جيتني من أقصى دنياي...وصرت الدنيا بعيوني

البارت-42

-
الديره 8:33م
وصلوا لديره ووقف عند بيت ابو سَهم نزل وراح جهة بابها وفتّح لها البَاب مسك يدهاَ بيسندها وينزلها فلتت يدها بقرف منه وتقدّمت لااديم تمسكها ودخلوا داخل البيت شاف عمه ابو سَهم عند الباب: هلابك ياعمّي شلونك
ابو سَهم : والله الحمدلله كل شي بخير انتم شلونكم واضح سُلاف زعلانه منك
عِنان يِحك جبينه: والله ياعمّي وش اسوي فيها من يوم صحت وهي زعلانه مني ولا سويت لها الا اللي يرضيها
ابتسم ابو سَهم: معليه تطخ(تهدى) وتجي تاخذها
عِنان: ان شاءالله بس خلها ترتاح عندك
مشى وراح للبيت ورمى نفسه على السرير وسرعان مااخذه النوم صار له فترة ماينام زين ولا هو قادر ينام من خوفه عليها ......
-
الرياض
بيت ابو صقر
كانوا واقفين عند الباب ينتظرون أغلى شخص بالنسبة لهم وينتظرونه من فترة طويلة والكل يحبه وفرحانين بجيّته واكثر انسانه فرحانه ضيّ من حبها لخالها سلطان وبنته مّلاذ......
بعد نص ساعة وصلوا السعودية نزلوا من الطيارة وهي رجعت روحّهم لهم من يوم وصلوا لها واخيرًا بيشوفون اهلهم واخوانهم وخوالهم فرحان لانه رجع لديرته واخته وعيالها اللي يشوفهم الدنيا كلها وفرحانه لانها رجعت لااحب شي لقلبها ضيّ وعشان حب طفولتها اللي للحين ماهي قادره تنساه رغم انها اخذت تدرس برا المملكة 6 سنوات لكن مافكرت تنساه ........
وصلوا لبيت ابو صقر وكلهم واقفين عند الباب يستقبلونهم نزل سلطان ومعه بنته
"
«تعريف بسيط عنهم»
"سلطان "اخو ام صقر وخال ضيّ وجسار وصقر شخص غني جدًا وعنده شركات وفنادق بالمملكة وخارجها انسان نيته مو طيبه لأي احد بحياته عمره 34

"ليلى " زوجة سلطان وام مّلاذ متوفيه من زمان ولا جابوا غير مّلاذ

"مّلاذ" البنت الوحيدة لسلطان وليلى وامها توفت وهي تولد فيها خريجة بكالوريوس فنون رسم ورسامة بشكل مُحترف طيوبه وحبوبه والكل يحبها
"
استقبلوهم بالأحضان وركضت ضيّ تحضن مّلاذ: ححبيبيييي وحشتيينييييي
ابتسمت مّلاذ وبادلتها بالأحضان : قلبي ضيّ والله وحشتيني اكثر
سحبتها ضيّ ودخلوا داخل : تعالي نسولف وتقولين لي عن الاشياء برا
ابتسم ام صقر وهي تحضن سلطان: الحمدلله على سلامتك يااخوي
سلطان بأبتسامة شوق: الله يسلمك ياحبيبتي
تقدم وسلم على ابو صقر: شلونك يالنسب وش الاخبار؟
ابو صقر: والله الحمدلله كل شي بخير انتم شلونكم وشلون الجلسة برا
سلطان ابتسم: والله بيني وبينك مافيه مثل السعودية يووو ياريحتها وأمانها وحبها وكل شي فيها
ابو صقر: اي والله صدقت
سلم على جسار وصقر ودخلوا داخل....
-
صباح اليوم الثاني بيت ابو سَهم اول يوم دوام للبنات وسُلاف واقفه فوق رأس اديم تصحيها :ادييمم قومييي
اديم تدخل وجهها داخل البطانيه: سُلاف توكلي مو افتكيت من وعد جيتي انتي
سُلاف وهي تسحب البطانيه: اقول قومممييي الوقت راححح
قامت اديم وتعدل شعرها: خلاص خلاص وريني زولتس بقوم
طلعت سُلاف من الغرفة وقامت اديم وراحت الحمام..
-
بيت ابو حمد
صاحيات رسل وحنين ويفطرون وكان اول يوم احلى يوم بالنسبة لرسل متحمسه لدراسة واخر سنه ومشتاقه لصديقاتها
حنين: يلا قومي اجهزي الوقت راح
رسل: زين يلا بس مين بيوديني ؟
حنين: مدري اللي بيودي اديم تروحين معه
رسل: اوك بلبس وبروح لها عشان لا اتأخر
حنين : طيب اتحركي يلا
قامت رسل من على السفره وراحت غرفتها تلبس
-
بيت عِنان
صح من النوم وشاف الغرفة كيف مكركبه والدنيا فوضَى قام وراح الحمام تروش وطلع يصلي الفجر ورتب الغرفة وشاف السرير وتذكر ايام كانت تبكي ويوم فكر يعاقبها بأقسى شي ممكن تتخيله ولحظات بكيها ولحظات غضبها ويوم ينام عندها ابتسم على طرف : رغم لحظاتنا مع بعض زعل الا ان لها آثر بالمكان طلع من الغرفة وسكر الباب وطلع من البيت وراح لبيت اهله...
دخل عليهم وشاف جود تلبس وتبي تطلع : وين رايحة
فتحت عيونها بذهول ونزلت رأسها للبسها: وش تشوفني لابسه؟
عِنان تقدم ومسك أذنها: جاوبي
جود تتوجع : وجع اتركني رايحه اديم بنروح المدرسه
عِنان: طيب طيب روحي يلا
طلعت من البيت وراحت لبيت ابو سَهم وهو راح يتقهوى مع امه وابوه
-
بالرياض 7:22
بيت ابو صقر..
كانوا جالسين يفطرون مع سلطان ومّلاذ وكان اول فطور والعايلة كلها مجتمعه على الفطور نقزت ضيّ: خالو شرايك نروح الديرة واعرفك على اهلنا الجدد
رفع حاجبه بأستغراب : اهلكم؟
ام صقر: اي كنت بنخطب من عندهم لصقر بس ماصار نصيب وصاروا اهلنا واخذوا ضيّ لولدهم سَهم
سلطان: اوووو بنتي الصغيره كبرت وصارت عروسه
ضيّ: يب ياخالوووو
مّلاذ انصدم انهم كانوا بيخطبون لصقر وتجمعت دموعها بمحاجرها وصارت تاكل بصمت لكن ارتحت يوم سمعت ام صقر تقول "ماصار نصيب" التفت لضيّ: ماشاءالله ياضيّ كبرتي وصرتي عروس
ضيّ: حبيبيي ملاذذووو عقبالتس يقلبي
سلطان: شفيه كلامك متغير "صار يقلدها"عقبالتس
ضيّ: صرت نفس اهلنا
سلطان: لا لازم نروح الديره ونتعرف عليهم
ضيّ: تم تم بس خلها وقت إجازة لان البنات عندهم دوام
سلطان يغمز لها: تتممم
قام صقر من السفره واستأذ وراح للمطبخ وكانت عيونها تراقبه قامت واستأذنت وراحت وراه دخلت المطبخ وتنحنحت : السلام عليكم
صقر: هلا مّلاذ عليكم السلام
مّلاذ: يوو من زمان عنك
صقر ابتسم :اي ياصديقة الطفولة من زمان عن بعض
مّلاذ ابتسمت : ماشاءالله كنت ناوي تتزوج
صقر: اي كنت ابي اخت خويي بس ماصار نصيب الحمدلله
مّلاذ : اي ماشاءالله الله يوفقك
صقر : امين وياك
طلع وتركها مكانها ومسكت الكاس تشرب مويا وماحست على نفسها الا وانكسر الكأس بيدها وصارت تنزف .....
-
الديرة
كانت واقفه بالحوش تصرخ على اخوها
اديم: بببرااااءء بسسسرعهههه
براء : جايييييييي اطلعيييي جايي
دق الباب وراحت فتحت وشافتها جود: هلا جويد وين رسل؟
التفت على صوتها: جت جت رسل متى ناوين تمشون؟
اديم: انتظر الاخ ساعته سنه
شوي وطلع براء : يلا جيييتت اركبوا السيارة
ركبوا السيارة وكانوا رسل وجود ورا واديم قدام وكانت جود ورا براء عرف انها معه ابتسم وعدل المرايا على عيونها وصار يتأمل انتبهت له اديم وعرفت انه يشوف جود ضربته على كتفه: ممكن تحرك تأخرنا
تحرك وهو يتأمل بين الطريق وبين عيونها اللي ماقدر يشيل عيونه عنها وصل ونزلهم ورجع للبيت وهو للحين ببأله عيونها كيف مرتكبه وتشتت نظراتها عنه ......
-
بيت ابو سَهم
دق الباب وماكان بالبيت الا سُلاف وخالتها ام سَهم كانت نايمه قامت ووقفت عند الباب: مين؟
عِنان: انا عِنان
كشرت وهي تكرهه صوته: شتبي ؟
عِنان ضحك بخفه: افتحي لزوجتس بتخليني عند الباب عيب يابنت عبدالعزيز
فتحت الباب ودخل: شتبي ياولد الفهد؟
عِنان: عجبني اسم الفهد اسم ولدي ان شاءالله
سُلاف: من غيري ان شاءالله
تقدم باس خدها: منتس ان شاءالله ومو من غيرتس
سكتت وماردت عليه مسكها ولفها له: الحين بعرف وش مزعلتس؟
سُلاف ماردت وكان الصمت غاشيها
عِنان: سُلاف تكفين ردي وش بتس؟
سُلاف: كل شي صار بسببك
عِنان: وش اللي بسببي بفهم انا خليتس تطيحين ؟ ولا انا اللي ذبحته؟ ولا انا وش سويتي فهميني يابنت الناس وش سويت
سُلاف بدموع صرخت: انت خليتني احمل وانا مو مستعده وعشان كذا طلع حملي ضعيف لان جسمي صغير مايتحمللل
عِنان صرخ أقوى منها: سسسُلاااففف خلاصصص عاد جننتيني تراااا وربي الوقت معتس ماعاد ينطاق بس زعلانه وبس تبكين المفروض انا ابكيتس دموع ليل ونهار لاني اخذتتس وهدفي هالشي بس ماسويييتهه وأحن عليتس اكثر من ايييي شخخصصص رغم ذا كلللهه ماانتي راضيه تطخخييينن خلاص عـ.....
سكت وهو يسمع شهقتها وحس انه عصب عليها بزيادة قرب لها ومسكها: طيب انا اسف واوعدتس ماعاد اسوي شي غصب بسوي كل شي برضاتس
بكت اكثر لانها ماتحب لا حنيته ولا قسوته ضمها لصدره ويهديها: خلاص يابعد الرياض كلها دموعتس تهد حيلي
هدت وسكتت بعدت عنه ومسحت دموعها بكمها ضحك وقرب وباس مكان دموعها ومسكها ولفها له: اممم طمعها حلو مقبول بس شوي مالح
ضحكت من سخافته وهو يبوس دموعها : تعال افطر معي
عِنان: عمي وعمتي صاحين؟
سُلاف: لا كلهم نايمين واديم راحت الدوام
عِنان : اووو حتى جودي راحت اليوم الدوام
سُلاف: ادري راحت معها
عِنان:طيب يلا بفطر معتس تراني مييييتتت جوع
سُلاف: ياكذاب ترا قالت لي جود انك بتفطر عند امك
عِنان حك جبينه بورطه: عاد يوم جيتتس صرت جوعان ماتبين اكل يعني؟ "التفت للباب " خلاص خلاص بروح
مسكت يده وهي تضحك: خلاص تعال
قرب وحاوط خصرها: احب ضحكتتس ياام الفهد
ضربت يده وماردت عليه ودخلوا يفطرون مع بعض.....
-
الرياض بيت ابو صقر
كانوا طالعين يتمشون ضيّ ومّلاذ وسلطان وتعرفهم على الرياض واماكنها الجديده بحكم انهم من زمان مادخلوها التفت سلطان وهو يسألها: علمينا عن اهلك تحمست اعرفهم
ضيّ بحماس: يوووو ياخالوو لو تعرفهم ييجنننوننن اسمع اسمع خلني اعلمك اول شي عايلة عمي ابو عِنان جوجو ودلالي وعايلة ابو حمد حنون ورسلي وعايلة ابو سَهم اديمي وسُلافي وعود
سلطان وهو يمسك خذها غمز لها: وسَهم
ضحكت بخجل : وسَهم
سلطان: غير تعرفيني عليهم
ضيّ: تم بكره الخميس شرايك نروح لهم؟
سلطان : تمممم" التفت لمّلاذ" تجين معنا؟
مّلاذ: اكيد حتى انا بتعرف عليهم
سلطان:خلاص اجل تم
-
الديرة 12:22
صحى براء عشان ناوي يجيب البنات عشان يشوفها ويشبع عيونه اللي ماتشبع من النظر لها ولجمال عيونها ركض اخذ شور ولبس وطلع وركب السيارة وراح للمدرسة وقف عند باب المدرسة وينتظرهم وبعد دقايق طلعوا له وركبوا معه عدل المرايا على عيونها ومشى وهو يمشي شغل اغنية يحبها وكان يقصد فيها العيون اللي بالمرايا"بعدك ولا غيابك على نفسي ما أطيقه
كيف اجاهد روح تشقى من غلاك؟
شرع الخطا يازين عم الخليقه
وإن  هفا شوقي معك أبغى رضاك"
نزلت عيونها بتوتر وهي تعرف انها المقصوده واحتر الجو عليها من التوتر والارتباك صارت تشبك أصابعها ببعض وتهدي نفسها وصلوا للبيتهم ونزلت ونزل اديم وراح لبيتهم وهو بقمة فرحه وروقانه.....
-
بيت من زمان عنه وحشنا كثييير
"بيت فواز ووعد"
كانوا جالسين يتهقوون يبون يمشون لرياض كان فواز شوي تعبان بكن مايبّين ولاحظت وعد هالشي: فواز عادي مو لازم نروح اذا تعبان
فواز وهو ينسدح على رجلها: لا يروحي عادي نروح والله اسف من زمان ودي نروح نشوف كشف الجنين لكن ماقدرت من ضغط الشغل ولا قادر اتنفس حتى
وعد وهي تمسح على شعره: ماعليه يقلبي خيرها بغيرها اهم شي ترتاح
فواز قام رايح للغرفه: مرتاح يقلبي بس باخذ غفوة صحيني العصر عشان نمشي
وعد: حاضرّ ونوم العافية
-
رجعت جود لبيتهم وهي تحس قلبها بيطلع من مكانه من قوة التوتر والربكة مسكت قلبها وصارت تهدي نفسها:هدي هدي جود شفيتس بسم الله احس قلبي بيطلع من مكانه
رمت نفسها على السرير والتفكير اكلها لين نامت.....
-
العصر5:00
بيت فواز ووعد
صحت وعد فواز ومشوا لرياض وهم متحمسييننن مره ويفكرون لو كانت بنت ولو كان ولد : فواز لو كانت بنت ايش بنسميها
تنهد بقوه: تكفين مااتخيلها بنت
وعد بأستغراب: ليييه؟
فواز وهو يناظرها بحب: يكفي وحده شالعه قلبي تبين هالمره ثنتين البنوتات نقطة ضعفي تكفين
وعد ابتسمت: طيب لو جت بنوته
فواز: ابد البنوته لتس انتي سمّيها
وعد انبسطت : الله تمممم
فواز: ايش بتسمينها؟
وعد: بعد مانكشف تعرف
بعد نص ساعة وصلوا للمستشفى ونزلوا واخذوا موعد مع الدكتوره وينتظرون الدور ...
بعد دقايق سمعتهم ينادون اسمها نادت لفواز ودخلوا مع بعض
الدكتوره: اهلًا استاذه وعد
وعد: هلابك يادكتوره
الدكتوره: امري ياوعد فيك شي تحسي بوجع؟
وعد: لا ابد تطمني يادكتوره بس بكشف ايش نوع الجنين
ابتسمت الدكتور: اي حاضرين لك يااستاذه وعد قومي انسدحي على السرير
قامت وعد وانسدحت على السرير ورفعت الدكتوره بلوزتها وصارت تمرر السونار عليها ابتسمت وهو وضح لها الجنس: بشّري يادكتوره؟
الدكتوره اشرت على السونار : شوفي هذا هو
وعد: طيب ايش الجنس؟
الدكتوره بأبتسامة : بتجيك احلى بنوته بالدنيا
شهقت وعد : احلفي يادكتورهه
الدكتوره: والله شوفي "وصارت توريها بالشاشة"
فواز ابتسم وتقدم وحضنها: مشكوره يادكتوره ماقصرتي
الدكتوره : ولو العفو واجبي
نزل راسه وباس خدها: ياحظي فيتس وفيها بيستحلون قلبي احلى بنتين بالكون ........