جيتني من أقصى دنياي...وصرت الدنيا بعيوني

البارت-39

-
بالرياض بيت ابو صقر..
كانوا مجهزين البيت على اكمل وجهه وكاشخين وكل شي كامل ..
عند ام سَهم وام صقر ووعد اللي جالسين يتقهوون...
ام سَهم: والله ياام صقر مابنلقى نسب مثل نسبكم ولا بنت مثل بنتكم لولدي سَهم
ام صقر: والله اشرف لنا ياام سَهم والبنت بنتكم مثل ماهي بنتي وابد انا عني موافقه والبنت لكم بس الشور شورها هي
وعد: اكيد ياخاله الشور شور ضيّ مانبي ناخذها بالغصب والله يوفقهم ويجمع بينهم بالخير
ام سَهم: امين , الا اقول بنتنا الحلوه وينها
وقف ام صقر: فوق الحين بناديها
طلعت ان صقر لغرفة ضيّ فتحت الباب وانصدمت من اللي شافته شافتها ببجامتها ولامه شعرها وتتابع مسلسلها وتاكل قربت واخذت من الابتوب وصرخت بوجهها: الناس تحتتت ينتظرونك وانتي جالسه مكانك ولا سويتي شي؟؟؟؟؟؟
ضيّ بكل برود: ماابيه علميهم
ان صقر عصبت منها وشوي وتنجن: يابنتت قومي تعدلي وانزلي قسم مايصير خاطرك طيب
ضيّ وهي مو مهتمه: طيب طيب
نزلت ام صقر وهي شوي وتنجن من ضيّ وخبالها اللي جاء فجأة لبست حجابها طلعت للحوش تبي تنادي ابو صقر وشافت سَهم عند المغاسل يغسل يديه وراحت له: ولدي ياسَهم
سَهم: هلابتس ياعمه
ام صقر: شلونك ياولدي
سَهم: بخير الحمدلله وانتي اخبارتس
ام صقر: بخير الحمدلله "سكتت شوي وكملت"ياولدي بقول لك
سَهم خاف: شفيه ياعمه
ام سَهم : تعال شف البنت انجنت
سَهم بحده : شفيها؟؟؟
ام صقر : ماتزينت ولا سوت شي وتقول ماتبيك
سَهم انصدم من كلامها كيف ماتبييهه: وينها ياعمه؟
ام صقر: بغرفتها
سَهم: اقدر ادخل عليها؟
ام صقر: ادخل مع باب المطبخ
راح سَهم ودخل ووصل غرفتها ودي الباب وسمع منها رد تتوقعه امها: اميييي خلااصصص ماابي اشوف احد ولا ابيه ماابيه ماابيه سَهم ماابيه
سَهم ماينكر صدمته من كلامها بس فتح الباب ووقف قدامه بكل صمتتتت...
رفعت رأسها وناظرته وانصدمت انه قدامهااا ركضت وحطت شي على رأسها : خخييير تدخل كذا بدون ماتستحي ؟!؟؟؟
سَهم بكل برود: مواقفه ولا لا
ضيّ : اطلععع براااا
سَهم: جاوبي اخر جواب واوعدتس ماتشوفين وجهيي
التفت وماردت عليه رجع وعاد كلامه وماسمع منها رد وكمل: ثلاث دقايق مانزلتي عند اهلي ابشري باللي بيروح وعمرتس ماتشوفينه ومو حبًا فيني لدراستك غيرها حتى انا مو حبًا فيتس يابنت خالد
تركها وطلع وهي بمكانها منصدمه من كلامه ونزلت دموعها وبكت بكل ضيقق.....
طلع من الغرفه وهو ماوده يقول لها كذا بس هي عصبته وتصرفها قهره
-
الديره
بيت ابو عِنان
جالسين بالحوش ويسولفون عِنان وام عِنان وابوه وسُلاف وجود ..
جود: دلول متى بتجي؟
عِنان:حمد قال طالعين من الرياض
جود: اخيرًا اشتقنا لها
ام عِنان: اي والله لنا فقده
ابو عِنان بحده: معليه بيت زوجها مو بيت غرييببب
عِنان سكت مايبي يتجادل معه
التفت ام عِنان لسُلاف السرحانه: امي سُلاف شفيتس؟
سُلاف انتبهت لها: سمي عمه لا مافيني شي
ام عِنان: اكيد متعبتس الحمل
سُلاف : اي والله لي كم يوم تعبانه
عِنان: وليه ماتقولين لي اوديتس المستشفى
سُلاف: ماشفتك فاضي
عِنان: شوي بعد الغداء نمشي ان شاءالله
سُلاف: ان شاءالله
ام عِنان: كم صار لتس معتس هالتعب
سُلاف: من ثلاث ايام يمكن
ام عِنان: زين روحي اكشفي وعلميني
سُلاف : ابشري ياعميمه من عيوني
ابو عِنان التفت لعِنان: ترا بنسوي عشاء بكره
عِنان: لمين؟
ابو عِنان: بدون سبب ولدلال بعد
عِنان: زين ان شاءالله
-
الرياض بيت ابو صقر
لبست احلى فستان عندها وعدلت شعرها والميكب وقفت قدام المرايا وهي بكامل جمالها وأناقتها طلعت من الغرفه ونزلت لهم طاحت عيونهم عليها وام صقر ابتسمت بأنتصار لانها تدري ان سَهم تفاهم معها بأسلوبه ناظروها بأنبهار وشايفينها بكامل أناقتها وجمالها كانت لابسه فستان باللون الوردي وبدون أكمام واكسسوارات فضية ناعمه وكعب ابيض ومسويه شعرها ويفي تقدم تسلم عليهم
ام سَهم: ماشاءالله ماشاءالله على بنتي تهبلين اسم الله عليتس
وعد: وانتي صادقه يايمه الله قلبك يااخوي على هالجمال
ابتسمت لهم : حبيبتي ربع من جمالتس
وعد غمزت: يعيني تبرمجتي من العين ياجمالتس اجل
كشرت بوجهها وتعدت وضحكت وعد عليها
وقت الشوفة الشرعية لان سَهم طلبها ووفقوا لانه من حقه....
دخل المجلس وماشاف احد وجلس ينتظرها وهو متوتر يحس قلبه بيطلع من مكانه من الخوف والتوتر بعد دقايق دخلت عليه كانت حاطه شال على أكتافها عشان تغطيها وماكان عليها ميكب الا روج كان منزل عيونه على يده رفع عيونه عليها وانصدم من اللي قدامه لا والله ماهي ضيّ لها وبس الا ضيّ ونور للعالم كله خفّق قلبه من الجمال اللي قدامه وقف لها وهي تقدمت ووقفت بعيد عنه قرب لها ومد يده وصافها وشد على يدها وهمس: من عيونتس النجلا غدى القلب مسلوب كوكبٍ دُري ضوى نورتس أعيان
ابتسمت ونزلت رأسها بخجل وانتبه للماسة اللي بسنها كانت مُبهره بشكل مو طبيعي فاتنة بشكل كثير على قلب سَهم صح قد شافها لكن اول مره يشوف شعرها ويشوفها بالجمال ذا والظهور اللي تعب قلبه......
-
الديره 4:00
بيت عِنان
كانت تصلي وخلصت وشافته واقف جنبها : قومي يلا نروح
وقفت سُلاف: تمام بقوم اللبس واجي
عِنان مسكها مع يدها: وش متعبتس ؟
سُلاف: حمل اكيد بطني يعني
عِنان: ليه ماقلتي لي من اول مره
سُلاف: مااحتاج خدمتك
تركته وراحت للغرفه ولبست لبسها ولبست عبايتها وطلعت له وماشافته واكيد انه بالسيارة طلعت وركبت معه ومشى بدون اي نقاش بينهم ونص ساعة ووصلوا لرياض بدون اي كلام بينهم ولا اي نقاش مايبي يتجادل معها وهو يعرف نفسيتها صايره ماتنطاق وصلوا للمستشفى ونزلوا واخذوا موعد.....
-
بيت ابو صقر
خلصوا الخطبه وطلعوا من البيت وسَهم أتم الرضا والحب والفرحه رجعوا لديرة بعد ماتمموا كل شي وبكل رضاء وحب
-
عِنان وسُلاف
بعد دقايق سمعتهم ينادون بأسمها "سُلاف عبدالعزيز عيادة النساء والولادة"
قامت تدخل وناظرت عِنان رفع نظراته لها: شفيتس؟
سُلاف: ماابي ادخل لحالي
وقف معها ودخل وهو يبتسم عليها قالت لدكتوره انها تبي تكشف على الجنين وانسدحت على السرير وهو يراقبها رفعت الدكتوره بلوزتها وهو يراقبها ويبتسم وهي منحرجه منه مشت السونار على بطنها وشافوا نقطه صغيره التفت لسُلاف واشرت على الشاشة: شوفي هذا البيبي
ضحكت سُلاف وهي تشوف النقطه الصغيره: صغير مره
ابتسمت الدكتوره: اي باقي ماله الا شهرين
ابتسم عِنان وهو يشوفه: عساني قد شفته يانظر عين ابوك عساني قد شفتك يالشيخ فهد
كشرت يوم شافته وسمعت كلامه
قامت وعدلت بلوزتها وراحت جلسة عند الدكتوره
الدكتوره: شوفي ياسُلاف حملك ضعيف ف لازم تنتبهي لنفسك
عِنان بأهتمام: كيف ضعيف؟
الدكتوره: اذا اي حطيه او اي ضربه ممكن يطيح ف لازم تنتبه لنفسها وترتاح
عِنان: ان شاءالله يادكتوره معليتس
قاموا ومسكها وطلعوا وركبوا السيارة ومشوا طالعين من الرياض التفت لها: لااشوفتس مشتغله ولا قايمه ولا متحركه ولا مسويه اي حركه فهمتييي؟
سُلاف: طيب
عِنان: الحين شفيتس وش مزعلتس؟
سُلاف : مافيني شي
سكت مايبي يضغط عليها وكملوا طريقهم راجعين لديره.....

لطفآ نجمة منكم ياحلويني وعطوني رأيكم وايش تبون احط بالجاي؟🤍🤍🤍🤍🤍
"تعالوا انستا لتشبيهات والتسريبات اللذيذة rwiiai1🫦🤍🤍"