جيتني من أقصى دنياي...وصرت الدنيا بعيوني

البارت-41

-
الديره...
بيت ابو عِنان خلص العشاء والكل راح وباقي اهل ابو سَهم وابو حمد وابو عِنان كلهم مجتمعين وخايفين على سُلاف ويدقون على عِنان ولا يرد ......
ابو عِنان: أهدوا وان شاءالله مافيها شي
وعد: يارب يارب قسم خايفه عليها
ام عِنان: طيب ارجع دق وحاول يمكن يرد
رجع ابو عِنان ودق اكثر من مره بس مافيه إي استجابه.....
-
الرياض 1:00 المستشفى
طلع الدكتور بعد ساعة ونص في العمليات ركض عِنان عند الدكتور ومسك يده ودمعته على خده مسحها بسرعه ورفع رأسه لدكتور وهمس بوجع:بشّر تكفى
الدكتور نزل رأسه: الله يعوضكم ان شاءالله ويجعله شافع لكم بالأخره لكن صحة الأم بخير الحمدلله
الدكتور تركهه وراح عِنان وقف مكانه من الصدمه ماكان يقدر يرف له جفن لو رف طاحت الدمعة قدامهم كلهم كان وقف مكانه ولا تحرك فيه ساكن نزل رأسه وفتح يديه وصار يشوفها وهمس: تمنيت أشيلك ليه رحت قبل اشوفك ليه ياابو فهد ليه رحتتت
غمض عيونه بقوه : يارب حلم يارب حلم متى اصحى يارب تدخل تصحيني يارب حلم ياررببب
فتح عيونه ببطئ وكان على حاله ونفس المكان التفت وراه وشافهم يبكون اديم وضيّ وجسار واقف تقدم جسار وحضنه وهمس بأذنه: معوض يااخوي الولد يجي بداله ولد بس المهم انها هي بخير
ماكان يرد على جسار رغم محاولاته بالكلام مكان بس كان جامد ولا تكلم كان وده يعبر عن اللي يحس فيه بس ولا تعبير طلعه عِنان كان جامد بشكل خوف جسار عليه
انتبه لباب غرفة العمليات ينفتح وطلعت منه سُلاف وكانت نايمه وساكنه جلس يفكر لو عرفت طيب وش ممكن تسوي تأكد مليون بالمية انها راح تحط اللوم عليه بس بيتحمل عشانها دخلوها العناية خاف يوم شافهم دخلوها العناية وركض لهم: ليه فيها شي يوم تحطونها هنا؟
المُمرضه: لا مافيها شي بس لين تصحى
عِنان: طيب يصير اشوفها؟
المُمرضه: اي يصير انت لحالك تدخل تشوفها
لبس اللبس اللازم ودخل عليه
شافها نايمه وكمية السكون اللي فيها يزيده حرقه تقدم ومسك يدها
وباسها: اسف والله اسف ماانتبهت لتس اسف ماكنت حريص عليتس اسف تكفين سامحيني والله ياحرقتي اقوى من حرقتتس على ولدتس "بدت دموعه تنزل وهو يتكلم مع الاشي ويدري ماتسمعه" تدرين عاد ماعمري بحياتي بكيت رغم ان ابوي ضربني ومسح فيني الأرض غصبني على اشياء وأهاني قدام عيال الحارة وقدام اخوياي تدري ماقد نزلت مني دمعه حتى بيني وبين نفسي واليوم يوم مات ولدي ماقدرت امسكها لا بيني وبين نفسي ولا بالعلن "اطلق تنهيده قويه" اهه ياسُلاف لو تحسين باللي احس فيه كنت متحمس اشيل فهد بين يديني بس تدري ياحبيبتي معليه اهم شي صحتتس ربي بيعوضنا بفهد واخوانه وخواته ان شاءالله بس انتي قومي بالسلامة
جت المُمرضه : ممكن تطلع مانبي نضغط عليها اكثر
وقف عِنان وطلع من الغرفه ركض للحمام"تكرمون" وغسل وجهه وكل ماغسل يزيد بكاء وصار يغسل ويغسل ويغسل رفع رأسه وضرب المرايا بيده انكسرت المرايا وانجرحت يده بس ماهو كثر جرح قلبه جلس على الأرض وحط يده على رأسه وصار يبكي يبكي كأنه طفل اليوم اول خسارة يخسرها بالدنيا هي خسارة ولده وحبيب قلبه
-
الديرة 4:55
أذن الفجر والكل قام يصلي الرجال بالمسجد والحريم ببيت ابو عِنان محد رجع بيته ولا ناموا بالليل وكلهم خايفين دق جوال وعد ومسكته وشافت المُتصل"ضيّ"ردت على طول : بشري كيف سُلاف وايش صاررر؟؟؟
ضيّ: اهدي ياوعد وقولي لا إله الا الله
وعد بصراخ: سُلاف فيهااا شيييي اللي بطنها فيه شي
تكلمي ضيّ تكفين ريحي قلبي والله اني بغيت اموت يوم شفتها تكفين تكفين
ضيّ: سُلاف بخير الحمدلله بس.....
وعد: بس ايش ياضيّ بس ايششش؟؟؟
اخذت ام عِنان الجوال من أذن وعد : شفيها ياضيّ تكفين ولدي وولده شفيهم وسُلاف تكفين تكلمي
ضيّ: عِنان وسُلاف بخير بس سُلاف خسرت جنينها
ام عِنان شهقت وحطت يدها على رأسها وصارت تبكي: يعمري ياولدي ياصبر قلبك ياابو قهد ياصبر قلبك يانظر عيني
وعد: شفيه ياعمه شفييههه؟
ام عِنان: عِنان خسر ولده خسره مات وراح
شهقت وعد وحطت يدها على فمها: يروحي ياسُلاف يعمري هي
كلهم مصدومين من الكلام واللي مصدوم واللي يبكي واللي يتحمد الله وصابر
-
الرياض 8:00
صحت من النوم وراح مفعول التخدير فتحت عيونها ببطئ حست الدنيا تدور بـ رأسها من الصداع التفت يمين يسار مالقت احد حولها جتها المُمرضه بسرعه اول ماشافتها صحت : اهلًا ياسُلاف صباح الخير
سُلاف بتعب: ابي عِنان وين عِناننن
المُمرضه: الحين اناديه لك ارتاحي بس
طلعت على طول ونادت لدكتور وصارت تدور عِنان وقالوا لها انهم شافوه بمسجد المستشفى راحت له وشافته منسدح تقدمت له: استاذ عِنان
فز على طول : هلا سُلاف فيها شي؟؟؟
ابتسمت له: لا بس صحت وتبي تشوفك
ابتسم بفرحه وركض لها وكأنه لحاله بالمستشفى وصار يركض ولا يهتم لااحد وصل للعناية ودق الباب ودخل وشاف الدكتور عندها: اهلًا ياعِنان
عِنان: هلابك دكتور شلون سُلاف؟
الدكتور بأبتسامة: هذي هي قدامك زي الفُل مافيها الا العافيه
نطقت بينهم سوالفهم بسؤال الجم الدكتور وعِنان محد يقدر يجاوبها من ثقل السؤال: وين ولدي؟
شافتهم يناظرون بعض ولا احد جاوبها صارخت بقوه: عِنانننن وويييننن ففهههدددد
عِنان نزل رأسه ويدعي ربي ماتنفعل وتتفهم وصارت تبكي بشكل كبير: وينه تكفى قول لي وينههه اكييدد بالحضانة عِنان ليييهه مو قاعد ترد علييييييي
عِنان تقدم لها وجلس على طرف السرير وحضنها بقوه وشد على حضنه وهمس : طير من طيور الجنة وشافع لنا يوم القيامة بأذن الله
صرت تهز رأسها بـ لا وماهي مستوعبه ان ولدها مات....
صارت تبكي وكل مابكت يشد على حضنه اكثر نزلت دمعته على لبسها من ورا مسحها بكمه وبد عنها ومسك وجهها بكفينه: سُلاف حبيبتي اهدي بأذن الله ربي بيعوضنا بفهد واخوانه وخواته انتي اهم شي انتس بخير غيرها والله يتعوض يتعوض ياروح ابو فهد انتي
نامت بعد ماعطوها إبرة مُهدي وارتاحت وهو كان عند رأسها طول الليل......
-
بيت ابو صقر
جالسه ضيّ تكلم البنات وتواسيهم دخل عليها جسار الغرفه : قومي بنجيب اديم
ضيّ: وين تجيبها؟
جسار: تو كلمني عِنان وقال اخذها لان وجودها ماله داعي وهو لاهي عنها عند سُلاف تجلس عندنا لين يطلعون وياخذونها
ضيّ: روح جيبها لحالك حبيبي مالي خلق والله تو مخلصه مكالمة من وعد والنوم الف
جسار: يابنت قومي مايصير اروح لحالي
ضيّ هزت رأسها بـ لا: طف النور وسكر الباب
ضربها بالمخدة وطلع من الغرفة وراح يجيب اديم...
-
عند عِنان وسُلاف
صحت من النوم وحست الضيقة إضعاف ماكانت فيها قبل نزلت دمعتها بصمت وشهقت بخفه رفع رأسه لها وشافها تبكي بدون صوت قرب لها ومسح دمعتها بأبهامة وجلس يهديها : خلاص ياامي اهدي تكفين تعبتي نفستس وتعبتيني
انهارت بمجرد ماانه تكلم معها وصارت تبكي وتشهق بقوه وتبكي وتشد عليه : راح ياعِنان كنت مبسوطه فيه كيف يروححح
عِنان: كلنا كنا متعلقين مو بس انتي وبعدين كان حملتس ضعيف وطحتي والحمدلله "وعسى أن تكرهوا شيئًا وهو خير لكم" اهدي حياتي ماصار شي وبيعوضنا ربي اذا رضينا بالأمر
سُلاف: نبي نرجع الديره ماابي اجلس هنا دقيقه
عِنان: ابشري انتي بس اهدي ونرجع عشان ماتتعبين لان لو تعبتي ماراح تطلعين وانا بشوف الدكتور الحين
رفع رأسه على جواله اللي يدق رفعه وكان "جسار" رد عليه
عِنان: هلا جسار
جسار: خل أديم تنزل لي انا عند الباب
عِنان: زين يلا
قام وطلع من عندها وشاف أديم جالسه عند الباب قرب لها ووقف : أديم
وقف وهي خايفه: بشوفها
عِنان: لا مايصير الحين هي مره مو هاديه وبس تبكي خليها لين تهدى والحين جسار تحت انزلي وروحي معه لبيتهم لين نطلع واجي اخذتس لان وجودتس بالمستشفى بيتعبتس وهو مافيه فايده يلا روحي
أديم: زين انتبه لسُلاف وطمنا
عِنان: لا توصين
راحت أديم ونزلت وشاف سيارة قربت وركبت ورا :السلام عليكم
جسار وهو مبتسم: عليكم السلام شفيه صوتتس ؟
أديم بنبرة باكيه : كان ودي اشوفها قبل اروح
جسار: وليه ماشفتيها ؟
أديم: عِنان رفض يقول مايصير الحين هي مره مو هاديه وبس تبكي خليها لين تهدى وتعالي شوفيها
جسار: كلام عِنان صح خليها لين تهدى
ماردت عليه وكملوا الطريق بدون مااحد يتكلم وصلوا للبيت وكان الوقت متأخر 2:33 نزلت وعلمها وين غرفة ضيّ وراحت عندها وصارت تبكي على حال اختها وضيّ تواسيها هدت شوي وعطتها ضيّ بجامة لان عليها فستانها حق العشاء ولبستها وتوضت وصلت الوتر وطلبت من ضيّ تنزل للحوش وتسألها اذا فيه احد وجاوبتها ضيّ بـ لا عادي روحي نزلت أديم من غرفة ضيّ وطلعت الحوش وجلست وكان بارد الجو بس كانت تحتاج ترتاح وتبقى بمكان فاضي وتفضي تفكيرها كانت غافله عن اللي يراقبها ويراقب حركاتها ويبتسم لها ماكان يعرف مين هي او مين بنته وايش جابها لبيتهم بس كان متعجب من أمرها وشكلها وحلطمتها وهواشها على نفسها ابتسم ودخل داخل ماحب يشوفها اكثر وهو مايدري مين طلع لضيّ وفتح الباب الغرفه وشافها منسدحه قرب لها : فيه احد عندنا بالبيت؟
ضيّ فزت تخاف انه شافها بالحوش:ليه شايف احد؟؟؟؟
صقر بتوتر: لا بس شفت بنت نازله مع جسار قبل شوي
ضيّ ارتاحت: اي ذي أديم بنت ابو سَهم
صقر ابتسم على جنب: وش جايبها هنا؟
ضيّ: ياكثر تحقيقك جايه مع اختها وزوجها عشانها بالمستشفى
صقر: زوجها هي؟؟؟
ضيّ: واو على الغباء خارق وجدًا زوج اختها ياذكي
قرب وضربها مع رأسها بخفه: بلا قلة ادب اخوك الكبير
ضيّ: طيب طيب اطلع قبل تجي البنت وتخوفها وتطلع قلبها
طلع من الغرفة وهو يفكر من ذي وكيف جت وليه طاحت تحت عيونه وش صاير لااختها عشان الحزن الكابت بقلبها وعلى عيونها وبملامحها رمى نفسه على السرير واخذه التفكير لااديم لين اخذه النوم ونام....
_
ثاني يوم الصباح 7:7ص
بالمستشفى عند عِنان وسُلاف كان منسدح على الكنب قام وصلى ورجع عندها وانسدح ينتظرها تصحى بعد دقايق سمع صوت أنينها قام على طول لها: تحسين بشي؟
سُلاف تهز بـ لا: نبي نطلع عِنان بطلع ولا تجادلني
عِنان : تم بكلم الدكتور
دخل الدكتور على طول التفت له وابتسم: الطيب عند ذكره
ابتسم الدكتور : امر ياعِنان
عِنان أشر على سُلاف: تبي تطلع
الدكتور: خلاص عادي بمجرد انها راحت الحمام"تكرمون"تقدر اطلع
عِنان: زين يعطيك العافية يادكتور
الدكتور : يعافيك ولو واجبي
طلع الدكتور من عندهم وراح لها : خلاص انبسطي الحين بتطلعين
سُلاف : خلاص ماابي اشوفك
عِنان: ليه وش صار؟
سُلاف صرخت: كل شي صارررر بسببببككك اكررههككك ياعِنان اكرههههكك
عِنان ماكان يبيها تنفعل وحب يهديها: طيب طيب نطلع ونتفاهم اهدي
سُلاف اشرت بيدها على الباب: اطططلعععع بببرررااااا
طلع عِنان وهو مايبي يعصبها اكثر وهالشي مو زين لها ابد.....
-
الديرة
كلهم مبسوطين وينتظرون سُلاف على احر من الجمر وهيئوا لها كل شي ممكن يونسها ولا يذكرها بشي وكلهم جالسين ببيت ابو سَهم التفت وعد وهي تتكلم مع امها: شلون خليتي اديم تروح ورجلها كذا؟
ام سَهم: لا الحمدلله رجلها صارت احسن وقالت منها اشوفها واكون مع سُلاف بس امس كلمتنا مع ضيّ تقول انهم فكوها والحمدلله صارت احسن
وعد: اول شي المفروض ماكانت تروح ماتقدر حتى توقف مع سُلاف ثاني شي كيف كسر انجبر بيوم وليلة فسري لي حبيبتي ام سَهم
ام سَهم ضحكت:مو كسر طلع تمزق وعطوها مرهم تستخدمه ولا الحين هي ببيت اهل ضيّ لين يطلع عِنان ويمرها
وعد: اي احسن بس سُلاف بتجي عندنا اول ماتجي ولا بتروح بيتها؟
ام سَهم: اكيد بتجينا وين تروح لبيتها وهي بالتعب ذا
وعد:اي احسن
-
الرياض 5:22م
طلعوا من المستشفى وكان ساندها على يده وركبها السيارة وجلسها بشكل يريحها ركب ومشوا لبيت ابو صقر ياخذون اديم التفت على صوتها:ليه وديتها ليه ماخليتها تجيني؟
عِنان:كنتي معصبه ومو هاديه ف ماحبيت احد يجيتس وانتي كذا
سُلاف: بس اختتييي غيييررر
عِنان: طيب اسف وحقتس علي الحين تشوفينها....
وصلوا للبيت وشاف صقر عند الباب ونزل يسلم عليه
صقر: هلابك ياابو فهد
عِنان ابتسم : هلابك ياابو خالد الاخبار؟
صقر: والله بخير الحمدلله انت اخبارك وأخبار الاهل
عِنان: والله الحمدلله كل شي بخير وعلى مايسرك
صقر: ياجعله دوم يارب
عِنان: وياك اقول بالله صوت لي اديم بنروح لديرة
صقر: ابشر دقيقه
دخل وشافها هي وضيّ بالصاله وقال لها عِنان برا يبيك وطلعت له وشافت جسار قدامها واقف يسلم على عِنان طاحت عيونهم ببعض وتذكرت شعر كانت تردده دايمًا..
"عيونك تدخل ضلوعي
في غفلة من عيون الناس
وتاخذ قلبي من قلبي
تضيق بصدري الأنفاس
ولما ينتبه واحد من الجلاس
بسرعه تركض النظرة"

"هالله هالله بالنجمة حبايبي والكومنتات الحلوه والتفاعل عشان نكمل "
وتعالوا انستا لتشبيهات والتسريبات اللذيذة "rwiiai1"🫦🤍🤍🤍🤍
واحبكم🤍🤍🤍🤍🤍🤍🫶🏻