جيتني من أقصى دنياي...وصرت الدنيا بعيوني

البارت-27

-
اليوم الثاني يوم السباق يوم الفوز ويوم اللقاء كانت تيشر الساعه لـ 5:00م بغرفة عِنان وسُلاف
سُلاف: عِنان تكفى بروح طلبتك روح معاي طيب
عِنان: لا يعني لا تفهمين ولا ماتفهمين
سُلاف: عِنان البنات كلهم بيروحون تكفى طلبتك
عِنان : سُلاف لا تصجين رأسي ماراح اخليك تروحين سباقات
سُلاف بنبرة بُكاء: يعني ماراح تخليني اروح مع البنات؟
عِنان كان يعرف هالنبره ويكرهها بس مُصر على رأيه: لا ماراح تروحين
سُلاف: طيب "ودخلت غرفتها وبكت على حياتها وحظها مع هالشخص اللي ماتعرفه مره يصير طيب ومره شين وسرعان مانامت من التعب "
كان يسمع صوت بكائها وسمع انها سكتت وعرف انها نامت تأفف وقام وطلع من الغرفه وراح لغرفة اهله
دخل كانوا جالسين يتقهوون وجلس عندهم
عِنان : اخبارتس يمه
ام عِنان: بخير يايمه انت اخبارك
عِنان: تطمني يانظر هالعين
جود: سوسو وينها؟
عِنان: لها اسم وش سوسو؟
جود: المهم وينها؟
عِنان: نايمه
جود: مو من عوايدها وش عندها
عِنان مسك شعرها: مو كل مره اجلس معتس لازم تحققين معي وصل؟
جود وهي تتوجع: عمى خلاص اتركني
ترك شعرها والتفت له: طيب تبون تروحون معنا الحفل؟
عِنان: مين بيروح منكم؟
ابو عِنان: كلنا ان شاءالله بتجون انت وحَرمك؟
عِنان: والله مدري يمكن ويمكن لا
جود: ليه لا خلها تروح معنا
عِنان: مالتس دخل
جود: يبه شوفه خله يجيب سُلاف معنا
ابو عِنان وهو يضحك: اي والله جبها معهم
عِنان: يصير خخيير
قام وطلع من عندهم ورجع لسُلاف ودخل الغرفه وشافها نايمه للحين قرب منها وصار يصحيها
عِنان: سُلاف بنت ياسُلاف
فزت وهي خايفه لانها كانت تحلم قربت منه وحضنته وهي خايفه
قرب وحضنها : بسم الله عليتس لا تخافين انا عِنان
صارت تبكي بكل خوف :لا تخليني تكفى لا تخليني بيذبحني لا تخلينييي
عِنان صار يمسح على رأسها: اهدي محد بيجيتس وانا عندتس
جاب لها مويا وشربت وصحصحت وبعدت عنه:شفيتس ؟
سُلاف: مافيني شي بس حلمت حلم
عِنان: زين تعوذي من بليس
سُلاف :اعوذ بالله من بليس " بعدت عنه وقامت تتروش"
بعد دقايق خلصت ترويش وطلعت وشافته بالصاله لبست ونشفت شعرها وطلعت له
عِنان وهو يناظر الجوال: ترا وافقت تروحين السباق بس عشان خواتي طلبوني
سُلاف بوجهه باهت: اوك
ناظر لها: مااشوفتس مستانسه ماتبين تروحين ؟
سُلاف: ماتبيني اروح مابروح مالي خلق اعاتب واطلب
عِنان:قلت لتس خلاص بتروحين
ماردت عليه وكمل: تعبانه؟
هزت رأسها بـ لا
عِنان: ايش كان الحلم
ناظرت له وضحكت بسخرية : ولا شي
عِنان استغرب نظرتها وضحكتها اللي مليانه سخرية : وش هالنظرات ذي؟؟
سُلاف: لا ابد بس الحلم يذكرني فيك
عِنان رفع حاجبه بأستغراب:يذكرك فيني؟؟
سُلاف ضحكت بسخرية وسكتت
عِنان: ممكن افهم تلميحاتتس ذي؟؟؟؟
سُلاف: ابد حلمت ان زوجي العزيز يضربني
عِنان فتح عيونه بذهول : وش هالحلم
سُلاف قامت للغرفه وناظرته بسخرية: اسأله
لبست عبايتها وهو بمكانه مصدوم من كلامها: قوم ودني للبنات
وقف وطلعوا من الغرفة وهو ماتكلم معها
-
قبل السباق بنص ساعة الساعه 6:30
طلعوا من الفندق ومشوا لمكان السباق وكلهم بسيارة عِنان ونزلوا كلهم الا سُلاف التفت له: ماراح تنزل؟
عِنان: لا عندي شغل وبروح اجيب براء ماني فاضي
سُلاف : طيب جيب براء وتعال ننبسط شوي
عِنان:لا ماابي بس انتي خليتس قريبه لااهلي لا تروحين مكان عندهم تفهمين
سُلاف : زين
جت بتنزل مسك يدها وهو خايف من شي مايدري ايش هو حاس بيصير شي يـ له يـ لها التفت له يوم حست بيده تمسك يدها ونطق: انتبهي لنفستس زين انتبهي لها
سُلاف استغربت اهتمامه وهي اول مره يقولها لها من يوم عرفته : زين معليك
نزلت ودخلت معهم وهو راح لبراء.......
-
بدأ السباق وأصوات التشجيع لفارسنا جسار واخذ النظرة لها وهو يتسابق وهالشي اعطاه تشجيع اكثر من قبل وكمل بكل قوته عشان يفوز ويعطيها الميدالية
ضيّ بصوت عالي وتشجيع : يلا ياجسارييييي ماباقي شيي
التفت لصوتها اللي يعرفه ويحبه ابتسم وهو يشوفها تشجعه بكل مافيها ضربها على رأسها بخفه وناظرت له: قصري حستس
ضيّ: مالك دخل
سَهم: قصريه لااقصه لتس
ناظرته ضيّ بسخرية: اي طيب
رجعت انظارها للسباق وتجشعه ولا عليها منه ولا من غيرته
كلهم كانوا يشجعونه بكل مافيها انتبهت لجوالها كان يدق بأسم "عِنان" ردت عليه ووصلها صوته : سُلاف
سُلاف: هلا
عِنان : اخبارك؟
سُلاف استغربت بزيادة على اهتمامه اليوم فيها : بخير الحمدلله شفيك اليوم مره مهتم
عِنان: لا ولا شي بس حبيت اسأل وخلاص انتبهي لنفستس ويلا باي
سكر وماانتظر منها اي رد .....
انتهى السباق والفائز الأول كان"جسار"
كلهم يصفقون من الفرحه ويصارخون واعتلت أصواتهم الدالة على فرحتهم لجسار ونزلوا اهله وحضنوه وباركوا له ونزلوا ابو سَهم وابو حمد وابو عِنان وعيالهم يباركون له شافها بين كل الناس كان يبيها هي بس تبارك له مستغني عن كل الدنيا ومافيها لها
شافهم ملتهين عنه قرب منها :مافيه مبروك؟
نزلت رأسها بخجل : مبروك الفوز يافارسنا
جسار: مو فارسهم لو سمحتي فارسك انتي بس
ابتسم وناظرت للميدالية: ماشاءالله حلوه
نزلها من رقبته وحطها برقبتها: ماتغلى عليتس يابعد كل الميداليات بحياتي
انصدمت من حركته ونزلتها: لا شدعوه جسار انت تفوز فيها وانا اخذها لا طبعًا
جسار: اذا تغليني خليها عندتس
ابتسمت وحطتها بشنطتها: عمومًا مبروك الفوز يافارسي
ضحك بعلوا صوته من كلمتها اللي حركت فيه كل شي وصار وده يطير من الفرحه اللي بقلبه مشت للبنات راحت عنه
استأذنت سُلاف من البنات وراحت بعيد تكلم خالتها اللي اخذت رقمها وصارت تكلمها
وللحظات صار شي غير متوقع صار انفجار كبير بوسط مضمار الخيول انفجار ناتج عن حقد وكرهه وحسد انفجار تضرروا منه اشخاص
حس بشي ضيق على صدره بدون سبب حس بكتمه حس الدنيا كلها ضايقه فيه حس فيه شي صاير بس مايدري ايش هو........
-
تعالت أصوات الصراخ والخوف دب بقلب كل اللي بالمضمار صار يركض مثل المجنون يدورها لانها مو معهم وصار ينادي بأسمها بدون وعي يدور عليها اكثر من اهلها: اديييييممممممم
ماكان يوصله إي استجابه الا ان اهلها تجمعوا حوله: شفيكك ياجسار
جسار ودموعة تجمعت بمحاجره: اديم مو معنا اديييمم ويينهااااا
ابو سَهم: وانا ولد ابوي بنتي ويينننهااااا
صاروا يركضون ويدورونها ولا حصلوا لها أي أثر جلس حط فوق رأسه وصار يبكي بشكل هستيري جت عنده ضيّ: جسار اسم الله عليك شفيك
جسار: مالقيتها مالقييتههههاااا
ضيّ: المفروض تفرح لانها مو عند الحريق
جسار: طيب وينها اذا مو عند الحريق وييينهاااا
ضيّ: استهدي بالله وقوم كلهم جالسين يدورونها
جسار.قام مع ضيّ وهو مو حاس برجليه وحاس حيله مهدود مهدود حيييللل...
-
نزل يستقبل براء من الدوام وتقدم وحضنه
عِنان: ياهلا والله بولد العم
براء: هلابك والله اخبارك وعلومك
عِنان: ابد والله نبشرك بالخير
براء: عساه دوم يارب "التفت وماشاف معه احد"وين الناس جاي تستقبلني لحالك؟
عِنان: اي والله الباقي عندهم سباق خيل
فتح عيونه بذهول : سباق خيل؟؟؟؟
عِنان: يعني هو لجسار بس اهلنا حاضرين
براء : اها زين يلا نروح لهم
عِنان: صادق تبي نروح لهم؟
براء: امش لااهفك يحسبني امزح
ضحك وتقدم ضرب رأسه بخفه
ركبوا السيارة ومشوا للسباق
-
وصلهم صوت سَهم صوت حرك أنحاء المضمار كلها وهو يصرخ بأسمها ويبكي : ادبيييييممم اديم تكفين قومي يييببهه
ركضوا لعنده وجلس ابو سَهم: اديم اديم تسمعيني اديييمم
ركض جسار وجلس بعيد عنها وهو يشوفها ماكان يقدر يقرب لها مايقدر يلمسها كان يبكي بكل مافيه : اديييمم تكفى يارب ادييم لا ادييييمم
شافهم كلهم جالسه جاء يركض وشالها وصرخ: شفيكم جالسه تتفرجون عليها خلونا نوديها المستشفى
سَهم اشر له بأنه يروح لان مو قادر يوقف بمجرد يتخيل ان اخته تروح شالها جسار وركض فيها لسيارة
وكانت سيارة عِنان على وصول ونزلوا وانصدموا من المنظر جسار شايل اديم ويركبها السيارة ووراه ابو سَهم والبنات  ركض براء عندهم
مسك جسار من ياقته: وش صاير ليه شايل اختيييي وش فيييهههه
جسار نزل رأسه مو قادر يتكلم ترك جسار
والتفت لاابوه :يبه وش صاير فهموني وش صصايييير
ابو سَهم: صار أنفجار بالمضمار واديم أغمى عليها بنروح نشوف شفيها
ركبوا السيارة وانطلقوا كلهم ابو سَهم والبنات مع عِنان وبراء مع جسار
بعد نص ساعة وصلوا للمستشفى ونزلوا ونزل براء اديم وركض فيها لداخل وحطوها بسرير وعلى طول دخلوها العناية لان التنفس عندها ماكان منتظم ابد وينقطع بعض الأوقات جلسوا كلهم قدام غرفتها وهم خايفين وينتظرون الدكتور يطلع ويبشرهم وكلهم خايفين ومافيه اشد من خوف جسار عليها حس الدنيا بتذبحه لو راحت منه او صار لها شي
وانتظروًا ساعة قدام غرفة العناية والكل يدعي وخايف على اديم بعد ساعة طلع الدكتور من الغرفه وقف براء بكل خوف : بشر يادكتور؟؟
الدكتور: لا الحمدلله تطمنوا حالتها مستقره بس التنفس كان فيه مشكلة والحمدلله حليناها وتطمنوا عليها اديم بخير بس لازم تجلس 24 ساعة تحت المراقبة
براء زفر براحة: الحمدلله الحمدلله
التفت عِنان لما حس انهم ناقصين وصار يناظرهم بينهم وانتبه انها مو موجوده فتح عيونه بذهول معقوله ناسينها بمكان السباق ركض على طول ركب السيارة وانطلق للمكان صار يمشي بكل سرعته ويضرب على الدركسون بكل غصب ويهمس بينه وبين نفسه: ليه ليييه ليييه ناسينهااااا وش ممكن صاير لها الحيييينن
صار يمشي بسرعه مجنونه يبي يوصل لها بأسرع وقت
وفعلًا بعد نص ساعه وصل للمكان ونزل يركض لداخل وقفه الحارس: نعم اخوي وش بغيت؟
عِنان: زوجتي داخل ناسينها
الحارس بأستغراب :وكيف تنسى زوجتك بمكان انفجار وممكن يكون صاير لها شيي
عِنان: طيب ماطلب منك تعاتبني ليه ناسيتها افتح  لي البوابة بدخل ادورها
وفعلًا فتح الحارس البوابة ودخل يدورها بكل مكان مثل المجنون ويدور ويدور وشافها شافها بوضع ماكان يبي يشوفها عليه شافها وندم لانه ماانتبه من البداية انها مو معهم شافها طايحه وجوالها طايح جنبهز كان الدم يسيل من تحت رأسها والجرح اللي عند حاجبها وواضح عميق ركض عندها وهو يحس مايقدر لا يشيلها ولا يشيل نفسه اخذ نفس عميق وشالها وركض فيها لسيارة وعلى طول للمستشفى كان يراقبها طول الطريق بالمرايا امتلت السيارة دم نزفت كثير كثيييرر...
وصل للمستشفى نزل وهو يصرخ يجيبون له سرير وفعلًا حطوها فيه وركضوا فيها شافها الدكتور وعلى طول دخلها غرفة العمليات
صار يمشي قدام غرفة العمليات مره مرتين ثلاث اربع مرت ساعة ساعتين وللحين محد طلع له جالس يدعي بكل مافيه وكانوا بالطرف الثاني باقي اهله عند اديم قام وراح لهم وقال لهم اللي صار صار يبكي ابو سَهم بكل مافيه ويصرخ: ليه ليه كل بناتي وكأن الانفجار مستقصدهم لييييييههه
جلس براء جنب ابوه يهديه : يبه لا تعترض على قدر ربي ادعي ربي يقومهم بالسلامة " التفت لعِنان" شلونها الحين؟
عِنان: بغرفة العمليات ماطلعت للحين
براء: زين روح عندها عشان اذا طلع الدكتور يلقاك
عِنان هز رأسه بزين وراح وجلس عند غرفة العمليات ينتظر خروج الدكتور......
-
بالطرف الأخر من المستشفى عند اديم وأهلهم
طلع الدكتور من عندها بعد مافحصها وشاف تنفسها وتقدم لبراء:اختك بخير تقدر تطلعها الصبح
براء : زين جزاك الله خير ماقصرت "التفت براء لجسار" تقدر تاخذ اهلك وتروح ماقصرت
جسار:لا دقيت على صقر بيجي ياخذ الاهل وانا بجلس معكم لين تطلعون
براء:والله مافيه داعي ماقصرت ياجسار روح ارتاح وانا بطمنك
جسار وهو مايبي يحسس براء بشي : زين بس لا تنسى تطمني
براء ابتسم وربت على كتفه: ابشر وماقصرت والله يعطيك العافية
جسار رد له الابتسامة وراح لضيّ اللي جالسه مع وعد وجود ودلال ينتظرون تنحنح وتكلم:ضيّ يلا قومي بنروح
ضيّ: بتطمن على اديم وسُلاف
جسار: البنات يطمنونك قومي يلا الوقت تأخر
قامت ضيّ وراحت مع جسار وركبوا السيارة ومشوا للبيت التفت له مان سارح وماهو معها ابدًا ولا يفكر بأي شي سارح بالطريق اللي قدامه ويناظر اللاشي : جسار حبيبي فيك شي ؟
جسار انتبه لنفسه لما تكلم ضيّ: لا مافيني شي
ضيّ:جسار تكذب على مين قول لي شفيك ؟
جسار بأن الإساءة بعيونه: كسرتني والله هدت حيلي
ضيّ: ميين بسم الله عليك
جسار: اديم
ضيّ: ليه وش صار بينكم؟
جسار: هدت حيلي بطيحتها هدته والله تعبت تعب مايعلم فيه الا الله
ضيّ مدت يدها وهي تمسح على يده: معليه حبيبي هي بخير وقالوا لك وسمعتهم انها بتطلع الصبح يعني ابد مافيه داعي تخاف "التفت له وهي حابه تغير الموضوع" الا تعال الميدالية وينها مااشوفها عشان بسرقها
ابتسم جسار : تصدقين ميداليتي معها
شهقت : ميداليتك مع اديم؟
هز راسه بـ اي وضربتع يخفه على يده : من يوم دخلت سباق الخيول وانا اقول لك ابي وحده من ميدالياتك وتقول لا والحين تعطي اديم بارده مبرده
ضحك وهي فعلًا من زمان تبي منه وحده: اديمي غيرر
ضيّ: ياحظك يـ اديم دام حبك اخوي
ابتسم جسار وهو يقول بنفسه انا المحظوظ مو هي
-
بالمستشفى الساعة 2:00 طلع الدكتور من العملية اللي كانت ساعتين ونص فز وهو خايف خايف لانها طولت داخل خايف تكون راحت خايف من كل شي ممكن يصير لها وهو حاس ان اليوم ماراح يمر مُرور الكرام مسك الدكتور مع يده: بشر تكفى يادكتور ؟؟؟
الدكتور وهو يربت على يده: تطمن ياعِنان سُلاف بخير
عِنان: طيب ليه طولت العملية؟
الدكتور: طولت لان الجروح مره عميقه وخصوصًا جرح الرأس بس لا تخليها تنفعل لان ممكن تفقد نظرها لان الضربه مره قويه على رأسها
عِنان: ابشر يادكتور معليك بس متى تطلع من العناية؟
الدكتور: بأذن الله الصبح لازم تبقى الحين تحت الملاحظة
عِنان: زين اقدر اشوفها؟
الدكتور: اي تقدر بس لا تطول
عِنان: زين ان شاءالله
دخل عندها وكانت هاديه هي وملامحه كانت ماتحس بأحد قرب لها ومسك يدها ونزل رأسه عليها وصار يبوس باطن كفها وهمس: كنت حاس بيصير شي والله كنت حاس اسف لاني ماانتبهت لك اسفف اسف لانك تتعبين كثير بسببي اسف ياقمري بين النجوم اسف
ماكانت تحس فيه ويدري انها ماتحس فيه بس حاب يعتذر لها يعتذر على كل مره تعبها فيها لين طاحت هالطيحه وهي ماطاحت لحالها حتى هو طاح معها وهو بخير
-
اليوم الثاني الساعة 8:30 وقف الدكتور عند باب العناية  وكان عِنان عند الباب يناظرها وماغفت عينه ابد كان جالس طول الليل يشوفها خايف تصحى ومايحس فيها وقف وهو يمسح عيونه
عِنان: هلا يالدكتور
الدكتور: صباح الخير ياعِنان
عِنان بهمس: صباح كل شي الا النور "التفت لها" لان النور طافي وطايح "التفت لدكتور" صباح النور
ربت على كتفه الدكتور: تطمن ياعِنان سُلاف بخير والحين بنطلعها من العناية وان شاءالله ماتطول وتصحى
عِنان: ان شاءالله جزاك الله خير يادكتور
الدكتور: ولو واجبنا
طلعوا سُلاف من غرفة العناية وصار عندها هو جلس وهو يمسك يدها وقف يوم دخل الدكتور : دكتور متى بتصحى بتطول؟
الدكتور: بأذن الله ماراح تطول ياعِنان
ابتسم لدكتور وطلع الدكتور ورجع يمسك يدها ويجلس عندها
-
بالطرف الثاني عن أديم وبراء صحت اديم وكان براء عندها وفز يوم شافها صحت وقرب لها ومسك يدها وبأس رأسها: الحمدلله على سلامتك يروحي
اديم: براء ايش صاير
براء: ارتاحي يروحي ماصار شي ارتاحي
اديم صارت تدمع عيونها :وين البنات وليه انا بالمستشفى مااذكر شي براء
براء : حبيبتي انتي ارتاحي الحين وبقول لك شي بس تصيرين احسن
اديم: وين البنات وين وعد؟
براء ماكان يبي يقول لها عن سُلاف ويدري بحبها لها: البنات اخذهم سَهم ورجعوا للبيت الحين نطلع ونروح لهم
اديم مسكت رأسها: راسي يوجعني
براء: ارتاحي بنادي الدكتور
طلع ينادي لدكتور وجاء الدكتور وفحصها : الحمدلله على سلامتك يااديم الحمدلله كل شي عندك تمام ومافيك شي وهالوجع طبيعي بيجيك بس فترة ويروح وانا بعطيك مسكنات تستمرين عليها وبأذن الله مابيصير الا كل شي
براء: الله يسلمك ويعطيك العافية يادكتور ماقصرت
الدكتور: ولو ذا واجبنا والحين بكتب لها خروج وتقدر تطلع والحمدلله  وياليت تجي يأخ براء عشان تكمل الإجراءات
براء: زين يادكتور جايك"التفت لااديم" انا رايح شوي وبجيك ونطلع ارتاحي
-
الفندق غرفة ابو سَهم
وعد: يبه دق على براء تطمن على اديم صار فيهم
ابو سَهم: كلمتهم يقولون شوي ويطلعون وصحت اديم الحمدلله
وعد: الحمدلله يبه كلم عِنان وشوف سُلاف
ابو سَهم نزل رأسه بأسى: كلمته
وعد: وايش صار؟
ابو سَهم: ماصحت للحين وعلى حالها بس طلعت من غرفة العناية
وعد : يروحي ياسُلاف يارب تقومها بالسلامة
ابو سَهم: الضربه على رأسها مره قويه
وعد: يبه ثق بالله مافيه شي اكبر منه بأذن الله تقوم بالسلامه
ابو سَهم: يارب امييين الله يسمع منك