جيتني من أقصى دنياي...وصرت الدنيا بعيوني

البارت-34

-
الديرة يوم ملكة دلال وحمد....
الكل كان مبسوط لهم وخصوصًا إنهم عانوا كثير عشان يصولون لبعض او بالاصح حمد عانا كثيييرر عشان هاللحظة اللي جالس يلبس فيها عقاله ليوم ملكته تذكر شعر كان يحبه مره
-
هذا المساء للحب للشوق للمواعيد
وهذا المساء في القلب شمع وأغاني وعيد
مدري سحابه شال ولا شعاعه جيد
هي الهوى آمال وحب الهوى تنهيد
وينك حبيبي قبل الشفق مايغيب
تدري حبيبي كل الصبر تعذيب
-
وانتهى الصبر وانتهى التعب وجاء يوم اللقاء ومواعيد الحب, قدام المرايا يعدل ثوبه ويحط القلم ويتعطر من عطره المُفضل دخلت عليه رسل بحماس: واااوو طالع شكلك خخطييررر يابختك يادلول
ابتسم : اول مره احبتس
رسل تمثل الزعل: افا يااخوي تراني احبك والله واتمنى لك الخير بس عادي لابد بنتهاوش شوي
تقدم وحضنها: يروحي يارسول يارب عقبال مااشوفتس احلى عروس
رفعت يدها: امييييين على اللي ببالي
شهق والتفت لها طلعت من تحت يده وهي تركض وتصرخ: الدعوه دُعابه ترا امزززححح
ضحك وهو يرجع يعدل شكله للمره المليون وكأنه مو مصدق ان اليوم ذا جاء
-
الرياض الساعة 3:33م
طلع من دوامه وراح لمحل ورد يبي يجيب لها شي يرضيها دخل واختبار له باقة ورد كبيره تتحلى باللون الأحمر وطلب كرت وكتب عليه رسالة لها
-
دفنت الغرام بـ خافقي والقلوب أسرار
مشاعر.... هقيت ان الليالي تضيّعها

جحدت الغلا ليت أمتلى بـ الخفوق وتار
قصايد عساها اليوم تطرق مسامعها
-
اخذ الورد وركب السيارة وتوجهه للمستشفى
بعد دقايق وصل للمستشفى نزل واخذ الورد وهو عارف ان الوقت ذا مو وقت زيارة لكن مايبي احد عندها يبي يجيها وهي لحالها دخل ومشى للأستقبال: السلام عليكم
:عليكم السلام
سَهم: فيه مريضه هنا بزورها
: بس انت عارف ان هالوقت مو وقت زيارة
سَهم: عارف بس والله مابتأخر دقيقه وطالع لان بروح من الرياض وبزورها قبل اطلع تكفين
: طيب بس لا تتأخر لان بيصير مسؤولية علي
سَهم: ابد ماعليك
: ايش. اسم المريضه؟
سَهم: ضيّ خالد صقر
:الدور الثاني غرفه 122
طلع لدور الثاني ركض ووصل عند باب الغرفه وقف قدامها وهو يتأملها ويتنهد : اهه ياضيّ وش سويتي فيني
ودق الباب وفتحه شافها جالسه على جوالها متملله رفعت رأسها وشافته تتوقعه واحد من اخوانها انصدمت يوم شافته سَهم عدلت جلستها وهي ماودها تشوفه بعد تخر موقف صار لهم صدت عنه تلعب بأظافرها عشان ماتشوفه عرف انها تلعب عشان تصد عنه: يالضيّ
ضيّ وهي منزله رأسها: ههممم؟
سَهم: ارفعي رأستس وشوفيني
ضيّ وهي باقي منزله رأسها: شتبي سَهم وايش جابك؟
تقدم وحط الورد على حضنها : اسف على كل شي صار جيت بزورتس لاني طالع الديره اليوم ملكة ولد عمي لكن واضح مو مُرحب فيني
التفت بيطلع رفعت رأسها بهاللحظة : سَهم
وقق على صوتها اللي من زمان ماسمعه بذي النبرة البريئة التفت لها: سّمي
ضيّ: اسفه على كل شي والكذبه وكل شي سويته
سَهم: لا تعتذرين وصح بقول لتس تراني قلت لجسار بعد ماتعدي هالفتره بجي اخطبتس
ضيّ انبسطت وهالشي وضح عليها : صصدقق متـ.....
سَهم: خطيت هالخطوة عشان تروحين تدرسين وبس"شد على كلمته الأخيرة "
ضيّ تضايقت من كلامه انه بيلبي طلبها بس من حبًا فيها التفت لها: رايح الحين لديره تبين شي؟
ضيّ: هزت رأسها بـ لا : سلم لي على البنات
طلع من عندها ركب السيارة وهو يتمنى مايندم على اللي صار مشى وتوجهه لديره عشان ملكة حمد
رفعت الورد وشافت الرسالة ابتسمت وهي ماتفهم شعر كثير بس حست انه غزل ضحكت بقوه وهي تحضن الورد
-
الديره
صحت مصدعه وتعبانه ومن امس تستفرغ استغربت من اللي يصير لانها مااكلت شي غريب عليها وهي ببيت اهلها مالها الا اديم لان ام سَهم ماتحبها راحت لااديم اللي جالسه بالغرفه تختار لها فستان: اديم
التفت لها اديم: هلا بالحب سّمي وبعدين ليه مااخترتي لبس وكذا "سكتت وهي تشوف وجهها صاير اصفر"
قربت لها ومسكت وجهها: بسم الله عليتس وش فيه وجهتس اصفر يابنت صاير لتـ.... ماكلمت كلمتها الا وسُلاف طاحت بالأرض شهقت اديم ونزلت لها وصارت تطبطب على وجهها: سُلاف شفيتس يابنت تكفين ردي علي بنت سُلاافففف
لبست جلالها وركضت برا وماشافت اي احد من اخوانها ولا احد بالحارة وشافت عِنان واقف عند السيارة يدخن ركضت له : عِنان ععععِنناننن
التفت عِنان بخوف : هلا وش فيكم
أديم : سُـ سُـلا
اول ماحس انها بتقول اسمها: وشش فييهااا سُلاااففف
أديم: مدري مدري طاحت علي بالبيت
ركض وهو مايحس بنفسه لين ماوصل لبيتهم دخل وهو مايدري مين قدامه ومين ممكن يدخل عليه التفت لااديم:وييينهههااااا
اديم أشرت فوق : فوقق ففوقق
ركض فوق وتصنم يوم شافها قدامه طايحه كانت شبهه الميته وجهها اصففرر بشكل كبيير ركض لبسها عبايتها وشالها ونزل لسيارة ركض على وصول سَهم شافه شايلها وخايفه تقدم : وش فييييهااا
عِنان : مدري طاحت فجأة بوديها المستشفى
ركب معه سَهم: معك
انطلق لرياض بكل سرعه يسرع ولا همه اي شي همه يوصل ويعرف وش فيها خاف انها طاحت على رأسها لان ممكن تنعمي ماطولوا ووصل لرياض توجهه للمستشفى على طول نزلل ونزلها وركض فيها حطها بسرير ودخلوها وواقف هو وسَهم ينتظرونها بعد نص ساعة طلع الدكتور وتقدم لهم: مين جاي مع المريضه سُلاف
وقف عِنان: انا شفيها فيها شي
وقف وراه سَهم والتفت لهم الدكتور: تعال مكتبي
دخل المكتب ودخلوا وراه على طول : طمني يادكتور تكفى
الدكتور ابتسم: مافيه داعي للخوف سُلاف بخير الحمدلله بس
قاطعه عِنان : بس ايشششش؟؟؟؟
الدكتور: مين زوجها؟
عِنان: انا بس وش فييهاا تكلم
الدكتور: الاخت سُلاف حامل
واقف مكانه وهو مصدوم ماينكر ان الفرحة تغمر روحه من داخل كونها تشيل بأحشائها طفله الأول اللي تعلق فيه اول ماعرف عنه بس يبصم مليون بالمية اذا عرفت هي بتخرب كل شي وبتقلب الدنيا ويمكن تنزله.....
وقف سَهم وحضن عِنان من الفرحة: مبروك مبروك ياولد العم واخيرًا بصير خال مرتين
ابتسم عِنان وهو من داخل الضيق شايله شيل: الله يبارك فيك ياخال ولدي
التفت وشافها طالعه من الغرفه لابسه عبايتها وواقفه تنتظره ركض لها بكل مايحمل من قوة وحب ولهفة وشوق وحضنها حضنها حضن عوضه عن كل الفتره اللي كانت فيها عند اهلها حضنها ودفن وجهه بشعرها وعنقها شستنشق ريحتها ريحتها اللي تجيب أجله وتجيبه كله حضنها وهو يدري بالعصبيه اللي بتتولع فيها ف حب يهدي العصبية قبل تبدأ ماكان راضي يتركها حضنها وهو يبوس عنقها بخفه وهمس: ياامي اخبارك الحين
ماسمع منها رد وشد على حضنه لها كأنه يعاتبها على بعدها حضنها وهو يشوفها اول مره بعد ماصار لها اسبوع ببيت اهلها بدون مايشوفها يشوفها زايدة جمال مايدري هي تزيد جمال ولا عيونه تجملها لانه من زمان ماشافها حضنها وهو متلهف لها بس ينكر ومبرره للحضن ذا انه بيهدي عصبيتها قبل تبدأ باس عنقها وارتفع وباس خدها وارتفع وباس جبينها بعد عنها وهو يمسك وجهها بكفينه وعيونهم ببعض : هديتي
بمجرد ماانه قال هالكلمة انهمرت بُكاء وصارت تبكي من قلب تقدم وحضنها أقوى من قبل وهمس: يخسون يشوفون دموعتس احطتس بضلوعي لين تهدين محد يشوفها غيري ماتضعفين عند غيري ياامي
هدت شوي بعد كلامه ومسح دموعها بأبهامة قرب وباس عيونها : خلاص هديتي
هزت رأسها بـ اي : بروح لااهلي
عِنان: ابشري بوديتس بس روقي لا تعصبين وتبكين "قرب وباس خدها وهمس" يصير اقول مبروك لولدنا؟
بعدته عنها: وليه مايصير بنت
ضحك وهو يعرف انها رضت نوعًا ما: يصير اكيد بس انا ودي بولد
سُلاف كشرت بزعل : وانا مابحقق ودك بحقق ودي
ابتسم عِنان وهو يسايرها : يصير ودتس ولا يهمتس
كل ذا اللي صار تحت عيون سَهم اللي تطمن لعلاقتهم مسك يدها وطلعوا لسيارة ومشوا لديره
ماشين بالطريق والواضح انها زعلانه التفت لها : تبين اشغل اغنيتس المِفضلة ترا صرت اعرفها
سُلاف : ورنا نشوف
شغلها عِنان وبدت تغني وكأنها يقصدها بكل كلمه تطلع من الأغنية وابتسمت لانهه الواضح من عيونه اللي مانزلت عن المرايا تناظرها وراه {لا تختفي ظلي النظر وكوني الصفا وكوني المطر رسمك نَدى خلى القدر الحلا يختار}
والحب بدأ ينهمر بينهم بكل شغف.......
-
الديره
الساعة 6:00 بدت الملكة ملكة اللي طالما عانوا عشان يكونوا لبعض تعبوا وشافوا الموت بس حاولوا ووصلوا لبعض واليوم القلبُ يِنعقد بالقلب
كانوا بالحوش مزين بالأنوار والحلويات والناس المزدحمه فيه والبنات اللي كاشخين بكل يجذب ومثل كل مره لازم يكونون مُميزين وكل وحده مُميزه بجمالها مثل وعد اللي زاد جمالها بروز بطنها الخفيف
بدوا بالاغاني والرقص وكانوا كل شوي يشيكون على دلال اللي خايفه ومحليها فستانها الأبيض ومسكتها البيضاء اللي فيها لؤلؤ والميكب الخفيف اللي محلي ملامحها ويابختك ياحمد
-
عند الرجال اللي كانوا يرقصون ويلعبون بالسيوف لعيون حمد يصير كل شي حمد الريشة والعين والحماس واللعب اللي زاد والحماس كل شوي يزيد اكثر
مازن بصوت عالي : عااشش العريس عااششش
حمد وهو منزل البشت ويلعب معهم: عشت يااعزوتيييي
-
عند الحريم
بدوا رقص وتشجيع وحماس وتصفيق التفت اديم لسُلاف اللي مو على بعضها: سُلافي فيتس شي؟
سُلاف: لا تطمني مافيني شي
اديم: مو علي
سُلاف : خلاص بعدين اقول لتس
اديم : لا قولي الحين مااحد بيسمع
سُلاف: انا "نزلت رأسها بضيق"
اديم: ايوه انتي كملي؟؟؟
سُلاف: حامل
شهقت بقوه لدرجة كل البنات التفتوا لهم: احلفييييييي
ضربتها سُلاف: اسكتي يابنت فضحتيني
اجتمعوا البنات حولهم: شفيكم ؟
اديم تشر على سُلاف: خبر بس أيه خبر زي العسل
وعد: عساه خير شفيكم
سُلاف تضرب يدها: خلاص اسكتي
جود: لا ماتسكت قولي شفيه
اديم: حاممللللل
شهقت جود: احلفييييييي
سُلاف: شفيكم بس تشهقون وتحلفوني بكذب يعني
وعد حضنتها بفرحة: مبروك يروحي مبروك
جود: مبببروكك واخيرًا بصير عمه يارببيييييي
اديم : مستوى بصير خاله مرتين
جود: خلاص قريب يتزوج هتان واصير عمه مرتين
بلعت ريقها يوم سمعت طاري خطبته معقوله مصمم خلاص ماراح يلتفت للحب اللي بينهم؟؟؟
قاموا يرقصون لفرحة دلال وفرحة سُلاف اللي غامرتهم بشكل كبييييرر
-
عند الرجال
كانوا عِنان وسَهم عند بعض يسولفون بعض ماخلصوا لعب وطلعوا كل الطاقة اللي فيهم التفت سّهم لعِنان: ياليت جسار واهله جونا
عِنان : اي والله ياليت بس هم ليه ماجوا اصلًا مو بكل افراحنا مشاركينا
سَهم: اي بنتهم تعبانه وماقدروا
عِنان: اي زين ماتشوف شر ان شاءالله "التفت لسَهم وحك جبينه بأحراج "اقول ودي اروح اشوف سُلاف
سَهم غمز : توك شايفها مسرع الشوق
تنحنح : لا مو شوق بس بتطمن عليها
سَهم: ابد امش اطلعها لك
قاموا عِنان وسَهم وتوجهوا لبيت ابو عِنان دق الباب وطلعت له اديم: هلا سَهم
سَهم: نادي سُلاف يبيها عِنان
اديم: زين يلا
التفت لعِنان:يلا بروح وانت شوفها
راح سَهم وبقى عِنان عند الباب ينتظر سُلاف
دخلت اديم وجلست جنب سُلاف: بنت
سُلاف وهي مالها خلق: هاه؟
اديم: الحب برا يبيتس
سُلاف التفت بأستغراب: عفوًا
اديم: عِنان برا ينتظرتس يبيتس
سُلاف : مالي خلقه
اديم: قومي جاي من الرجال عشانتس وعشان يشوفتس واخر شي كذا
سُلاف وقفت لان مالها خلق تتجادل معه طلعت وشافته عند الباب من داخل قربت له : هلا عِنان
عِنان:هلابتس شلونتس ؟
سُلاف: الحمدلله بخير
تقدم لها وحضنها من ورا وصار ظهرها على صدره وحط يده على بطنها: واخبار حبيب ابوه؟
سُلاف: بخير ماعليه
عِنان عصب من برودها:متعبتس؟
سُلاف: لا ماعليك
تقدم وباس خدها ولفها ناحيته ومسك وجهها بكفه: انتبهي لنفستس انا بروح الرجا
ماردت عليه والتفت بيروح ومسكت يده : عِنان
التفت لها: هلا امي
سُلاف تجمعت الدموع بمحاجرها: بروح البيت
خاف عليها ان فيها شي : بسم الله عليتس وش بتس
سُلاف: مافيني شي بس والله تعبانه ظهري يوجعني ودي ارجع
عِنان : زين يلا روحي البسي نروح البيت
راحت تلبس عبايتها وقالت للبنات انها تعبانه تبي تروح ترتاح وراحت لعِنان وطلعوا: تبين بيتنا ولا بيت اهلتس؟
سُلاف وهي تبي ترتاح من ام سَهم لانها ماتحبها: بيتنا
انبسط عِنان انها بترجع له وبترجع لبيتها

تعالوا انستا لتشبيهات والتسربيات🫣"rwiiai1"