جيتني من أقصى دنياي...وصرت الدنيا بعيوني

البارت-40

-
الرياض
طلعوا من المستشفى وطلعوا من الرياض وهم عالقين بالصمت التفت لها وشافها سرحانه: لااشوفتس مشتغله ولا قايمه ولا متحركه ولا مسويه اي حركه فهمتييي لانتس مثل ماسمعتي حملتس ضعيففف؟
سُلاف: طيب
عِنان: الحين شفيتس وش مزعلتس؟
سُلاف : مافيني شي
سكت مايبي يضغط عليها وكملوا طريقهم راجعين لديره.....
-
بيت ابو صقر
طلعوا عايلة ابو سَهم وهي يغمرها جميع أنواع الحب والفرح وتحس دقات قلبها مو راضيه تخف كان يدق قلبها بشكل قوي تحس بيطلع من مكانه من كثر الحب شافت الورد اللي قدامها على السرير والكرت اللي فيه اخذت الكرت وفتحته وشافت مكتوب شي وللأسف نفس كل مره مافهمته وكان محتوى الرسالة" عِ عِ حَ نُ " ومكتوب اخر الكرت "سَهم" عقدة حواجبها بأستغراب من كلامه والحروف اللي مافهمت منها شي ولا فهمت قصد سَهم وقررت تتصل عليه بس مو الحين ......
-
الديره 6:00م بيت ابو عِنان
ريحة البخور تعج بكل مكان والأنوار والعقود والفرشات بالحوش والبنات يكشخون وخصوصًا دلال لان العشاء لها بعد زواجها وكل البنات مجتمعين عند دلال ويكشخون مع بعض" سُلاف,اديم, وعد,جود,رسل,دلال,حنين" وكل وحده تعدل. لثانية شي ويتكشخون ودخلت عليهم ام عِنان: بنات يلا الناس وصلوا وانتم باقي مو جايين؟
دلال: يلا يلا جايين يمه ماراح نطول
ام عِنان: زين يلا ننتظركم عشان تقهوون الحريم
دلال: يمه جوا ضيّ واهلها؟
ام عِنان: لا عزمناهم بس مايقدرون
دلال بزعل: زين
طلعت ام عِنان وبعد دقايق لحقوها البنات وطلعوا للحريم وصاروا يسلمون ويقهوون الحريم وخلصوا وجلسوا عند اديم
اديم: جود ابوتس ليه مايخلينا نرقص!!!!
جود: يقول الرجال قريب لبيتنا ف اكيد بيسمعون
اديم : والطقاق
ضحكت وعد وهي تاشر على رجلها: وبعدين انتي كيف بترقصين
اديم بتكشيره : ربي راح يبلاتس صدقيني
وعد: اوك اوك
وبعد نص ساعة قلطوا الحريم على العشاء والبنات جلسوا ينظفون المطبخ بعد الطبخ اللي تعسل مواعين والله تمسح الأرض واللي ترتب وكل وحده اخذه لها شغله
دلال: سُلاف قلبي لا تشتغلين انتي حامل واكيد تعبانه
سُلاف: عادي يقلبي مابضغط على نفسي ولا بغسل بقوه
جود: لااعلم عِنان الحين اهجدي اقول وعطيني انا اكمل "اخذت منها الممسحة وكملت عنها"
سُلاف بعدم إهتمام: علميه
جود: واضح ماهمتس
سُلاف بغرور: طبعًا
كملوا تنظيف ووعد وجود جالسين برا عند باب المطبخ يسولفون معهم من بعيد قامت سُلاف بتجيب لها مويا وتتوقع جود نشفت المويا اللي على الأرض دخلت وتمشي بسرعه وماحست نفسها الا وهي تطيح صرخت بكل ماعطاها ربي من قوة وصارت تنزف وتصرخ بكل وجع شقهوا البنات وركضوا يقومونها وركضت جود تنادي عِنان اللي كان واقف هو وبراء بعيد عن الرجال ركضت بدون اي شي تغطي فيه نفسها ركضت لين صارت تشوفه عنده وصارت تصرخ : عِععععنناااننن ياعِناننننن
التفت لصوت وشافها جود ركض لها وركض وراه براء تقزم ومسك وجهها: شفيتس؟؟؟؟
صارت تبكي وتلعثمت بالكلام: سُلاف ياعِنان سُلااااففففف
عِنان حس الدنيا تحترق داخله حس فيها شي: شفيييهاا سُلاف شفيهااا تكللميييييييييي
جود وهي تبكي بانهيار: طاحت وصارت تنزف اركضض لهاااا تكفى ارككضضض
ترك جود وصار يركض كأنه مجنون ركض لين ماوصل للبيت دخل ولا همه مين بيكون قدامه او مين يتغطى عنه ركض. وصار يصرخ بأسمها وصوته اللي ملى البيت كله جاء وشافهم كلهم حولها: شفيييهااا كيف طاحتتتت
دلال: جود كانت تغسل المطبخ ودخلت وزلقت ونزفت خذها للمستشفى بسرعههه
عِنان وحس للحظات انه فقد ولده نزلت دمعته لأول مره بحياته رغم حياته اللي كلها شقى مع ابوه بس مانزلت مانزلت الا لولده رفع رأسه وهمس: لا ياربي لا يارب لا تختبرني فيهم يارب
شالها ركض فيها لشارع وقال للبنات يقولون لااديم تروح معها عشانها اختها وتصير قريبه لها راحت تلبس وتجيب عبايتها وتلحقهم ركبوا السيارة وركب اديم عندها ورا وحطت رأسها على رجلها وهي مغمى عليها مشى لرياض بأقصى سرعته لحظات يحس انه بيصدم ولا بيصير شي من قوة السرعه اللي كان يمشيها كان عنده امل يكون حي يهمس طول الطريق : يارب حي يارب مااخذته يارب لا تاخذه قبل اشوفه يارب تعلقت فيه من اول مانقط للحين مدري هو ولد ولا بنت بس اللي اعرفه اني تعلقت فيه يارب لا تختبرني فيه يارب يارب اني عاجز قدامك يارب تحفظه وتحفظ لي امه يارررببب
وصلوا للرياض بأقل من الوقت من قوة السرعه اللي كان يمشيها عِنان
-
الرياض بيت ابو صقر
جالسه بالصاله تتقهووى وعندها جسار ويسولفون دق جوالها وشافت ان المُتصل "وعد" ردت عليها وهي مبسوطه: اهلًا وعععديييي
وعد بكل زعل: هلا ضيّ
ضيّ لاحظت صوتها: وعد شفيك؟
وعد وهي فيها غصه: سُلاف
ضيّ: شفيها سُلاف؟
وعد: طاحت ونزفت علينا والله يستر على حملها
ضيّ شهقت: يقلبي هييي تكفيين كيفها الحين ووينها اكيد بالرياض؟
وعد: اي بالرياض هي واديم وعِنان
سُلاف ناظرت بجسار: زين بنروح لهم انا وجسار ونشوف

"معليش ادري البارت قصير بس لان التفاعل مزعلني شوي 🥺"
لا تنسون النجمة حبايبي وتعطوني رأيكم
تعالوا انستا لتشبيهات والتسربيات اللذيذة"rwiiai1" 🫦🤍🤍