جيتني من أقصى دنياي...وصرت الدنيا بعيوني

البارت-11

اليوم المنتظر زواج وعد✨
البيت يعج بالبخور والأصوات وتركيب الأنوار بالحوش ويفرشون الفرش والبنات داخل بين الميكب والفساتين وأصوات الأغاني ورقص البنات والحماس
وعد: بنات طفوها شوي بكلمكم
البنات طفوا الأغاني
دلال: وش بتس ؟
وعد غطت وجهها بكفها: بنات احس بموت خوووفف
دلال ضحكت: يابنت شفيتس شي طبيعي تخافين والله وترا فواز حبوب مايخوف وماراح ياكلتس
وعد ضربت رجلها: لا تمدحينه انتِ بعد تزيدين الخوف علي
ضحكت جود: لا تقولينها عاد تغارين؟؟
وعد: بنات بلا سخافه مااغار وش اغار بس يكفي الخوف اللي فيني
دلال: خلاص عاد بنات يلا قوموا اجهزوا ماباقي شي على الوقت ترا
وكانت سُلاف جالسه بينهم بصمت
سُلاف: لا اعلم ماذا تقولون ولكن يبدو ان وعد خايفه جدًا
دلال ضحكت: صح خايفه مره وبعدين لا تقولين لا اعلم وماذا عيديها وقولي مدري وش صار
جود: يابنت شفيتس مستقعده للبنت
دلال: كيفي بعلمها كلامنا
ضحكت سُلاف: مــ مدري و...وش صار
صفقت دلال بحماس: يس يس كمليييييي
وحاولت تكلم سُلاف جملتها بنفس طريقة كلامهم: مدري وش صار بس "وضحكت سُلاف"هل يمكنك تعلميني ماذا بعد
دلال: مدري وش صار بس شكل وعد خايفه مره يلا عيدي وراي
سُلاف: مدري وش صار بس شكل وعد خايفه مره
ضحكوا وصفقوا بفخر: كففووو علييتسسس
ونطقت وعد: بنات شكلكم نسيتوني
كلهم ضحكوا بصوت واحد وقاموا البنات يتجهزون ويلبسون ويكشخون
جود قامت: بنات بروح اجيب لنا قهوه مايصير نكشخ بدون مانتقهوى
دلال: اي تكفين رأسي مصدعععع
وعد: اخلصي علي عشان تسوين المكياج
قامت جود وطلعت من الغرفه وراحت المطبخ تجيب القهوه
دخل البيت وصار يسمع أصوات البنات فوق والاغاني والضحك
:اوف برا ححررر يبي لها مويا ببباررردد حلقي نشف من عِنانوه"دخل المطبخ ياخذ المويا وانصدم من اللي قدامه"
-
بيت ابو حمد
يعج بالبخور والفرح والأنوار اللي تتعلق بالحوش
حنين تبخر بشت فواز ودمعتها على خدها: يبعد روحي يأخوي بزفك عريس يعيون اختك
جاها حمد ومسك وجهها بكفه ويمسح دمعتها بأصبعه
حمد: افا يروحي ليه البكي؟
حنين: بزف اخوي وابخر بشته كيف ماتبي ابكي
حمد حضنها: ياحبيبتي ياحنون يأختنا وامنا الثانية كلنا بنتزوج وبتزفينا كلنا وعقبال مانزفتس يارب ونشوف عيالتس يملون البيت
ضحكت حنين وبعدت عن حضنه: امين بس بعد ماازفك ويلا روح اتروش والبس عشان لا نتأخر وطلع لي فواز اللي دخل ولا طلع
دخل على ماطروا اسمه: يهالفواز اللي بس تهاوشون عليه اليوم عريس دلعوني ياخي
حنين ضربته مع كتفه: سنه سنه تتروش يلا بسرعه البس تأخرنا "لفت على حمد" هاه وانت مو ناوي تتحرك؟
صرخ حمد طول صوته وهو يركض داخل: بروح قبل تجيني ضربه اقوى من حقت فواز
ضحكوا ولفت حنين على فواز: يلا بسرعه ماباقي شي ترا
فواز: يعني الحين مسويه شوشره بالدنيا وانتِ ماخلصتي واختك وينها ان شاءالله ؟
طلعت رسل على جابوا اسمها ومضبطه شعرها وتحط مناكير: اختها خلصت ماباقي الا الفستان انت اللي ماتحركت ولا سويت شي
اخذ بشته :خلاص رايح بسم لله اكلوني من كل طرف
راحوا يتجهزون ويلبسون وصوت رسل اللي ارتفع وهي تغني دق الباب وقامت واخذت المناكير بيدها ماشيه للباب تفتحه: مييين؟
:انا هتان ابي حمد
ارتبكت يوم سمعت صوته وكأنه أنصب عليها مويا بارده
طولت ساكته وماردت ونطق هو: بنت نادي لي حمد
استغربت من نطقه لها" بنت" ولا نطق اسمها وهو يعرفها ويميز صوتها بين كل البنات
نطقت بتوتر: تـ تمـام الحين اناديه
دخلت تنادي حمد لهتان وقابلت حنين قدامها
حنين: مين عند الباب؟
رسل: هتان ولد عمي فهد
حنين بأستغراب: ايش يبي؟
رسل: حمد
حنين: تمام روحي نادي له
راحت لحمد
رسل: حممددوههه
حمد: خير
رسل: هاان برا يبيك
حمد: طيب بلبس واجيه اطلعي
طلعت رسل ولبس حمد ووقف قدام المرايا بعد مالبس ويسكر ازارير ثوبه ويلبس الكبك ويحط القلم بالمخبى ويلبس الغتره وينسفها على ورا واخذ عطره المُميز وتعطر منه وطلع رايح لهتان اللي ينتظره برا فتح الباب وطلع لهتان
اول ماشافته هتان نطق: لا والله كان ماجيت احسن
حمد: ياخي شسوي غصب تأخرت اتهاوش مع خواتي
هتان: الحمدلله والشكر امش بس يلا بنساعد عيال عمي عبدالعزيز