جيتني من أقصى دنياي...وصرت الدنيا بعيوني

البارت-38

أنتهى يومهم بالحفلة بكل حب وكان يوم من أجمل الأيام مسك يدها وطلعوا من الحفل وهي مبسوططهه التفت بها وشاف الفرح بعيونها: انبسطتي ؟
دلال وهي تشد على يده بكل حماس: مرهه انببسسطتت الحمدلله
حمد رفع يدها لشفته وباسها: وهذا اهم ماعلي يلا نرجع
دلال: لا حمود تكفى بنتعشى
حمد: هو مشكلتي مااقدر اردتس يلا امشي
ركبوا السيارة وراحوا لمطعم وجلسوا يتعشون
دلال بأمتنان: مره شكرًا حمود الله يديمك لي قد ماانبسطت اليوم واكثر
حمد: ويديمتس يروحه انتي "سكت شوي وكمل" دلول ترا بكره راجعين الديره
دلال: عاد تصدق كنت بقول لك
حمد: توقعتتس تقولين لا
دلال: لا والله وحشتني ووحشوني البنات
حمد غمز: ياحظ البنات يشيخه
-
بالطرف الثاني عند عِنان وعبدالعزيز وبراء اللي واقفين يشترون عشاء لانهم المفروض يطلعون بدرس بس عشان جود طلعوا بعد العشاء اتصل جوال عِنان ورفعه وشاف "صقر" رد على طول:هلا والله ابو خالد
صقر: هلابك ابو فهد الاخبار؟
عِنان: والله الحمدلله على مايسرك وانتم اخباركم؟
صقر: والله الحمدلله كل شي تمام انت بالديره؟
عِنان: لا والله بالرياض
صقر: حي الله نورت والله وش عندك؟
عِنان: جايب الاهل يتقضون
صقر: اجل عشاك عندنا تعال ولا تردني
عِنان حس بأحراج : والله ياابو خالد اني واقف بنشتري ونروح
صقر: افااا وانا ولد ابوي تشتري من المطاعم وحنا موجودين
عِنان: كثر الله خيركم بس والله مانبي نكلف عليكم
صقر: لا كلافه ولا شي اقول عشاك عندنا ياولد وانتهى
عِنان: زين زين ماتقصر
صقر: حياك انتظرك
سكر الجوال والغاء الطلب ورجع لسيارة استغربوا انه جاء ماجاء شي التفت له سُلاف: وين العشاء؟
عِنان: صقر دق علي ولزم نجي نتعشى عندهم وماقدرت ارده
سُلاف بحماسس نقزت: حممااسس بنشوف ضيّ
ضربها على رأسها بخفه وضحك: اعقلي يابنت تراتس حامل وبعدين براء جاي اعقلي لاارجعتس لديره
شُلاف عصبت: طيب طيب ياعنانوه
أديم: يويلتس ياسُلاف
سُلاف: لييه؟
أديم: قلتي له عنانوه وهو مايحتاج كل الديره تعرف انه مايحب احد يناديه كذا
ابتسم عِنان: منها غير يااديم غير والله الا احبها واموت فيها وانتمي لها وبس
ابتسمت سُلاف بأحراج وجاء براء وركب والتفت لعِنان: العشاء وينه؟
عِنان : صقر عزمني ولزم نجي نتعشى عندهم
براء: زين
عِنان: دق على عزيز وقول له انا بنروح هناك عشان يلحقنا
براء دق على عبدالعزيز وقال له وتوجهوا لبيت ابو صقر....
بيت ابو صقر..
جالسين يرتبون العشاء والحلا ويبخرون البيت واكثر شخص مبسوط كانت ضيّ ولا هي اكثر من فرحة جسار اللي ممكن يشوف أديم وهو وده يشوفها لانه من زمان ماشافها
وصلوا وطلعوا جسار وصقر يستقبلونهم ودخلوا البنات عند ضيّ وامها والعيال توجهوا للمجلس
صقر برحّب : حياكم حياكم والله تو مانورت الرياض وبيتنا
عِنان وعبدالعزيز وبرا بصوت واحد: الله يحيك ويبقيك ياابو خالد سلمت والله والبنت منور بأهله
جسار: حياكم حياكم اقلطوا
دخلوا العيال وجلسوا يتقهوون
"عند البنات"
ضيّ بحببب وحماس: يووو بنات والله مره واحشيني
سُلاف: والله واحشتنا اكثر انبسطت لمًا قال لي عِنان بنجي هنا
اديم: مايحتاج اعبر انتس وحشتيني اكثر من اي شي بالدنيا
ضيّ: يقلبي انتم ناقصنا الحب دلول ووعد
اديم: بكره وعد جايتكم ان شاءالله
ضيّ: عسى ماشر ليه؟
اديم: لا بس بتشوف البيبي ايش "صفقت بحماس" ياربي يابنات متحمسه اشوف البيبي ايش يارببب بنوته ونلبسها ونعدلها معنا
كانت جاهله اللي كان يسمعها من ورا الباب
ضيّ: بنات شرايكم نروح للأسطبل حق جسار على بال مايجي العشاء ؟
اديم وسُلاف وحنين بصوت واحد: تتمممم يلا
التفت لراما: بتروحين؟
راما بغرور: اي بجي
قاموا وطلعوا للأسطبلات ولحقهم.....
"عند العيال "
صقر: والله يالله حيّ ضيوفنا تكفون تعالوا كل نهاية اسبوع مو تقطعون
عِنان: ابشر ابشر
وقف جسار بيطلع: يلا انا رايح اجيب الشاهي
طلع من المجلس وتوجهه داخل سمع أصواتهم وكان مالهف يسمع صوتها وقف يتسمع عند الباب وسمع كلامها عن البيبي حق وعد وكيف متحمسه وتبيه بنوته عشان يكون معها وهمس: يارب البنوته منتس لي يارب
فز على صوتهم وضيّ تقول بنروح للأسطبل انبسط وركض يودي الشاهي ورجع لهم
"عند البنات بالاسطبل"
كانوا مبسوطين وهم يتفرجون على الخيول لفت انتباه اديم خيل كان باللون الأبيض قربت منه ولمسته التفت لضيّ: ايش اسمه؟
ضيّ: مااعرف والله هي انثى بس مادري ايش اسمها جسار يعرف بس
اديم: بركب عليها
سُلاف: من متو تعرفين تركبين خيول
إرتكبت اديم لانه علمها اول مره ركبها معه : مااعرف بس بجرب
سُلاف: لا طبعًا قلبي ماتجربين مو ناقصين يصير فيتس شي
اديم: ثقي فيني مابيصير فيني شي
سُلاف: انا حذرتتس وانتي كيفتس
راحت اديم وركبت عليه ماكانت لابسه الخوذه ولا اي حاجة كانت لابسه فستان سماوي طالع حلو مع لون الخيل بكمام قصيره وهو ميِد اول ماركبت ضربت عليه وصار يركض فيها وتتخيل اول لحظة بينهم واول مره ركبت على الخيل وهو وراها صارت تضربه زيادة وهو يزيد بالسرعه وكانت ترفع يدينها فوق وتسمع تشجيع البنات لها وشعرها اللي يلفحه الهوى نزلت يدها وخافت يوم شافته طلع من المضمار وصار تنادي البنات
جاء جسار بالهالوقت وهو مايشوفها قدامه التفت لضيّ اللي حاطه يدها على فمها: وين اددييم؟؟؟؟
ضيّ: طلع فيها الخيل برا المضمار ماندري وين راحت
فتح عيونه بذهول وركض طلع له خيل ولحقها وطلع برا المضمار انتبه عليها من بعيد كان يشوفها من ورا فستانها السماوي والخيل الابيض والهوى اللي يلعب بشعرها ابتسم على شكلها وصار يركض وراها وينادي: ادييمم
اديم عرفت صوته واخيرًا احد جاء: جسار تكفى
جسار وهو يزيد بالركض وراها: لا تخافين اديمي مابخليك
طاح الخيل وطاحت اديم منه طلعت وطلعت منها صرخه حركت كل حواس جسار وقف بسرعه ونزل وركض لها رفع راسها: اديمي اديييمم
ماكان يسمع منها الا انها تتوجع وتقول اسمه بتقطع: جـ جسار
جسار بخوف: يروحه اسم الله عليك تكفين قومي قومي خلينا نرجع
مزلت دموعها بقلة حيله: مااقدر جسار رجلي مااقدر احركها
قام وشالها ومشى فيها للبيت وهو كل شوي يقول لها تتحمل ماباقي شي ويوصلون : ماباقي شي ديمي ونوصل تحملي تكفين شوييي شوي يروح جسار انتي شوي بس
اديم وهي معلقه يدينها برقبته وتصرخ : تكفى جسار رجلييييي
بعد دقايق وصلوا للبيت وركض فيها لسيارة ورجع للمجلس عند العيال يصرخ :عِنان عززييييز
عِنان قام من الخوف: بسم الله وش صاير؟
جسار: اديم اديم
عبدالعزيز وهو يهزه: شفيها ادييمم
ركضت سُلاف عندهم: شفيهاا اختتيييي عِنان شفيييهاا سُلااففف؟؟؟؟
عِنان مسكها يهديها: حبي مافيها شي ارتاحي داخل وبطمنك عليها بس تكفين انتي ارتاحي عشان اللي ببطنك
مسكتها ضيّ ودخلتها معها داخل
عِنان: ياولد تكلم شفيها البنت؟؟؟؟؟
جسار: طاحت طاحتتت من على الخيييلل وشكل رجلها انكسرتتت حطيتها بالسيارة يلا امشوا نروح نوديها
ركضوا لسيارة وهي باقي تتوجع جابت سُلاف عبايتها ولبستها وراحوا للمستشفى ......
-
دلال وحمد...
كان حمد برا يخلص اشغال عشان بكره بيمشون لديره ف قررت ماتخلي اخر ليلة عابرة ولازم تطبع فيها آثر حلو وخاص قامت وعدلت البلكونة وحطت شموع واكل على الطاولة وبوكيه وورد أحمر لبست فستان أبيض ماسك على جسمها لين الخصر ونازل من تحت بالراحة وبأكمام قصيره فتحت شعرها بشكل حلو وهو ويفي وشغلت أغنية وانتظره يجي
بعد دقايق جاء حمد دخل وشاف الإضاءة خافته وريحة العطر اللي يعرفها ويميزها بين مليون ريحه ريحتها....
دخل ولقاها جالسه بالبلكونه بفستانها الأبيض الحلو ماانتبهت له انه جاء وجالسه تتأمل الشارع قرب من وراها وحضنها وباس عنقها بقوه لين ماصار لبوساته آثر وهمس: نظرة سواد عيونها هذا المُنى والمراد لهفة شفايف طورت في عنقها
فزت من البوسه والتفت له وحضنته : ماحبيت هالليلة تمر بدون مايكون لها آثر بقلوبها
حضنها وباس عنقها وكملوا الليلة بكل حب وكأن كل يوم لهم حب مو يوم عابر كان اجمل يوم بأخر ليلة بالرياض وكانوا أحلى زوجين .........
-
بالمستشفى
وصلوا ونزلوها ودخلوها لدكتور وقالوا له حالتها وطلعوا برا بنتظرون انتظروا نص ساعة وطلع لهم الدكتور فز جسار ومسك يده: بشّر يادكتور تكفى
الدكتور بأبتسامة: تطمنوا اديم بخير ومافيها الا العافية بس....
جسار: بس ايشششش يادكتور؟؟؟
الدكتور: بس فيها كسر برجلها اليمين اللي طاحت عليها
جسار مسك رأسه وحس الدنيا ضايقه فيه وش بيكون شعورها بتكرهني وبتكرهه وبتكره الخيل بتكره الرياض بكبرها تقدم عِنان : طيب كيفها يادكتور؟
الدكتور: بخير ماعليها بس كانت تبكي بشكل مو طبيعي وعطيناها مُهدي ونايمه الحين عشان الوجع
عِنان: زين متى تطلع؟
الدكتور: بعد ماتصحى تقدر تطلع عادي
عِنان: زين يعطيك العافيه ماقصرت
-
بيت ابو صقر
جالسين البنات متوترين وخايفين على اديم بشكل كبييرر
ام صقر: معليه يابناتي بأذن الله مافيه الا كل خير
ضيّ: دقي طيب على جسار وشوفي وش صايرر
رفعت جوالها واتصلت على جسار ودقايق ووصلها صوته:هلا يمه
ام صقر: وينك واديم كيفها؟
جسار: بالمستشفى للحين واديم بخير بس " سكت شوي يلملم نفسه" فيها كسر برجلها اليمين
ام صقر : لا حول ولا قوة الا بالله زين يعيني متى تطلع؟
جسار: هو عطاها مهدي وبأذن الله اول ماتصحى نطلعها طمنيهم بخير
ام صقر: زين انتبه لنفسك ولهم
جسار : ابشري
سكرت الجوال والتفت للبنات اللي مستغربين: بخير ماعليها بس فيها كسر برجلها اليمين وبأذم الله شوي وتطلع بس معطينها مهدي تهدا لانها تبكي
تطمنوا البنات رغم انهم خايفين
بعد ساعة طلعوا من المستشفى وعلى طول اخذوا باقي البنات ومشوا لديره وحال اديم مزعل الكل....
-
صباح اليوم الثاني عند حمد ودلال
صحوا من النوم وجهزوا اغراضهم وطلعوا من الفندق ويتمشون قبل يطلعون: حمد بنفطر قبل نروح
حمد: ابشرييي
دلال : تبشر باللي يسرك حبيبي
التفت لها بصدمه: هاه
دلال استغربت: شفيك؟
حمد: عيدي الكلمة اللي قبل شوي
دلال عرفت وابتسمت: تبشر باللي يسرك
حمد: لا اللي بعدها
دلال : يسرك؟
حمد تنرفز: دللااللللل
ضحكت بكل صوتها: حبيبي وحبيبي وحبيبي
قرب وسحب وجهها له وباسها وضحكت ومسكت يده وباستها
نزلوا للمطعم وافطروا وطلعوا ومشوا متوجهين لديرة....
-
الديرة
وصلوا ونزلوا سُلاف واديم بيتهم وكلهم انصدموا بكسر اديم دخلوها وجلسوها بالصالة على سرير عشان رجلها وهي للحين تتوجع وتاخذ مهدي دخل سَهم وشافها منسدحه ورجلها مكسوره: بسم الله شفيهاا اديم؟؟؟
ام سَهم: انكسرت رجلها
سَهم: من وشو؟؟؟
سُلاف: راكبه خيل جسار وطاح فيها
سَهم : بسم الله" قرب ومسك شعرها بخفه" وبعدين وش هاللقافه تركبين بشي ماتعرفينه
اديم: بالغلط بس كنت بجرب
سَهم: مره ثانية لا تتلقفين بشي ماتعرفينه
اديم: طيبببب اخر مره
سَهم التفت لاامه: ترا موعدنا اليوم نروح بعد المغرب
ام سَهم: ماتشوف اختك متكسره وتبي تروح تخطب
سَهم: خليها هنا مع سُلاف ووعد تروح معنا هي كذا ولا كذا بتروح تكشف
اديم شهقت: لييييه مين بتخطب بدون ماادري!!!!!
سَهم : بخطب ضيّ
شهقت أقوى: اخت جسسساررر؟؟؟؟؟
ضربها على رأسها بخفه: خير بس تشهقين ؟؟
اديم : كيفف ضيّ؟؟؟
سَهم: مالتس دخل
سُلاف: بس تصدق قسم بالله زين مااخترت احلى واحسن واجمل بنت
ام سَهم بتكشيره: محد طلب رايتس
سَهم زعلان على امه وكرهها لسُلاف: اي والله
سَهم: المهم يايمه تجهزي رايحين بعد المغرب
ام سَهم: زين قول لاابوك وتعالوا نتغداء
سَهم : ابشري
طلع سَهم وراح لمجلس الرجال
اديم: الله ضيّ بتصير زوجة اخوي واهه يابختك يااخوي
سُلاف: اي والله ويابختك ياسَهوم
ام سَهم: رجال وش كبرره وتقولين له سَهوم استحييييي
قامت سُلاف ولبست عبايتها وطلعت ام سَهم تطفشها بالمكان اللي هي فيه وراحت لبيتها...
-
بيت عِنان
دخلت وهي متضايقه ودموعها متجمعه بمحاجرها دخلت ونزلت عبايتها وجلست على الكنب شافها عِنان وهو جالس على جواله ويشرب شاهي شافها متضايقه قام وجلس عندهت: شفيتس امي ؟
سُلاف صدت عنه وماتكلمت مسك وجهها ولفه له : سُلاف امي شفيتس؟
بكت بقهررر وحضنته اول مره تحضنه هي مو هو يحضنها استغرب وأكد ان فيه شي مزعلها حضنها ومسح على ظهرها: شفيتس امي شفيتس
سُلاف وهي تبكي بحضنه: ليه تكرهني لييييه ليييه وش سويت لهااا انا وش ذنبي اذا زوجها تزوج علييها
تأكد انها تقصد ام سَهم واكيد مزعلتها: وش سوت لتس
سُلاف : كل ماقلت شي سكتتني وكل ماسويت شي طنشتني وهاوشتني لييه ياخي لييييههه
عِنان شد عليها بحضنه وباسها: خلاص امي ماعليتس منهم انتِ عندي وببيتي والباقي اضربيهم بالجدار
ماردت عليه وكمل كلامه: انا امتس وابوتس واختتس واخوتس انا كل من لتس بس لا تزعلين يروح ابو فهد انتي
هدت شوي من كلامه وجلس يواسيها لين نام بحضنه وشالها ونامت ونام جنبها....
-
المغرب 6:00
راحوا سَهم وام سَهم وابو سَهم وتركي وبراء ووعد
وصلوا لرياض وتوجهه لمحل ورد واخذ ورد معه وكتب عليه بكرت كلام كان عارف انه ماراح تفهمه ضحك وهو يتخيلها تهاوشوه وتسأله عن المعنى ركب وتوجهوا لبيت ابو صقر يمشي للبيت ودقات قلبه كل مالها وتسرع ويحس وده يطير للبيت مايبي يمشي يبي يوصل بسرعه ويروح لها وصلوا للبيت ونزلوا واستقبلوا الرجال الرجال والحريم الحريم
ابو صقر: ياهلا والله حيّ الله ضيوفنا
ابو سَهم: الله يحييك ويبقيك ياابو صقر
ابو صقر: حياكم تفضلوا تفضلوا
تعدوا للمجلس وصاروا يقهوونهم وقرر ابو سَهم مايطول السالفه : اقول ياابو صقر مانبي نطول بمطلبنا اللي جايين عشانه
ابو صقر: امر ياابو سَهم
ابو سَهم:جايين نطلب يد بنتكم ضيّ لولدنا سَهم على سنة الله ورسوله وابد مالكم الا اللي يرضيكم
ابو صقر: ياهلا والله نتشرف فيكن وبنسبكم اللي ينشرى وابد بأذن الله بيجيكم مرادكم واذا علي انا مرافق ابد بس الشور أوله وأخره لضيّ وهي صاحبة الشان
ابو سَهم: ابد خوذوا راحتكم والشور شوركم ياابو صقر..

"لا تنسون النجمة عسوليني والتفاعل الحلو عشان نكمل
وتعالوا انستا لتسريبات والتشبيهات العسل زيكم "rwiiai1"🤍🤍🤍🤍🤍🫶🏻