جيتني من أقصى دنياي...وصرت الدنيا بعيوني

البارت_4

البارت-4
-
إيطاليا
-سُلاف وهي بين الغيوم اليوم موعد طيارتها لسعودية
سُلاف بهمس وتنهيده:أين انت ومن أنت كيف اصبح شكلك ومن لديك غيري أطفال ولماذا تركت امي حين أنجبتني ولماذا تركتها تموت ولم تكون بجانبها؟ هذه الاسألة اليوم سوف تُجبني عليها جميعها يأبي
-
الديرة
-
عند هتان ومازن
بين الضحك والسوالف طق باب المجلس وقام مازن
مازن:دقيقه بشوف من عند الباب والاكيد انها رسل
هتان: ابد خذ راحتك
وطلع مارن وفعلًا كانت رسل جايبه القهوه والشاهي ورجع
مازن: حي الله ولد العم والله تو مانور البيت
ابتسم هتان:الله يبارك فيك ياحبيبي ومنور بأهله
شوي دخلوا حمد وعِنان ودخلوا للمجلس
حمد:اوو هتان عندنا ياهلا ومرحبا
هتان وقف يسلم على حمد: هلابك يابعدي اي والله شفت فاضي قلت اقفل المحل واجي شوي اتسلى عند مازن
حمد: ابد البيت بيتك "وبضحك"ماشاءالله الإخوان قرروا يصيرون عندنا
عِنان بضحك:واحد ينام والثاني مسير بالله دق على براء خله يجي ونكتمل
ضحك حمد ودق على براء وصله صوت براء
براء:يامرحبا حميد امر
حمد:هلابك اسمع تعاال عندنا
براء وهو يشوف الساعة:حبيبي تشوف الساعة كم الساعة 11 وش يجيبني الحين
حمد: ياخي تعال عندنا عِنان وهتان ونبي نسوي شاهي على كيف كيفك والليلة قمرا
براء: اهخ نقطة ضعفي تم تم جاي
ضحك حمد: زين يلا
سكر حمد من براء وناظر عِنان: يقول جاي
عِنان:جيته مع اليد اللي توجعه كيف تبي براء يتحمل جو شاهي وقمرا"وبغرور"وانا
ضحك حمد: الله يعطيني ثقتك
شوي وسمعوا الباب دق
حمد:عِنان طلبتك قم افتح
عِنان: ضيف عندك وتخليني افتح صدق ماتستحي
حمد: اي ضيف قم لااهفك
-
هتان: خلاص ياقروشه انت وهو انا بقوم افتح
حمد: عز الله انك احسن منه
طلع هتان يفتح الباب وسرعان مالفت انتباهه شخص مع شباك المطبخ اللي يطل على الحوش ودقق بنظره وفتح عيونه بذهول وشافها شاف ظهرها وشعرها الطويل المسدول على ظهرها وواصل لنصه وهي تسوي لها قهوه وتسولف مع نفسها ولقط نفسه بسرعه وهو يشوفها تلم شعرها وتذوق القهوه حط يده على قلبه وغض بصره وهمس: ياربي ياربي وش هاللي شفته هي حقيقه ولا خيال
حاول يبعد اللي شافه عن باله لكن مو قادر:استغفرالله استغفرالله ياربي
وسرعان مافتح الباب لبراء
براء:هلا والله هتان
هتان وهو فكره مو معه: هلابك براء
براء: الاخبار والعلوم
هتان وهو بنفسه وده يقول اخباري وعلومي كلها ضاعت:ابد الحمدلله كل شي بخير وانت اخبارك؟
براء:الحمدلله تمام التمام
هتان:ياجعله دوم تفضل تفضل
دخلوا هتان وبراء وهتان باله وعقله ماهو معه يفكر مين ذي اللي شافها معقوله رسل؟
قاموا كلهم يسلمون على براء وجلسوا
حمد:حيي الله براء تو مانور البيت
براء:حبيبي حميد منور بنور اهله والله
مازن قام وطلع وشوي وراح وراه هتان
هتان: مازن
مازن:لبيه ابوي
هتان ابتسم: فيه احد بالبيت ودي ادخل اكلم وتشوف بالحوش برد ومااقدر اوقف فيه
ضحك مازن: اكيد طبعًا مافيه احد بالبيت اصلًا الا رسل بس اكيد بغرفتها ادخل ادخل كلم
هتان وهو رايح:زين مشكور
دخل هتان البيت ودق على عبدالعزيز عشان يطمن خواته انه شاف عِنان وهو بخير"البنات عندهم بالديره ممنوع يكون معها جوال الا لمًا تتزوج"
-
هتان بعد ماوصله صوت عبدالعزيز: هلا والله عزيز
عزيز:هلابك هتان امر
هتان:طمن خواتي تراني تراني شفت عِنان
عزيز:صدق وينه خذ خذ جود شوي وتموت علينا
هتان ضحك وسرعان ماوصله صوتها: هتان وينه عِنان بخير ولا لا ووين لقيته
هتان: يابنتي شوي شوي عِنان بخير لقيته نايم عند حمد وماعليه بيرجع معي البيت بحاول فيه
جود :اي تكفى قسم وحشني
ضحك هتان وهو يحب حب خواته لعِنان:ابشري من عيوني ياعيون هتان
واقفه تسمع كلامهم من يوم دخل وابتسمت لطريقة كلامه مع جود وهي تحب حب الأخوة
انتبه انه قاعده تتسمع له وضحك وسكر الجوال
قام وتنحنح وهي ركضت للغرفه على طول
هتان بهمس:هذا انتي يارسل اخذتي قلبي بيوم ماتخافين الله يابنت عبدالرحمن حببتي شخص بالحب وهو مايطيقه ولا يبي يجي بدربه
ضحك وطلع للعيال
-
بيت ابو عِنان
ام عِنان : يمه دليل سوي قهوة وشاهي بتجينا خالتتس ام حمدان
دلال: ابشري يمه بس يمه بكلمتس بموضوع
ام عِنان :قولي وش فيتس
دلال: يمه تكفين لا تسوون شي مايبيه عِنان تشوفين صار له كم يوم برا البيت ولا ندري عنه يمه ذا ولدكم مو عدوكم
ام عِنان :من متى يادلال تكلمين امتس كذا
دلال: يمه ياحبيبتي بس عِنان ماله ذنب بشي
ام عِنان:دليل خلاص قومي سوي اللي قلت لتس وقفلي على الموضوع
دلال بقلة حيلة قامت ودخلت داخل تسوي اللي قالته لها امها
-
حمد:وش بتسوي ياعِنان ؟
عِنان زفر بضيق:والله ماادري وانا اخوك
حمد:الملكة ماباقي عنها شي وانت مافكرت وش تسوي
عِنان:بفكر بفكر
براء:المشكلة كلكم ماتبون حتى وعد ماتبي هالشي
عِنان :الله يعين بنفكر وش نسوي
مازن:الا صح يعيال اخوكم عبدالمجيد وينه ماله حس وحتى عزيز مااسمع له حس هاليومين
هتان:عبدالمجيد كالعادة ماهو هنا وعزيز امس رجع من الرياض بالليل وكلمني
عِنان:ورا ماقلت لي بكلمهم واحشيني
هتان بضحك:ماسمعت التحذيرات عليك يويلكم مشتاقين لك
عِنان ابتسم:برجع البيت بكره ان شاءالله واشوفهم ومن ناحية الملكة لقيت الحل
حمد:وش هالحل سمعنا
عِنان: بقول لهم عندي مهمه واروح الرياض ولا ارجع الا بعد شهر
حمد: ووعد ياعِنان حرام تكسر فيها
عِنان:وعد نفسي ماتبي وبراء قال لي هالشي بس "والتفت لبراء"لازم تكلمها وتقول لها انا وش افكر فيه ووش بسوي
براء: ابد تم وعد خلها علي
هتان:زين ابد سوو اللي يريحكم ويلا يعيال انا راجع البيت تأمرون بشي
عِنان وحمد ومارن بصوت واحد: ابد سلامتك
براء قام بعصبية وزعل :خذني معك بطريقك بروح بيتنا وماراح اعدي لكم الكذبه اوريكم
حمد وعِنان انهاروا ضحك
حمد:اسف والله بس ابد ابشر بها وعد لااسويها لك
عِنان : ووعد مني بعد وابشر بالكشته بكره العصر
براء بزعل: ماراح ارضى لين اشوف نفسي بالكشته
حمد:ابشر على هالخشم
وطلعوا هتان وبراء
وناموا عِنان وحمد بالمجلس
ومازن دخل غرفته
-
اليوم المُنتظر وصول سُلاف