جيتني من أقصى دنياي...وصرت الدنيا بعيوني

البارت-52

-
دُبي
صحى من النوم وشاف الساعة
كانت5:5م قام وهو مستغرب
من نفسه من امس المغرب نايم
ولا حس ولا صحى ابد معقوله هالكثّر تعبان؟
صحى وتروش وصحصح ولبس
واخذ مفاتيحه وطلع من الفندق
صار يتمشى حول الفندق ومايدري وين بيروح
بالضبط توجهه لبرج خليفة
وصار يتمشى ويناظر له بذهول
دخل وراح لمطعم واكل وطلع يتمشى
وشاف محل قدامه رفع رأسه وقرأ الاسم
وكان"كارتير" ابتسم ودخل
وصار يناظر فيه وهو مذهول
من الجمال اللي قاعد يشوفه
شاف خاتم وتخيل لو كان على يدها
ابتسم وتقدم للموظفه: بالله ابي اشوف هالخاتم
الموظفه طلعت الخاتم :ذي دّبله وتوها نازله جديده
زادت ابتسامته وهو بفكر بشي: بالله ابيها
الموظفه وهي وتحطه بالعلبة المُخصصه له: تمام
مدّت له الكيس واخذه: كم؟
الموظفه: 5,750
فتح عيونه بذهول من السعر
بس فكر فيها وكيف ان ذا الشي
قليل جدًا من اللي راح يسويه
أبتسم وطلع بطاقته وحاسب وطلع
والدّبله بيده وصار يتمشى ويشتري
له لبس واشياء جديده .....
-
الرياض
ام سَهم وام عِنان صاروا يجهزون أغراضهم
راجعين لديره ولكن البنات للحين عند ضيّ
فوق يقضون اخر يوم عندها
لانهم راجعين التفت ضيّ لوعد
: اديموه وينها ماجلست معها وانتم بتروحون؟
وعد رفعت كتوفها: والله لا تسأليني
ضيّ: الا تعالي وخليك منها انتي متى ولادتك؟؟؟
وعد: الشهر هذا ان شاءالله
ضيّ تصفق بحماس: الله بصير خاله من رحّم الصداقة
وعد: حبيبتي صدق ابيكم جنبي هالفتره
جود: افففاااااا انا عندتس ولا يهمتس
دلال: يحبي اقول كلنا حولتس بس "نزلت رأسها بخجل"عندي لكم خبر
ضيّ : نورينا سّت دلال
دلال: بتصيرين خاله من رحّم الصداقة للمره الثانية
شهقوا البنات وصاروا يصارخون ويحضنونها
جود: الله بتصييييرر خالههه
سُلاف: حبيبتييييي وربي مره فرحتتت للككك
ضيّ: الله ويابختي كل صديقاتي بيجبون لنا أولاد
دلال: اولادنا حنا انتي شتبين؟
ضيّ ضربتها مع كتفها: خاينه ماتبيني اخذهم
دخلوا عليهم باللحظة ام عِنان وام صقر: شفيكم تصارخون ؟؟؟
ضيّ: تعاليييي ياخاله شوفي بنتك ايش عندها اخبار ومخبيه عنك
ام عِنان: وش صاير يادلال وجود
جود رفعت يدها وأشرت على دلال: انا ماليش دعوه
ام عِنان : وش صاير
ابتسمت دلال : يمه انا
قاطعتها ضيّ: هي حاملللل
اضربتها مع كتفها: خليني انا اقول الخبر
ام عِنان حطت يدها على فمها
وتقدمت وحضنتها: مبروك ياحبيبتي مبروك يابنيتي
دلال: الله يبارك فيك ياحبيبتي
ام صقر: مبروك ياروحي يادلول
دلال: الله يبارك فيك خالتي عقبال ماتفرحين بضيّ
ام صقر رفعت يدها: امييييننن
ضحكوا ومبسوطين بالخير الجديد اللي زرع الحب بقلبيهم والفرحة والبهجة حتى بقلب سُلاف ...
-
10:00م
لكن أديم ؟كانت تتسحب للأسطبل
بدون مايحس عليها جسار تقدمت
ودخلت للأسطبل وتوجهت للخيّل الجديده
وقفت قدامها : اووو انتي الخيّل الجديده
اللي مايبيني جسار اجيتس طيب
عرفيني عليتس آنا اديم وانتي؟
شوفي ادري انتس منغثه انتس
عند ذا بس ماعليتس منه تبيني اطلعتس؟
فتحت الباب ومسكت اللجّام حق الخيّل
ومشت هي والخيّل وصارت
تسولف عليه وحطت يدها عليه
من فوق وفجأة هّاج الخيّل عليها
وصار يفرع نفسه ويرجع يضرب الأرض
واديم مصدومه من اللي تشوفه
وخايفه وهو صار يقرب لها حطت
يدها على رأسها عشان لا يضربه
وضرب كتفها
وصرخت بكل قوة: ججسسسسساااااارررر
اما جسار التفت لصوت اللي
جاه من الإسطبل وهو جالس
ورا الاسطبل يتقهوى عشان يرجع
ويروضه وقف وركض لأسطبل
وشافها تحت وهو يرفع نفسه
ويرجع يضرب الأرض بأقوى ماعنده
وصرخ لها: ادييممم انسدحي على الارضضض
سوييي نفسك مييتتتهه سررعهههه
لكن اديم ماسمعت له من الخوف
ماركزت بالكلام وضرب كفتها
للمره الثانية بس بخفه وغطت
وجهها بيديها وصارت تصرخ بأسمه
وتستنجد فيه وفجأة.......... صمت
سمعت صوت طلق نار وبعدها ماسمعت
لا صوت الخيل ولا جسار
ولا ضرب الخيل ولا اي شي فتحت
عيونها بخفه وشافت جسار قدامها
ركض واخذها وقفها وحضنها : ياغبيه ياغبييييه
كان راح يذببحككك ماتسمعين الكلااام
انتيييي لازم يصير لتس شي عشان
تقتنعين وتسمعين الكلللااممم هاه!!!!
ماكان يسمع منها غير بكائها وشهقاتها
تنهد بقوه وبعدها
عن حضنه: خلاص كل شي تمام
فتحي عيونك وشوفي كل شي بخير وانتي بخير
فتحت عيونها وشافت جسار قدامه ابتسم
لها والتفت تشوف الخيل وشهقت
يوم شافته طايح على الأرض وميت
والتفت لجسار: ليش ذبحتهه!!!!
جسار رفع حاجبه: يضربك وكان بيذبحك
وتسأليني ليه ذبحته؟؟؟
أديم نزلت رأسها بأسف: اسفه ماكان قصدي
اسوي شي بس والله كنت بتعرف
عليه ماكان قصدي اسوي كل ذا
ولا انك تذبحه وادري انك شريته
جديد عشان تدخل فيه سباق اسفه جسار اسفه
جسار أبتسم: كل شي عندك يهون يابنت الخيل يجي بداله خيل لكن أديم من يجي بدالها!!
أديم ابتسمت :طيب انا بدخل داخل
جسار: طيب بشوف كتفك
أديم: تمام ماعليك ماتوجعني
جسار: اخاف كسر
اديم صارت تحرك يديها بالهوى: هاه شوف كل شي تمام لو كسر كان وجعني
أبتسم على حركاتها : أديم
أديم: هلا
جسار: أحبك
أديم انصدمت من كلامه والكلمة اللي
جمدت جسمها كامل وزادت دقات قلبها
وحست ودها تتنفس بقوه تحس نفسها
مكتوم نزلت رأسها وصارت تلعب
بأصابعها بتوتر ابتس على حركتها
ومسك وجهها: طيب ناظريني لا تنزلين رأسك
ناظرت له وهمس: أحبك أديم
أديم : ما بيّن كل البنات ليه اخترتني
جسار ابتسم على سؤالها وكأنها تبيه
يبرر لها حبه:مابيّن كل هالوجيه اللي تمرني
وجهك وحده اللي خلاني اجيك واحبك
ابتسمت اديم على كلامه وسمعت
وعد اللي تناديها التفت له: ينادوني بروح برجع لديره
ابتسم: طيب روحي
راحت والتفت على صوته: اديم اديم
"التفت له وهمس" أحبك
فهمت الكلمة من حركة شفته ابتسمت
وراحت وهي ماتقدر توصف الشعور
اللي بداخلها تحس ودّها تطير ودها
تصرخ للعالم عن فرحتها وناستها
وحتى حبها كانت كل ماتتذكر كلمته تبتسم
زيادة وتغطي وجهها بخجل ركبت السيارة
وهي تحس السيارة ماتكفي مشاعرها اببدد ودّها تطيييررر وتوضح للعالم مشاعر الحببب.....
-
دُبي
وصل للفندق بعد تعب مر عليه بهاليوم
وبنفس الوقت شاف أماكن وحبها
واتمشى وغير نفسيته وصل للغرفه
وصار يضرب مخابيه يدور كرت الغرفه
وضرب رأسه بقهر : اووففف شكلي نسيته داخل يالليل
نزل تحت وراح للأستقبال وقف
وصار يكلم الموظف : بالله ابي كرت
نسيت حقي بالغرفه
التفت على صوت جاه من وراه : رقم كم؟
عقد حواجبه من البنت نفسها
اللي شافها اكثر من مره:عفوًا
ابتسمت: انا نور وهذا الفندق لاابوي وانا أديره
عِنان: اوو ماشاءالله زين بس جيت
باخذ كرت لاني نسيت حقي بالغرفه
نور توجهت لمكان الكروت وفتحته
وشافت كروت الغرف كلها: كم غرفتك؟
عِنان:110
نور: زين ياعِنان
رفع حاجبه: وكيف عرفتي اسمي؟
ابتسمت ورفعت الكرت
ومدّته عليه: اسمك بالسجل
عِنان مااهتم: زين
اخذ الكرت وطلع لغرفته
رمى نفسه على السرير
وفتح الخاتم وهو يتأمله وشاف معه
كرت وفكر لو يتقدم لها بطريقه
اكثر تليق فيها نزل الخاتم جنبه ونام.....
-
الديره
رجعوا للديره والكل راح لبيته
وصارت القلوب مرتاحه ومبسوطه
نفس قلب أديم اللي نامت وهي
ماقدرت توصف فرحتها اللي للحين تتذكر كلمه
وترجع تبتسم اكثر من قبل
ونفس سَهم اللي نام وهو
مرتاح وكل شوي يرفع يده
ويشوف الدّبله وكأنه مو مصدق
انها صارت له وكل شي راح....
ولكن سُلاف اللي كانت تنام بدموع
وتعب وبكي قررت تنام ببيتها
بما ان عِنان ماهو موجود ترتاح
من ام سَهم وكلام ام سَهم
دخلت رمت نفسها على السرير
وهي تشم ريحته بالبيت
وكأنها حنّت عليه....
صباح اليوم الثاني بالديره
بيت ابو سَهم
جالسين يتقهوون ومبسوطين
والفرحة تعم البيت كله
ام سَهم وهي تكلم
ابو سَهم: اقول عبدالعزيز فيه ناس جايين يخطبون سُلاف
ابو سَهم رفع حاجبه : ومين
والبنت باقي ماطلعت من العده!!!
ام سَهم : اي ادري بس ام وليد
تقول تبيها لوليد لين تطلع من العده
سَهم: يمه مايصير ماشاورنا البنت ولا شي
ام سَهم:من متى والبنت تشاور!! اذا ابوها راضي خلاص
براء: لا طبعًا والله مايشوف ظلَها بدون شورها
ام سَهم: براء سَهم مالكم دخل انا اكلم ابوكم
ابو سَهم: كلام براء وسَهم صح نشاور البنت وبعدها نقرر
ام سَهم: اي اي كبروا رأسها عليناااا
سَهم: شوفوا عاد كل شي عندب بالدنيا الا خواتي وسُلاف اغلى وحده فيهم واتمنى محد يدوس لها على طرف يكفي ماجاها
قام وطلع ولحقه براء ...
طلع برا وفتح جواله وشاف اسم عِنان ودق وبعد دقايق وصلهه صوته : السلام عليكم
عِنان: هلا سَهم عليكم السلام
سَهم: توقعتك مغير الرقم
عِنان: كنت ناوي بس خفت سُلاف تحتاجني
سَهم: وفعلًا هي تحتاجك
عِنان فزّ وهو خايف عليها: شفيهااا!!!
سَهم: خطبها وليد ولد جارنا  ابو وليد
فتح عيونه بذهول وقام من السرير : تستهبل سَهم هي ماطلعت العده كيف تتزوج!!!!
سَهم: ام وليد خطبتها من امي وقالت لين تطلع من العده وانا ادري انها تبيك وانك تبيها لكن بالنهاية الشور لها ياانت ياوليد
عِنان بصراخ: والله ماياخذها قسم بالله يزفونه لقبره والله لو اُعدم مماهمنيييي بس محدد ياخذ سُلافففف "تنهد وكمل"اسمع سَهم ابي اكلمها الحين الحييييين الي اكلمها
سَهم وهو ماشي ناحية بيتهم: زين هذا انا رايح للبيت خلك دقيقه
وقف عند الباب وصار يدق مره ومرتين واخيرًا فتحت الباب : هلا سَهم
ابتسم وهو يسمع صوتها من ورا الجوال وتكلم سَهم: عِنان بيكلمتس يبيتس بموضوع
سُلاف: طيب عطني
اخذت الجوال وحطته على أذنها وعلى طول وجهه سؤاله:انا ولا وليد؟
استغربت سُلاف:وليد مين؟؟
عِنان عرف انها ماتدري: وليد اخو شّجن ولد ام ولبد خطبتس انا ولا هووو!!!!
سكتت وماردت عليه وكمل: قولي انت واجيتس وربي من أقصى دنياي ولا اختاري وليد وذي اخر مكالمة بيننا
سُلاف: طيب انا مااعرف السالفه ولا شي فهمني
سَهم صرخ: انتظر ياعِنان بفهمها
مسك وجهها: حبيبتي ام وليد لما عرفت انتس تطلقني قالت ابيها لوليد ولدي بعد ماتطلع من العده وعِنان الحين يقول تبينه هو ولا وليد؟
سُلاف بتوتر ماكانت تبي تقول انها تبيه: ماابي وليد
إتسعت ابتسامته بأنتصار انها باقي تبيه : بكرهه بس بكره وانا عندك والله يابعد من ليييي
سكرت الجوال وعطته سَهم وراح ودخلت داخل البيت وهي صوته غير نفسيتها بالكامل كيف كذا يقدر يتحمم بالشعور والحب بداخلها كانت مبسوطه وفرحانه وكانت تدور وضربت يدها بالجدار وجعتها لكن ابتسمت وقالت بفرح: اضربيني يالجدار مثل ماتبين جتك عيوني اللي تضرب اللي يضربني إضعاف
وقفت وهي مستغربه من الفرحه والوناسه اللي ملتّ قلبها بشكل هي ماتتخيله وهمست: وش هالشعور يارب أفهمه
-
بالطرف الثاني بدُبي
سكر وهو مبسوط بشكل
يحس مزاجه رايق جدددًا
فتح جواله ودق على صقر
ووصله صوته النايم: هلا عِنان
عِنان صرخ : قوممم قققوومممم
صقر بعد الجوال عن أذنه: عمى عمى فجرت اذني
خير شتبي
عِنان: احجز لي على اول طيارة لسعوديه
بسرعه بسرعه بسرعه
صقر: لا والله؟ وين اللي بيهاجر ويغير رقمه وا وا وا ؟
عِنان: الحب دعاني ياصقر مااقدر ماألبّي له مااقدر
صقر ضحك: مريض والله طيب طيب الحين احجز توكل
سكر وطلع من الفندق
وهو فرحته ماتكفيها دُبي وبس
يبي يصرخ للعالم انه بيرجع لها
تذكر الخاتم حمد ربه انه للحين
ماراح عن الفندق رجع ركض واخذ الكرت
وراح للمحل واول ماوصل
كلم الموظفه: السلام عليكم
الموظفه: عليكم السلام تفضل؟
عِنان: انا جيت شريت قبل فترة المهم ابيك تكتبين لي على الكرت اللي اخذت منكم الصراحة خطي شين وابي خط حلو يكتبه
الموظفه: اوك ايش نكتب؟
عِنان وهو يفكر ايش يكتب وحس مستحيل يطلع منه شي راقي ويليق لها: شوفي اكتبي اي شي يعني انا بتقدم لوحده وابي كلام راقي وكذا يعني حلو
سألته الموظفه سؤال جمد عِنان بمكانه: تحبها؟ او يعني حبيبتك؟
عِنان سكت وهو مو عارف ايش يجاوبها
وهو بنفسه يسأل هالسؤال هل انا احبها؟
طيب تصرفاتي بأيش ابررها؟
اعتذاراتي؟
ولما اترجاها ترجع لي؟
طيب وجلوسي عندها بالمستشفى
كل هالايام ايش يفسر
هل انت تحبها ياعِنان؟؟
تنحنح وقال بجمود:اكتبي كلام اني بتقدم لها وبس
الموظفه فسرت ان ذا حب وكتبته له واعطته الكرت وطلع وشاف جواله اللي يرن ورد: هلا ابو خالد
صقر: ياهلا ابو فهد اقول ترا اقرب طيارة بعد 5 ساعات وحجزتها
عِنان زادت فرحته: يشيخ الله يجعلني فداك والله كفو كفففووو
أبتسم صقر: حبيبي
سكر جواله ورجع للفندق يرتب اغراضه ومسك الخاتم وتأمله وشاف الكرت واللي كان محتواه"هَـل تقـبّليـن بـِي كَّـ زوُج لـكِ وَتقـبّليـن حُـبي ؟"
ابتسم وحطهم بالشنطة وجهز أغراضه وطلع يأكل ويتوجهه للمطار.....
طلع المطار وباقي عن رحلته ساعتين جلس وصار يطقطق بجواله وشوي يناظر لناس شراء له قهوة ورجع يجلس بمكانه شاف بنت صغيره جنبه وتناديه التفت لها وناداها وجت عنده: اهلًا ياحلوه ايش اسمك؟
: اسمي سُلاف
فتح عيونه بذهول وضحك بقوه لدرجة الكل التفت عليه:ايش قلتي اسمك
: اسمي سُلاف ماتفهم
ضحك عِنان: والله افهم بس الأسم اهخخ يالاسم ياحلو السُلافات بسسس ياحللوهممممم
ضحكت البنت وهي ماتفهم ايش قاعد يقول تقدم وباسها وراحت عنه تذكر بيت شعر يحبه وهمس :أعشق سميّك في البزارين وأدعيه وأقبل خطاه إليّا أخطا وأتلقاه وأسمك يروعنّي ليّا مر طاريه وأحب ملقوفٍ يسولف وطرّاه" تنهد وصار يفكر فيها وكثييييرر"
بعد ساعة ونص سمع النداء لرحلته قام ومشى وهو الفرح واضح بعيونه بشكل كبير ركب الطيارة وطارحت وتأمل دُبي من تحت: ماعاد لي حاجةٍ فيك يادُبي برجع لحبيب قلبي بالرياض استودعتك الله
-
الديره
الكل فرحان برجوع عِنان وخصوصًا اهله ووصل لديره والكل صار يستقبله حتى ابو سَهم اللي طرده قبل اليوم يستقبله : سامحني ياابوك والله وقت غضب
ابتسم عِنان وباس يده: لا تعتذر ياعم والله اني افداك كلي
رفع رأسه ولمحها من بعيد وشاف عيونها وهي تراقبه من ورا الباب  يدرب انها ماتشوفه تنحنح بقوه وهي سكرت الباب نزل رأسه لأبو سَهم: بس عندي طلب لرضاي
او سَهم: امر؟
عِنان: ابي ارجع سُلاف برأيها طبعًا مو غصب
ابو سَهم: إذا برأيها تم
ابتسم : خلاص ابد موعدنا اليوم بعد العشاء
ابو سَهم بأذن الله
وراح لبيتهم يسلم على امه وخواته وجلس معكم والفرحه تعم كل الديره وكل من فيها ...
-
الرياض
بيت ابو صقر
جالسه بالصاله وتكلم وعد واديم وعندها جسار نايم
ضيّ: امانه بيرجعها ؟؟؟؟
وعد: اي والله بعد العشاء بيجي يخطب
ضيّ: ياقلب قلبي ياسوسو يارب الفرحة تغمر قلبها يارببب
اديم : اميييييينن
ضيّ: يلا وعقبالك انتي يااديم
فزّ من مكانه وتنحنح: مين تكلمين
ضحكت بقوه: بسم الله شفيك
جسار: لا ولا شي بس مين خاطب مين ؟
ضيّ حبت تنرفزه: اديم مخطوبه
رفع حواجبه : صادقه؟؟؟
ضحكت أقوى: شوف وجهك كيف صار لا امزح امزح سُلاف بيرجعها عِنان
تقدم وضربها: غبيه
طلع من البيت وهي تضحك: اوو طلع عندنا حبايب
اديم: بالله سدي حلقتس
ضيّ: اي هين بس اسكتي
بالطريف الثاني من بيت ابو صقر كانت جالسه عند المسبح والأنوار طافيه وتبكي ومحد حولها
دخل صقر البيت وانتبه بصوت بكيها اللي كان عالي تقدم وماكان يشوف احد الأنوار طافيه تقدم وشافها وصار يسمعها تتحلطم وتهاوش واستغرب من الموضوع اللي كانت تتكلم عنه وانتبه انه شوق لاامها تنهد بضيق وقرب لها وهمس : مّلاذ
وقف بخوف: مييين
صقر: انا صقر لا تخافين
مّلاذ : شفيك شتبي
صقر: مدري سمعتك تبكين وجيت اشوفك خفت يكون فيك شي
مّلاذ: مافيني شي
صقر: طيب ادخلي الجو بارد بدأ بدخل الشتاء
مّلاذ: ماابي
صقر: ادخلي يامّلاذ الجو بارد بكره تمرضين
مّلاذ صرخت بين دموعها: ماابي ياخي ماابي روح عني
استغرب صراخها وهو بيساعدها عصب من تصرفها:يشيخه ماعلي منك ان شاءالله تمرضين سنه قدام انا وش لي فيك
راح وتركها وهي تبكت وصارت تضرب برجها الأرض وتهاوش لكن ماانتبهت ان الأرض فيها مويا وزلقت وطاحت بالمسبح وللأسف ماكانت تعرف تسبح لانها تخاف منه وصارت تصارع المويا وتحاول تطلع وتضرب وتحاول تنطق اسمه لكن هو سمع صوت المويا وجت بباله فكرت انها طاحت ورجع على طول وفعلًا شافها طايحه نزل اغراضه وجواله وعلى طول رمى نفسه وراها وطلعها وصار يضرب وجهها يصحيها وماكنت ترد اضطر يسوي لها تنفس صناعي وسوا لها مره مرتين ثلاث واخيرًا طلعت المويا اللي داخلها وصحت : بسم الله شفيك ماتشوفين يوم تطيحين
مّلاذ زادت بكي : والله ماانتبهت
صقر تنهد: خلاص قومي يلا وادخلي وغيري لبسك عشان ماتمرضين
هزت رأسها:تمام
-
الديره
بعد العشاء ببيت ابو سَهم
جالسين الرجال بمجلس الرجال وسُلاف والبنات داخل
عِنان: عم متى باخذ سُلاف؟
ابو سّهم وهو يقوم : بنسألها اول
دخل ابو يّهم للبنات وصوت لسُلاف وجت عنده: سّم
ابو سَهم: اسمعي يابنتي عِنان جاي بيرجعتس وهالمره ماراح اغصبتس نفس قبل تبينه اهلًا وسهلًا ماتبينه والله لااخليه يشوف الباب وانتي براحتتس محد بيغصبتس ابد على هالشي
نزلت رأسها تحت :الشور شورك ياحبيبي
ابو سَهم: لا مو شوري الشور شورتس انتي قولي اي او لا
سُلاف: كيفك انا شوري مايتعدى شورك
ابو سَهم: سُلاف وش قلنا اي ولا لا؟
سُلاف هزت رأسها بأيه ابتسم ابو سَهم وحضنها: على بركة الله يروحي
سُلاف قامت وراحت للبنات وهي تضحك: يمه بنات اول مره اعيش دور العروس صدق
وعد : يقلبي يقلبي هذا الحببب بيطلع من عيونتس
سُلاف: اي حب بعد انتي مااحبه بس يعني اول مره اخذه برضاي
اديم: اكذبي على غيرنااااا حنا خواتتس نعرفتس اكثر من اي شخص
جود : للمعلومية تراهم كذابات بس ترا صدق الحب واضح بعيونتس مهما خبيتي
ضحكوا كلهم ومسكوا سُلاف طقطقه
عند الرجال
جاهم ابو سَهم وفزّ عِنان: بشر ياعم
ابو سّهم مثل الزعل: مامن نصيب ياوليدي الله يوفقك مع غيرها
وقف عِنان: ياعم وش تقول سُلاف رافضه؟؟؟
ابو سَهم هز رأسه بأيه وكمل: ابي اكلمها وش تبيني يوم وترفض يوم؟؟؟
ضحك ابو سَهم وسَهم وبراء الي فاهمين ابوهم: امزح معك موافقه بس حبينا ننرفزك شوي
ضحك عِنان: الله يهديك ياعمي بغيت تطلع عقلي
ابتسم ابو سَهم: أسم على عقلك المهم تقدر تاخذها
التفت لبراء: انقز صوت لها
براء: اصبر خلها ترتاح عندنا وبعدين تجيك
عِنان: والله لااهفك بالتمر لو ماتقوم
~بيت عِنان وسُلاف
دخلوا البيت ومسكها ومشى فيها لصاله ووقفها قدامه: اسف على كل شي تشوفينه عادي ومو عادي كبير ولا صغير اسف ومستعد اتأسف لتس عمري كله من ناحية نظرتس بنسافر واعالجتس وترجعين تشوفين احسن من قبل يروحي وبعدين جايب لتس شي
سُلا: ايش هالشي ؟
راح لشنطته وطلع منها خاتم وراح عندها ومسك يدها:ادري ماراح تشوفين لا الخاتم ولا الكلام بس بقول لتس الكلام والخاتم بأذن الله انتس بتشوفينه وبسوي لتس نفس المسلسلات بعد عشان تنبسطين واوعدتس ارجع اسويها والبستس من جديد اذا رجعتي تشوفين "جلس على ركبته ومسك يدها"هَـل تقـبّليـن بـِي كَّـ زوُج لـكِ وَتقـبّليـن حُـبي ؟
ابتسمت سُلاف بخجل وهزت رأسها بـ ايه ابتسم ولبسها الخاتم ووقف وحضنها وتنهد بقوه: يووو ياسُلاف يالشوق اللي بقلبي لتس لو تشوفينه حرام عليتس كل هالغيبه والله كنت بموت بدونتس
سُلاف: مايجي كثر شوقي والله
ابتسمت وتقدم وباس خدها...
وانتهت ليلتهم بكل خير وبكل حب

" أعطوني رأيكم بكل حب 🤍🤍🤍🤍🤍🤍🤍
اسفه نزلته وحذفته بس كنت بطوله لكم ومابخليه قصير
" لا تنسون النجمة حبايبي "
وتعالوا انستا لتسريبات والتشبيهات اللذيذة "rwiiai1"🤍🤍🫦