جيتني من أقصى دنياي...وصرت الدنيا بعيوني

البارت-33

-
صباح اليوم الثاني بالرياض بيت ابو صقر
كانت منسدحه على سريرها ومنهاره بكي توقعت سَهم أحن شخص عليها بعد اهلها بس صار أقسى شخص عليها قال لها مااطيقك ولا ابيك ماهي قادره تتقبل هالكلمات وهي من الممكن حبت هالشخص بس ليه تنجرح من كل كلامه لو مايهمها شتت رأسها التساؤلات وقررت تسوي شي مافكرت بأضرار هالشي أهم ماعليها ترتاح توجهت للدولاب وطلعت حبوب منها وتناظرها وهي ماتفكر ولا فكرت بالعقوبة اللي راح تتحملها طلعتها من الدولاب واكلت اربع حبات ورجعت لسرير تكمل بكي وبكت لين حست بدوخه ونامت.........
-
الديره الساعة 1:22م
بيت ابو حمد
كانوا جالسين يسولفون ويتغدون وحولين بعض قرر حمد يفاتح ابوه بالموضوع لانه مايبي يطول اكثر وهو وعدها واصلًا متلهف عشان هاليوم رفع رأسه: يبه
ابو حمد: سّم
حمد: سّم الله عدوك ابي افاتحك بموضوع
ابو حمد: أمر يااابوي
حمد: ابي اخطب دلال بنت عمي فهد
ابو حمد انبسط وكأن وده من زمان يسمع هالخبر: تقولها صادق؟
حمد: اي والله يايبه صادق
ابو حمد: ابد تم وابشر العصر نروح نخطبها
حمد حاس الدنيا ماراح تشيل فرحته فز من مكانه: صدق يبه يعني خلاص العصر نروح؟
ابو حمد: اي والله ياابوك روح طلع ثوبك وكشخ والعصر رايحين ان شاءالله
فز من الغداء وركض للغرفه طاع ثوبه ورماه على رسل: بنت اكويه لي
رسل: وعمى للعدو ماتشوفني اكل
حمد: اقول بس انتبهي له واكويه
رسل: كم تدفع؟
حمد: ادفع لتس كف يعلمتس كيف تكلمين اخوتس
حنين قامت واخذت الثوب: ابشر يااخوي انا اكويه
حمد قرب وبأس راسها: اهخخ انا بدونتس ولا شي الله يخليتس لنا
رسل: وانا؟؟؟
حمد: انتي كولي احسن لتس عشان لا التفت عليتس
-
بيت عِنان الساعة 4:33م
كانت على حالها بالغرفه ماتطلع ولا يشوفها ولا تشوفه حست ان روحها ماتت ماعاد باقي لها شي وهو سلب كل شي منها كللل شييي قام من على الكنب ومشى لها فتح الغرفه وهي بنفس مكانها على السرير وحاضنه رجولها لصدرها ودموعها ماوقف قرب لها وجلس قدامها رفع رأسها ووجها مليان بالدموع قربها له وحضنها حضنها بقوه يبي يهديها يبي يخليها تستوعب يبي يخليها ترجع سُلاف القديمه اللي تهاوش عليه وترادده وماتخاف منه وتجرح رجولته ولا همها حضنها وشد عليها وهو يحس بدموعها على ثوبه كل ماحس بدموعها يشد عليها اكثر واكثر رفع رأسها له : قومي غسلي وجهتس ورتبي لبستس بوديتس لااهلتس وبطلع لرياض لدوامي
نزلت من السرير ورجع مسكها : خلاص سُلاف اهدي لا تروحين لااهلتس وانتي كذا تخوفينهم عليتس بدون سبب
رفعت رأسها ودموعها تنهمر بغزاره وصرخت: بدون سبب بددونن سببب؟؟ طيب واللي صار ذا ولا شي بعيونك ماتشوفه شي تقرب مني بدون موافقتي وبدون ماتهمد وانا مو متقبلتك ولا حابتك ولا اتمنى يصير لي ولد منك انا اكرهك وانت تكرهني ليه ماتعتقني ياادمي وتروح بحالك واروح بحالي "صارت تضرب على صدره"حرام عليك حراممم عليييكك اللي قاعد تسويه فيني الله لا يسامحك ياولد فهد
شدها له وحضنها : لا تخليني اعصب تكفين يكفي اللي جاتس مني روحي غسلي والبسي ويلا اوديتس
بعدت عنه وراحت للحمام ......
-
بيت ابو عِنان الساعة 5:00
جوا ابو حمد وحمد ومازن وفواز "وفيصل ماله وجود لانه من مكان لمكان" ورسل وحنين عند البنات دخل ابو عِنان للبيت وشاف ام عِنان قدامه: جهزوا القهوة والشاهي اخوي وعياله عندنا
ام عِنان استغربت: عساه خير
ابو عِنان بأبتسامه تطمنها: خير خير ان شاءالله بس يلا روحي جهزي
راحت ام عِنان ومعها البنات ويجهزون القهوة التفت ام عِنان لحنين: وش عندهم ابوتس واخوانتس ؟
حنين: يوو ياخالتي ماتبين ابوي واخواني يجونكم عند ااخوانه
ام عِنان ضحكت: لا ابد بس استغربت كلكم مع بعض
رسل: اوووبب خلاص اصص تعرفون بعدين
جود شهقت: دام فيها نعرف بعدين ف اكيييدد شي خطيييررر
رسل رفعت كتوفها بعدم معرفه
-
عند الرجال
ابو عِنان : ياهلا والله بأخوي وعياله
ابو حمد: هلابك يااخوي
ابو عِنان: تو مانور البيت والله
ابو حمد وعياله: منور بوجودك ياابو عِنان
جابت القهوة وعد ودقت الباب وشافها عمها ابو عِنان والتفت لفواز: قم جب القهوة من مرَتك
فواز فز كونه يتخيل تشيل شي ثقيل وهي حامل
طلع وراح لها وهي واقفه وشايله القهوة اخذها منها بسرعه : مجنون انتي تبين تجنيني يابنت
وعد ببراءه يحبها فواز: شسويت
فواز: ياادميه تشيلين قهوة وذيبي ببطنتس تبين نتهاوش
وعد ابتسمت: ماهي ثقيله ولا تخاف على ذيبك بخير ان شاءالله
فواز: عساه دوم يارب ياام ذيبي بس ولو لا تشيلين شي وبس اجلسي
وعد: ابشر
طلعت بهذا الوقت ذا ام عِنان التفت لها فواز:ياعمه شوفي هالبنت تبي تطلع عقلي
ام عِنان ابتسمت: ليه وش سويت اوريك فيها
شهقت وعد : ترا انا بنتتس ماهو هو
فواز: اول شي انتي بنت عمي عزيز وبعدين تخيلي شايله القهوة وهي حامل تبي تطلع عيوني وتجنني
ام عِنان: معليك اوريك فيها يافواز مااخليها تشيل الكيس
فواز ابتسم: اي كفو عليتس فيها ياعمه
ضربته من كتفه ودخلت ام عِنان: اول شي انا زي بنتها مافيه فرق وبعدين خير تحرض عمتي علي "مرت عمهم يقولون لها عمه من الاحترام"
فواز: لسلامتتس ياحب ويلا وريني زولتس وادخلي ارتاح
التفت بتروح ووقفها : بنت
التفت له قرب ونزل رأسه وباس خدها نزلت رأسها بخجل ودخل للرجال
ابو حمد ماحب يطول ويفتح الموضوع: اقول ياابو عِنان حنا نبي نطلب يد بنتكم دلال لولدنا حمد والله نسبكم يطلب وينشرى يااخوي
ابو عِنان بفرحه: ياحي الله اخوي وولده والله تو مانور وياحظنا بنسبكم والله مانلقى مثل ولدنا حمد وانا عني موافق وياليت يتم كل شي بس بشاور راعية الشور دلال
ابو حمد: ابد ياابو عِنان لكم الراحة شاورها وردوا علينا
ابو عِنان ابتسم : بأذنالله لكم ماتبون
-
عند البنات كانوا يتسمعون للرجال وقامت ترقص رسل لانها هي اللي كانت تتسمع لهم : بنات صارت صارررتتتتت
حنين: احلفييي صارتتتت؟؟
رسل : اي وربي صارتتت
جود: وش فيكم بسم لله صارت وصارت وش فيه
دلال: مجانين
رسل: اي حبيبتي اذا دريتي وش صار بالمجلس ماتقولين كذا
دلال: عفوًا وش صاير
ام عِنان: يابناتي شفيكم وش صاير
حنين حضنتها :صارت ياخاله صارت
ام عِنان ضحكت: وش اللي صار
رسل: حمود بالمجلس "اشرت على دلال"وخطب البقره ذي
ام عِنان: تقولينها صادقه؟
رسل: اي وربي
تجمعوا وحضنوا دلال اللي نزلت دمعتها من الفرحه وانبسطوا وصارت فرحتهم كبيره
-
الرياض بيت ابو صقر 12:12
كان البيت هادي ومافيه صوت ابدًا استغرب وهو يمشي بالبيت الهادي توه جاي من سفره استغرب ضيّ مااستقبلته بالاحضان وماابلشته بالهاديه مثل كلامها كل مره "وين هديتي لو ماجبت بزعل عليك " استغرب وهو مايشوف احد راح لغرفتها اشتاق لحضنها واشتاق لصوتها اللي يزعجه اول مايدخل دق باب غرفتها مره مرتين ثلاث مافيه اي إستجابه توقع نومها حب يدخل ويدخل هديتها عشان تصحى عليها دخل وشاف نومتها ماهي عدله كانت نايمه على بطنها قرب لها بيغطيها شاف انها مستفرغه طاحت اغراضه من يده وشالها بين يديه شاف انها تتنفس حاول يصحيها بس ماقدر شالها وركض وصار يصرخ بالبيت : جججسسساااررر يييمممهههه ييييببببههه
طلع جسار وهو يركض صوت صقر اعتلى بالبيت كله خاف ان فيه شي : وش فييييـ........ انصدم يوم شاف ضيّ بين يديه جاء يركض لصقر: وش فييييهااااا وش صصاييييررر؟؟؟؟
صقر بصراخ: مددرييي جيت من السفر وفقدتها ططلععتت بشوفها لقيتها مكانها مستفرغه مدري وش فيييهاااا
ركض لسيارة وركبها : وين امييي وابوييي؟؟؟؟
جسار: ماهم بالبيييتتت
ضحك صقر بسخرية: هالله هالله على الإهمال
مشى بالسيارة بكل سرعته للمستشفى وهو متوتر وخايف على اخته اللي مايدري وش فييهاا
دق جوال جسار ورد وهو ماله خلق : هلا سَهم
سَهم: اخبارك جيت والله امس للبيت لكن مالقيتك
جسار: ماعليش ياخوي بس كنت تعبان شوي
سَهم استغرب من صوته اللي حس ان فيه تعب : وش فيه صوتك يااخوي صاير شي
جسار: لا ابد بس اختـ....
قاطعه سَهم: وشش فيييهااا
جسار: مدري جيناها دايخه ومستفرغه
سَهم: طيب طالع من الدوام وجايكم
جسار: ماله داعي يااخوي عادي
سَهم: اقول وين المستشفى بس
جسار: طيب تعال مرني بالبيت نروح مع يعض
سَهم: طيب هي مين اخذها؟
جسار: صقر
سَهم: زين يلا جايك
-
الديره
البنات مجتمعين ببيت ابو عِنان مبسوطات مع دلال دخل ابو عِنان عندهم وحب يكلم دلال عن الموضوع دخل غرفتهم وبنات اخوانه كلهم مجتمعين حولها: يلا حبيباتي كل وحده توريني طولها وتطلع
رسل شهقت: افا ياعميمي تطردنا من بيتك ماتوقعتها
تقدم وهو يضحك وصربها بخفه مع رأسها:اقول وريني طولتس
ضحكوا البنات وطلعوا من الغرفه وباقي فيه دلال وابوها بسس تقدم وجلس قدامها :دلال انتي كبرتي الحين وصرتي حرمه كبيره والبنت مالها الا بيت زوجها وبقول لتس ان حمد ولد عمتس عبدالرحمن خطبتس وشورتس هو الشور وبس
دلال نزلت رأسها بخجل : الشور شورك يايبه
ابو عِنان: لا الشور مو شوري شورتس انا عني موافق
دلال: ابد كلمتي ماتتعدى كلمتك
ابو عِنان: ابد تم الله يوفقتس ويبار لتس يحبيبتي
-
الرياض 2:30
كانوا واقفين بسيب المستشفى خايفين عليها شافها بين الحياة والموت خايف لانها طولت داخل خايف لانها ممكن تروح منه طلع الدكتور على وصول جسار وسَهم قرب لدكتور ومسك يده وحوا عنده جسار وسَهم : تكفى يادكتور بشر كيف اختي وش صار لها؟
الدكتور ابتسم يطمنهم: معليكم ضيّ بخير بس هي حاولت الانتحار للأسف والواضح انه فيه اشياء ضايقتها وتعبتها بس الحمدلله سوينا لها غسيل معدة والحين صارت احسن الحمدلله-
صقر: الحمدلله الحمدلله يارب يصير نشوفها دكتور؟
الدكتور: اي شخص واحد يقدر يشوفها لكن الكل لا قبل تصحى
صقر: زين انا بدخل اشوفها "التفت لسَهم وجسار" انتظروا بشوفها واجي
دخل سَهم يشوفها كانت نايمه بكل هدوئها كل مافيها ساكن مافيه شي فيها يتحرك ولا حتى جفنها كانت هاديه عكس إزعاجها اللي يعرفه صقر قرب لها وحط يده على شعرها وصار يقرأ عليها يبي يعرف ايش وصلها للحاله ذي ايش اللي خلاها تفكر تنتحر وتفتك من كل شي حولها
برا عند جسار وسَهم كان جالس على الكرسي وحاط يده على رأسه ويفكر ياربي هالشي اللي صار لها معقول بسببي؟ امس كنت اتهاوش معها وقلت لها كلام ماينقال معقوله زعلها وتفكيرها بالانتحار مني ؟؟؟؟ حس الدنيا تدور فيه مو معقوله يحرجها لدرجة الانتحار قرب منه جسار وهو يحس انه تعب معه: قم يااخوك وارجع لدوام والله كل شي بخير تطمن
سَهم: لله ماني طالع من هنا لين اتطمن على ضيّ
جسار: اطمنك ياولد بس روح ارتاح واضح تعبت
سَهم وقف ومسك يد جسار : يااخوك انا بفاتحك بموضوع
جسار: سّم وانا ولد خالد امر
سَهم: بعد ماتطلع بنتكم بالسلامة بجي اخـ...... قطع كلامه جوال جسار اللي صار يدق رفعه وشاف الاسم كانت امه رد عليها: هلا يمه
ام صقر: هلابك ياولدي وينكم بسم لله البيت فاضي
جسار ماحب يقول لهم: ابد والله صقر وصل وقررنا نطلع نتمشى مانطول ان شاءالله ونجي
ام صقر : زين لا تطولون وانتبهوا لاانفسكم انا وابوكم تونا وصلنا وبننام
جسار: زين نوم العافية
سكر جواله والتفت لسَهم اللي قطع كلامه: معليش والله امي اتصلت امر
سَهم: بجي اخطب ضيّ على سنة الله ورسوله ادري الموضوع بهالوقت مو مناسب بس...
قاطعه جسار وهو يحط يده على كتفه: انا حاس فيكم وملاحظ من اول وابشر بس خلنا بعد مايهدى الوضع
سَهم: ابشر ويلا انا رايح الدوام يرسلون لي متأخر تأمرني بشي
جسار: ابد سلامتك انتبه لنفسك واذا احتجت شي ابد بجيك ابشر
سَهم: فمان الله