جيتني من أقصى دنياي...وصرت الدنيا بعيوني

البارت-49

-
الرياض ~
بالمستشفى عند سُلاف والبنات اللي ملتمين حولها وقرر الدكتور يطلعها لان حالتها تحسنت وكثير والبنات مبسوطين وجالسين معها ويرتبون الأغراض التفت ضيّ لهم: النومه عنديييي اللي تجيب طاري الديره بذبحها بالطريق اللي بيننا وبين الديره
ضحكوا البنات ونطقّت اديم: تممممم
وعد غمزّت: اي عشان نشوفتس عند الخيل
اديم توترت: احب الخيل
ضيّ ضحكت بخفه: ان شاءالله مايكون صاحب الخيل
مسكت المنديل وخذفته عليها:مااحب احدد
ضحكت جود بقوه: ياخي كل الناس يدرون الا انتي
أديم حست الدنيا تحترق داخلها من قوة الحرارة قامت وراحت الحمام وصرخت عليهم : غبيياتتتتت
ضحكوا عليها البنات ودخلت وضربت باب الحمام بقوه شافت وجهها بالمرايا وانتبهت لعيونها اللي تلمع معقوله احبه؟ لا مستحيل احبه وين الفرق بينه وبين فرق السماء عن الأرض لا انا احب الخيل حقه وبس تخيلوا احبه هو مستحيل مستحيل مانليق على بعض ابد صارت تأشر على نفسها يالمرايا وهمست: انا احب خيّله وبسسس هو مااحبه اديم اقتنعي ويويل ويلتس لو احس انتس تحبينه هو ماهو منتس ولا انتي منه وانتهى رتبت نفسها وطلعت للبنات اللي طالعين من الغرفه وقف يوم شافها طلالع قرب لها ومسك يدها : تسمحين اكلمتس شوي؟
التفت سُلاف وهي حسّت بصوته التعب وعدم الراحة والغصه والهم والغم ووضح لها عدم النوم المُريح اللي ينامه وعدم الراحة بشكل عام تحسست بيدها وجهه وحسّت بالشعر الكثيف وهو من زمان ماحلق وقف همسّت: عِنان
قرب سَهم ومسك يد سُلاف وحطها وراه: انسى تكلمها
قربت ومسكت يد سَهم : طلبتك بكلمه شوي بس شوي مابطول
سَهم: دام ذي رغبتتس ابد يحياتي اللي تبينه
طلع البنات لسيارة وقال لها تكلمه وتوقف مكانها ماتروح لين يجيها
وقفت قدامه وهي لو تتكلم
كلمة يمكن تبكي كانت ساكته تنتظره
يقول كلامه ويفهمها شعورها المتلخبط داخلها
فزّت على صوته وكانت في أتم السماع
له:يمكن تكرهيني او مو يمكن اكيد وماتطيقين صوتي
ولا وجهي ولا اي شي مني لكن اقولها وللمره
المليون انا اسف ماكان قصدي اسوي كل ذا
والله كانت لحظة غضب والغضب ذا وربي
كل يوم من يوم داخلنا المستشفى وهو ينسحب
من داخلي سُلاف انا من بعد اللي صارت
تغيرت والله تغيرت ياليتتس تشوفين
وتشوفين كيف التعب بوجهي والهالات بعيوني
والشعر الكثيف من يوم داخلتي وانا معتس
ماطلعت ولا تخطيت الخط اللي قدام
باب غرفتتس انا اسف اني اخذت منتس
كل شي اسف سُلاف ماني قادر اتقبل
الايام تمر بدونتس وبدون حسّتس او حتى
هواشتس كل شي فيتس وحشني والله
انا راضي تهاوشيني تهزئيني اهم شي
ترجعين لي سُلاف انتي جيتي من أقصى الدنيا وصرت الدنيا بعيوني والله
طلبتتس اكسريني بكل شي الا فيتس طلبتتس
كانت تسمع له بُكل أنصات ودموعها
اللي ماهي قادره توقف وتزيد مع كل
كلمة يقولها كان يسمع شهقاتها
قرب ومسك يدها: اوعدتس وعد ووعد الحر دين مااخليتس تشوفين يوم شيّن بحياتتس بس ارجعي لي وعد ياسُلاف وعد
سُلاف كانت محتاره بين عقلها وقلبها
قلبها اللي يقول لها ارجعي وثقي وعطي
فرصة وعقلها اللي يقول انتبهي مو كل مره
تسلم الجره ومو كل مره راح تسلمين
من تحت يده هالمره نظرك شوفي المره
الجايه ايش كانت تبكي وتزيد ببكاءها
تنهد بضيق وحضنها : ماراح اضغط عليتس
اكثر من كذا انا قلت لتس اللي عندي
وتقدرين تروحين وترتاحين وبالوقت اللي
تبين تردين علي فيه ردّي بنتظرتس طول عمري ...
-
الديره بعد مارجع عِنان وكان يحس الديره
بدون طعم ولا نور كانت صامته
والناس نايمه توجهه لبيته ماحب يروح لااهله
اخر الليل ويخوفهم نزل من السياره
ودخل داخل البيت تنهد اول مادخل البيت
سكر الباب وراه ودخل شاف الصاله مرتبه
وريحة البخور تعّج بالبيت ابتسم
وتنهد:حتى ريحة البخور ماقدرت تمحي ريحتتس
دخل داخل الغرفه وتوجهه لدولاب وفتحه
طاحت عينه على شماغه وفستانها
أبتسم وهو ياخذه ويشم ريحتها فيه
تنهد بقوه ورجعه مكانه واخذ
لبسه ودخل الحمام "تكرمون"
اخذ شور وغير لبسه ونام نام بس تفكيره
باقي صاحي وأحلامه تتمحور حولها وكان
يفكر فيها حتى وهو نايم يفزّ كل شوي
ويرجع يكمل نومته بعد مايطمن نفسه
نام وهو على هالحال....
-
الرياض
وصلوا لبيت اهل ضيّ ونزلوا البنات كلهم
ودخلوا حست بشخص يمسك يدها
والتفت له وشافته سَهم وقفت
والبنات كلهم دخلوا : شفيك ؟
سَهم: اشتقت لتس
ضيّ نزلت رأسها بخجل: خلاص عاد حتى انت وحشتني لكن الملكة نهاية الأسبوع مايصير كل مره نتلاقى
أبتسم سَهم وترك يدها: خلاص ادخلي بس كنت بقول لتس اني اشتقت لتس
ابتسمت له ودخلت للبنات
وهي تحس بحرارة مو طبيعيه: يووو بنات مره حر
غمزت لها أديم: لا مو حر ذي فعايل اخوي
ضيّ ضربتها مع كتفها: اديم لو ماتسكتين بذبحك
اديم: تستاهلين حسي باللي احس فيه
يوم تقولون لي كذا
وعد بضحكه: على الاقل ضيّ وسَهم
علني قدام كل الناس بس ياخوفي من اللي من تحت لتحت
اديم شهقت واخذت المخده
وضربتها فيه: اففااا تشكين بأختتس
"مثلت دور البريئه" ترا بس احب الخيل لا اكثر ولا اقل
ضيّ: اووو والمفروض حنا نصدق! اوك
اديم: عمى جعلكم ماصدقتم"سكتت شوي وحبت تنرفزهم"ولا تدرون اي احب جسار
واحب خيّله "تنهدت" مااحب من بعد الخيل الا الفارس
ماكانت تدري انها مو لحالها
هي والبنات اللي يسمعون هالكلام
ماكانت تدري باللي سمع كل حوارها 
وحبها لجسار وخيّله وماهو أقل صدمه
من البنات رجع داخل على طول التفت للبنات المصدومين وضحكت: اها يعني الحين مشى عليكم السناريو
يصلح اكون ممثله صح مالت مصدقين اني احب جسار قلت لكم الخيّل وبسس

" عطوني رايكم بالبارت ولا تنسون النجمة حبايبي "
تعالوا انستا لتشبيهات والتسريبات اللذيذة "rwiiai1"🤍🤍🤍🫶🏻