جيتني من أقصى دنياي...وصرت الدنيا بعيوني

البارت-5

هل بيكون على اهل الديرة اليوم الصباح خير ؟
-
بيت ابو حمد
حمد:عِنانوه قم بكره ملكتك وانت باقي ماسويت من خطتك شي ونايم
عِنان بدأ يصحصح:اول شي مو ملكتي لاني ماراح اتزوج ثاني شي تقول عنانوه مسحت وجهك بأرض بيتكم ثالث شي كم الساعة
حمد: الساعة 11
فز عِنان :ليه ماصحيتني من بدري ناوي افطر مع ابوي
حمد: صار لي ساعتين احاول اصحي فيك حشى جدار مو ادمي الله يعين اللي بتاخذ
عِنان وقف ومر من جنب حمد ضربه بطرف رجله :قصدك يابختها
حمد:اي هين بس تعال صل الفجر
عِنان اللي راح يتوضى ورجع يصلي الفجر
عِنان: يلا بروح لبيتنا الحين
جاء بيروح والتفت لحمد: مشكور والله يعطيك العافية يأخوي والله ماقصرت بوقفتك معي
حمد:افا يأبو فهد البيت بيتك متى مابغيت تعال ارفس الباب وادخل
ابتسم عِنان بشكر وطلع من البيت وتوجهه لبيتهم
-
بيت ابو عِنان
دخل البيت واعتلى صوته: يأهل البيت
جت دلال تركض وارتمت بحضنه: وينك يعين ابوي اشتقت لك وين اختفيت
عِنان وعيونه تبحث عن جود: ابد يعين امي رحت ارتاح شوي عند حمد وتعرفين السالفة مايحتاج تسألين
سكت شوي وقال :الا تعالي جويد وينها مااشوفها
دلال:زعلانه منك وكثير وماتبي تشوفك
عِنان رفع حواجبه: افا وانا ابو فهد ماعاش من يزعلها ورأسي يشم الهوى
دلال: تراها بالصالة
عِنان: وتسمع صوتي ولا ترد اههخ يالخيانه
دخل عليها
-
عِنان : احم احم اشم ريحة زعل هنا
جود ماردت
عِنان جاء وجلس جنبها
عِنان:جويد تزعلين على عِنان حبيب قلبك
جود ماردت
عِنان: اذا مارديتي علي برجع لحمد ولا بروح انام عند براء
سمعت اسمه اللي لخبط شعورها
جود:وينك ياخي اشتقت لك كم صار لك طالع من البيت قسم بالله البيت خايس بدونك
عِنان: اسف يروح عِنان واخر مره تصير بس الحين جيت بودعكم واروح
فزت جود بخوف: ليه وين بتروح عِنان
عِنان حاوط وجهها بيدينه:عندي مهمه اسبوع بالكثير وانا عندكم
جود:ووعد؟
عِنان: وعد قلت لبراء كل شي وقال لنا وكلنا مانبي هالزواج
جود:زين اللي يريحك بس تكفى انتبه لنفسك
عِنان باس راسها:ابشري على هالخشم
ابتسمت جود
-
وصلت سُلاف للمكان اللي تبيه او بالأخص "الديره" ديرة ابوها
وقفت قدام بيت ابو عِنان ودقت الباب
قام عِنان: يلا بشوف الباب واجي اخذ اغراضي واروح
راح عِنان يفتح الباب وتصنم بمكانه يوم شافها تسارعت انفاسه لخبطت موازينه ومشاعره
غمض عيونه وفتحهم اكثر ممره بيتأكد من اللي قدامه كانت لابسه عباية وطرحه على رأسها
وباين وجهها ببياضه وجمال عيونها ولونهم وواسعها ابتسامتها اللي تجذب
وصوتها باللغة العربية بشكل مكسر قدر يوازن نفسه نزل راسه وتكلم
عِنان: عفوًا اختي امري
سُلاف: هل هذا بيت ابو....."كانت تحاول تتذكر اسم اخوها الكبير" ابو سَهم؟
عِنان بأستغراب: ابو سَهم؟؟
سُلاف هزت رأسها بأيه:ابو سَهم
عِنان: لا ذا مو بيت ابو سَهم ذا بيت اخوه
سُلاف:ممكن لو سمحت تُخبرني اين بيت ابو سَهم؟
عِنان:وش تبين فيه؟
سُلاف ناظرته ومافهمت شي ابتسم وعرف انها مافهمت
عِنان:اقصد ماذا تُريدين به؟
سُلاف: سوف تعلم عندما نذهب إليه
عِنان: زين تعالي وراي "طلع وسكر الباب وراه وهو يفكر فيها ومين تكون وليش تبي عمي ابو سَهم وكيف عرفته"
وتساؤلات كثيره ببال عِنان وهل بيجاوبه عليها اليوم
ابو سَهم وبيجاوب على اهل الديرة كلهم
على عياله؟
-
بيت ابو حمد
رسل: حمد طالبتك ودني لبنات عمي فهد اشتقت لهم
حمد: رسل والله مالي خلق اقوم شوفي فواز ولا زمان
رسل:مازن مو فيه بالرياض وفواز تعرفه ياخي اقشر بيهاوشني حمدوه طلبتك ياخي قوم
حمد تنهد بقلة حيلة:طيب يلا روحي البسي عبايتتس انتظرتس عند الباب
فزت رسل وركضت تلبس
وطلع ينتظرها حمد عند الباب انصدم وفتح عيونه بذهول من المنظر اللي قاعد يشوفه
وحاول يكذب اللي قدامه لكن ماقدر حمد بذهول: عِنان مع بنت؟ ومين هالبنت؟ وكيف مع عِنان؟ لا لا مستحيل ممسستحيييل
راح يركض واعتلى صوته بأسمه: عِناننن ياعِنااان "كانوا واصلين بيت ابو سَهم"التفت لها عِنان:ادخلي داخل ذا بيت ابو سَهم دقت الباب
اديم اعتلى صوتها وهي تسوي القهوة:وعد افتحي الباب يمكن ذا البراء
راحت وعد تفتح وانصدمت من اللي قدامها
سُلاف تتذكر كيف يسلمون بالطريقة المُسلمة:السلام عليكم
وعد بأستغراب:عليكم السلام مين انتي؟
سُلاف بأبتسامه : انا اختكِ
وعد شهقت بقوة جت اديم تركض:وعد شفيه وشفيتس تشهقين
وعد:شوفي اللي قدامي
شفتها اديم ماكانت اقل من صدمة وعد
اديم:مين ذي
وعد:تقول اختنا
اديم شهقت بقوه
وجاء صوت من وراهم :مين هي اللي اختكم
لفوا كلهم على سَهم
وعد اشرت عليها: ذي
سَهم فتح عيونه بذهول: اختنا؟؟؟؟
وعد: هي تقوله
سَهم: زين دخليها مايصير واقفين على الباب
ودخلوا كلهم وجلسوا بالصالة ينتظرون ابو سَهم يجي ويشرح لهم
عِنان:سم
حمد: مين ذي اللي معك ؟
عِنان رفع كتوفه بعدم معرفه: مدري
حمد بأستغراب : كيف ماتدري طيب وتمشي معها ليه؟
زفر عِنان وقال له كل شي رفع حمد حواجبه: كيف كذا وش تبي من عمي عبدالعزيز؟
عِنان: والله علمي علمك انا نفسك ماادري عن شي
اطلق حمد تنهيده: زين زين انا بروح اوصل اختي لبيتكم اذا حصل شي علمني
عِنان:زين يلا مع السلامة
حمد ابتسم: ياهلا
رجع حمد لرسل
رسل:عفوًا برر لي وين اختفيت؟
حمد:معليش بس قابلت عِنان واخذتنا السوالف
رسل:زين يلا تأخرت
راحت رسل لبنات عمها فهد
وهم ماشين مع الطريق قال لها حمد كل شي وقال لها تروح هي وبنات عمها فهد بكره لبيت عمي عبدالعزيز ويعرفون الموضوع
-
عند بنات ابو عِنان ورسل
رسل: بنات تدرون ايش صاير
دلال وجود بصوت واحد: وش صاير
رسل قالت لهم كل شي
البنات فتحوا عيونهم بذهول
دلال: طيب هي وينها الحين؟
رسل: عِنان دلها لبيت عمي عبدالعزيز
جود: تتوقع مين ذي يابنات؟
دلال: يمكن زوجته عاد مايحتاج اقول لكم عمي عبدالعزيز وزواجاته
رسل: لا يابنت مااحس احسها بنته
جود: بنته وماتتغطى وماندري من وين جايه
رسل: المهم بكره بنروح لهم
دلال:خلاص تم
جود: اقول رسل شرايتس تنامين عندنا وربي طفش
رسل: طيب بس بروح اقول لاابوي وحنين
دلال: قولي لحنون تجي معتس قسم مشتاقه لها
رسل: ابشري بقول لها واجي واشوف اذا تجي
-
بيت ابو سَهم
اعتلت أصواتهم بالصراخ والهواش بعد ماجاء ابوهم وشافها
ابو سَهم:تستهبل ذي انا من وين لي بنات من برا
سَهم بعصبية:طيب نقول تكذب وماهي بنتك طيب كيف دلت البيت كيف عرفتك اسمك مكانك عيالك يبه كيف كيففف برر
ابو سَهم : سَهم لا ترفع صوتك على ابوك
سَهم: يبه جننتني كل يوم متزوج وحده يبه احترم شيبك خلاص يكفي تعذبنا
ابو سَهم : ماهي بنتي يعني ماهي بنتي وطلعها برا بيتي بسرعه
سُلاف اللي كانت مرعوبه ولا كانت تدري وش يقولون ولا كانت فاهمه شي اخذتها وعد ودخلتها داخل
سَهم: طيب نبي نسوي تحليل DNA
فتح ابو سَهم عيونه بذهول: تخسي مااسويه وش تبي الناس يقولون عني
سَهم: يبه الله يحفظك هتان عندنا دكتور ويفهم بكل شي ومااحد بيدري عن شي بس انا وهتان اللي بندري بسسس
ابو سَهم بعناد : لا يعني لا وانتهى الموضوع وهي ماهي بنتي
سَهم: طيب لو طلعت بنتك؟ ليه تظلمها وتعذبها وتعذب نفسك وتعذبنا معك ليييه سو التحليل ومحد بيدري بس نبي نعرف هي بنتك ولا لا طلبتك يايبه
ابو سَهم اللي كان يدري انها بنته ومايحتاج تحليل بس مايبي يعترف فيها كانت تشبهه امها كثير تشبه أوليفيا كثييييرررر تشبهها لدرجة الشبهه عور قلب ابو سَهم وذكره بأيامها معه ذكره كيف تركها وقت حاجتها له وكيف تركها بتعبها نزل رأسه يمنع دموعه تنزل وهو يعرفها ويردد داخله سُلاف هي بنتي بنتي والله بنتي مايحتاج تحليل
قام دخل عرفته وهو مقرر يسوي التحليل ويعترف فيها بعد ماعرف ان امها توفت وماباقي لها غيره ولا يبي يظلمها