جيتني من أقصى دنياي...وصرت الدنيا بعيوني

البارت-43

-
الرياض 8:00
بيت ابو صقر
كانوا كلهم طالعين ومافيه بالبيت الا سلطان وضيّ يفطرون عند المسبح وكان بينهم ورد جابه لها خالها بحكم انه يدري انها تحب الورد كثير كانوا يسولفون ويضحكون
وصَل سَهم الرياض وراح لبيتهم يبي يزورها قبل يروح لدوام وماقال لها يبي بدون ماتدري وصل عند باب بيتهم تنهد بحب ابتسم ونزل يبي يدخل كان بيدق الباب بس شاف الباب مفتوح واستوقفه صوتها كانت تضحك بشكل كبير وكان يسمع صوت شخص معها توقعه احد من اخوانها بس اللي خلاه يمحي ظنونه يوم سمعها تناديه "سلطانييي" جن جنونه يوم عرف انه شخص اسمه سلطان دخل بشويش وشافهم جالسين عند المسبح يفطرون وبينهم الورد حس ان عروق رأسه بتطلع من مكانها كيف جالسه مع شخص كذا لحالهم ركض وركب السيارة ومشى بكل سرعته لدوام وهو يضرب على الدركسون من قوة الغضب صرخ بقوه: ليييه ياضيّ لييييهه يأول امالي ليهه تصيرين آخرها ليييييييه
انتبه لجواله اللي كان يدق وصامت رفع وشافه اسم المُتصل "ضيّ السَهم" سكره بوجهها وهو وده لو يمحيها من حياته كانت تكرر إتصالاتها رفع جواله ورد عليها:خير ضيّ؟
ضيّ بأستغراب: شفيك سَهم؟
سَهم بغضب: مافيني شي وش تبين؟
ضيّ: ليه تكلمنس بالاسلوب ذا وش صاير
صرخ بقوه: ضييييييّ قلتتتت للتتتسسس مافيني شييي ممكن تقولين اللي تبينه وتسكرين انتي واتصالاتتس اللي ماتفصصصلل
نزلت دمعتها على خدها كانت تتوقعها من اي احد الا سَهمها سكرت بدون اي كلمة وهو رمى الجوال بالفرشه وكمل سواقه .....
-
الديرة
بيت ابو سَهم
كانوا مجتمعين يفطرون ماعدا ابو سَهم اللي كان رايح لرياض عنده شغل وكانوا على السفره اديم وام سَهم وبراء التفت براء لسُلاف: مين اخذ اديم والبنات؟
سُلاف: عِنان
براء: اشوى بعد طلع يخدم الأخ
ناظرت له وسوا نفسه خايف: اوووو نسييت ان زوجته عندنا
ضحكت : لا عادي ياحبيبي خذ راحتك
ام سَهم بعصبية: وش قلة الادب فيه وحده تقول لااخوها حبيبي؟
براء استغرب: عادي يمه سُلاف اختي وحبيبتي
ام سَهم: اقول سد خلقك واستح على وجهك"التفت لسُلاف" وانتي بعد استحي على وجهتس ومتى ناويه ترجعين بيتتس يعني ترا مامعتس ورع عشان تجلسين عندنا كُل هالايام
سُلاف ماردت عليها قامت من على السفره بهدوء والتفت براء لاامه: الحين بفهم ليه هالكرهه لسُلاف برري سوت لتس شي ازعجتتس بشي البنت من يوم جتنا وهي مثل الجنه ومثل البلسم على القلب وش بتس علييهاااا
ام سَهم: اقول استح على وجهك شلون تقول لاامك كذا عشان وحده قليلة اصل
براء انصدم من كلامها: اذا هي قليلة أصل ف تراها بنت ابوي وافهميها نفس ماتبين
قام من السفره وطلع برا البيت
وسُلاف كانت فوق بغرفتها ترتب أغراضها مسكت جوالها واتصلت على عِنان وبعد دقايق وصلها صوته: هلا سُلاف
سُلاف بنبرك فيها بكي: تعال خذني
خاف عليها: بسم الله عليتس شفيتس ؟
سُلاف بصراخ وبكي: عِنانننن قلت للكك تععالل خذذذننييي
عِنان على طول قام من عند امه وطلع: زين زين جاي اجهزي
سكرت وجهزت أغراضها وطلعتها بالحوش ووقفت تنتظره وبعد دقايق وصل لها ودخل ركض وضمها: بسم الله وش صاير؟
سُلاف كانت تبكي وتخبي وجهها بصدره: خذني من هنا لبيتنا
عِنان وهو يمسكها بيد واغراضها بيده الثانية : طيب يلا مشينا
طلعوا من البيت وراحوا لبيتهم اول ماوصلت صارت تبكي بأنهيار وعِنان مو مصدق اللي يشوفه ولا يدري وش فيها مسك وجهها: سُلافي قولي لي شفيتس وش صاير ليه كل هالبكي احد قايل لتس شي؟
سُلاف هزت رأسها بـ لا: بس ابي ارتاح تكفى
مسك يوقفها: ابشري تعالي الغرفه نظفتها وعدلتها عشانتس تعالي نامي وارتاحي
دخلها الغرفه وجلس عندها يقرأ عليها لين نامت
وطلع ومسك جواله واتصل على طول على براء ووصله صوته: هلا عِنان
عِنان: وينك؟
براء: ابد اتمشى ماعندي شي
عِنان: تعال بيتي بسرعه
براء خاف: فيه شي؟
عِنان : تعال وتفهم
براء: زين .....
-
الرياض
بيت ابو صقر
كانوا مجتمعين كلهم بالحوش ومبسوطين على الجو الحلو وكل العايلة حول بعض فزت ضيّ : خالووو اليوم الخميس نروح؟
صقر ضحك: حالفه تعرفك على الخلق كلهم
ضيّ: انت خلك على جنب حبيبي "التفت لخاله" خالووو بالله عليك لا تردني
ضحك سلطان وهو  يأشر على عيونه: من عيوني انا ارفض طلب لضيّ اخسى
مّلاذ بمزح: هي ترا انا بنتك مو هي
سلطان: كلكم بناتي
ضيّ: خليك جنب صقر تكفين خليك على جنب انا بنت خالو لحالي
ضحك سلطان: المهم بنمشي بعد المغرب بس قولي لهم
قامت تركض داخل: ابشششرر الحين اكلمهم
ضحك صقر: مجنونه وربي
كانت تتأمل ضحكته وتضحك معها كأنها الراحة بعد التعب هاجره وجهه 5 سنين بس ماتغير الا زاد بحلاه وكل مره يجذبها اكثر من قبل وتتعلق اكثر.......
-
بيت عِنان
كان جالس وجاء براء دق الباب وفتح له ودخله وجلسوا عند بعض : شفيك عِنان خوفتني؟
عِنان: اسألك بالله صاير شي لسُلاف؟
براء عرف السبب: ليه هي قايله لك شي؟
عِنان: لا بس دقت علي تبكي وخلتني اخذهز من بيتكم وجبتها هنا وتبكي واسألها تقول تعبانه بس
براء: يعني سُلاف هنا؟
عِنان هز رأسه بأيه: بس وش السبب اسألك بالله
براء نزل رأسه: والله السبب ياولد العم امي مادري شفيها عليها هاوشتها وطردتها من البيت وقالت عنها ......
عِنان بدا يعصب: وششش قالتتتت؟؟؟؟
براء: قالت انها قليلة أصل واخاف سُلاف سمعتها
عِنان حس وده يحرق الدنيا كيف يزعلونها كذا طلع من البيت ركض لبيت ابو سَهم وبراء يركض وراه وقف يدق الباب بجنون وهو يدري مافيه غيرها بالبيت اديم بالدوام ووعد بيت زوجها وسُلاف عنده وابو سَهم وسَهم بالرياض صار يدق الباب بقوه لدرجة انه صحى ام سَهم من النوم وقامت تركض للباب لبست حاجبها وفتحت :شفيكمممم
عِنان من ورا الباب بصراخ: شوفي صح انتس عمتي ومرت عمي على عيني وتاج رأسي لكن تغلطين على زوجتي مااسمح لتس ولا لأي احد والله العظيم لو احس انها زعلانه منتس مره ثانية بس احساس ولا شفت دموعها نفس اليوم منتس والله لاانتي مرت عمي ولا عمتي ولا اعرفتس وصصصلللل؟؟؟
ام سَهم: اي جت وقالت لك الفتانه
عِنان: شوفي انا محترمتتس للحين عشان عمي وعشان براء ولا قسمً عظمً مااحترمتس الاحترام ابد مو لتس ولا لاامثالتس لكن انا حذرتتس تعرضي سُلاف مره ثانية ومعتس لبكره بس ببببكرههه اذا مااعتذرتي من سُلاف والله ليوصل لعمي والله لو اوصله لطلاق بينكم
خافت ام سَهم انه فعلًا يصير اللي يقوله سكرت الباب ومشى بغضب ورجع لبيته وبراء مصدوممم من كل شي مو قادر ينطق حرف.....

" لاتنسون النجمة حبايبي وعطوني رأيكم العسل اهم شي"
" تعالوا انستا لتشبيهات والتسريبات اللذيذة (rwiiai1)"🫦🤍🤍🤍🤍