جيتني من أقصى دنياي...وصرت الدنيا بعيوني

البارت-44

-
الرياض
بيت ابو صقر
كانوا جالسين بالغرفه حقت ضيّ ملاذ وابوها وضيّ ويخططون لديرة بكُره: ضيّ الحين انتِ تعرفين وينها؟
ضيّ: الصدق لا جسار وصقر يعرفون
سُلطان: يعني لازم ناخذ واحد معنا
ضيّ: خلاص اقول لجسار لان صقر بيداوم
سُلطان: خلاص اجل نقول لجسار
ضيّ وقفت : انا بروح اقول له
طلعت من الغرفه على طول وراحت له دقت باب غرفته وسمعت صوته يسمح لها بالدخول دخلت وتقدمت وجلست عنده على السرير: جسوري
جسار: شتبين ياضيّ؟
ضيّ: شفيك منفس
جسار: اخلصي وش تبين ؟
ضيّ: بنروح الديره انا وسُلطاني ومّلاذ تروح معنا؟
جسار فز يوم سمع طاري الديره: ليه بتروحون؟
ضيّ: بس بعرفه عليهم وكذا ونبيك تجي معنا لانه مايعرف الخط
جسار: خلاص تم
ضيّ قامت وغمزت له: اي لانها ديرة الحب مو لعيوني ولا لعيون خالو
جسار اخذ المخدة وضربها فيها وركضت وطلعت من الغرفه ....
-
الديره
بيت ابو عِنان
مجتمعين حول امهم العيال والبنات ويقهوون بعد ماخلصوا من الغداء التفت ام عِنان للبنات: اجهزوا عندنا عشاء اليوم
كحت جود بصدمه: يمه وشو عشاء اليوم متى ليه مايمدي وش السالفه
ام عِنان: عشان نبي نعزم ام وليد جيرانا الجدد ولا نعزمهم عيب!!
جود: ام شّجن؟
ام عِنان: اي وعشان نبي نخطبها
شهقت أديم: يمه وش فيتس الله يصلحتس اليوم صدمتيني كثير وش تخطبين ولمين؟
ام عِنان: شّجن لهتان
جود: لااا مايليققققق
ام عِنان: محد طلب رايتس
حكت جبينها وضحكت: شكرًا لتس وصلت
دخل هتان بهالوقت: هلا هلاب بوليدي
هتان ابتسم وقرب وباسها: هلابتس يالغالية
ام عِنان: هلا بالعريس
هتان رفع عيونه بأستغراب: عريس!!
ام عِنان: اي بخطب لك اليوم
هتان:مين ناويه؟
ام عِنان:شّجن بنت جيرانا الجدد ام وليد البنت تهبل وماشاءالله كامله والكامل الله
هتان تضايق من هالطاري: يمه قايل لتس ماابي
ام عِنان: وش عذرك؟
هتان: ماني مستعد
ام عِنان: بنخطب ونشوف
هتان قام وطلع: يمه ماابي
طلع وماسمع ردها عصب بشكل مو طبيعي تخيل لو رسل عرفت قررر هو يقول لها عشان مايوصلها من غيره ويقول لها انه رفض...
-
الرياض
جالسه بغرفتها وطفشانه سَهم صار له كم يوم ماكلمها ومستغربه مسكت جوالها ودخلت على اسمه ودقت ومارد ورجعت تكرر الإتصال ورد عليها:هلا سَهم وينك؟
سَهم: بغيتي شي؟
استغربت من اسلوبه اللي صاير ماينطاق معها: شفيك سَهم وش هالاسلوب
سَهم: عندك شي قولي ماعندك انا ماسك طريق لديرة ومضطر اقفل
ضيّ: تجي وتروح وماتفكر حتى تشوفني او تتصل ؟
سَهم: ابد اخليتس تنبسطين مع حبيب القلب
ضيّ استغربت بزيادة: حبيب القلب؟؟؟ وش قاعد تقول انت سَهم فيك شي؟؟؟
سَهم : اي فيني شي فيني اني غبي من البداية ماعرفت طينتتس وخطبتس من البداية يوم عرفت انتس تشوفيني من ورا اهلتس وتكلميني وتطلعين قدامي بدون حجاب المفروض اكنسل لان ممكن الشي اللي تسوينه معي تسوينه مع غيري يااخت ضيّ
سكتت وماكنت تقدر تتكلم حطت يدها على فمها ونزلت دموعها وكمل كلامه: اشوفك ساكته ردي علي كيف سلطانتس عساه بخير وعجبتس الورد اللي جابه ولا لا ؟ والفطور كان مُرضي؟؟
ماكانت تقدر تنطق بأي حرف انصدمت من كل شي قاعد يقوله ومن كل شي فاهمه غلط وحكم عليها بهالسرعه سكرت الجوال وصارت تبكي بأنهيار ......
جتها امها وقامت تغسل وجهها عشان لا تلاحظ شافتها وخافت عليها: شفيك؟
ضيّ: لا بس كنت اتابع مُسلسل
ام صقر: تمام قومي ترا بنروح الديره
ضيّ: ايش نبي فيها؟
ام صقر استغربت من كلامها وهي تحب الديره : عندهم عشاء بنروح
ضيّ: ماابي اروح
ام صقر: ليه وش صاير مو تحبينها؟
ضيّ: بس مالي خلق
ام صقر : ابد براحتك
-
الديرة
العشاء ببيت ابو عِنان للحريم بس"
كلهم مجتمعين ببيتهم ام سَهم وبناتها وبنات ابو حمد وعازمه ام صقر وضيّ وام وليد وبناتها
ام عِنان: اديييمم طلعيييي القهوة الحين جاييينن
اديم: ابشري عميمه ابشري
قامت وطلعت القهوة ورتبوا الحوش والحلا بأنواعه وقهوة وشاهي بأنواعه
وعد: ادييمم روحي بيت سُلاف قولي لها تجي
جود: لا لا عِنان فيه يمكن تطلع معه اذا طلع
وعد: تمام
-
بيت عِنان
كانت منسدحه على الكتب وتفتش جوالها جاء عِنان عندها وطفت الجوال ونزلته جاء جلس عند رجليها وسند ظهره على ورا: ماراح تروحين لاامي؟
سُلاف: بروح بس شوي
عِنان: طيب قومي اجهزي
سُلاف التفت عنه: مايخصك
عِنان رفع حاجبه: شفيتس الحين؟؟؟
سُلاف وقفت وصارت قدامه : تصدق عاد الكلام معك ضايع اروح الغرفه احسن
دخلت الغرفه وسكرت الباب بقوه فتح عيونه بذهول وصدمه من اللي قاعد يشوفه : مجنونه ذي ماهي صاحيه
طلع من البيت وهو قرر يتفاهم معها اول مايرجع راح للعيال مجتمعين بالدّكه: السلام عليكم
العيال بصوت واحد: عليكم السلام
عِنان: ياعيال وربي الوضع طفش ليتني مااخذت إجازة
براء تقدم وضربه: ليتني مااخذت معك انا مدري ليه امشي وراك
عِنان: لانك حمار
براء: ماتستاهل خوي مثلي
هتان: اقول ياعيال يبي لنا بر والله وجلسة نار وشاهي
براء صفر: اوووفف احتاجها كأنك حاس فيني
عِنان : عني تم
حمد: وعني تم
مازن: اكيد تم
عبدالعزيز: اكيد مابجلس لحالي معكم
عِنان : سَهم له فقده
هتان: اليوم بيرجع
عِنان: صدق حلووو نروح مع بعض اجل اذا جاء بدري
هتان : تممم يلا نقوم نجهز العزبه ونروح على الجيب
قاموا العيال وتوجه كل واحد لبيته ياخذ شي لهم ...
-
خلصوا من تجميع العزبه والأغراض وتوجهوا للبر...
بيت ام عِنان والحريم كلهم مجتمعين ومن ضمنهم ام وليد
ام عِنان: بشرّوا عساكم مستانسين هنا؟
ام وليد: اي والله ياام عِنان الحمدلله مبسوطين "التفت للبنات" الا عرفينا على الحلوات؟
ام عِنان وهي تأشر على بناتها : جود ودلال بناتي "اشرت على بنات ام سَهم" اديم وعد بنات ام سَهم ودي سُلاف بنت ابو سَهم من زوجته الثانية وزوجة ولدي عِنان "أشرت على بنات ابو حمد" حنين ورسل بنات ابو حمد
ام وليد:ماشاءالله البنات متزوجات؟
ام عِنان: بس وعد وسُلاف ودلال وعد اخذت فواز ولد ابو حمد ودلال اخوه الكبير حمد وسُلاف ولدي عِنان
ام وليد: ماشاءالله تبارك الرحمن ياحلو البنات"التفت لبنتها شّجن" وذي بنتي شّجن
ام عِنان: متزوجه ؟
ام وليد: لا والله
ام عِنان: ماشاءالله الله يرزقها بولد الحلال
جود زفرت براحة وهي لدقايق تحس انها راح تخطبها
ام وليد: امين يارب
وكانت نظرات رسل ماتفارق شّجن ولا تصرفاتها وكأنها حاقده عليها .....
-
البر عند العيال جلسوا وضبطوا لهم جلسه وحطوا القهوة والشاهي والاكل اللي جايبينه وصاروا يسولفون ومن بين السوالف اقترح عليهم هتان اقتراح: شرايكم نغني
براء: لا تقول شعر
هتان: انا اقترحت قبلك يعني نغني
براء: غنِ لحالك ياحبيبي قلت نقول شعر
عِنان: لا تهاوشون احسن انا الكبير فيكم انا اقرر
حمد: كبير طل انا بقرر
عِنان ضربه : ترا اخليك تطلق اختي ارتاح احسن لك
حمد حط يده على فمه: هُنا نتطلب السكوت
كلهم ماتوا ضحك عليه
عِنان: قررت
هتان: نغني
براء: شعر صح؟
عِنان : نغننننيييييي
هتان : يسسسس كففووو يااخوي البطل
عِنان: مو عشاني اخوك بس لاني ابي
هتان: يلا اهم شي اخترتها
اختاروا الاغنية وحمد مسك العود وهتان الطبل وبدوا يغنون والباقي يصفقون
"وأبن شملان للمزيون نظرة حط نفسي رهينة
من بلاه الهواء ربي يعينه صابه الهم ولا مات مغبون