جيتني من أقصى دنياي...وصرت الدنيا بعيوني

البارت-59

-
مرت أيام العزاء يوم ورا يوم وخلصت ورجع الكل لحالته الطبيعية الا عِنان وخواته اللي مجروحين جرح مايطيبه الزمن ولا يجبره النسيان,الكل كان نايم عند عِنان حمد وبراء وخواته لان كلهم عارفين ان حالة عِنان أسوء بكثير من حالتهم يحاولون ينبسطون ويغيرون جو عشان عِنان وبس..
جالسين يفطرون بالصالة جود ودلال وعِنان جت جود حامله الفطور بيديها نزلت قدامه والتفت لدلال وهزت رأسها بمعنى تقرب عشانه لان عِنان طول الفترة ماكان يأكل شي ويغمى عليه ويصحى ولا ياكل قربت دلال وصاروا يبتسمون صح من ورا قلوبهم لكن يحاولون...
جود ابتسمت: يلا عاد ذا طبخي بزعل لو ماتاكل صار لك فترة ماذقت طبخي
عِنان مارد وكملت: عِنانييييي يلا عاد ولا بنادي لك براء يتهاوش معك ويأكلك غصب
عِنان مسح عيونه: مو مشتهي
جود: عشاني طيب اختك مالها خاطر؟
عِنان مسح على شعرها: والله ياجويد مالي فيه يعطيك العافية افطري انتي ودلال"التفت لدلال" وانتي بالذات عشان بنشوف الحلو قريب
دلال ابتسمت بغصه: ابشر يروحي
قام من عندهم وراح غرفته وطلعت جود لبراء بالمجلس دقت الباب وطلع لها : سّمي
جود: تعال لعِنان ماهو راضي يأكل حاول فيه
براء تنهد: عِنان عنيد والله محد بيقدر عليه
جود تنهدت: بيقدر عليه شخص واحد بس ماهو فيه
براء: سُلاف؟
هزت راسها بـ اي: اي محد يقدر غيرها بس وينها
براء: بحاول اعرف شي عنها بس بسألك وين اهل امها؟
جود: بإيطاليا بس وش بتسوي؟
براء: شوفي لي دّرب بدخل لعِنان
جود: تمام بدخل انتظر دقيقه وادخل
دخلت وبعد دقيقه دخل وراها وشاف الفطور عند الباب اخذه ودخل عليه وصار يصفر بقوه: هلا يالحبيب صح النوم صباح الخير
عِنان كان بقمة هدوئه وكمل: وليه ماتجيب لي فطور وشو عدوكم نايم عندكم ناس ماتستحي يخلون ضيفهم جوعان
عِنان ناظر للفطور اللي بينهم على السرير: افطر
شهق بقوه براء: تخسى افطر بدونك
مسك وجهه ولفه له وحط عيونه بعيون عِنان: شف عشان تقتنع والله والله والله واللي رفع سبع وبسط سبع وخلق الارض والسماء والناس ماتدخل فمي اللقمة بدونك والله
عِنان تأتفف بضيق لانه حلف :يابراء ليه الحلفان ياخي خلاص قلت ماابي مو غصب هو
براء: خلاص اوك نموت جوع سوا ماتموت لحالك
عِنان تنهد بضيق ومد يدق للفطور وبدأ ياكل وانبسط وصار ياكل معه ويدخل لقمة بفم عِنان ويتهاوشون كالعادة واول مره يشوف عِنان يضحك بعد اللي صار له
كانت جود تتسمع لهم برا وانبسطت يوم سمعت ضحك عِنان وهواشه هو وبراء ابتسمت وهمست: ياحظ قلبي دامك بتكون حبيبه وياحظي بك كأنك تحبني
-
بعيد عن السعودية
~إيطاليا
بالمستشفى
كانت منسدحه وتبكي ومحد فهم ليه البكي وتوقعوا عشان الطيحة بس كانت خفيفه على رأسها مُجرد جرح خفيف بس هي كانت تبكي من فرحها رجع لها نظرها صارت تشوف العالم والناس والتفاصيل توقعت لازم تتعالج بس ربي كتب لها علاج بدون مستشفى صارت تحمد الله بصوت عالي وتبكي ومنهاره فرح مو زعل ابد ولا وجع ماتتخيل ردة فعل عِنان لو يشوفها ابتسمت بقوه وطلعت وصارت تدور بالشارع قدام المستشفى الكل استغرب بس هي ماكانت تشوف الكل ابد كانت تشوف فرحتها وتتخيل فرحة عِنان والبنات وخدامتها والسواق اكيد كانوا اول المشاركين بالفرحة ويرقصون معها تحت الثلج ركضت لسيارة وشغلت اغنيتها المُفضلة وصارت ترقص وميته فرح وصارت تشوف تفاصيل الثلج والناس والعالم " حلوه الدنيا حلوه سوا قلبي وقلبك فوق الهوى"
ماكانت توصف مشاعرها وفرحتها وحبها للحياة باللحظة كانت اكثر شي تحتاجه جنبها "عِنان" وبسسس
اخذت جوالها من الخدامة وفتحته على طول وهي تتأمل اسمه بس ماحبت تكلمه وحبت تسويها مُفاجأة وانتقلت لااسم ضيّ ودقت عليها.....
-
السعودية
~عند ضيّ وسَهم بالرياض
-
جالسه وتفطر وماكنت أقل حال من سَهم بالزعل والحزن زعلانين على عِنان وخواته او عِنام بالأصح الكل حزنان على حالته وحاس فيه ومقدر شعوره صحت من سرحانها على صوت جوالها يدق شافت اسمها نزلت لقمتها على طول من يدها وردت عليها : سسُلاففف اهلًا حبيبتي اهلًا
سُلاف ابتسمت بقوه: اهخخ ياضيّ لو تدرين وش صاير اهخخ بس
ضيّ: بين مو صوتك مبسوطه ايش صاير؟
سُلاف: بس امنتك بالله بيننا؟
ضيّ: اي والله قولي
سُلاف : رجع لي نظري بس لا تعلمين احد بسويها له مُفاجأة
ضيّ شهقت بقوه وحطت يدها على فمها بحيث ان سَهم مايسمعها : احلفييييي بالله تكفين لا تكذبين ولا تمزحين
سُلاف: وربي ماامزح والله بس ارجع السعودية وافهمكم كل شي
ضيّ: بترجعيييننن!!!!
سُلاف: اي حجزت طيارة وطيارتي بكره الصبح ان شاءالله
ضيّ: يقلبي انتي يافرحة قلبك ياعِنان اخيييرًا
سُلاف: يقلبي ياضيّ والله وحشتوني
ضيّ ضحكت: ياكذبك قولي ان عِنان وحشك
سُلاف بخجل:صح يعني بس والله كلكم وحشتونييييي
ضيّ: بس سؤال كيف سويتي كل ذا وهربتي وكتبتي وانتي ماتشوفين؟؟؟
سُلاف: مُساعدة ولا تسأليني مين لو تموتين ماقلت لك يلا مع السلامة باي
سكرت بوجهها قبل تسمع الرد وضيّ صحكت وعرفت تتهرب من سؤالها: هين ياسُلافوه امسك بس تعالي
-
صباح اليوم الثاني واليوم الحلو على عِنان واليوم الغريب لسُلاف شعور متلخبط وحب واحد
كانت جالسه والخدامة ترتب أغراضها بالشنطة وهي مقرره تسافر وترجع له
قررت تصير السند بدال التعب رتبت أغراضها وخلصت وطلعت لها لبس وكان بنطلون اسود ماسك وجاكيت بُني طويل لتحت الركبه ولبسته وتحجبت وطلعت
-
بس تكفى لا تعذبني ولا تنساني
ضمني يانور عيني في حشاك