جيتني من أقصى دنياي...وصرت الدنيا بعيوني

البارت-24

اليوم المُنتظر زواج عِنان وسُلاف
يوم المشاعر الحلوه والأشياء الحلوه والحياة الجديده بس كان شعور سُلاف وعِنان عكس الباقي سُلاف تعيش الخوف من عِنان وتجهل الحياة معه وعِنان يفكر باللي بيسويه ومُصر يرد لها الكف كفوف طول حياتها.......
البنات مجتمعين ببيت ابو سَهم يتجهزون ويعدلون لبعض ومع بعض دايمًا وبكل الحالات
جود تناظر سُلاف بحب: اههخ تعبت انا كيف اخوي عِنان الله يعين قلبك ياعنوني
سُلاف ضحك : اسكتي ياخي لا تخوفيني فوق ماانا خايفه
جود: لا تخافين ياحبي ترا عِنان وربي طيب لا تخوفتس عصبيته ووجهه اللي 24 ساعة معكر وماقد ابتسم بس تراه يجننن وطيوب وحبوب لأخر درجة
سُلاف بينها وبين نفسها: اتمنى يطلع اللي تقولينه صح ياجود
رسل: سُلاف شرايك تحطي روج احمر مع فستانك الابيض وبياضك اووفف بتطلعين دمار
سُلاف: مدري اللي تشوفينه حلو حطيه
اديم وهي تقلدها: مدري اللي تشوفينه حلو حطيه تراه زواجتس مو زواج رسل
سُلاف : انا مالي بالميكب ف عشان كذا قلت لها
رسل: تم بحطه وربي بيطلعتس دمار بيخلي عِنانوه ينجن
ضحكت سُلاف : طيب يلا كملي
وبدت تكمل الميكب حقها وعدلت طرحتها والتاج الفخم اللي معطيها طلة أميرات
وصف لأشكال البنات✨✨✨
( عروستنا الجميلة سُلاف) فستان أبيض يشبهه بياضها طرحه طويله تسحب وراها طالعه إطلالتها اجمل اطلالته ممكن تصير والميكب الفخم والروج الأحمر اللي يلفت أنظار اللي حولها وشعرها القصير اللي مسويه فيه ويفي وحاطه تاج طالع فخم مع الطرحة والمسكة اللي باللون الأحمر اخذه من لون شفتها وجمالها
(أديم) لابسه فستان اصفر طالع مع لونها خخييالل ولابسه كعب ابيض شعرها رافعته وميكب خفيف بارز جمالها واكسسسوارات فضية تحلي عنقها وخلخالها اللي كمل جمالها
(وعد) فستانها كان هادي و على جسمها يتحلى باللون الموف طالع شكلها جممييللل وشعرها نازل بهدوء وكان ستريت وملامحها الحلوه اللي برزها الميكب والاكسسوارات اللي ماتزيد جمالها الا جمال
(حنين) فستانها الأحمر الماسك على جسمها بكل يجذب وإكسسواراتها الفضية الفخمه وشعرها الويفي والميكب الخفيف اللي محليها
( رسل) فستانها البيج اللي نازل على جسمها بالراحه وفيه لؤلؤ صغير من فوق وقصير وبدون اكمام واكسسواراتها اللي زايده فخامة اللبس فخامه وشعرها الاستريت اللي نازل على اكتفاها
(جود) فستانها الأسود اللي محلي جسمها وماسك عليه ومطلعها بأحلى إطلالة يديه طويله وخفيفه وفيه لمعة تجذل النظر وتلفت الانتباه وشعرها الوطفي ورافعته من قدام والميكب الحلو اللي محليها بشكل كبير
(دلال) فستانها اللي باللون التيفاني حرير ونازل على جسمها بشكل جميل وحلوو وفيه لؤلؤ واكمامه قصيره وفيه فتحه عند الرجل وشعرها مسويه فيه تسويحه بشكل نازل طالعه مره ححللوهه
-
بيدا الزواج وكلهم فرحانين لفرحة عِنان وسُلاف واشتغلت الاغاني وبدوا يرقصون ويشجعون بعض
عند الرجال اللي يتقهوون والشيخ بينهم يعقد العقد وتم كل شي بكل هدوء وفرح وحب بالنسبة للكل بس مو بالنسبة لسُلاف وعِنان
قاموا العيال يرقصون العرضه النجدية وعِنان بينهم يرقص بالبشت وبراء اللي ماوسعته الدنيا من الفرحه بفرحة اخته واخوه اللي ماجابته امه بس كانت ناقصه الفرحة ناقصه حمد وعبدالعزيز اللي أصروا انهم يسوون الزواج ومو لازم يحضرون وبيفوحون لعِنان بدون حضور
-
بعد نص ساعة وصلوا ابو صقر واهله
دخلوا عند الرجال وقاموا يرحبون فيهم
ابو سَهم: ياهلا ياهلا والله تو مانورت الدار ونور عرسنا
ابو صقر: هلابك يابعدي منوره بأهلها والله
قرب وسلم عليه : الف الف مبروك زواج عيالكم اللي يوفقهم ويكتب لهم الحياة السعيدة
ابو سَهم: الله يبارك فيك وعقبال العيال يارب
ابو صقر: امين اميين
وسلموا علو باقي الرجال وباركوا لهم وجلسوا يتقهوون
-
عند الحريم
دخلوا ام صقر وضيّ وبدوا يسلمون على الحريم وباركوا لهم ووصلت ضيّ عند البنات وبدت تسلم عليهم وتمدح أشكالهم ومسكتها جود
جود: يييايييي ضيّ شكلتس يموتتت يعقدد
ضيّ صارت تدور بينهم: شرايكم
دلال: اوف اوف يجمماللتس مره طالعه حلوه ماشاءالله
كان فستان ضيّ احمر وفيه لمعة بشكل كبير وكان بدون أكمام وكان الصدر متصل مع رقبتها بشكل متعاكس
وكان شعرها ويفي بشكل جدًا حلو ولابسه اكسسوار شعر ناعم وميكب ناعم بارز جمالها وكان فعلًا جميلة بمعنى الكلمة
وعد: واااوو ضيّ فستانتس يجننن ماشاءالله
ضيّ استحت: حبيباتي انتم الحلوين
سكتت شوي وكملت: الا تعالوا وين العروس
دلال : فوق
طلعوا البنات يشوفون سُلاف وعلى معتقد ضيّ انها اديم لانها ماشافتها دخلوا لسُلاف وانصدمت ضيّ
ضيّ: سُلاف العروس؟؟
البنات كلهم ناظروا فيها بأستغراب
جود: مين تتوقعين؟
ضيّ: توقعتها اديم والله
ضحكت اديم: لا ياحبي مو انا سُلاف
ضحكت ضيّ بفشله: ذول الفترة احسبها انتي
سُلاف حطت يدها على خصرها: اها يعني لو عرفتي انها انا مافرحتي لي نفسها
ركضت وضمتها: لا والله يافرحتي فيكم كلكم وربي كلكم احبكم بس ماتوقعت ياخي شفيك
بعدت عنها وباركت لها: مبروك يقلبي الله يكتب لك الحياة الحلوه اللي تتمنينها واكثر
ابتسمت سُلاف لضيّ: امين يعيوني وعقبالك
-
انتهى اليوم بكل تفاصيله وجماله وبدأ ينزل المطر اللي يحب لقاء الأحباب واليوم كان لقاء احبابنا
وكلهم داخلوا داخل يمكلون احتفالهم عن المطر الا احباب المطر ظلوا برا ومن أحبابهم أديم اللي كانت تعشق المطر ومستحيل يجي مطر وماتطلع تلعب فيه وكأنها بداية عمرها راحت للغرفه ومسحت الميكب وفتحت شعرها وطلعت تلعب بالمطر بفستانها وبكل أناقتها وكأنها هي الوحيده بالدنيا وماحولها احد وكانت تلعب وتدور وترفع رأسها لسماء بحيث ان المطر يجي على وجهها ويبللها غافله عن اللي كان يتأمل لعبها بالمطر ويبتسم لها وكأنها طفلة ونست العالم كله وباقي هي والمطر نزل عقاله وربط شماغة لثمه وطلع لها وراح يركض وكان يسوي نفس حركاتها خافت ووقفت مكانها
اديم: مين انت؟؟؟
: هو كل مره نتقابل بتسأليني نفس هالسؤال
اديم: طيب قول مين وايش جايبك عندنا
بعد الثمه عن وجهه ووضح لها وجهه وعرفت انه اخو ضيّ
اديم: اخو ضيّ؟
: اسمي جسار مو اخو ضيّ
اديم: انا اعرفك بأخو ضيّ مااعرفك بجسار
جسار:خلاص اعرفيني بجسار
نزل شماغه المبلل من المطر وحطه على اكتافها: كل مره بجي لازم اغطيك بشماغي
اديم :ايش جابك هنا؟
جسار: اعرف انه مكانك المُفضل
اديم: وايش عرفك اني بكون هنا هالوقت
جسار: ياكثر اسألتك شفتك صدفه وعرفتك
اديم: وانت كل مره بتطلع بوجهي؟
جسار ضحك: نصيب
شوي وجاء عندهم خيل رجعت على ورا بخطواتها بخوف منه: تخافين من الخيول؟
اديم: لا مااخاف بس مو متعوده عليهم
جسار: تبين تجربين ؟
اديم: ودي بس لا اخاف احد يشوفني
جسار: هنا بس وارجعك
اديم ابتسمت وهي ودها تجربه: تمام
جسار: يلا اركبي
ركبت اديم وسألها: تبين اركب معك؟
اديم : لا بس لا يركض بس يمشي
جسار اشر على خشمه: على هالخشم
اديم بخوف: بس لا يركض
جسار ضحك: طيب طيب ماراح يركض
مشى الخيل فيها وابتسمت وهي تمشي بالخيل تحت المطر شوي شوي بدأ الخيل يركض فيها وهي خافت وصارت تناديه: جسار ججسسار
جسار صرخ: معليك لا تخافين
اديم: جسار لا يركض تكفى
جسار : اديمي ثقي فيني معليك
وبدأ الخيل يركض بأديم وهي خايفه بس مبسوطه تحت المطر وشعرها اللي تلعب فيه الهواء وصارت ترفع يدينها والخيل يركض فيها وتبتسم ومبسوطه وهو يراقب حركاتها وابتسم لها ووصله صوتها: جسار خلاص يكفي
جسار صار ينادي بصوت كبير على الخيل ورجع عنده الخيل ونزلت منه: كيف كان التجربه
مسكت يده بشكل عفوي وهي ماتحس بنفسها من الفرحة: واااوو ياجسار مره ححللوهه اول مره اجرب خيل ومره حبيتههه
نزل نظره ليديهم المتشابكة: والخيل حبك بعد
شافت نظراته وناظرت لاايدينهم وبعدتها : معليش مو قصدي جت كذا بشكل عفوي
جسار: عادي عادي "التفت للخيل" تدرين انه جديد
اديم: عندك غيرها
هز رأسه :اي عندي سطبل كامل بالرياض
اديم: واااووو كم وحده؟
جسار: اقول لك سطبل مو كم وحده يعني كثير
اديم: الله ودي اجي الرياض اشوفهم
ابتسم جسار: تم تجين واوريك
اديم: انت تسميهم ؟
جسار: اي اكيد
التفت اديم للخيل اللي جنبه: وذا ايش اسمه؟
جسار التفت لها: ذي أنثى
اديم: ايش اسمها؟
جسار: ماسميتها للحين
اديم: ليه؟
جسار: لانها جديده
اديم: وايش بتسميها؟
جسار: بسميها على وحده
اديم: مين هي؟
جسار: اول وحده ركبت عليها من بعدي
اديم: ومين اللي ركبتها من بعدك؟
جسار: وحده مااقدر اقول لك مين هي
اديم: طيب يلا بدخل الحين
جسار: لمًا نشف المطر قررتي تدخلين
ابتسمت له ودخلت
-
بيت عروستنا الجديده واول ايامها فيه جالسه بفستانها على السرير تنتظر دخول عِنان عليها وفعلًا بعد دقايق دخل عِنان وكان اول مره يشوفها لانه مانع انه يدخل عليها ببيت اهلها وقال بيدخل ببيته وفعلًا كانت اول نظره له وهي حلاله دخل وشافها بكل أناقتها وجمالها وفعلًا هي قدرت تسلب قلبه من اول يوم وهو اخذها كـ انتقام لفت نظره شفتها اللي تتحلى باللون الأحمر ملفت جدًا مع بياضاها وفستانها الابيض ورجفت يدها وخوفها منه وكأنها حاسه اخذها انتقام مو حب تقدم  ومر من جنبها ونزل بشته وعلقه وتكلم وهو مايناظر فيها: قومي غيري لبستس وامسحي هاللي على وجهتس
انصدمت من كلامه وكيف يكلمها كذا وهي عروس ولا حتى يناظر فيها ولا كلف نفسه يقول لها مبروك وقفت وراحت لغرفة الملابس وتحاول تنزل تفتح فستانها وماقدرت طلعت لعِنان اللي كان منسدح على السرير: عِنان
رد بدون مايلتفت: همم
سُلاف بحرج: ممكن تساعدني
التفت لها واشرت على سحاب الفستان : اذا ممكن
التفت وبلع ريقه وغمض عيونه ووقف وراح لها والتفت تعطيه ظهرها ورفع يدينه وفتح السحاب وبان له ظهرها كان ساهي فيه لين التفت تشوفه غمض عيونه وطلع من الغرفه رمى نفسه على السرير واخذته الأفكار وقال بينه وبين نفسه: تستهبل ياعِنان لا تنسى وش سوت بك مو روجها الأحمر ولا ظهرها اللي يجيب اجلك
-
بيت ابو سَهم
عند البنات اللي غيروا لبسهم ومسحوا الميكب وجلسوا يسولفون وياكلون من حلا الزواج
حنين: يلا بنوتات أستاذ بنروح البيت
رسل: اي والله رجلي ماعاد احس فيها بنام
دلال: بنات شدعوه اجلسوا شوي
حنين: والله ياحبي ميته تعب بنام وعشان انا قلت لاابوي بنروح نزور حمد بكره برتاح شوي
دلال: تمام انتبهوا لاانفسكم
حنين: من عيوني
طلعوا من البيت ووصلوا لبيتهم وشافوا السيارة من بعيد تقرب لهم التفت حنين لرسل: ادخلي بشوف مين ذا
رسل: مابخليك لحالتس
حنين: معليتس بس ادخلي
دخلت رسل ووصلت السياره عندهم ونزل منها عبدالعزيز: السلام عليكم
حنين: هلا عبدالعزيز عليكم السلام
عبدالعزيز:جاي اخذ اغراض لحمد اذا معليتس امر
حنين: طبعًا اكيد عادي  بس شلون حمد
عبدالعزيز:بخير الحمدلله يسلم عليكم وقريب بيطلع
حنين: الحمدلله بس وش تبي وبحيب لك
قال لها عبدالعزيز الأغراض ودخلت بتجيبهم وماسكرن الباب بس ردته وبعدين تذكر ان فيه غرض نسى يقوله
فتح الباب وجمد بمكانهً