جيتني من أقصى دنياي...وصرت الدنيا بعيوني

البارت-37

-
وصلوا لرياض وراحوا السوق ونزلوا سُلاف وعِنان مع بعض واديم وحنين وعزيز وراما جود مع بعض وبراء يمشي معهم كانوا يتسوقون ويشترون اشياء وجود اعجبها شي من بعيد وراحت بتشوفه بدون ماتقول لهم توقعتهم بينتظرونها وجلست تشتري وتشوف وراح الوقت وهي مارجعت البنات مافقدوها ولا احد فقدها
عند عِنان وسُلاف وهم يتمشون التفت لها ومسك يدها وقربها له :تبين تشترين شي ؟
سُلاف: لا ماودي بشي كثير بس كم شي
عِنان: ابد انا وحلالي تحت أمرتس ياام فهد
سُلاف: لا تناديني كذا تكبرني وفهد باقي ماجاء
عِنان: بيجي ان شاءالله ومهما كبرتتس الأسماء بتبقين بعيني صغيره وأجمل البنات
سُلاف وهي ماتنكر لطافته معها هالفترة بس تدري مو عشانها عشان ولده....
اشترت اغراضها وهو كم فستان وبنطلون وقميص نوم وروب
طلعوا من السوق وركبوا السيارة وحركوا من السوق شوي التفت حنين: دقيقه جووددد وينهااا؟
عبدالعزيز: ليه ماهي معكم؟؟
حنين: لااا هي تركب قدام بس ماهي فيييه
عبدالعزيز: توقعتها عندكم ورا يعني بالسوق؟؟؟؟
حنين : أتصل على عِنان شوف يمكن معهم
راما: مااعتقد شفت يوم يركبون ماشفتها
أتصل عبدالعزيز على عِنان يتأكد شوي ووصله صوته: هلا عزيز
عبدالعزيز: جود معكم؟
عِنان استغرب: لا جود ماهي معنا
التفت براء عليه على طول من يوم طرى اسمها :وينها جود؟؟؟
عِنان: اصبر اصبر "رجع يكلم عبدالعزيز " ليه هي ماهي معك؟
عبدالعزيز: لا والله ماهي معي قلت يمكن معك
عِنان ضرب الدركسون بغضب : كيفف تضييعهااا وهي معكككك
عبدالعزيز: ياادمي ماضيعتها هي مع البنات
غير وجهته عِنان للسوق اللي قبل شوي : طيب انا راجع للسوق ارجع هناك
عبدالعزيز: زين
غير عبدالعزيز وجهته للسوق وتقابلوا هناك نزل براء يركض داخل السوق يدورها ويركض بكل مكان وكل نقطة بالسوق آذن العشاء وباقي جود مالها اي آثر......
ركض براء للآمن يبيهم يدورونها معه وقف مصدوم من اللي قدامه كانت واقفه وتبكي تبكي بكل ماعطاها ربي من شعور تبكي وشهقاتها تحتل قلبه وتوجعه ركض لها وحضنها شد على حضنها وهو يهمس: وينتس وينتس طيرتي قلبي الله يهديتس والله ماعاد اعرف يساري من يميني جننتيني ياجودي جننتيني
شد على حضنها وهو كل مازادت بكي يشد ويحضنها اكثر وكأنه يواسيها: لا تبكين تكفين تهدين ضلوعي ضلع ضلع بدموعتس يانظر هالعين وروح هالروح
بعدها عن حضنه يوم حس انها هدت مسك وجهها بكفه وهو يمسح دموعها بأبهامه ومايشوف من وجهها الا عيونها اللي جابته من ساسه عيونها اللي آسرته بحبها زيادة مسح دموعها وهي كل مالها وتزيد: خلاص لا تبكين الحين بنروح لعِنان لا يشوفتس كذا
هدت يوم عرفت انها بتروح له ووقفت بكي مشت ورا براء التفت وسحبها جنبه وضحك: تعالي جنبي لاتضيعين بعد
ابتسمت بخجل وهي استوعبت كل شي صار وانه حضنها والحين يسحبها جنبه التفت لها وشافها منزله رأسها عرف وش تفكر فيه : اسف على الحضن بس والله كنتي تبكين بشكل كبير ومنهاره وماعرفت كيف اتصرف ادري تهورت بس مو قصدي اسف
ماردت علي وهي ودها الدنيا تبلعها من قوة الخجل اللي يجتاحها
وصلوا عند عِنان وعبدالعزيز تنهد بكل راحة وحب
وفرحه: لقيتها
-
عند حمد ودلال
كانت جالسه تتعدل لانه وعدها يوديها حفلة خالد عبدالرحمن وهو كان نايم كانت تتجهز لبست فستان ماسك على جسمها وفيه فتحه بالرجل وبأكمام قصيره باللون البرتقالي وفتحت شعرها وسوته ويفي وطلع شكلها ولا اروع راحت تصحي حمد قربت له وصارت تهمس بأسمه لين يصحى وقربت تحرك كتفه لان نومه ثقيللل صحى فيها وانتظر شوي لين استوعب وشافها بكامل أناقتها وجمالها وفستانها اللي محدد معالم جسمها وشعرها الكثيف والأسود الطويل ابتسم وهو يناظرها استحت من نظراته: شفيك تناظرني كذاا
حمد تنهد: ابد جالسه اشوف الجمال كله قدام عيوني وجالس استوعب
ضربته مع كتفه وهي مستحييه: اخلص يلا قوم بتروح علينا الحفله
سحبها وطاحت عليه وصار وجهه مقابل وجهها قرب وباس عيونها : احب عيونتس
وباس منطوقها: احب منطوقتس
وباس عنقها: احب عنقتس
مسك خصرها وخلاها جنبه: واحب كل مافيتس ياكل من لي
ضحكت دلال بقوه استغرب: شفيتس تضحكين؟
اشرت على شفايفه: روجي على شفايفك
قرب وباسها بأقوى من قبل باسها بعمق وتعمق وطول بالبوسه استنشق كل أنفاسها وتخالطت أنفاسهم سوا وحب انهم انسجموا ببعض : مايكفي شوي من روجتس علي مايكفيني الا روجتس كله
نزلت رأسها بخجل ومسكت يده: يديمك لي ياكل شي احبه بالدنيا
حمد: ويديمتس لي يروحه
دلال قامت وسحبته من الفراش: يلا قوم لا نتأخررر
قام ودخل الحمام وقبل يدخل التفت لها: عدلي روجتس اللي اخذته بخلص ونمشي
ضحكت : زين زين
دخل الحمام يتروش وهي راحت تعدل شكلها اللي خربه لها حمد بحبه الزايد......
-
كانوا ماشين طالعين من الرياض متوجهيم لديره...
"سيارة عبدالعزيز"
عبدالعزيز بضحكه: يووو ياجويد خوفتينا عليتس
جود: يعمري عني انا اللي انهرت وانهد حيلي من البكي خفت انكم رحوا لديره وناسيني
عبدالعزيز: افا نخسى ننساتس يبعدهم
جود: يوو ياحبيبي يخليكم لي
راما: كلنا خفنا عليها ياعزوز
عبدالعزيز مارد عليها
ونطقت حنين: الحمدلله ان الله رجعتس لنا بالسلامة
نطق عبدالعزيز على طول وكأنه متلهف على انها تتكلم معه : اي والله صادقه ياحنون الحمدلله انها رجعت
انقهرت راما انه يرد على حنين ومايرد عليها : كله بفضل اخوي
عبدالعزيز: بفضل الله" شدد على هالكلمة" ثم فضل اخوتس وبعدين قلتيها اخوتس مو انتي
ماتت من القهر وحنين مبسوطه كيف يعاملها ويعامل راما فرق كبير
"سيارة عِنان"
عِنان: يعطيك العافية يااخوي لولا الله ثم انت ماجت جود
براء: شدعوه يااخوي تراها اغلى علي من اي شي
رفع عيونه وهو حس انه جاب العيد وصار يحك جبينه وعِنان انفجر ضحك عليه: ترا صايدك يحيوان
براء تنحنح بيطلع نفسه من اللي حطه فيه قرب عِنان وضرب كتفه: تبيها تعال بالحلال مو تتغزل فيها
ضحكت سُلاف بقوه ماقدرت تكتم ضحكتها اكثر سمع ضحكتها وضحك معها يحب ويموت ويعشق ضحكتها......
-
الرياض 9:19
"حفلة الفنان المُميز خالد عبدالرحمن "
حاجزين مقاعد اخر شي بعيده عن عيون الناس عشان تتلقى عيونهم ببعض وينهمر الحب لمرات ومرات بينهم جلس وجلست جنبه وكانوا متحمسين لدخول الفنان العظيم ملك الفن والعود ماسكين يدين بعض والحب يغمرهم يناظرها بين فترة والثانية ويهيم بعيونها وكأنه جاي يشوف عيونها مو الحفلة بعد دقايق دخل الفنان خالد عبدالرحمن التفت له بحماس: شوف جاء
وشافته يناظرها استغربت: شفيك تناظرني خالد جاء
ابتسم : ربي بلاي بحب عيونتس يابنت فهد
ابتسمت بخجل ونزلت رأسها وبعد نص ساعة بدأ الفنان العظيم بالغناء وخلص من الاغنية الأولى التفت له بحماس: تكفى قول له يغني أنتي أجمل اححببها تكفى حمد جعلني طالبتك
حمد: من عيوني ياعيون حمد انتي
صار يصرخ حمد بكل صوته وبكل ماعطاه ربي من قوة وصرخ عشانها وعشان اغنيتها: اببووو نايففف انتي اجمل طالبك ياابو نايففف
ولحسن حظه كان الجمهور ساكت وعلى صوته على الكل وسمعه ابو نايف ولبى طلبه وصار يغني اغنيتها الاحب لقلبها مسك يدها وباسها وصاروا يغنون مع ابو نايف مع بعض"أنتي أجمل حب وإحساس وشعور الغلا أكبر من أني أوصفه أنتي أكبر هم عشته في سرور والأسى ماكان قلبي يعرفه انتي اجمل"