جيتني من أقصى دنياي...وصرت الدنيا بعيوني

البارت-28

-
بيت ابو صقر طلع عند اهله وهو حابس نفسه من وقت الانفجار واللي صار بأديم نزل وشافهم مجتمعين تقدم وجلس عندهم
ام صقر: الحمدلله اخيرًا نزلت وينك ياوليدي فاقدنك والله
جسار: معليش يمه حقك علي والله كانت النفسية ماش وكنت تعبان احتاج ارتاح
ضيّ: طيب دامك مرتاح شرايك نروح نزور سُلاف ونروح للبنات
ام صقر التفت لها : خلي الولد يرتاح يابنت توه طلع
ابتسم جسار: لا خليها يمه عادي بروح اخذ لي اكل وقهوة ونروح
وقت ضيّ وركضت فوق تجيب عبايتها ولبستها ونزلت وطلعت لجسار وركبت ومشوا واخذ قهوته وراحوا للمستشفى ونزلوا والتفت له: جسار كلم عِنان شوفهم بأي غرفه
اخذ جواله وهو يتصل على عِنان وبعد دقايق وصله صوته: هلا
ابتسم جسار وواضح من صوت عِنان فيه النوم: هلابك اخبارك ياابو فهد
عِنان: والله الحمدلله انتم اخباركم
جسار: الحمدلله بخير كم رقم غرفتكم ضيّ بتجي لسُلاف
رفع انظاره لها وتاملها لثواني وهي نفس ماكنت ماتحرك فيها ساكن : معليش ياجسار اعذرني والله سُلاف مثل ماهي ماتحس بأحد ولا تحرك فيها ساكن اول ماتصحى اقول لكم تجون
جسار : زين زين الله يقومها بالسلامة يارب مااشغلك فمان الله
عِنان: امين يارب فمان الله
سكر جواله والتفت لضيّ: امشي ماراح نروح
ضيّ: ليهه؟
جسار: البنت ماصحت للحين ومثل ماهي وماراح تحس فيك لو جيتيها
ضيّ وهي زعلت على سُلاف: زين يلا نروح البنات
طلعوا من المستشفى وركبوا السيارة وتوجهوا للفندق
نزلت وجسار بقى بالسيارة التفت لها ونطق:طمنيني عن اديم اذا نزلتي
ضيّ: زين بتروح البيت؟
جسار: اي بروح اكل لي شي من الطمعم وارجع البيت
ضيّ: زين انتبهلك
نزلت وراحت لغرفة ام سَهم اللي فيها بس البنات والعيال راحوا دخلت وسلمت عليهم وجلست عند اديم وضمتها
ضيّ: وحشتييينييي يحيوانه الحمدلله على السلامة
اديم ضحكت: الله يسلمتس
فتحت جوالها وارسلت لجسار"الحمدلله اديم بخير وهذي هي مبسوطه وتضحك"
ضيّ:وين دلول وجود ماجوا عندكم؟
وعد: لا بغرفتهم شوي يجون
ماكملوا كلامهم الا طق الباب ضحكت وعد: هاه اكيد جوا
دق جوالها وكان فواز والتفت لضيّ: لو سمحتي افتحي الباب بكلم فواز
قامت ودخلت الغرفه تكلم وقامت ضيّ تفتح الباب: هلا بالحببب وينكم طولـ... انصدمت من اللي قدامها...
-
عند الرجال بالمجلس ببيت ابو صقر يتقهوون ويسولفون
ابو صقر : متى راجعين ياابو سَهم؟
ابو سَهم: بأذن الله بكره
ابو صقر: سُلاف ماقالوا لها شي؟
ابو سَهم تنهد : لا والله وانا اخوك ماقالوا لها شي
ابو حمد: بتروحون وتتركها؟
ابو عِنان: عندها عِنان مايحتاج يجلس عِنان بينتبه لها واذا صار شي بيقول لنا ويجيها
ابو صقر: اي والله صادق روح ارتاح مالك بالجلسه هنا والتعب
ابو سَهم : اي بأذن الله برجع واوصّي عليها عِنان
-
بالمستشفى
جالس يتأملها ماتحرك فيها شي نفس وضعها من ايام حس بتعبت ويأس وده يحط عافيته لها تعبه تعبها وكسره طيحتها وطاح معها وهو بخير صاير مايحب اي شي وهي بهالوضع فاقد لذة أيامه صح ايامهم مع بعض كلها هوشات بس كان يحب هوشاتها يحب يحارشها وكان لها لذة بحياته قرب لها ومسك يدها وقربها لشفته وباسها وجلس عندها وصار يقرأ عليها قرآن خلص قراءة وقرب مسك وجهها بكفينه وهمس: الوعد باكر ولو تأخرتي لا يجي باكر ما أبي باكر بدونتس احبسي الفجر فـ عيونتس "قرب وباس عيونها" استودعتتس عينه اللي ماتنام
شوي ودخل عليهم الدكتور وتقدم سلم على عِنان
عِنان: بشرّني مافيه تغير؟
الدكتور : لا أبشرك فحصتها اليوم الصبح وانت نايم وحركت أصبعها فيه تحسن واجدد بس خلك قريب لها اذا قربك يحسنها اكثر
همس بينه وبين نفسه: تحب كل شي بالدنيا الا قربي
رفع رأسه : ان شاءالله لا تشيل هم ابشر بس يادكتور اذا ماينفع هنا اوديها برا تتعالج طولت وهي ماصحت
الدكتور: لا تطمن مره مايحتاج توديها اي مكان لانها تمام وذا شي طبيعي وهي بدت تتحرك يعني الحمدلله عطتنا مؤشر إيجابي
عِنان: زين يعطيك العافية ماقصرت
رجع يجلس عندها وماجس بنفسه واخذه النوم من التعب .....
-
بالفندق,غرفة ابو سَهم
فتحت الباب وانصدمت من اللي قدامها توقعتهم البنات كان طالعه بدون عباية ولا طرحه كانت كاشخه بكامل زينتها ومبسوطه انمحت ابتسامتها وهي تشوف وجهه جمدت مكانها ولا هي قادره تتحرك ولا تنزل عيونها ابتسم طرف ابتسامة: ماتوقعت اني حلو لدرجة ذي
نزلت عيونها وهي فعلًا تشوفه محلوا كان توه محلق وعليه بدلته وكان جمييلل : لا شدعوه بس انصدمت توقعتك البنات
راحت لبست عبايتها ورجعت
سَهم ابتسم بخفه:ياحظ البنات تفتحين لهم الباب وتناديهم بالحب
ضيّ بسخرية: ههههاي ياسخفك اقول تبي شي الحين ولا لا؟
سَهم ناظر حولي: مضيعه ترا غرفتنا انتي وش تبين؟
ضيّ: صارت غرفتي تبي شي؟
ضحك سَهم: بعدي عني بااخذ لي شغله لااخرب ملامحتس
ضيّ: اتحداك
سَهم: يحول ذي اللي تدور المشاكل
ضيّ: طيب طيب
راحت بتروح ورجعت التفت له: ماقلت لي مبروك؟
سَهم ضحك: هاه وافقوا اهلتس تروحين تدرسين؟
ضيّ بكل غرور: لا بس جاء اللي بيحقق لي هالشي
بردت ملامح سَهم وجالس يستوعب كلامها معناه انها انخطبت كيف ومييين؟؟
سَهم: انخطبتي؟
ضيّ رفعت يدها كان فيها خاتم الماس : قول لي مبروك
سَهم بلع ريقه دفها ودخل للغرفه اخذ اغراضه وطلع على طول بدون اي كلمه طلع من الفندق وهو يحمل بقلبه حمل ماله اول ولا له ثاني حس الدنيا كلها تدور فيه كرهه كل شي كيف كذا تنخطب طيب محد تكلم بهالشي محد عرف كيف انخطبت بدون محد يعرف توقع اهله يعرفون بس ماقالوا بس محد راح يحضر معقوله ملكة بدون حضور بدون ماتعزم اعز صديقاتها اللي هم خواته وبنات عمه
-
صباح اليوم الثاني مشوا ابو سَهم وابو حمد وابو عِنان واهلهم لديره ومابقى بالرياض غير عِنان وبراء اللي مو راضي يروح ويترك عِنان لحاله وسَهم لانه مداوم
سيارة ابو سَهم بالطريق متوجهين لديره
ابو سَهم: يارب اني ودعتك بنتي
اديم بزعل :ليه ماخليتوني اشوفها قبل ارجع
ابو سَهم: تزورينها الحين ليه؟ ماتحس فيتس ولا بأي احد
اديم: بس على الاقل اتطمن عليها
ابو سَهم: بأذن الله اذا صحت عِنان بيكلمنا وبنروح لها
اديم : تمام بس وعد وينها مو معنا؟
ابو سَهم: مع فواز
-
بالسيارة الثانية عند وعد وفواز
ماسك يدها وهو مشتاق لها بشكل ماتتخيله من زمان عنها من لما سافرت من اهلها وهو ماشافها بس يكلمها
قرب يدها لشفته وباسها: ياكثر الشوق يابنت عبدالعزيز 
ابتسمت له وهي تلتفت له: محد قال تبعد عني ياولد عبدالرحمن
ضحك بعلوا صوته: ماجيت معكم ولا جيت لسباق حق جسار عشان مااشوف بنات
شقهت والتفت له وضربت يده : وبعد تعترف قدامي انك تشوف بنات
فواز وهو يبي يشوف غيرتها: مااشوف بس عيني تزل من نفسها
وعد وهي تحط يدها على خصرها: لا والله يبي لي اطلعها هالعين عشان ماتزل مره وحده
ضحك بكل مافيه قرب لها وباس خدها: وش ابي بالبنات وملكي وعد علميني بس
وعد وهي تلتفت لشباك ملامح زعلانه: اي والمفروض اصدقك
مسك وجهها بكفه ولفه لها : ياكبر حظ اللي عنده انتي ياكبر حظي بتس ياام ذياب
فتحت عيونها بصدمه والتفت له وسرعان ماتوردت ملامحها خجل : بدري ياولد عبدالرحمن
ابتسم بخفه: لا مو بدري يابنت عبدالعزيز الصبر له حدود
وعد ضربته مع كتفه: خلاص عاد
ضحك والتفت لطريق وكملت: وبعدين من قال لك ان اسمه ذياب يمكن ماابي هالاسم
فواز مسك يدها : خططت له من زمان وبعدين كلهم ينادوني بالدوام ابو ذياب واول ولد لنا بيكون ذياب
وعد وهي تلعب بيده: واذا ماكان ذياب؟
فواز: تكون ذيبه
شهقت وضربته على كتفه وضحك بقوه : وش ذا عيالي ذياب وذيبه حيوانات مو أوادم
فواز: والله امزح معتس يابنت شفيتس خلاص البنت عليتس ولا تزعلين
كملوا الطريق وهم يسولفون ويضحكون وكان الحب الشي الوحيد المنهمر بينهم
-
بالرياض بيت ابو صقر
جالسين على العشاء كانت تاكل وهي ساهيه استغربت ان سَهم ماسوا ردت فعل ابدًا ولا تهاوش معقوله مافرقت معه؟ رفعت راسها على صوت جسار : ههوب وين وصلتي؟
ضيّ وملامحها واضح عليها الزعل: لا معكم
جسار : اي واضح بس قولي شفيتس
قامت من الطاولة: مافيني شي الحمدلله
ابو صقر: مااكلتي شي يابنتي
ضيّ وهي تبوس رأسه : بالعافيه عليكم شبعانه بروح انام
ابو صقر: طيب يابنتي بس مافكرتي بالجامعة؟
ضيّ: بابا حبيبي قلت لك متى افكر فيها وخلاص
ابو صقر بقلة حيله: زين روحي نامي نوم العافية
طلعت ضيّ الغرفه وهي تحس فيها ضيقة الدنيا كلها لدرجة مو قادره تتنفس دخلت تتوضى وصلت الوتر واول ماخلصت رمت نفسها على السرير وسرعان ماانهار بكي تحس مافيه شي بالدنيا يريحها كثر البكي صارت تبكي بشكل مو معقول وكملت بكي لين اخذها النوم ونامت...
-
بالمستشفى الساعة 1:11
كان منسدح على الكنب اللي عند سريرها ويقرأ كتاب لشاعر" بدر بن عبدالمحسن" يحب هالشاعر مره ويحب الشعر من كان صغير ويلهّي نفسه وهو عندها فجأة وبدون شعور سمع صوتها تكح رمى الكتاب بكل مافيه وقف مثل المجنون وهو يشوف اللي يسمعه صدق ولا يتوهم كان يشوف جفونها تتحرك تحاول تفتح عينها مسك يدها وهو اول مره يحس بشعور الفرحة لدرجة وده يطير بالمساء يحس الارض ماراح تكفي للفرحه اللي فيه قري وهو يبوس يدها وهمس :مشتاق لك والشوق فيني يضاهي مشتاق حضنك والعيون السواهي مشتاق اشوفك وآتملا بوصوفك
كانت تشد على يده وكأنها تسمعه رن الجرس اللي ورا السرير وجوا الممرضات : فيه شي استاذ عِنان؟
عِنان بفرحه وعصبيه وكل المشاعر مختلطه فيه: نادوا الدكتور بسسسرعهه
ركضت تنادي الدكتور وسرعان ماجاء الدكتور وخاف يحسب فيها شي : بسم الله ياعِنان صاير شي؟
عِنان وهو يخز رأسه بـ اي: كحت وحركت جفنها وشدت على يدي
الدكتور بأبتسامه: ماشاءالله صادق ياعِنان
عِنان: اي والله
الدكتور: ماشاءالله سُلاف بتحسن كبير بسببك بعد الله
عِنان: مشكور يادكتور بس بالله افحصها وتأكد
قرب الدكتور ويفحصها ومسك يدها وشبكها بيده كان يبي يشوف هي بتشد عليها او لا عِنان فتح عيونه بذهول وهو حس انه غلط رغم انه دكتور بس حس انها شي له ليه يمسكها تنحنح وهو يحك رقبته صار يتمشى بالمكان يبي الدكتور يترك يدها التفت له الدكتور: غريب مو راضيه تشد على يدي تعال نجرب بيدك
قرب عِنان وشبك يده بيدها قرب وهمس : سُلاف
وبالفعل استجابت وشدت على يده ابتسم وهو يناظر الدكتور : شدت عليها
الدكتور ابتسم: واضح تحبك دامها شدت يدك ومو راضيه تشد يدي
عِنان ابتسم: يعطيك العافية
الدكتور : يعافيك وتقدر تتطمن سُلاف  بتحسن كبير كبير وقريب بأذن الله بتصحى
عِنان وهو شابك يديهم ببعض : بأذن الله يادكتور مشكور

تعالوا انستا لتشبيهات"rwiiai1"