جيتني من أقصى دنياي...وصرت الدنيا بعيوني

البارت-68

-
«بعد مرور 3 شهور بدون إي إحداث تُذكر »
اليوم الموعود يوم خروج أحفاد الفهد على الدنيا يوم الامتنان ويوم الحُب ويوم الغرام والهيام ويوم عِنان وسُلاف
~بالرياض بأنتظار المستشفى
جالسي وحاط يديه على فمه وينفث فيها متوتر وخايف عليها وعلى اللي بطنها ولا يدري ايش بيجيه لانه رفض تكشف عن اللي بطنها نفس ماسوى هتان بضيّ اللي رفض تكشف صار يمسح على شعره ومتوتر وهي صار لها ساعتين داخل طار توتره وخوفه من يوم شاف الدكتور طلع من غرفة العمليات وهو مبتسم ركض له ويحس نفسه منقطع: بشر يادكتور
الدكتور أبتسم : مبروك يأخ عِنان جوك توأم عيال
عِنان انصدم صار يضحك وعيونه تدمع مو مصدق صار عنده ولدين وعوضه ربي عن اللي راح طاح على الأرض وسجد سجدة شكر وصار يحمد ربه وقام وحضن الدكتور وهو يحس الدنيا ماراح تشيله من فرحته: متى اقدر اشوفها
الدكتور: بس تصحى ان شاءالله
عِنان: طيب والأطفال
أبتسم الدكتور وقال له يجي وراه وراحوا ووقف قدام الحضانه وأشر على ثنين بنفس السرير : عيالك
أبتسم عِنان ودموعه تنزل: آهخخ ياخلف جدي أنتم الله يحفظكم ويخليكم لي يارب
طلع جواله على طول وبشر اهله واخوانه وعيال عمانه من قوة الفرحة ماكان يدري مين يبشر والكل فرح لفرحته وكلهم قلبوا الديره فوق تحت وزينوها استقبال لعِنان وعياله ومن قوة الفرحة بعِنان دق على صقر ودقايق ووصله صوته: ياهلا عِنان
عِنان : نايييم؟؟
صقر التفت يناظر اهله اللي حوله وجالسين على الفطور: لا بس احد يدق 11 الصبح؟
عِنان: ابييي ابشششرك يااخوي
صقر: بشر وانا اخوك
عِنان: بارك لي جوني عيال ثنين
صقر وقف من على الطاولة: احلففف تقولها صادق
عِنان: اي بالله اقولها صادقه
صقر: مبروك مبروك يااخوي الله يرزقك برهم يارب ويخليهم لك ويحفظك انت وامهم لهم
عِنان : امين امين وعقبالك يارب
التفت انظاره باللحظة ذي لملاذ اللي تاكل: اميين
سكر الجوال وراح عند اهله والتفت على صوت جسار: وش صاير
صقر: عِنان جوه عيال ثنين
جسار أبتسم: ماشاءالله تبارك الله
ام صقر: ماشاءالله مبروك مبروك
ابو صقر: ماشاءالله الله يجعلهم من البارين
ام صقر: وعقبالكم يارب
جسار مارد ونزل رأسه للاكل
صقر : امين عقبالي انا وجسار
جسار مارد التفت له ام صقر: جسار
جسار تنحنح: سّمي
ام صقر: شفيك
جسار: مافيه شي
ام صقر: طيب بخطب لك
جسار: انسي يمه
ام صقر: حتى لو اديم؟
جسار ارتفعت انظاره : تمزحين يمه؟
ام صقر: بنروح ونحاول
جسار يأس: خلوها بعدين الخميس عند سباق خيل
ام صقر: ماشاءالله جب لنا تذاكر عشان نجي
جسار: ابشري
ام صقر غمزت : حتى اهل الديره جب لهم
جسار ضحك ونزل رأسه: ابشري....
~المستشفى
دخل عليها وشافها منسدحه وتمسح على بطنها انتبه له وابتسمت وكأنها ترحب فيه بأبتسامة دخل وتقدم لها ومسك يدها وباسها بعمق: الحمدلله على سلامتك يادنياي ومبروك ماجانا
ابتسمت له سُلاف : الله يبارك فيك يعيوني "سكتت شوي وكملت" ايش جبت؟
عِنان وهو يمسح على رأسها: جبتي عيال ثنين زي العسل
سُلاف: يحيياتي ابي اشوفهم عِنان
عِنان: اكيد يقلبي بيجونتس انتي بس ارتاحي وتعشي ويجون
سُلاف: ايش بنسميهم؟
عِنان تنهد بحب: واحد ودي فيه فهد والثاني لتس
ابتسمت سُلاف: والثاني ابيه عزام
عِنان : عزام عزام ليه لا عزام وفهد الله يرزقنا برهم ويحفظهم لنا يارب
سُلاف :امين يارب
-
~بيت ضيّ وسَهم
كانت جالسه على الكنب وتاكل وتتابع تلفزيون دخل سَهم وهي على نفس الجلسة حاطه الاكل على بطنها وتاكل تقدم وجلس جنبها والتفت عليها: حبيبتي انتي من يوم حملتي احمد ربي لليوم مااكلتيني ماشاءالله مابقى شي مااكلتيه
ضيّ ناظرت له وصرخت: سسسَههههممم
سد أذانه من صرختها: اسكتتييي خلاص وبعدين خير مخليه ولدي طاوله لااكلك؟
ضيّ: ولدي وكيفي
سَهم: وتراه ولدي بعد
التفت له وكشرت: مالت عليك انت وولدك
سَهم ضحك: اقول اعقلي
التفت على جواله اللي يدق وشافه عِنان فتح المكالمة على طول : هلا عِنان
عِنان ابتسم: هلابك,ابشرك يااخوي
سَهم:بشر ؟
عِنان وهو يشوفهم قدام عيونه: جاني توأم عيال
سَهم فزّ :ماشاءالله مبببروكك مبروك يااخوي الله يجعلهم من البارين
عِنان: امين امين يااخوي
سَهم: بالمستشفى؟
عِنان: اي اي
سَهم: متى تطلع؟
عِنان: بعد بكره ان شاءالله
سَهم: اي عشان اخلي ضيّ تجي عندها تسليها
عِنان: اي ابد تعال بمستشفى******
سكر الجوال وهو مبتسم والتفت لضيّ اللي مستغربه:شفيك؟
سَهم : كم لي وابشرتس؟
ضيّ: ولا شي تكلم
سَهم انسدح على الكنب: اجل تبطين مااعلمتس
ضيّ تحولت ملامحها لزعل: سَههممميييييي
سَهم فزّ: عيون سَهمتس وروح ودنياه
ضيّ ضحكت : صدق انك خفيف علمني وش السالفه
سَهم تقدم وضربها مع رأسها بخفه: عشاني احبتس بقول لتس ولا ماتستاهلين عِنان جاه عيال ثنين توأم
ضيّ شهقت: احححللففففف
سَهم ضحك: والله
ضيّ: ياقلبي هي مره فرحت لها الحمدلله ربي عوضهم عن اللي راح
سَهم: اي والله صادقه بس انتي متى موعد ولادتك؟
ضيّ: والله يجيني وجع شوي بس مدري احتمال الاسبوع الجاي
سَهم: ان شاءالله يارب
ضيّ: تبيني اروح لها؟
سَهم: اي قلت له تجين عندها وانتم بنات جيبي لها سوالف البنات دواء شي تاكله يعني
ضيّ: من عيوني لجل سُلاف يكرم كل شي
سَهم: اووو احسب عشاني
ضيّ: توكل حبيبي
-
~الديرة
تغيرت أحوالهم كثير بالـ3 شهور اهل شّجن طلعوا من الديره من زمان وفيصل اللي لا ليله ليل ولا نهاره نهار وتعبان كل الوقت وبس بالبيت وبس بغرفته وصارت تجيه حالات يضطر يروح لدكتور نفسي بعيدًا عن عيون الناس بحكم هالشي عندهم"عيب"
وجود وبراء اللي تزوجوا ومرت امورهم بسلام ولهم شهرين متزوجين وعايشين حياه ولا احلى منها وتحقق حلمهم وصار واقع وصاروا تحت سقف واحد
دلال وحمد صار عمر بينهم سنه
ووعد اللي صار عمر بينهم سنه وتسع شهور وحامل بالثاني
ورسل اللي بدت تحب هتان وعرفت كل شي صار وكل شي سواه لها وحست انه فعلًا يحبها ويبيها
حنين وعبدالعزيز اللي عقد قرآنهم قريب لانه قرر يخطبها ومايبيها تفلت منه يده خصوصًا بعد ماعرف من خواته انه فيه وحده من معارفهم من بعيد شافتها بزواج جود وبراء وحبتها
-
صباح اليوم الحلو صباح يوم الخميس ويوم سباق جسار
كل اهل الديره راحوا لرياض لحضور السباق الا ام سَهم وتركي وفيصل وابو حمد وابو عِنان كانوا بالديره والباقي راحوا مع ابو سَهم والعيال وصلوا لرياض على الساعة 6:00
ابو سَهم: السباق الساعة كم ياعزيز؟
عبدالعزيز: يبدأ 8:00 باقي ساعة
اديم: يلا يبه مانبي نتأخر
ابو سَهم: سَهم وضيّ بيجون؟
اديم: مااعتقد ضيّ تعبانه
وقف ابو سَهم سيارته وكانت قدامة لافته مكتوب عليها"مضمار لسباق الخيل"
نزلوا كلهم من السيارة ودخلوا للسباق وجلسوا بالكراسي الأولى اللي حاجزها لهم جسار واديم كانت جنب ابوها كانت تشوفه قدامه يتجهز ويركب على الخيل همست بينها وبين نفسها"استودعتك الله" بدأ السباق وكان الشخص يتقدم على جسار والمعلق يوضح لهم هالشي لكن بأخر 5 دقايق بالسباق تقدم عليه جسار كان يشوف اديم بين عيونه وصار يسرع بالسباق وفعلًا سبق الشخص بمسافات كثيره وخلصت الخمس دقايق وتكلم المُعلق بحماس ونطق اسمه وفزّ قلبها وهي تشوفه قدام عيونها يفوز: الفائز بالمركز الأول "الفارس جسار بن خالد آل صقر" والكل صار يصفق ويصفر له وهتفون بالـ مببروك تكلم المُقدم: ألان نسمع كلمة الفارس جسار
تقدم جسار واخذ المايك وتنحنح وبدأ يتكلم ومو حاسب حساب اي شي يقوله اهم شي يقول اللي بقلبه: السلام عليكم شكرًا لحضوركم اليوم لسباق والحمدلله بفضل الله اخذت المركز الأول وشكرًا لحضوركم بس بعيدًا عن كل شي بقدم شكر خاص
المُقدم : طبعًا تفضل ياجسار قول اللي تبي
كانت الكاميرات موجهه عليه ويصورونه ويسجلون كل كلامه اللي يقول بلع ريقه وبدأ يتكلم :شكرًا لها كان وجودها خاص بحياتي لولا الله ثم هي مافزت وجودها كبير كبير بحياتي وحبها اكثر "سكت شوي وتنهد " أديم
فزّ لما سمعت اسمها وكلهم التفتوا عليها وكمل جسار:حلفت مااحب غيرك من البشر مخلوق
يامالكٍ قلبي ترا القلب يغليك
عطيتك عهد مني مصدق وموثوق
مااحد غيرك في حياتي يساويك
سكت شوي ويخليها تستوعب كلامه لكن كمل على طول: عمي ابو سَهم انا ابي اديم وابيها بالحلال مو بالحرام مابغيتها باللعب ومابغيتها بالكلام بس اللي ابيه انت تصير جد ولدي طلبتك لا تردني انا ابي اديم وهي تبيني لا تتعبنا وعطنا بعض
ابو سَهم كان بصدمه لا تقل عن صدمة اديم ولا اللي معهم وطبعًا رسل اخذت جوال دلال وصورت كل شي صار ابو سَهم ابتسم واقتنع بكلامه وان فعلًا جسار شاري اديم ابتسم وصرخ بعالي صوته: جتك ياولد خالد جتك
ابتسم جسار وصرخ وصار ينقز وركب على الخيل وكمل لعب داخل المضمار من الفرحة اديم ضحكت ودمعت بنفس الوقت الموقف كبير جدًا عليها وعلى قلبها الرقيق ابتسم ابوها وحضنها وهمس: ماراح احرمتس من فرحتتس اذا فرحتتس جسار
انتهت ليلتهم بحب وبنوم هني وبدون تعب ولا بكي ولا تفكير خطبها قدام الكل وقدام المصورين وقدام الصُحف والشاشات خطبها قدام اهلها والرياض خطبها داخل المضمار ولا خاف كان كل همه تكون له وبس....
-
~ بالمستشفى
11:00 م
كانت توها طالعه ضيّ وامها من عند سُلاف وجايبه لها اكل وشاي واشياء تدفيها ابتسمت وهي تشوف عيالها جنبها بسريرهم ابتسمت وتجمعت الدموع بمحاجرها مسحت على رؤسهم:
بكره تعدي سنين وتصيرون رجال 
وتصيرون لعكفان الشوارب سندها
وأبني عليكم آمال وآمال وآمال
وكلن يقول"أنا أشهد أنه ولدها "
-
مساء اليوم الثاني ومساء الهنى والمُنى على قلب حنين وعبدالعزيز بدأ بمجلس ابو حمد جالسين الرجال بصدر المجلس وبينهم عبدالعزيز وابو عِنان اللي بدأ بالكلام:حنا جايينكم ياابو حمد نبي نطلب يد بنتكم حنين لولدي عبدالعزيز
ابو حمد: والله نتشرف فيكم وبنسبكم ووين بنحصل لنا واحد زي عبدالعزيز لبنتي
عبدالعزيز ابتسم: الله يسلمك ياعمي
ابو حمد: بس الشور شورها لازم اشاورها وان شاءالله خير
التفت ابو حمد لفواز اللي فهمه وقام يشاورها...
دخل عليهم وكانت هي ورسل جالسين بالغرفة ويتقهوون دخل وجلس جنبها وحاوطها بيده وبأس رأسها التفت لرسل اللي تناظرهم: وانا بنت البطه السوداء؟
فواز ضحك: اذا جاء دورك بسوي لك نفسها
رسل: دوري بأيش ؟
ابتسم والتفت لحنين ومسك يدها: اسمعي امي عبدالعزيز خطبتس وانا جيت اشاورتس عشان اذا انتي موافقه نتمم على خير
حنين فتحت عيونها بصدمه: طيب ليه ماقلت لي من اول عشان افكر
فواز : حبيبتي عبدالعزيز مافيه منه وانا متأكد مليون بالمية انه بيكون افضل زوج لتس
حنين نزلت رأسها بخجل: بكيفك
فواز: ابي اسمعها منتس
حنين هزت راسها بـ اي ابتسم وحضنها: مبروك يروحي مبروك
رسل ساكته ومصدوم فزّت وحضنتها: لااااا اختييي بتروح عنيييي
فواز غمز لها: جايتس الدور
طلع وسكر الباب وتوجهه لمجلس الرجال ودخل مبتسم:مبروك ياعزيز مبروك
تنهد بحب وابتسم : الحمدلله الله يبارك فيك
دق ابو عِنان على الشيخ عشان يجي ويتمم
ورسل طلعت ركض لبيت عمانها عشان تبلغ البنات.....
-
~الرياض
8:00م
ببيت سَهم وضيّ
جاء يركض على إتصالاته وواضح انها تتوجع وجاء على طول وشافها تنزف إنهار باللحظة وركض شاالها وحطها بالسيارة وركب وتوجهه للمستشفى وكان الخوف يدب بقلبه بشكل كبير خايف يخسرهم او يخسرها خايف من كللل شي كان يدعي لها ولهم طول الطريق وصل للمستشفى ونزل ناداهم جابوا سرير ونزلوها من السيارة ودخلوها للعمليات على طول جلس ينتظر وهو متوتر اول مره يعيش هالشعور ويدعي لها كل الوقت والعرق يتصبب منه وكان يدعي ويدعي ويدعي مايبي يخسر أطفاله اللي تمنى يشوفهم قدامه ولا يبي يخسرها لانه بدونها ولا شي بالدنيا....
-
عند جسار اللي رايح للمضمار وهو مبسوط كون أديم صارت له رسميًا ومافيه اي شي يعيقه وكان مشغل المسجل ويغني معه طول صوته بعد ماشاف دموعها بالسباق دموع الفرحة دموع الحب دموع الامنتات والفخر فيه وكان يغني بصوت عالي: طيبها قسوة جفاها ضحكها هيبة بكاها روحها هدت ذكائها تملأك بالاسألة
تنهد بحب وصار ينتظر اليوم اللي يصير لهم على أحر من الجمر...
-

اهلًا وحششتوننييي
شرايكم بالبارت الحلو المليان مُفاجاة حلوهه
يلا تفاعلوا بالنجمة ورأيكم العسل عشان نكمل 🤍🤍🤍🤍🤍
وتعالوا انستاrwiiai1