جيتني من أقصى دنياي...وصرت الدنيا بعيوني

البارت-50

-
تَعال وخّل غلطاتي وغلطاتكِ
هنا قلب يتحرى رجعتك
قام من النوم وهي تّمر على باله كل مافتح عينه وهو بالبيت وبغرفها وعلى سريرها وبفراشها ويحضن ريحتها قام وهو من مستعد يواجهه اهله ولا اهلها ولا مستعد يقول لهم كل شي صار قان واخذ وتروش وطلع من الغرفه وطلع من البيت كله وقف قدام بيت اهله وهو عارف لكل شي بيجيه من اهله ومن ابوها دق باب البيت وفتحت امه وحضنته بشوق: وينك ياابوي صار لي كم انتظرك وش صاير لك انت وسُلاف
ابتسم لها بتعب : خلينا ندخل ونسولف
دخلوا هو وامه وصار يفطر معها: يلا قول لي وش صار معك ومع سُلاف وش اللي صار معكم هذيك الليلة؟
تنهد بتعب وقال لها كل شي صار معه ومع سُلاف وكان يشوف الصدمه على وجهه امه : ليييه ياوليدي ليه تسوي كذا وش سوت لك البنت يوم تعذبها وتكسر قلبها وتسرق نظرها ماخبرتك ياولدي قاسي على البنات كذا ماكان فيه أحن منك على خواتك ليه صرت قاسي عليها وهي يتيمه لا ام عندها وابوها ناسيها وام سَهم مطلعه عيونها ليه والمفروض تكون لها الأمان بعد كل اللي جرى لها ليه ياعِنان ليه؟؟؟؟
نزل رأسه وتنهد بوجع: يمه تكفين اللي فيني مكفيني يكفي عتبها للحين كاسرني
ام عِنان: مالومها فيك وكيف تبيها ترجع لك هاه؟
عِنان: طلقتها
ام عِنان شهقت: ليه لييييه تبي تكحلها عميتها ليه ياعِنان سُلاف قطعة ماتتفوت ليييهه
عِنان صرخ بقوه: يمه ماكحلتها ولا عميتها ولا سويييت شييي هي طلبت وهي أصرت رغغغمم انيي ابييهاااا
ام عِنان: رجعها احسن ماياخذها شخص غيرك حاط عينه عليها
عِنان بلع ريقه: نعم؟؟ ومين اللي حاط عينه عليها وهي متزوجه بعد
ام عِنان: اي ام وليد حاطه عينها عليها وتسألني اذا متزوجه ويوم قلت لها اي زوجة ولدي عِنان قالت خسارة ليتها ماتزوجت اخذها لوليد
عِنان انصدم من كلامها وكملت: بكره بينتشر خبر طلاقكم بالديره ويسهل عليها تخطبها بعد ماتخلص العده لكن رجعها قبل تصير بأحضان غيرك
قام عِنان وطلع بدون اي كلمة وقف عند الباب وهو يفكر كيف ممكن يسمح تكون بأحضان غيره وأحضان مين ولييدد!! مستحيييل قرب وضرب السيارة بقوه وكسر القزاز ونزفت يده ناظر لها بقلة حيلة وسكت ولا همته مسك جواله ودق على سَهم دقايق ووصله صوته: هلا
عِنان:هلابك بتجون؟
سَهم: ان شاءالله بغيت شي؟
عِنان: هالله هالله لي قلبًا عندكم ودي أخذه
سَهم: قلبك بعيد عنك ياعِنان انساه
ابتسم على طرف وتنهد وسكر جواله وصار ينتظرهم على أحر من الجمر
-
الرياض بيت ابو صقر
مجتمعين البنات حول بعض لان ذي اخر ليلة تجمعهم بيت ابو صقر كانوا جالسين يتقهوون ويسولفون مو محسسين سُلاف بالنقص ابدًا التفت لهم وتكلمت: ضيّ سامحيني يمكن مااقدر احضر ملكتتس
ضيّ: معم حبيبتي لا طبعًا بتحضرين وانتي اول الحاضرين حتى قبل سَهم
سُلاف ابتسمت: مااقدر والله يعني تشوفين وضعي
وعد : وش به وضعتس مااشوف شي ؟؟
سُلاف: لا تستهبلين وعد ونظري؟
وعد: انا نظرتس
اديم: وانا نظرتس الثاني
ضيّ: مايمنع اصير نظرتس الثالث لو اني العروس
جود: اصير النظر كله لتس
سُلاف ضحكت بيّن دموعها: احبكم بنات
تجمعوا حولها وحضنوها بعدت اديم وهي تسمع سَهم ينادي : بجيب شنطتي فوق بغرفة ضيّ كلها دقيقه وجايه اطلعوا له لين اجي
وعد: طيب لا تتأخرين
لبسوا عبايتهم وطلعوا لسَهم وطلعت معهم ضيّ وقفت عند الباب تناظر لهم قرب لها سَهم: وش مطلعتس؟
ضيّ: بودع البنات
سَهم وهو يناظر لشارع: ادخلي قبل احد يجي ويشوفتس
ضيّ : زين بس انتبه لنفسك وللبنات
ابتسم : من عيوني والله يجيب الجمعة على خير بس
ابتسمت ورجعت داخل وتذكرت اديم وطلعت: سَهم
سَهم رجع لها: يالبيه؟
ضيّ: انتظر اديم بتجيب شنطتها وتجي
سَهم: طيب قولي لها لا تتأخر
اما عن أديم؟ طلعت فوق ركض تجيب الشنطة اخذتها ورجعت ركض وهي جالسه تتفحص أغراضها ضربت بشي قوي مسكت رأسها ورفعته وكان جسار وملامحه محتده استغربت ومشت من جنبه لكن استوقفها صوته: كلامك اللي قلتيه جاده فيه؟
اديم: اي كلام؟
جسار: لا تسوين نفستس غبيه الكلام اللي قلتيه امس للبنات عني وعن حبك للخيّل وفارسها؟
اديم بلعت ريقها وفتحت عيونها بذهول: سمعتني؟
جسار هز راسه بـ اي:صادقه ولا تتمسخرين؟
اديم ماردت عليه ونزلت وطلعت لسَهم وهي تفكر بكلامه وتفكر انه سمعها ومفتشله من نفسها
مشوا ومسكوا طريق الديره ...
-
الديره كان جالس على سيارته يفترج للديره الفاضيه والهاديه نزل وتوجهه لبيت عمه ابو سَهم دق الباب وطلع له براء: هلا والله عِنان
عِنان: هلابك ابوك موجود؟
برا استغرب: اي بالمجلس
عِنان : عنده احد؟ بدخل له
براء: لا ابد تفضل
دخل عِنان وتوجهه للمجلس دخل وشاف ابو سَهم يتقهوى :هلا والله ولدي عِنان
عِنان قرب وبأس رأسه:هلابك ياعمي
ابو سَهم: شلونك وش اخبارك وشلون بنتي
عِنان حس انه ضاق من الطاري: الحمدلله بخير بس...
ابو سَهم: بس وش ياولدي وش صاير؟
عِنان:بتكلم معك عن موضوع
ابو سَهم بدا يخاف: سّم؟
كان بيتكلم عِنان ودخل سَهم: السلام عليكم
ابو سَهم: هلا والله عليكم السلام
سَهم انتبه لوجود عِنان: هلا ياعِنان
عِنان: هلابك
سَهم: صاير شي؟
فهم عِنان ان عمه مايدري للحين: اي جاي اقول لاابوك موضوع
سَهم ابتسم على طرف: قول له يلا
عِنان: ياعمي "سكت شوي وتنهد" مدري وش اقول لك
سَهم: ولا شرايك بدال ماتتكلم اجيب له بنته قدامه ويشوف
عِنان رفع حاجبه بمعنى اسكت وفهم سَهم: طيب تكلم
ابو سَهم: وش صاييير واحد يفهمنييييي
عِنان: والله ياعمي مدري وش اقول بس صارت مشكلة بيني وبين سُلاف واحتدت بيننا وصار اللي صار وطاحت وضربت رأسها الطاولة و....
ابو سَهم: وايش؟؟؟ تكللللمم ياعِنانننن
عِنان خاف يوم عصب وهو يبيه يوقف معه: هالشي كان بسبب انها تفقد نظرها "تدارك الوضع وتكلم بسرعه" بس تطمن هالشي مؤقت مو دائم يعني وقت وتقدر تتعالج وهالشي انا بتكفل فيه
ابو سَهم وكأن احد صّاب عليه مويا بارده: وش تقول انتتت وبكل برود تقول كذا وكأن الموضوع عادييي؟؟؟؟
عِنان: ابد مو عادي ياعمي والله ماهو عادي واني جلست جنبها كل هالفترة وطلبت الطلاق ولبيته تكفى ابيك ترجعها لي وانا بعالجها وعد وبصير لها الأمان بس تكفى ردّها لي
ابو سَهم مسك راسه: اههخ ياراسي عِنان انت صادق "التفت لسَهم" تكفى قل ان يكذب "رجع التفت لعِنان وصرخ"وبكل برود تقول لي اطلععع من البيييتتت اطلع من بيتي لاانت ولد اخوي ولا اعرفك اطلع يالخسيس اطططلعععع
عِنان بترجي: تكفى ياعمي افهمني تكفى لا تحكم بسرعه تكفى
ابو سَهم: اطلع من وجهي ياعِناننننن اطلعععع اطلع حسبي الله اطلع "جلس ومسك رأسه" قالت لي انها ماتبيك بس انا غصبتها انا غصبببتهاااا  ابعد من وجهي ماابي اشوفك من اليوم ورايح اططلعععع
طلع عِنان من البيت وهو يحمل خيبة كبيره توقعها اصلًا منهم وقف عند الباب وصار يتأمل الحارة قدامه وابتسم بخيبة: كنت متوقع والحين ماعاد لي مكان هنا
توجعه لبيت وهو مخطط يطلع من الديره بكبرها من بكره رمى نفسه على السرير ونام.....

" لا تنسون النجمة حبايبي وعطوني رأيكم بالبارت عشان نكمل"🤍🤍🤍🤍
"تعالوا انستا لتشبيهات والتسريبات اللذيذة والتشويق" rwiiai1🫦🤍🤍🤍🤍