جيتني من أقصى دنياي...وصرت الدنيا بعيوني

البارت-46

-
الرياض 2:00ص
كان جالس عندها ويقرأ بعض من آيات القرآن ويسرق النظر لملامحها النايمه كل شوي
حس على جواله يتصل لانه حاطه صامت مسكه وشاف أسم "سَهم" قام بعيد عن سُلاف ورد عليه:هلا
سَهم: وينك وشفيها سُلاف؟
عِنان مسح على وجهه لانه مو رايق سَهم مع براء: تقدر تجي الرياض ؟
سَهم: سُلاف فيهاااا ششيي؟؟؟
عِنان: ياوليد سُلاف بخير بس تعال الرياض
سَهم: زين مسافة الطريق وانا عندك
سكر الجوال والتفت لها شافها تحرك رأسها يمين ويسار ركض على طول عندها : سُلاف
سُلاف فتحت عيونها وصارت تمشي يديها بالهواء: عِنان شغل النور
عِنان عرف باللي راح يصير بسبب كلمتها مسك يديها: اهدي لا تنفعلين لان هالشي بيضرتس مابينفعتس
سُلاف : وش تقول انت شغل النور ماني قاعده اشوف شييييي
عِنان حضنها وهمس: انا نظرتس يانظر عيني
سُلاف وكأنها فهمت وكأنه يقول لها انتي انعميتي بعدت عنه صرخت بصدمه صرخت
وملى صوتها الغرفه : لااا لا لاااا مُستححيييللل كيفف كذا لاااا عِنان وششش يعني ماراح اشوف كلللهه بسبببكك
انعميييت ماعاد صرتت اشوفففف"صارت تضرب بالسرير" بععددد عننيييييي كيففف هان عليييك كيف حرام عليك
اخذت كل شي مني حتى نظري اخذته وش باقي بعد تبييي عمرييي؟؟؟ تبيييهه خذهه تكفى وفكننيييي
خلني اموتتت وارتاححح "صارت تضرب رأسها"هالرأس العنيييدد هو اللي وصلني لهنا لو اني جالسه عند خوالي ماصار كذا
لييييه وش الخطاء اللي سويته عشان الكف اللي مني تاخذ كل شي بحياتي حتى النظر عشان كف ياعِنان؟؟؟ الله يكسر يدي يشيخ "
سكتت شوي وتنهدت"تبي ترتاح طيب انتصرت انت اخذت حقك وزيادة عطتني بدال الكف عشر
مره يعطيك العافية اخذت حقك وكثييييرر وكثيييررر الله ياخذننييييي وارتاححح
عِنان ماكان قادر يرد عليها: سُلاف اهدي
سُلاف بصراخ: الله ياخذ سُلاف يشيخخخ اطلع برا ماابي اسمع منك تبرير
عِنان: اهدي تكفين
سُلاف بصراخ أقوى من قبل: اططلعععع ببرااااا اطلععع ماابي اشوفك ولا اسمع صوتكك
ماابيك ماابييييككك اطلع برا " قصرت من صوتها وصارت تتكلم وحيلها مهدود وحطت يدها
على راسها: اطلع برا وريحني تكفى اطلع طلعت روحي يوم اخذت كل اطلع قاعد تخليني اموت وانا حيه اطلععع اططططلععععع
انسدحت على السرير وهمست: اهخخ رأسي
عِنان قرب لها : يوجعك شي
سُلاف: انا مو قلت اطلع اطططلعع قبل مااطلع انا ولا همني
عِنان: لا خلاص ارتاحي بطلع انا
ماطلع كان واقف عندها ويراقب حركاتها بدون صوت منه كانت تهمس بأن رأسها يوجعها
صارت تدور الجرس بيدها تبي تنادي لدكتور وتدور ويدها تضرب السرير وتتوجع لين وصلت للجرس وطقته
وعِنان كان يراقب حركاتها ودمعت عينه يوم ضرب يدها السرير وتوجعت وشكلها وهي تدور الجرس ولا هي لاقيته
جاء الدكتور ودخل : السلام عليكم
على طول ركض له عِنان وهمس بأذنه: تراها ماتدري اني هنا
لا تكلمني بس بشوف حركاتها خايف عليها وتراها انفعلت وصرخت كثير عشان كذا توجعت
الدكتور ابتسم وهز رأسه بـ طيب ومشى لسُلاف : السلام عليكم ياسُلاف
سُلاف: عليكم السلام
الدكتور: ايش يوجعك؟
سُلاف وهي ماسكه رأسها:رأسي
الدكتوره :ماعليه هذا بسبب الانفعال يبي منك راحة بس
سُلاف: زين
انسدحت ورفعت رأسها تناظر السقف او بالاصح الفراغ والظلام نزلت
دمعتها على خدها وشافها وهمس: اسم الله عليتس من الدموع ياجعلها فيني قبل تقبل عليتس
سُلاف: دكتور ببقى كذا طول عمري؟
الدكتور: لا ياسُلاف يمديك تتعالجين بأذن الله
سُلاف: يعطيك العافية بس متى اطلع
الدكتور: راح ترتاحين عندنا فترة بس وتطلعين
سُلاف هزت رأسها ورجعت انسدحت ومستمرة تناظر الفراغ وهو يناظرها .....
-
بيت ام صقر
كانت جالسه بالحوش ولابسه جاكيت لان لَيالِي الشِتاء بدت ومظلمة
الحوش وجالسه على ضوء القمر ولابسه سماعتها وجالسه على الكرسي تتأمل القمر كان الباب يدق ولا كانت تسمعه انتبهت ليد الباب تتحرك وقفت وراحت للباب: مين
سَهم بتردد:انا
ضيّ: ماعليش مااكلم شخص غريب عني وجسار مو فيه
راحت من عند الباب بدون ماتسمع اي كلمة...
تذكر كلامه وهو يقولها "يمكن كلمتي غيري مثل ماكلمتيني وانا ما أحل لتس"
سكت ورجع لسيارته وراح لعِنان ...
-
ص3:30
وصل سَهم للمستشفى ونزل وسأل الاستقبال عن غرفتها وطلع لها مشى وشاف عِنان جالس عند الباب جاء عنده:السلام
عِنان فز: عليكم السلام
سَهم: بّشر شلونها الحين وليه ماانت عندها
عِنان تنهد :ماتبي تشوفني
استغرب سَهم: ليه ماتبي تشوفك؟
عِنان بلع ريقه: لاني سبب اللي هي فيه
سَهم: تكفى تكلم بوضوح لا تشتتني
عِنان: سُلاف فقدت نظرها
فتح عيونه بذهول من اللي قاعد يسمعه: كيييفففف كيف فقدت نظرها ولييييه؟؟
عِنان: صارت مشكلة بيننا وطاحت على الأرض وضربت رأسها الطاولة وصار اللي صار
سَهم مسك رأسه: دايم اعتبرك أخو دنياي واخر شي تمد يدك على اختي "ضحك بسخرية" ماتوقعتك بالحقارة حقير حقير حقير لااخر درجة
عِنان ماكان يرد عليه وملتزم بالصمت وكمل: وين لسانك تكلم ليه تسوي كذا
ليه تستقوي على بنت ماشاءالله تفرد عضلاتك عليها بس "تنهد" يشيخ امسح بوجهي الأرض ان رجعت لك ولو سمحت ورني عرض أكتافك انا بصير معها
ضحك عِنان بسخرية وبخفه: بذي تبطي والله العظيم والله أن تبطي "التفت للغرفه" اذا تبي تشوفها
رجع وجلس على الكرسي وسَهم دخل عند سُلاف....
دخل وشافها منسدحه وتناظر الفراغ وتلعب بأصابع يدها حست بخطوات شخص عندها
وصرخت: انا مووو قللتت للكك تططلعع ماابي اشوففكك "ضحك بسخرية على نفسها" صح نسيت اني مااشوف اصلًا
اطلع برا اطلع بالطيب ولا تطلع بالغصب ياحقييييررر اطططلععع
تقدم سَهم على طول وحضنها: اهدي اهدي انا سَهم ماني عِنان اهدي
سُلاف بكت باللحظة ذي: سَهم سَهم تكفى لا تخليني عنده
سَهم: ابشر يروح سَهم والله مااخليتس والله
سُلاف صارت تبكي أقوى: اخذ نظري ياسَهم اخذ عيوني وش باقي مااخذ وش باقي
سَهم: اهدي قلبي نظرتس بيرجع بأذن الله وعِنان والله احلف لتس يابنت روحي انه راح يندم ندم بحياته ماندمه والله
ماردت عليه وكمل وهو يمسح دموعها: يلا عاد بلا دلع كل هالجمال وتبكين صدق ماتستحين
صارت تضحكك من كلامه : شلون ابكي وانت اخوي الله يخليك لي
سَهم: ويخليك لنا يبعد روح اخوتس
سُلاف: سَهم
سَهم: سّمي امي
سُلاف : ابي اطلع
ضحك سَهم: بلا دلع اقول ارتاحي انتي وبعدين نطلع
سُلاف:طيب انا طفشانه
سَهم: اجيب لتس ضيّ بكره؟
سُلاف انبسطت: صدققق؟؟؟
سَهم: اي والله صدق اجيبها واجيب لتس العايلة كلها لو تبين
حضنته: احبببك
سَهم: وانا اموت فيك
كان يسمع الحوار بينهم لفتت انتباه كلمة"احبك " منها غيييييرر غغيييرر
كان يتمنى لو انها له مو لسَهم ابتسم وهى يسمع ضحكتها اللي تسوى عنه دنيا كامله ....
-
ثاني يوم الصباح 10:10ص
مسك جواله وأتصل عليها مره مرتين ثلاث ماكان يوصله رد منها ركب سيارته وحرك لبيتهم وصل عند البيت وارسل لها رسالة
كانت منسدحه وتتابع التلفزيون ومعها قهوتها لفت انتباهها رسالة مسكت جوالها
وشافت محتواها"خمس دقايق ماطلعتي والله شوفي حلفت لاادخل اطلعتس بروح لسُلاف بعدين تعرفين ليه ولازم انتي معي لازم لازم لازم "
شافت الرسالة وخافت على سُلاف ان فيها شي قامت ولبست على طول وطلعت له.....

"بنوتات لا تنسون تكتبون رأيكم ولا تنسون النجمة اهم شي✨🤍🤍🤍"
تعالوا انستا لتشبيهات والتسريبات اللذيذة "rwiiai1"