جيتني من أقصى دنياي...وصرت الدنيا بعيوني

البارت26

-
بيت ابو حمد
جالسين يتقهوون عند حمد ويغيرون نفسيته لان الدكتور موصي على نفسية حمد اكثر من اي شي عشان صحته
ابو حمد: اقول ماودكم نروح مع ابو عِنان وعياله وابو سَهم
حنين: وين؟
ابو حمد: رايحين لرياض هم والاهل قلت نروح معهم
رسل: اي اي تكفى يبه بنروح مع البنات
ابو حمد: اي ان شاءالله بس بدون حمد مانروح
حمد: معليك يايبه روح تونس وتعالوا
حنين: والله مانروح بدونك مارحت ماراح اروح وصل؟
حمد: لا تكبرينها ياحنون روحوا وانبسطوا وتعالوا
حنين: انتهى الموضوع يانروح سوا يانجلس سوا
رسل: نعم حبيبي كلامها صح
مازن: وانا معهم
ابو حمد ضحك: طبعًا ماراح اروح لحالي انا معهم
حمد ضحك: خلاص نروح معكم
-
بيت ابو عِنان
المغرب جالسين دلال وجود واديم ووعد بالسطح
جود:سوسو ماراح تجي؟
دلال: مدري والله
اديم التفت لجود: انزلي ناديها قسم وحشتني ماودي انزل اخاف عِنان قدامي
جود وقفت: يلا يلا بروح اناديها
نزلت جود لبيت عِنان وسُلاف دقت الباب مره مرتين وثلاث وشوي وصلها صوت عِنان: ميينن؟؟
جود: انا جود
فتح الباب عِنان: هلا جود
جود: نبي سوسو
عِنان رفع حاجبه بأستغراب: سوسو؟
جود: نبي حِرمك تجي عندنا
عِنان : ماتقدر
جود:ليه؟
عِنان: تعبانه حرارتها مرتفعه ماتقدر
شهقت جود: شفيها بشوفها
عِنان ضربها مع رأسها بخفه: نايمه ماتقدر تشوف احد
جود: زين
لفت تبي تروح ورجعت التفت له ورفعت
اصبعها بتحذير: انتبه لها زين
عِنان: طيب بس توكلي
رجعت جود عند البنات وسألوها عنها
جود: تعبانه
وعد: اسم الله عليها شفيها؟
جود: حرارتها مرتفعه بس
اديم: طيب نبي نشوفها
جود: عندها عِنان معليكم "غمزت: عاد تبون الصدق
اديم: وشو
جود بأبتسامة شفت روج على ثوب وشكلها كانت بينهم ليلة اوففف
ضحكت أديم:قهر ودي اشوف معتس
جود: وشفته كأنه توه صاحي من النوم اوفف احب العشق الحلال
دلال ضربته على كتفها: خلاص عاد استري عليهم وش ذا
جود: ماقلت عند غريب خواته وخواتها
اديم: لازم نحقق مع سُلاف
وعد: يوو عاد اديم وجود وش يمسك لسانهم الحين الله يعينتس ياسُلاف "التفت لأديم" قومي بنروح يلا
راحوا البنات مع عندهم ووعد راحت بيتها واديم بيتهم
-
بيت عِنان وسُلاف
انسدح جنبها وهي نايمه على السرير وحط يده على جبينها وصار يتحسس حرارتها وهو مانام طول الليل من الخوف عليها خاف تصحى وماتلقاه خاف تتعب ومايدري عنها كلن خايف من كل شي عليها مايدري ليه بس مايبي شي يضرها ابد يضره هو بس لا يضرها هي
حط يده على جبينها للمره الثالثه وحست فيه وفزت ومسك يدها بخوف : بسم الله عليتس لا تخافين
سُلاف كانت تدمع بدون ماتبكي من الحرارة مسح دمعتها بأبهامة: سُلاف هذا انا عِنان"مسك يدها وحطهت على صدره"انا عِنان تطمني انا جنبتس
رفعها من السرير وحط رأسها على صدره: لا حرارتتس احسن من قبل شوي
وقفها وراح للحمام وغسل وجهها ورجع حطها على السرير : بروح اسوي لتس اكل واجي لا تخافين
راح وطلع الاغراض وصار يسوي لها شوربه واخذها وراح لها
-
وعد وفواز وصلوا اديم للبيت وراجعين لبيتهم
فواز: تبين نروح معهم لرياض؟
وعد مسك يده وصارت تلعب فيها:شوف الصدق ودي بس انت كيفك يعني
فواز نزل رأسه وباس عينها: انتِ بس أمري وانا البي انتِ بس قولي ابي وانا بعطيتس انتِ بس اشري وانا اجيب لتس يااميرتي
وعد نزلت رأسها بخجل: الله لا يحرمني منك
فواز : ولا منك
-
بالرياض
ضيّ كانت تفكر بكلام نور اللي ماراح عن بالها ابدًا وكانت تخطط لهالشي لانها مو راضيه بدراستها بالرياض ابدًا وبدت الدراسة وهي ماداومت قررت تفانحه بالكلام فتحت جوالها وارسلت له
:السلام عليكم ,اذا فاضي بكلمك بموضووع جدًا مهم
بعد نص ساعة وصلها رده: عليكم السلام,سمّي يالضيّ
ضيّ:انت بالرياض ؟
سَهم: اي بالدوام امري ؟
ضيّ: بدق عليك اذا فاضي بكلمك بموضوع
سَهم : تكفين لا تخوفيني صاير شي؟
ضيّ: تطمن مافيه شي بس بكلمك وتعرف
مارد عليها وهو يدق على طول عليها
ردت ووصلها صوته: شفيتس؟
ضيّ: لو اطلبك طلب تردني؟
سَهم: امري
ضيّ: تساعدني ادرس برا؟
سَهم: ضيّ كم مره قلنا نقفل هالموضوع
ضيّ بصوت مايل للبكاء: تكفى طلبتك والله مااشوف نفسي بالرياض ابدًا تكفى سَهم مساعدة فترة وبعدين ماعاد اطلب شي
سَهم: ايش طلبتس؟
ضيّ: نتزوج
سكت ومارد عليها وكملت: لا تفهمني غلط نتزوج ورق بس لان اهلي قالوا ماتروحي الا مع زوجك بس ادرس وبعدها نترك بعض
سَهم: لا انتِ انجنيتي ياضيّ مره مو شوي انسي هالفكرة انسيها
ماردت وعلى طول قفلت جوالها وجلست تبكي وهو عارف انها جلست تبكي بعد ماقفلت تأفف وهو يبيها بس مايبي ياخذها بهالطريقه بياخذها وهو يدري انه يحبها وتحبه وهي كذلك يبي زواج عشان حب مو عشان مصالح
-
صباح اليوم الثاني صحى اابو عِنان على آذان الفجر وصحى العيال والبنات وام عِنان وطلعوا العيال لصلاة وسلموا على عيال عمانهم وعمانهم ابو سَهم وابو حمد بالمسجد
بيت ابو عِنان
دخلوا البيت العيال وشافوا امهم والبنات حاطين الفطور بالحوش جلسوا وافطروا
عِنان: يلا نخلص فطور ونمشي بأذن الله
ابو عِنان: قلت لعمانك بنمشي الفجر؟
هتان: اي انا قلت لهم
ابو عِنان: زين
جود: عِنان سُلاف وينها؟
عِنان بحده: تجهز الأغراض
جود: اخبارها الحين؟
عِنان: بخير
جود: ليه ماخليتها تجي نفطر داخل معها
عِنان: ياكثر ماتسألين افطرت قبلكم
جود: شفيك عصبت كنت بتطمن بس
عِنان: تطمنتي خلاص؟ اسكتي
قام عِنان من عندهم: الحمدلله
راح لبيته وفتح الباب وشافها مخلصه الأغراض وجالسه على الكنب تاكل وتناظر الفراغ وقف وراها: بنت
ماردت عليه استغرب تطنيشها وكررها بصوت
عالي: بننتتت
خافت وفزت وانكب الشاهي على يدها وكانت تتوجع بس مابينت: شتبي
تقدم لها ومسك شعرها من ورا : ردي علي زي الناس وصل؟
بلعت ريقها وهي تكرهه تبكي عند احد ضربت يده على تفلت عن شعرها: بعد عنيي وتخسي ارد زي الناس
انصدمت من حركتها وكلمتها"تخسي"
قرب ومسك فكها: اسكتي دام النفس باقي طيبه عليتس لااكسر فكتس ذا
نزلت دمعتها على خذه ومسحتها على طول وهو انتبه لدمعتها لانه كان قريب منها قرب تكرهه هي : الدموع ذي ماتمشي معي امسحها لانك بتبقين بعيني نفستس ماتغيرتي انسانه محد يعرف عن ماضيها
كان يقول كلامه ذا وهو يناظرها بنظرات استحقار ويثبت ان ماضيها كان اسود ومستحيل تتغير هالنظره بعيونه
ضربته مع صدره تبعده عنها وهي تبكي: ماراح اسامحك ياحقير اكرهك اككررهككك طلقني وفكني
عِنان وهو يناظرها من فوق لتحت: تبين اطلقتس عشان تروحين لغيري ؟ احلمي بس
ركضت للغرفه وسرعان ماانهارت بُكاء على حظها اللي انقلب وصار معه مع اكرهه شخص لها
كان يسمع صوت بكائها يزعله بكائها بس مستحيل يراضيها مشى وفتح الغرفه وقال لها تلبس وتطلع أخذ الأغراض وطلع من البيت
جهزوا أغراضهم وطلعوها لعِنان وكانوا بسيارتين
سيارة عِنان
عِنان - سُلاف- جود- دلال
سيارة ابو عِنان
ابو عِنان وام عِنان
وهتان لحقهم بسيارته لحاله
عِنان: يلا ياجود ترا بنمشي
جت جود تركض : يلا يلا جيييتت
ركبوا ومشوا متوجهين لرياض
-
بيت ابو سَهم
اديم: يلا بنتأخر ترا عمي فهد مشوا
ابو سَهم: يلا اركبوا بركب الاغراض ونمشي
ركبوا كلهم بسيارة ابو سَهم
اديم : يبه سَهم قدامنا صح؟
ابو سَهم: اي مداوم قدامنا
اديم:وعزوز وفيصل بيجون؟
ابو سَهم: عزوز اي فيصل ماضنتي عمره راح معنا مكان؟
ركبوا ومشوا ورا سيارة ابو عِنان
-
سيارة عِنان
كان يسوق بكل جمود وتنتقل عينه بين الجوال والطريق والتفت لها كانت ساهيه بالطريق وماهي حوله وكأنها تفكر بأشياء كثير طفى جواله ومد يده يعطيها الجوال: سُلاف
التفت له: هلا
مد الجوال: حطيه على الشاحن
اخذته وحطته على الشاحن ورجعت تناظر الطريق بكل فراغ :تبين نشتري قهوة؟
سُلاف : بكيفك
عِنان: اذا ماتبين مانبي نمر
سُلاف التفت للبنات: بنات تبون قهوة ؟
جود: الله اييييييي من زمان ودي اذوقها
دلال : بكيفكم
سُلاف التفت له: خلاص جيب لنا
عِنان وهو يتوجهه للكوفي : زين
وصل للكوفي ودق جواله ورد: هلا يبه
ابو عِنان : وينكم ؟
عُنان: عند كوفي***** باخذ للبنات قهوة
ابو عِنان: زين جايك باخذ البنات
عِنان: ليه خلهم معي
ابو عِنان: لا باخذهم وانت خلك مع سُلاف
عِنان: زين
بعد دقايق وصل ابو عِنان للكوفي اللي واقفين عنده وطلع عِنان ومعه طلبات البنات وركب واعطاهم القهوة : ابوي بياخذكم معه
جود: لييه؟
عِنان: مدري قال باخذهم معي يلا انزلوا هذا هو واقف
انزلوا البنات وركبوا مع ابو عِنان وركب عِنان سيارته ومشى وهو وسُلاف : وين تبين نروح
سُلاف: ولا مكان
عِنان حس انها زعلانه عليك وابتسم ولف لها: تبين امشيتس واوريتس الرياض
سُلاف: مااقول لا
نزلت نقابها وحجابها وصارت تفرد شعرها اللي فاحرمنه ريحة العود والعطور
صار يستنشق ريحتها اللي ردت له روحه وحببته بالحياة واليوم كامل وكان قادر يخليه مروق طول اليوم
التفت لهل عِنان: شرايتس بالقهوة؟
سُلاف ابتسمت وصارت تتكلم ونست زعلها ونست كل شي كان يسويه معها : مره ححللوهه حبيتها
ابتسم لها والتفت له ومسكت يده بشكل عفوي بدون ماتحس : تدري عاد اول مره اذوق قهوة برا حتى لمًا كنت بإيطاليا مااحب اشرب شي من برا واصلًا مااطلع كثير كان كل وقتي بالدراسة ومع خالتي نادر جدًا اطلع وفوق الدراسة كنت ادرس اللغة العربية
كانت تسولف وهو يناظرها ومبتسم لسوالفها ونسى ماضيها اللي كل شوي يذكرها فيه : درستي جامعة؟
سُلاف: اي
عِنان: وايش درستي ؟
سُلاف : تصميم أزياء
عِنان: حلو ماشاءالله
صاروا يتمشون بالرياض  ويعلمها على كل شي وعلى الأماكن الحلوه بالرياض وتبتسم لكل مكان واخذتهم السوالف والاشياء الحلوه ونستهم ماضيهم وهو مين يكونون صار الليل وهم باقي يتمشون
وقف عند محل إتصالات
والتقت لها: تغطي
تغطيت سُلاف وشافت المحل التفت بأستغراب:ليه وقفت هنا؟
نطق وهو نازل: دقيقه وجاي
نزل واخذ لها جوال وشريحه ورجع لسيارة: امسكي
سُلاف اخذت الكيس اللي معه: ايش ذا
التفت لها وركز عيونه بعيونها : جوال لتس عشان تكلميني اذا احتجتي شي وانا بعيد
شهقت وحطت يدها على فمها بفرحه: صدق عِنان
ضحك لردة فعلها : اي والله صادق
تقدمت بدون ماتحس وحضنته بقوه حضنته وهي مبسوطه بكل مافيها كانت تنسى عِنان القاسي لما تكون مع عِنان الحنون وفجأة حسوا بالمطر اللي نزل عليهم بعدت عنه ونزلت رأسها بخجل وهو كان مبتسم لها ولحضنها اللي حس الحياة فيه ضحك وقال : المطر حبنا
سُلاف : عادي اطلبك طلب
عِنان: اطلبي
سُلاف: بنروح مكان فاضي ونلعب بالمطر
عِنان: لا عاد زودتيها
سُلاف: تكفى طلبتك
مارد عليها وكملت بوجهه فيه كل البراءه: تكفى
عِنان: طيب يلا
رواحوا لمكان بعيد عن المدينه وضجيجها وبالظلام وبنور القمر نزلت من السيارة وصارت تلعب بالمطر تقدمت وفتحت بابه وسحبته: انزل يلا
عِنان: ماني اهبل مثلتس اخلصي فرغي طاقتتس وتعالي
سحبته مع يده: عِنان تكفى تعال وربي شعور ححللوو
عِنان ضحك لحركاتها الطفولية: ماابي ياسُلاف
سُلاف: تكفى عشانييي يلا عاد بس شوي
عِنان: طيب طيب اسكتي
نزل معها وصارت تلعب وتمسك يده يلعب معها وركضت لسيارة وشغلت اغنيتها المُفضله اللي تذكرها بأيام إيطاليا
وصاروا يرقصون والاغنية تغني "حلوه الدنيا حلوه سوا قلبي وقلبك فوق الهواء"
شوي واشتد المطر وسحبها عِنان وصارت قريبه لوجهه اقرب من انفاسه حط خشمه على خشمها وهمس: يلا نرجع اشتد المطر
ابتسمت بربكه: يلا نرجع
رجعوا وركبوا السيارة وراحوا للفندق
وصلوا للفندق ودخلوا للغرفة ونزلوا الاغراض ناظرت له سُلاف بأستغراب: بننام هنا
عِنان: لا هناك وش هالغباء
سُلاف: اقصد انا وانت مع بعض؟؟
عِنان ببرود :مو عاجبتس نامي على الأرض
سُلاف تنرفزت: ايش قلة الاحترام ذي المفروض انت تنام على الأرض
عِنان ابتسم طرف ابتسامة: حلم بليس بالجنه ياحلوه
ابتسمت سُلاف من كلمة"ياحلوه" : طيب صدق عِنان ماراح انام على الأرض
عِنان: يابنتي اسكتي ابلشتيني خلاص بنام على الكنب
ابتسمت لانها انتصرت عليه: كفوو حبيبي هذا العشم
ابتسم لكلمتها:بزر
التفت له: نعم؟
عِنان: روحي نامي دام النفس طيبه عليتس
التفت بتروح ووقفت على صوته: غيري لبستس لا تمرضين علي بعد
ناظرته بطرف عين وراحت للغرفه الثانية وغيرت لبسها ورحعت وانسدحت على السرير وتعدل بجوالها ورفعت رأسها تشوفه: عِنان
مارد عليها وكملت: عِنان صاحي؟
رد عليها بتعب:ههممم
سُلاف: عطني رقمك
عِنان: سُلاف ان قمت دفنتس هنا مره مو وقتتس بنام
سُلاف: عطني ونام
عِنان تأفف : بكره واسكتي احسن لتس
سُلاف: ياخي كلها رقم ماراح تموت
عِنان: اخر مره اقول اسكتي مو من صالحتس لو قمت
سُلاف: عشان لو طلعت بدونك اعرف رقمك
وقف وجا عندها على السرير وانسدح ومسكها مع خصرها وسدحها جنبه وقرب لها : لو اسمع صوتتس ماراح يصير طيب حذرتتس لكن انتي جنيتي على نفستس والحين انخمدي وانتي ساكته
سكتت وماردت عليه وشوي ونطقت: طيب قوم للكنب
التفت لها بحده: سُلاف اخر مره احذر خليني انام ولو تتحركين بكسر رجلتس وصل؟
سكتت وماردت عليه وشوي تعمق بالنوم وهي تتأمله كانت يده على خصرها ونايم وشوي واخذها النوم ونامت....
-
صباح اليوم الثاني
بيت ابو صقر كان يعج بالبخور والفرحه لان اهل الديره بيجون عندهم وكانت اكثر وحده مبسوطه ضيّ عشان البنات بيجونها وهي كل مافكرت بسَهم تكرهه اكثر
بعد دقايق طلعوا من الفندق اهل ابو سَهم واهل ابو عِنان واهل ابو حمد والتقت العيون ببعض بعد مُدة طويله شافها بعد المُعاناة اللي عاشها شافته وهي تكرهه نفسها مليون مره لان كل شي صار بسببها طلعوا كلهم برا وباقي حنين ودلال وحمد تركتهم حنين وطلعت
حمد: كيفك دلال
دلال: تمام انت اخبارك
حمد: بخير بشوفتتس
سكتت وماردت عليه وكمل: مبروك الملكة
رفعت رأسها وحطت عينها بعينه: ليه مادريت
حمد: عن؟
دلال: ماملكت
حمد رفع حاجبه بأستغراب: كيف؟؟؟
دلال: يوم صار عليك الحادث فصخوا الملكة
حمد: يعني ماانتي على ذمة احد؟؟
ضحكت لكلمته: على ذمة ابوي للحين
حمد: تكفين دلال لا تكسريني مره ثانية وانا اسف على كلامي اسف والله اسف
دلال: الله يكسرني قبل اكسرك
حمد: اسم الله عليتس من الكسر ياجرحي ودواي
دلال ابتسمت له : خلاص خلنا نطلع قبل احد يحس بشي
حمد وهو يرسل لحنين تجيه: خليهم يدرون الله عاد همي
ضحكت وراحت جت حنين واخذت حمد وهو كان مبتسم اول مره تشوفه مبتسم كذا بعد الحادث
مشوا وراحوا لبيت ابو صقر
وبعد نص ساعة وصلوا للبيت ونزلوا والرجال عند الباب يستقبلون الرجال وطاحت عينه عليها كان يعرفها ويميزها بين كل البنات ابتسم بخفه وراح يسلم على الرجال
دخلوا الحريم داخل واستقبلتهم ام صقر وضيّ
ركضت ضيّ حضنت اديم: والله ماني مشتاقه لااحد كثرك
اديم بكل غرور: ادري مو قادره تصبرين بدون حبي
ضربتها على كتفها بخفه : اقول اسكتي لا كف
قربت اديم وحضنتها: يقلبي والله اني مشتاقه لتس اكثر
قربت ضيّ وهمست بأذنها : الشوق لي ولا للحب اللي برا
ارتبكت اديم وتوترت: اي حب تكفين ضيّ لا كف اعقلي
دخلوا وجلسوا يتقهوون ويسولفون مع بعض من قوة الشوق
-
عند الرجال
صقر: اقول ياعِنان براء وينه ماله حس؟
عِنان: ابد والله عنده انتداب بكره يطلع بأذن الله
صقر: زين الله يوفقه يارب
ابو صقر: عشاكم بكره عندنا عشان براء
ابو سَهم: كثر الله خيركم ماقصرت والله
جسار: لا معليش بكره مافيه عشاء عندي سباق خيول وابيكم كلكم تحضرون كلكم حتى اهلكم
جاء بيتكلم عِنان وقاطعه جسار: لا تعتذرون والله ازعل ابد احضروا السباق وابد كيفكم بعدين
ابو عِنان:ياوليدي ياجسار حنا مالنا بهالاشياء والله
جسار: ياعمي والله وناسه جرب تشوف صدقني بتنبسط
ابو سَهم: والله بيني وبينكم عجبتني الفكرة
جسار: يشيخ انت الله يديمك قول امين والله انك على جوي خلاص يعني بكره تحضرون
كلهم بصوت واحد: بأذن الله
-
عند البنات فوق بغرفة ضيّ
ضيّ: بنات بكره جسار اخوي عنده سباق ترا تجون
وعد: سباق ايش؟
ضيّ: خيول واكيد انه قال لااهلكم لانه قال بيقول لهم لكن مدري بس يارب صدق ويوافقون ونروح
اديم: يووو ياليت بخاطري احضر سباق خيول من زمان
جود: الله بنات ياليت والله بتصير لحظات ححللوهه
ضيّ التفت لسُلاف اللي كانت ساكته: سُلاف شفيك
سُلاف: مافيني شي والله بس تعبانه شوي
ضيّ: بسم الله عليك شفيك؟
سُلاف ضحكت يوم تذكرت سبب التعب: لا ولا شي بس حرارة شوي
ضيّ: شافت ضحكتها وحست ان فيه شي : من ايش وايش سببها
ناظرها سُلاف ورفعت حاجبها وضحكت وكملت ضيّ: لا تضحكين علمتك بسرعه طلعي وش وراك
وعد غمزت: شكل السبب عِنان
اديم: اعترفي اعترفي عِنان له يد بالموضوع
دلال: يلا يلا ليه ساكته؟؟
سُلاف ضحكت: طيب طيب بقول لكم اسكتوا
وكملت: امس وحنا جايين شراء لي عِنان جوال وبعدين جاء مطر ورحنا مكان بعيد ونزلنا نلعب بالمطر وتبللنا وبس شكلي مرضت
اديم تنهدت: بنات انقذوني بتزوج
ضيّ انهارت ضحك عليهم : ماتوقعت عِنان يطلع كذا توقعته قاسي ومستحيل يتنازل عن شي
سُلاف : هو صح كذا بس يعني مو مره بختصار محد يفهمه
غمزت لها اديم: الا انتي تفهمين له
ضحكوا عليها وصاروا يسألونها عن كل شي....