جيتني من أقصى دنياي...وصرت الدنيا بعيوني

البارت-19

-
أتصل عبدالعزيز على جواله اكثر من مره ولا كان يسمع اي إجابة او اي رد وبعدها بثواني دق جواله وكان رقم رد عليه
:السلام عليكم
عبدالعزيز: هلا وعليكم السلام
: معي عبدالعزيز فهد آل حامد
عبدالعزيز: اي نعم تفضل
:تعرف حمد عبدالرحمن آل حامد؟
عبدالعزيز خاف حس انه فيه شي وماهو بخير: اي نعم ولد عمي فيه شي ؟
: للأسف نبلغكم انه تم نقله للمستشفى بسبب حادث صار امس بالليل
عبدالعزيز: ابو فهد شلونه الحين ووين اي مستشفى
: مستشفى**** بالرياض تعال ونقول لك كل شي
عبدالعزيز:زين دقايق وانا عندكم
قفل جواله وركب سيارة ومشى لرياض وبعد نص ساعة وصل
-
بالمستشفى كان مايحس بالدنيا ولا بالعالم ولا بـ دلال اللي بتصير لغيره
مايحس الا بالهدوء والصمت واللاشي والظلام اللي عايش بوسطه مايحس بنفسه ولا بجسمه كان التعب مسيطر عليه ومنسيه حتى نفسه
جاء عبدالعزيز عند الاستقبال: لو سمحت انا جاي عشان المريض حمد عبدالرحمن آل حامد
: تفضل رقم الغرفه 230 بالدور الثاني
عبدالعزيز: زين يعطيك العافيه
طلع عبدالعزيز لدور الثاني وشاف الدكتور عند حمد راح لدكتور: بشر شلون حمد وكيف حالته
الدكتور: مع الأسف يأخ عبدالعزيز حمد حالته صعبه مره وللحين ماعطانا اي استجابة او اي مؤشر
بس ماراح نفقد ثقتنا بالله وبأذن الله بيعطينا خلال هالفترة
عبدالعزيز جلس على الكرسي وهو ماسك رأسه: كله بسببي كله مني
ليه ليه عصبت عليه ولو حبها ليييه سويت كل ذا "رفع رأسه وتنهد"اللهم لا أعتراض
دق على عِنان وقال له كل شي وقال له يقول لعمه ويقول للبنات انه حادث بسيط عشان لا يخافون
-
بيت ابو عِنان
خلصوا البنات تجهيز ولبس والميكب والشعر وطلعوا بأجمل طلّه ممكن تكون
وصف لأشكال البنات✨
"دلال عروستنا" فستان باللون الأحمر بدون أكمام يزهى عليها ماسك للخصر ونازل بالراحة
وفيه لؤلؤ عند مسكة الصدر وكعب ابيض وشعرها ويفي وماسكته من قدام ولابسه إكسسوار شعر فخم وإكسسواراتها الفضيه تحلي عنقها والميكب الفخم وبارز ملامحها
"جود" فستانها الأسود الماسك على جسمها طويل ويحليها وبأكمام طويله وشفافة
وبأكسسوارت فضيه فخمه تحليها وتزيدها فخامه وبكعب أبيض وشعرها الاستريت
"أديم"فستان أبيض ماسك على جسمها وبارزه وبدون أكمام وبكعب أحمر وإكسسواراتها الفضية والناعمه
وشعرها الويفي ونازل على وجهها والميكب الخفيف اللي بارز ملامحها ومحليها والروج الأحمر اللي محلي منطوقها
"سُلاف" فستانها الاصفر القصير بارز لونها وبياضها وبأكمام قصيره وخفيفه وإكسسوارات فضية
تحلي عنقها وشعرها القصير ويفي ورافعته من قدام وكعب ابيض وميكب خفيف يبزر جمالها وجمال لون عيونها
"وعد" فستانها باللون الذهبي وفيه لمعه بسيطة طويل ونازل على جسمها براحة وبفتحه بالظهر
واكسسواراتها الذهبية الناعمه والكعب الأبيض وشعرها الناعم النازل على فتحت فستانها
"رسل"فستانها اللي تلون باللون الأخضر الطويل ماسك للخصر ونازل على كامل الجسم بشكل واسع
وشعرها الاستريت والاكسسوارات الفضية الفخمه والميكب الناعم بارز جمالها
"حنين"فستانها باللون التيفاني الماسك على جسمها بشكل خفيف ومحليها ومحلي طولها
والكعب الابيض وشعرها اللي نازل بكل نعومة على ظهرها والميكب الخفيف اللي محلي ملامحها
كانوا مبسوطين على صوت الأغاني والرقص والتشجيع والحماس والفرحه لدلال كانوا
يشاركونها الفرحه بكل حب فرحانين لفرحة اختهم وصديقتهم وبنت عمهم
-
عند الرجال
كانوا يلعبون لعب رجال ويرقصون وكلهم فرحانين لكن فقدوا مكان عبدالعزيز وحمد عِنان مسك براء وبعدوا عن العيال
عِنان: ياولد ماشفت عزيز وحمد؟
براء: لا والله ماشافتهم من العصر شفت عزيز واختفى من بعدها
عِنان: اعوذ بالله وينهم وين اختفوا اهل العريس على وصول
براء: والله يأبو فهد انا مثلك فاقـ..... ماكمل كلامه الا ودق جوال عِنان وكان عبدالعزيز ورد عليه
عِنان: هلا عزيز وينك ياولد العريس واهله على وصول
عبدالعزيز ساكت ومارد على عِنان
عِنان:ياولد تكلم شفيك وينك
عبدالعزيز: حمد
عِنان دب الخوف بقلبه وحس ان حمد فيه شي: شفيه حمد تكلم
مسك كتفه براء: حمد شفيه شفييهه
عِنان: اصبر ياولد بفهم من عزيز
عبدالعزيز:صار عليه حادث وكان شديد والحين بالمستشفى ماندري هو حيّ ولا ميت
فز عِنان: احلفف وينه اي مستشفى وكيف صار الحادث طالبك ياعزيز تقوله وانت صادق
عبدالعزيز: والله ياعِنان هذا اللي صار وانا عنده الحين رغم ان الدكتور قال لي مافيه فايدة ورح لأنه ماعطانا اي مؤشر للحياة
عِنان سكت من قوك الصدمة مايدري وش يقول
عبدالعزيز: عِنان حاول توقف الملكة كنسلها وقل لهم اللي صار بس قل حادث بسيط عشان لا يخافون اهله
عِنان: زين زين بس انتم بأي مستشفى؟
عبدالعزيز: بالرياض بالمستشفى******
عِنان: زين جايين
قفل عِنان وهو حس ضيق الكون بقلبه ولد عمه واخوه بين الحياة والموت مسكه براء وهو يلفه ناحيته
براء: عِنان وش صاير تكلم
عِنان:حمد صار عليه حادث شديد وبين الحياة والموت ولازم نوقف الملكة ونروح لهم
براء انصدم وجمد مكانه وكأنه انصفق على وجهه:لا حول ولا قوة الا بالله طيب يلا امش نقول لهم ونروح
راحوا عِنان وبراء وكانوا العريس واهله واصلين وتقدم عِنان يتكلم وهو يشوف العريس توسط المجلس
عِنان: يارجال
كلهم التفتوا له ابو سَهم: اسلم يأبو فهد
عِنان نزل رأسه بأسى ابو سَهم حس ان فيه شي :عِنان فيه شي تكلم
عِنان: حمد ولد عمي عبدالرحمن صار عليه حادث ماهو شديد ان شاءالله وقلت نأجل الملكة ونروح له
فز ابو حمد وراح عند عِنان : عِنان حمد وش فيه وينه الحين
عِنان: أهدى ياعمي حمد ان شاءالله مافيه شي انا قلت نأجل الملكة ونروح له بالرياض
ابو عِنان رفع صوته : يارجال الملكة تأجلت لين يقوم حمد بالسلامة واعذرونا عنيناكم وماكتب ربي نتمم
مشى وراح لاابو صقر: اعذرنا يأبو صقر عنيناكم وماصار شي بس والله انت شايف ولدنا بالمستشفى ولا نقدر نتمم
ربت على كتفه ابو صقر: ابد ياابو عِنان كل تأخيره فيها خيره ان شاءالله والحين يلا يارجال نروح لحمد بالرياض والاهل خلهم عند الاهل لين نخلص من حمد وناخذهم
"التفت لولده جسار"وانت ياجسار اجلس عند اهلك لا تجي معنا لو يحتاجون شي
جسار: ابشر يبه
(تعريف لعايلة ابو صقر)
"خالد "ابو صقر انسان طيب والكل يحبه وعنده خير كثير وبيوت وعماير وإسطبلات خيول عمره 56 يشتغل وماسك شركته
"شهد" ام صقر انسانه انيقة بمعنى الكلمة رغم كبرها وجميلة وطيبه والكل يحبها ويشهد لها بطيبتها وحبها للغير عمرها 49
"صقر"اكبر عياله انسان عاقل وماسك اغلب شغل ابوه ويشتغل بشركة ابوه عمره 33
"جسار" ولدهم الثاني انسان طيوب بس متهور ويحب المغامرات ويحب يجرب اشياء جديده ويحب السفر ماسك الإسطبلات ويحب الخيل ومتخرج دراسات عُليا عمره 29
"ضيّ" تدرس اخر سنه جامعة وانسانه حبوبه والكل يحبها طيبة واجتماعية عمرها 22