروج
عِنان: اي والله هذا انا بخلصهم ونطلع
سَهم: اجل زين بشرها وعد اختها حامل
ابتسم عِنان بفرحة: ماشاءالله مبروك مبروك يالخال الله يتمم لهم على خير
سَهم: امين يارب ويلا عقبالك
ضحك عِنان بخفه: امين
سكر جواله والتفت لااديم: خلاص يقول ماهي عنده اذا راح يعلمها وتكلمنا
بالمستشفى بعد ماسكر من سَهم ابتسم للحظات وهو يتخيل انها تحمل وهمس: مستحيل ومنها بعد
خلص إجراءات الخروج ووقع وطلع لها فوق شافها جاهزه ولابسه عبايتها وتنتظره انتبهت له يوم دخل وقفت والتفت لشنطة الصغيره اللي فيه لبسها:شيلها لو سمحت مااقدر انا
عِنان: طيب عندي لتس خبر حلو تبين تسمعينه؟
سُلاف وهي تصد عنه:مااعتقد يجي منك شي حلو
عِنان : طيب مابقول وهو يخص احد من اهلتس
سُلاف خافت:ايش صاير؟
عِنان: مو لازم تعرفين
سُلاف قربت له: عِنان تكفى قول
عِنان وهو يجلس : انسي يلا نطلع تراني تعبت
جلست جنبه وهي تحضنه من الطرف ناظرت له
ببراءه: عِناني
عِنان وهو يبتسم: انسي
سُلاف : بليز عشاني عِناني عِنان بالله يلا يلا ايش ايش صار
عِنان: حط يده على فمها : اسكتي شوي تنفسي
بعد يده عنها: طيب قول وبسكت وعد
عِنان: وعد حامل
شهقت وحطت يدها على فمها وفتحت عيونها بذهول: احلف بالله صادق
ضحك على شكلها: اي والله تو كلمني سَهم وبشريني كان بيكلمتس بس انا كنت تحت مو عندتس
نزلت دموعها من الفرحة اللي تحسها اول مره بتشوف نونو صغير واول مره تجي فرحة لقلبها هالقد فرحانه لانها بتصير خاله لأول مره انتبه لها وقرب يسمح دمعتها بأبهامه : ليه البكي؟
ابتسمت بوسط دموعها : بصير خاله
ابتسم عِنان وهو يبوس جبينها: واحلى خاله
سُلاف: يلا بنروح بسرعه بشوفهم وحشوني
عِنان يلا يروحي
تقدم شال الشنطة ضربت كتفه وابتسمت: لا تعاملني بلطف اخاف منك
رفع حاجبه: تخافين مني؟
سُلاف: مااثق فيك
عِنان: اقول امي لااخرب ملامح وجهتس
طلعوا من المستشفى متوجهين لديره نزلت النقاب والطرحه بما ان محد حولها وكانوا مبسوطين بس مخفين فرحتهم مبسوطه لانها بتصير خاله لأول مره واول نونو تشوفه بحياتها مبسوط لفرحتها اللي مو قادره تخفيها وكل شوي تبتسم وتلتفت لشباك وتحس السيارة مو واسعه فرحتها اببد يبتسم لفرحتها ويفرح لها ويضحك لضحكتها اللي تجبره النفت لها : تبين شي قبل نطلع من الرياض ؟
سُلاف التفت له : لا ماابي شي بس بنروح
عِنان ابتسم: اذا ودتس بشي قولي لاحقه عليهم
سُلاف بحده : عِنان ماابي شي
استغرب لزعلها فجأة وهي توها تبتسم مبسوطه سكت وكمل طريق التفت على صوتها: ترا اول مانوصل بروح اهلي
عِنان ماراح يمانع وعادي كلها يوم يومين وترجع: زين
سُلاف حست انه فهمها غلط ف حبت توضح: مابرجع لك
التفت لها بصدمه : عفوًا ؟
سُلاف حست انها لازم تقوى وتواجهه: اي برجع بيت اهلي ومابرجع لك ابد
عِنان: اذا صار على كيفتس
سُلاف بصراخ: هيييييي انتتت ترا انت تزوجتني عشان تنتقم مني بالكف اللي جاك واعتقد يأخ عِنان اخذت حقك وزيادة ماابيك ماابي ارجع معك انا اكرهك خلاص عااادد
عِنان حس انه انصب عليه مويا بارده بردت كل جسمه بلع ريقه يحس كل الحروف ماراح تكفي ترتب كلامه بداخله همس بداخله حتى انا اكرهها بس ليه مااتقبل هي تكرهني؟ 
حس انه عصب اي كلمه منها ماراح يتحملها ابد وعصبيته يكرهها والكل يكرهها وهو ماوده يطلعه عليها التفت لها : اعدلي كلامتس ليصير لتس شي مايسرتس يابنت
سُلاف: ماراح اسكت وبتوديني
عِنان: اقول لتس للمره المليون اسكتي احسن لتس والله ياسُلاف مايحصل طيب
التفت له وهي تصرخ زيادة : انت اللي اسمعني غصبًا عليك بتوديني لااهلي ماابيك ياخي ماتفهـ..... سكتت وهي مصدومه مسكت خدها حست بحرارة يده عليها صدع رأسها حست الدنيا تدور فيها حست ان نظرها خف غمضت وفتحت وكل شي رجع تمام بس رأسها مصدع كانت مو قادره تبكي من الصدمه وين الشخص الحنون بالمستشفى وين اللي كان يهتم ويداري وين اللي نام الليالي جنبي عدلت جلستها ورجعت مكانها بهدوء ماكانت قادره تبكي ابد مانزلت منها ولا دمعه فاتحه عيونها بصدمه وساكته التفت لها وهو يشوف عم السكوت فيها صارت ساكنه وهاديه تناظر لطريق بفراغ اختفى صوتها وماكان يسمع الا نسمات الهواء رجعت رأسها على ورا واستندت على المرتبة وهي بكامل هدوئها خاف عليها والتفت ومسك وجهها بيده ولفه له وكانت تنزل دموعها بصمت بدون صوت بدون شهقات بدون حركة بدون هواش ولا حتى ضرب وحتى لما لفها له مامنعته كانت ساكنه لدرجة انه خاف عليها قربها له وباس جبينها ورجعها مكانها
نطقت بهدوء:ابي مُسكن
عِنان : شتبين فيه
بمجرد انه سأل انهمرت دموعها حطت يديها على وجهها وصارت تبكي بشكل قوي تبكي تبكي تبكي وماسكتت استغرب من بكاءها وانفجرت فجأة : بنت وش فيتس؟
سُلاف وهي تبكي: رأسي وجعني
فتح عيونه بذهول وهو يهمس بنفسه ياربي كيف نسيت رأسها كيف نسيت انها ممكن تنعمي بسبب ضربتي ممكن تسوء حالتها ياربي كيف فرغت غضبي عليها يارب اتحمل عنادها يارب ومااسوء معها اكثر التفت لها ومسك يدها يهديها: خلينا نوصل تاكلين لتس شي وتاكلينها مايصير تاكلينها على الجوع
سُلاف سحبت يدها منه : بس يوجعني
قرب وباس رأسها: ادري والله بس اصبري لين تاكلين والله مايصير على الجوع ياعمري مايصير
تركت كل الكلام وركزت على "ياعمري" كيف يعاملني بكل قسوته بنفس الوقت يعاملني بكل حنانه مره يضربني وشوي يحضني صدت عنه وتناظر الشباك وتبعد عنه وتقرب للباب شاف انها تهرب منه وقرر يوديها لااهلها تهدى كم يوم ويرجعها.......
-
الديره 9:22
بيت ابو حمد كانوا يتجهزون بيروحون بيت ابو سَهم يستقبلون سُلاف وكانت تتجهز وبالها مو معها تحس انها متضايقه ولا لها خلق تروح ولا تبي تشوف هتان ماتبي تواجهه كل ماتذكرت كلامه تحس الدنيا ضايقه فيها تسوي شكلها وهي سرحانه مالها بالدنيا تفكر اذا كلامها صدق او لا صحت على صوت حنين: رسل وش بتس صار لي ساعة اكلمتس ماتردين
رسل: معليش ماانتبهت
حنين وهي تحس فيها شي: طيب قومي تأخرنا على البنات سُلاف بتوصل
رسل وهي تلبس عبايتها: يلا خلصت اصلًا
طلعوا من البيت متوجهين لبيت ابو سَهم انتبهت لهتان ناظرت له ومحاجرها امتلت دموع مشت ولا التفت له انتبه لدموعها وللكسر بعينها ندم مليون مره لانه شاف الكسره بعيونها ومَن مِين منه هو لو من غيره اهون كيف قال لها بيخطب وهو صح امه خطبت له شَجن بنت جارهم بس هو مايبيها لكن عرفت كيف لو عرفت من خواته الحين........
-
وصلوا لديره وهي بكامل هدوئها وقف عند باب بيت ابو سَهم لبست وفتحت الباب وجت بتنزل مسك يدها ووقف بدون ماتلتفت له : سُلاف
سُلاف نطقت بضيق وهي ماتبي تدخل على اهلها وهي تبكي ف تحاول تتماسك: هلا
عِنان بنبرة تأسف ونبرة حدة بنفس الوقت: انتبهي لنفستس يومين وجاي اخذتس
التفت له وابتسمت بسخرية : تحلم
انصدم من ردها وعصب منها : سُلاف قلت لتس يومين بالكثير وجايتس بلا طولة لسان
سُلاف وهي بنفس نظرة السُخرية: تخسى
فتح عيونه بصدمه من كلمتها توقع ماتعديها بعد اخر مره قالتها سحب يدها ورجعها لمكانها وسكر الباب وقفل السيارة ومشى لبيته التفت له تضربه على كتفه : ياحيوان وين بتروح ودني لااهلي اكرهك ياعديم الكرامة افهم اني اكرهك احفظ كرامتك شوي ورجولتك ورجعنـ... مسك معصمها وبحذة خافت منها بشكل كبير: واللي خلقني ياسُلاف لااربيتس من جديد والله لااخليتس تندمين على كلامتس ولااخليتس تعرفين الكرامة والرجولة وينها فيني وخلي كلمة تخسى تنفعتس والله والله لااوريتس نجوم الليل بعز الظهر يابنت بليس
خافت من نبرة وكلامة ندمت انها قالت كل شي لو سكتت يمديها بين اهلها وناسها سكتت ومابينت ندمها وكأنها قد الكلام ولا همها وصلوا للبيت ونزل وراح لبابها فتحه ومسك يدها ونزلها بشكل قوي وضرب راسها بالسيارة وهي نازله توجعت لكن مابينت سحبها بكل قوته وهي تتوجع وهو مو حاس فيها الغضب معمي عيونه وكأنه نساها ونسى تعبها ونسى كل شي فيها دخل البيت ورماها على الارض وقفل باب البيت ودخلها الغرفه وقفل باب الغرفه بحيث لو تبكي او تصرخ اهله مايسمعون لان بيوتهم ببعض مسك جواله واتصل على ابو سَهم دقايق ووصله صوته: ياهلا بولدي عِنان
عِنان رد بصوت رايق عشان مايوضح عصبيته: هلابك ياعمي
ابو سَهم: وينكم ياولدي ننتظركم
التفت لغرفتها ورجع يتكلم: اعذرني ياعمي سُلاف ماتقدر تجي تعبانه مره وتبي ترتاح بأذن الله اذا ارتاحت تجي
ابو سَهم خاف عليها: بسم لله عليها امها تجيها اذا محتاجه احد
عِنان بحدة: ماقصرت ياعمي بس هي نايمه وتبي ترتاح وقالت لي ماتبي تشوف احد ولا تبي تطلع من البيت هالاسبوع
استغرب ابو سَهم لكن مادقق: ابد براحتها انتبه لها
عِنان :ان شاءالله
سكر الجوال وراح للغرفه شافها تبكي على السرير دخل وقفل الباب وهي ناوي يربيها اليوم..........