جيتني من أقصى دنياي...وصرت الدنيا بعيوني

البارت-8

عند دلال وهي تدور على خاتمها اللي طال الوقت وهي مالقته بعد ماصدمت بالشخص رفعت رأسها وبدت ترجف وراحت بتدخل وشهقت يوم حست بيد يمسكها ورجعها لقدامه: مين انتي وايش تسوين بقسم الرجال
دلال: وخر عني انت اللي مين ياقليل الادب
حس انه تمادى بحركته وترك يدها وسمع صوت يناديها: دلااللل وينتس تأخرتيييي
دلال: وخر عنييييي بدخل
همس بين أسنانه :قولي وش تسوين بقسم الرجال ومين اللي شفتيه وخفتي وجيتي تركضيننن
دلال نزلت رأسها وعيونها دمعت: والله مدري جيت ادور خاتمي وخفت من اللي قدامي واصلًا ماانتبهت اني بقسم الرجال وبعدين مين انت وايش تبي
حمد: طيب ادخلي بسسسرعهه ولا اشوفتس طالعه
وجت بتدخل والتفت لها : كتوفتس اكسرهن لتس لو اشوفهن طالعات
دلال: خير شدخلك فيني بعدين انا عند بنات انت شتبي حاشر نفسك لاانت ابوي ولا اخوي ولا زوجي
حمد ضرب الباب بقوة يده :قسم بمن أحل القسم مايصير خاطرتس طيب لو ماانتبهتي مره ثانية وطلعتي عند الرجال بهالشكل واذلفي نادي لي حنين ورسل بنروح
دلال عرفت انه اخوهم كشرت بوجهه: الله يعينهم بس على مابلاهم
حمد قرب لها:شكل ودتس تدخلين تبكين صح؟
دلال خافت ودخلت على طول وهو مسك رأسه وتعوذ من بليس واستغرب ليه انفعل لانه شاف اخوه فيصل قدامها ويمكن شافها عصب وصار ينادي بطول صوته: حنننننيييييييننن رررسسسسلللل
طلعت له حنين: بسم الله شفيك حمد
حمد: يلا نادي اختتس وبنمشي بوصلكم بروح لي كم مشوار
حنين: وين رايح؟
حمد: مشوار
حنين: طيب اسمع خلصت إجازتك ؟
حمد عصب: صار تحقيق نادي اختتس وتعالوا
حنين: طيب طيب
دخلت حنين تنادي رسل وطلعوا من البيت مع حمد
وهم مع الطريق للبيت
حمد: حنين بسألتس
حنين: اسأل
حمد بتردد: دلال بنت عمي فهد
حنين بأستغراب: شفيها؟
حمد تنحنح: لا خلاص ولا شي
حنين حست فيه شي بالموضوع: حمد قول شفيك اسمعك
حمد: خلاص يابنت بعدين
رسل بضحك: اشم ريحة حب هنا تشمين ياحنين
حنين بادلتها الضحك: اي اي اشم معليتس
حمد: لو ماتسكتون بقبركم هنا تخيلوا احب الغبيه ذي
حنين بأنفعال: حدك حبيبي حدك عاد الا دلول مافيه احسن منها بالكون كله
رسل: وهي صادقه اختي
حمد: مالت عليكم وعليها
دخلوا البيت وراح حمد لغرفته انسدح على سريره وهو يفكر ويهمس بينه وبين نفسه: فيه احد بحياتها؟ طيب يمكن تحب واحد من عيال عماني؟ طيب مخطوبة؟ لا مااحس لو مخطوبة انتشر الخبر طيب احد يحبها؟ مالت ذي من يحبها الغبيه قليلة ادب وطويلة لسان وجالس ينكر فكرة ان دلال اخذت عقله قبل قلبه
ضرب جبهته: حمد شفيك وش هالغباء تفكر فيها مالت عليها ماافهم ان حبيتها
جلس بداومة التفكير بدلال لين اخذه النوم ونام
والكل نام وبباله الشخص اللي صادفه بالدنيا واللي كتب ربي يصير له ويطلع بطريقه مثل وعد اللي حبت فواز من كلامه لها بالملكة وطمنها واسلوبه الهادي والحلو معها حست بأنها كسبت احسن شخص وممكن كل الزعل وانها ماتبي هالملكة كان خيره لها
مثلها مثل فواز اللي مانام وهو يتخيلها وباقي يتذكر شكلها ملامحها ورقّتها ونعومتها ضحكتها وصوتها ولمسة يدها يحاول يتخيلها كل شوي مايبي ينسى ملامحها وكانه يبيها تبقى نسخة بباله يبي صورتها معه وين ماراح تنهد تنهيدة راحة قويييهه وهمس: الحمدلله ياحب الطفولة قدر الله ولفت الدنيا وصرتي لي الحمدلله صرتي لي ياوعد الحمدلله
-
الصباح بيت ابو عِنان
دلال:جويد بنروح لوعد
جود: لعنبوا دارتس امس جايين من ملكتها خلي البنت ترتاح
دلال بتفكير: طيب لحنين ورسل لا تقولين لا من زمان مارحنا بيتهم
جود: اي حنين ورسل ممكن نروح
قامت دلال بفرح: بروح اقول لاامي
راحت لاامها بالمطبخ
دلال: السلام عليكم يمه
ام عِنان:عليكم السلام هلا
دلال: يمه نبي نروح بيت عمي عبدالرحمن للبنات
ام عِنان: زين بس خلي احد يوصلكم
دلال: زين يعطيتس العافية
قامت وطلعت لجود وراحوا يتجهزون عشان يروحون للبنات
-
بيت ابو سَهم
وعد: يبه وش بتسوي امي بتجي بكره وسُلاف تبي تنكرها قدام امي وماراح تسوي التحليل اللي قال لك سَهم؟
ابو سَهم: تحليل مااسوي وسُـ سُلاف بــ بنتي
انصدمت وعد وماكانت اقل صدمه من سَهم اللي قاعد يسمعهم وانصدم ان ابوه اعترف فيها وانها بنته هل هو صادق ولا بس عشان مايسوي التحليل؟؟
دخل عليهم
سَهم: يبه بنتك ولا عشان ماتسوي التحليل؟
ابو سَهم: اي بنتي سُلاف بنتي ومو عشان التحليل اعرفها واعرف ملامحها تشبهه امها كثير كثييير
سَهم: طيب جاوب على سؤال وعد وش بتقول لاامي؟
ابو سَهم حط يديه على راسه:مدري والله مدري ولا ادري وش بتسوي
سَهم: طيب حطها عند عمي فهد لين تجي امي ومهد لها الموضوع وقول لها شوي شوي وبعدين نرجعها هنا نخليها تجلس عند دلال وجود
ابو سَهم بتفكير: يعني فهد بيوافق؟
سَهم: ليه مايوافق انت فهمه الوضع وشوف
ابو سَهم: بأذن الله اروح له بعد المغرب واشوف
-
بيت ابو حمد
حنين: حميد
حمد:هاه
حنين: تودينا؟
حمد:وين بعد
حنين:بيت عمي فهد
حمد فز قلبه وهي بس ذكرت ابوها كيف لو ذكرتها همس حمد لنفسه: تخيل بس تحب ذي وربي اهفك تفكر تحبها
حنين:عفوًا اخوي؟
حمد: هاه.... لا ولا شي
حنين:بودينا ولا اختصر علي
حمد: طيب طيب اي بوديتس روحي البسي
راحت حنين تلبس ودخل عليهم فيصل : السلام عليكم
حمد ضحك بسخريه: عليكم السلام اخ فيصل شهر بالرياض وش عندك؟
فيصل:دوام يعني
حمد: اي هين
فيصل: اقول وش اسماء خوات عِنان
فتح عيونه بذهول: خخخييير وش تبي فيهم وبعدين وش قلة الادب وقلة الرجولة تسأل عنهم وخوات عِنان وربي لو يدري عنك بيدفنك حي
فيصل: اوب اوب اوب هد هد ماقلت شي بسم الله بس سألت لاني شفت وحده منهم"وصفر" اوففف دمار
حمد قام ومسكة من ياقته وصرخ بأعلى صوته:مين شفت تكككلللممم من شششففتتت ياحححققيييرررر
فيصل صرخ: لا تصرخ علي خخييير وبعدين وش دخلك من شفت
حمد شد مسكته: شف قسم بالله ورب اللي رفع سبع وبسط سبع لو ماتقول من شفت اني لااقبرك
فيصل:مدري بس اعتقد اسمها دلال
حمد بهاللحظة حس الدنيا تدور فيه يعني اللي شافها وشافته واقف مو مازن فيصل كان فييصصصلل تجمعت جنون الدنيا حوله وماصار يشوف قدامه من العصبية وعروقه بانت من قوة العصبية وفيصل حس انه راح يذبحه بدون تردد
حمد: كنت بالحفلة ذاك اليوم؟
فيصل: اي باركت لفواز ورجعت لرياض
حمد بين أسنانه: ومتى شفتها تككككللممم
تجمعوا خواته بهاللحظة من قوة الرعب اللي سمعوه بصراخهم
-
فيصل: كانت تدور على شي طايح وشفتها
حمد: ليه تسأل عنها؟؟؟؟
فيصل: لاني ابيهـ....
ماكمل كلمته الا وجاه كف من حمد وبكل قوته لدرجة خس خده تخدر
حمد: شف قسم لو تجيب طاري دلال على لسانك الوصخ مايصير خاطرك طيب تراها ماهي نفس البنات اللي تغازلهم وترقمهم ويصدقونك وتسحب عليهم والله لو احس بس احساس انك حاطها بذا"ضرب على رأسه بأصبعه" لااكسره لك بعد عن دلال احسن لك يافيصل لاانسى انك اخوي وادفنك