جيتني من أقصى دنياي...وصرت الدنيا بعيوني

البارت-58

-
شعور اليوم يختلف عن كل المشاعر شعور الفقد والموت والقهر والبكي والتعب كل المشاعر حاليًا بقلب عِنان اللي واقف قدام ابوه وصار خبر وفاة أمه بتردد بأذنه وتردد كلمات أبوه وكأنه باقي يتكلم فيها"امك عطتك عمرها قبل كم ساعة بسبب مرض مااكتشفناه انتشر بجسمها"
كان يضحك بسخرية من قوة الصدمه اللي هو فيها التفت لبراء: تسمع يقول امي توفت ياخي مزحه صاير ثقيل
براء دمعت عيونه من حال عِنان مايطلع من هّم الا ويدخل بهّم اكثر واكثر ويتعب ويموت ومحد حاس فيه الا براء باقي ماطلع من سالفة سُلاف وفقد أمه كأن سؤاله الوحيد بينه وبين نفسه كيف قلبك ياعِنان كيفه؟
تقدم وحضن رأس عِنان لصدره وصار يمسح على شعره ودمعته تغلبه :أهدى تكفى استهد بالله 
عِنان وكأنه توه يستوعب كل شي ترددت كلمة ابوه بأذنه لااخر مره صرخ صرخه وصلت لمسامع اللي بالمستشفى كلهم صرخ بقوه وبراء يحضنه يحاول يهديه صرخ بين دموعه:اهخخ يابراء امييييييي راحتتتت راحت وانا ماشفتهااا طيب بشوفها راضي بالمووتتت بس ابي اجلس معها ساعة بس والله ساعة راضي بالموتتتت بس ابي اشوفهاااا تعبت
براء كل ماسمع كلمة منه يحسها بقلبه ويزيد بكي مع عِنان كمل بصوت هادي ومتعب: اخر الأيام كنت تعبان وحتى مامريت عليها ولا شربت قهوة الصبح معها ولا جلست معه ولا سمعت سوالفها اللي تجبر القلب آخر الأيام كنت تعبان والله والله تعبان لا تفهم اني ماابي اشوفها آهه ياقلبي ياكثر من جاك حسره الله يثبتي لان احس ماباقي بي عقل آهه يابراء آهه
براء كل الحروف ماتقدر توصف حاله ابد ولا موقفه قدام اخوه وصديق دنياه: أهدى ياعِنان لا تقول كذا الموت حق وكلنا بنموت وان شاءالله بتشوفها بالجنه أهدى ترا انت كذا تعذبها بدموعك أهدى
عِنان مسك يدين براء وصار يناظر له بعيون مليانه دموع:فقدت ثنتين ماتبيني اموت وانا حي؟
براء قرب وباس يديه: سُلاف بترجع وامك الله يرحمها هو إرحم بها مني ومنك ومن نفسها حتى اهدى وخلك قوي ناسي خواتك ودلال اللي على وجهه ولاده أهدى وخلك القوي وقوهم معك
-
مر اليوم بدموع وبكي وتعب طلعوا من المستشفى ودفنوها وصلوا عليها ورجعوا للبيت وفتحوا باب بيتهم لأول أيام العزاء كانوا يستقبلون الناس بوجيه شاحبه وتعب وهلك والدموع والبكي وأبو عِنان اللي ماكان يقدر يمسك نفسه وتأنيب الضمير ياكل من قلبه آكل
~عند البنات
كانوا يبكون وتعبانين وكل بنات عمانهم جنبهم وضيّ من ضمنهم اللي رجعوا على طول آول ماسمعوا خبر وفاتها
كلهم واقفين جنب دلال وجود ويحاولون يهدون دلال بخصوص انها حامل كانوا البنات يبكون ولا جفت دموعهم ابد ....
ضيّ ودموعها متجمعه بمحاجرها وماسكه الاكل بين يديها:دلال تكفين حبيبتي هدي نفسك لا تتعبين وتتعبين اللي ببطنك تكفين والله البكي ماراح يرجعها تكفين كولي لك لقمة بس تكفين دلال لا تتعبين نفسك تذكري ولدك وحمد والبكي مايرجع الميت لو البكي يرجع الميت كل الناس ماسكتوا
وعد جنب ضيّ وتساعدها بأنها تواسيها: دلال قلبي اسمعيني الميت خلاص مات الحين هي تحتاج دعواتكم ماتحتاج دموعكك ابد ماراح تنفعها اوك امتس ماقلت شي ومقدره شعورتس بس هي تحتاج الدعاء والله الدعاء وبس
جود كانت تبكي بس متصبره عشان دلال واللي بطنها ولازم تصير قويه وتقوي اختها: دلال امي تحتاج دعواتنا مثل ماقالت وعد تكفين كولي لا تزعل مننا وهي ماتبي هالشي وانتي تدرين انها تنتظر أحفادها على أحر من الجمر تبين بتموتين اول أحفادها تكفين يااختي
دلال بعد إصرار من البنات كانت رافضه وراحت جود لقسم الرجال ونادت لحمد: هلا جود؟
جود: حمد تعال كلم دلال ماهي راضيه لا تاكل ولا تشرب وهالشي بيضرها ويضر اللي ببطنها
حمد تنهد: زين شوفي لي طريق
جود: ادخل ماقدامك احد
دخل وتوجه للغرفه وقبل يفتح الباب سمع صوت شهقاتها وبكائها اللي قطع قلبه وتعبه دخل وهي منزله رأسها على رجليها دخل ووقف فوق رأسها ومسح عليه وهمس: جعلني طالبتس اذا تغلين امتس قومي كولي لتس شي تكفين عشان ولدنا طلبتتس يامن دموعه هدت حيلي
رفعت رأسها وشافته ووقف على طول وحضنته بقوه تنهد بقوه ومسح على ظهرها ورأسها: اهدي ياامي اهدي كلنا ماشين بهالطريق والله ومحد يقدر يرجع القدر لا البكي ولا الحرمان ولا التعب اهدي جعل يومي قبل يومـ..... ماكمل كلمته الا حطت يدها على فمه: تكفى لا تكمل يكفي فقدتها ماابي افقدك
قرب وبأس راسها: الله يخليتس لي اهدي تكفين ويلا بجيب الأكل ولازم تاكلين ولا بزعل منتس
قام وجاب الأكل اللي على الطاولة تركوه البنات وجلس عندها وصار يأكلها بكل هدوء يأكلها بين دموعها وهو يدري باللي تحس فيه بس مايبيها تتعب وتتعب اللي ببطنها
-
أنتهى اليوم بكل تعب وبكل حزن وبكل دموع حمد كان ينام عندهم بالمجلس لانه مايقدر يترك دلال
وعِنان ترك بيته وجلس عند خواته وبراء اللي نايم مع حمد لانه مايبي يفارق عِنان لانه يحس باللي مرّ فيه
وحلف مايتركه ابد لانه هالفترة يحتاجه اكثر من اي شي ثاني وحلف يبقى جنبه حتى بالنومه..
-
بعيد جدًا عن السعودية
إيطاليا
كانت جالسه وهي صارت طلعتها نادره جدًا لانها ماتبي تتمشكل مع الناس برا ولانها تتعرض لأشياء تزعلها كثييرر وكرهت حتى الطلعه كانت جالسه وماسكه جوالها وهي مو مرتاحه وتحس فيه شي بقلبها مو مرتاح صارت تنادي بطول صوتها: إليس إلييسسسس أين انتييي!!!
جتها على إليس"خدامتها": ماذا تُريدي سيدتي
مدت لها جوالها: أتصلي على اختي ضيّ
صارت تدور بين الأرقام ودقت لها واعطتها الجوال وحطت الجوال على أذنها
-
عند ضيّ إتصل جوالها وردت بدون ماتشوف الأسم:هلا؟
استغربت سُلاف من ردها البارد وكأنها ماهمتها:ضيّ
وجمدت ملامحها وشعر جسمها كله يوم سمعت صوتها شهقت بقوه وجت بتتكلم ووصلها صوت سُلاف قبل تتكلم: اسكتي اذا انتي عند احد ماابي احد يعرف عني وقفت وطلعت من عند البنات ركض واسغربوا منها ولكن تركوها براحتها
ضيّ: تكفييين وييننكك يابنت وين رحتي اهخخ ياسُلاف قلبتي الدنيا وربي شلونك؟
سُلاف بهدوء: اخبار عِنان؟
ضيّ ضحكت بسخرية: عِنان؟ يشيخه عِنان ميت وهو حي اهخخ يالهموم والتعب اللي يطيح على قلبه ياسُلاف آهه بس
سُلاف خافت من كلامها: وش صاير؟
ضيّ بكل حزن: توفت خاله ياسمين قبل يومين وعاد مايحتاج اوصف الحال عند الكل بس عِنان؟ آهه ياسُلاف لا تشوفينه وربي شكله شخص ميت وهو حي وتدرين بيوم وفاة امه وقبل تتوفى فكر ينتحر اكل حبوب بس لحق عليه براء والحمدلله سووا له غيسل معدة وعدت يويلك من ذنبه ياسُلاف والله كل ذا لانك تركتيه ليه تتركينه لييييه
سُلاف ولا حرف من الحروف والكلمات واللغات توصف شعورها حاليًا دمعت عيونها تعبت وحطت يدها على فمها تمنع شهقاتها وكملت ضيّ: ارجعي له ارجعي ماله غيرك ارجعي تعب بدونك وزاد التعب فقد امه ارجعي تكفين
رمت جوالها على الأرض وصارت تبكي بقوه تبكي بشكل ماتتخيله صارت تبكي بشكل جنوني وكأنها هي اللي ماتت تبكي لانها تركته تحس بالذنب تبكي لانه تركته بوقت المفروض يبكي بحضنها مو بعيد عنها وقفت على طول وصارت تركض وماشافت الدرج طاحت من فوقه وصرخت صرخة وفقدت صوتها ووعيها جت الخدامه تركض ونادت للسايق واخذوها وراحت للمستشفى وبعد ثلاث ساعات صحت صحت وفتحت عيونها فتحتهم وكانت تشوف تشوف إضاءة خفيفه مشوشه كانت تسكر عيونها وتفتحهم اكثر من مره

أيش رأيكم بالبارت ؟ ولا تنسون النجمة ودعمكم العسل لي🤍🤍🤍🤍🤍
انتظروا بارت بكره اشياء مخبيتها لكم اووووفف🫣🫦🫦🫦
تعالوا انستا لاني اسرب فيه بعض الاشياء "rwiiai1"