جيتني من أقصى دنياي...وصرت الدنيا بعيوني

البارت-6

-
بيت ابو عِنان
دلال: اوفف اخخييرًا بتنامين عندنا احس قلبي فراشات
رسل: والله يابنات مبسسوطه من زمان ودي نجلس كذا وننام حول بعض
"كانوا نايمين بالارض وحول بعض والشاهي متوسط الجلسة مع السوالف
جود: بنات بكره نروح لبيت عمي عزيز؟
رسل : خلينا نروح ونعرف السالفه
دلال: بس اخاف نضايق وعد او تنحرج
جود: بنسوي نفسنا ماندري عن السالفه
دلال:خلاص تم
رسل : بنات مو كأن الشاهي سكره قليل؟
دلال: الا صح والصدق ودنا مره وحده بنعناع
جود انسدحت على طول بعد ماعرفت انهم راح يقولون لها تقوم: ظهري يوجعني مااقدر اوقف
ضحكوا البنات بصوت واحد
رسل التفت لدلال: يلا حبيبتي مافيه غيرتس
دلال انسدحت جنب جود على طول: اوففف ظهري اعديتيني ياجويد
ضحكت رسل طول صوتها: حلو حلو تبوني انا اروح بعد؟؟
دلال: ليش لا روحي
جود: صح صح ليش لا وبعدين وربي ياعليتس شاهي اوففف سوي لنا
دلال: صح وربي شاهيتس بالرأس يختي
رسل: بيتكم ترا مو بيتي
دلال: بيتنا بيتتس وبيتتس بيتنا
رسل: يمكن فيه احد هنا من العيال ولا شي
دلال وجود بصوت واحد : تطمني مافيه احد
رسل: زين زين بقوم باخذ شرشفي للأحتياط
راحت رسل تسوي لهم شاهي نعناع بحكم انها تعرف تسوي الشاهي على الكيف وتضبطه اكثر وحده بينهم
طلعت من الغرفه متوجهه للمطبخ ودخلت وبدت تسوي الشاهي نزلت شرشفها وحطته على الطاولة عشان تعرف تشتغل زين
دخل للبيت وهو توه راجع من الرياض وتعبان ويبي يرتاح دخل وسمع صوت بالمطبخ صوت اُنثى تغني وريحة شاهي ونعناع سمع لصوت زين لا مو صوت خواته طيب مين صوته؟
خلصت الشاهي وحطت الكاسات بالصينية ولفت بتاخذ شرشفها وانصدمت من الشخص اللي واقف يناظر لها
-
بيت ابو سَهم
جالسه وعد تتعرف عليها وتتكلم معها كثير تبي لسانها ينطلق باللغة العربية
وعد: قولي لي قصتتس وكيف ابوي عرف امتس
سُلاف مافهمت على كلامها بس فهمت انها تبي تعرف قصتها
سُلاف:امي لم تقُل لي كثيرًا عن ابي لانني فقدتُها وعمري 8 سنوات ولكن خالتي جوليا قالت لي بعضًا من الاشياء عنه
وعد: طيب ايش اسم امتس؟
سُلاف:أوليفيا
وعد فتحت عيونها بأنبهار:واااوو انه جميللل جدًا
ابتسمت سُلاف: شكرًا وانتي ايضًا جميلة
ابتسمت وعد لها
-
عند عِنان وحمد
حمد : هاه متى ناوي تمشي
عِنان:بأذن الله شوي بسري
حمد: ابد الله ييسر لك يلا انا ماشي للبيت تأمرني بشي؟
عِنان:ابد سلامتك
حمد:طمني عنك
عِنان ابتسم: ابشر
راح كل واحد منهم لبيته وعِنان دخل ياخذ اغراضه ويودعهم وصوت لدلال وجود بيسلم عليهم
عِنان: مثل ماقلت لكم عِنان وينه ماندري زييين
جود ودلال: زين
جود : طيب تبي تطول ؟
عِنان: بس ابي هالملكة تعدي وارجع
دلال: تكفى لا تطول علينا وكلم عزيز ولا هتان يطمنا عنك
ابتسم لهم عِنان وحضنهم: ابشروا من عيوني بس انتم انتبهوا لاانفسكم ولاامي وابوي
البنات بصوت واحد: ابشر
طلع عِنان من البيت متوجهه لرياض
-
عند حمد اللي جالس بالغرفه ويفكر بحل يطلع منه عِنان لان بعد اخر مره قابله كان بوجهه كل شي الا السرور الا النور الا البشاشه كان تعبان وكل شي فيه يوضح هالشي
دخل عليه فواز: السلام عليكم
حمد مسح دمعته اللي كانت بتنزل من عينه: هلا والله عليكم السلام
فواز جلس جنب حمد: افا ياخوي شفيك
تنهد حمد:اهه يافواز مدري وش اقول لك
فواز بأستغراب: افا يبعد عين ابوي قل قل شفيك
قال حمد لفواز كل شي وكل السالفة وفواز عطاه حل وحمد مصدوم مكانه
حمد:من جدك يافواز؟؟؟؟
فواز بضحك: اي والله ماامزح معك
حمد: يعني انت بتغامر بنفسك عشان عِنان
فواز تنحنح وحك جبهته بضحك:هو ابيها من اول بس الحمدلله جت
حمد: اووو طلعت تبيها وانا احسب لعِنان
فواز ضحك
حمد ابتسم:ماتوقعتك حنون كذا ليه شخصيتك مره قاسيه
فواز : خلاص عاد فليتها عطيتك الحل وانت تصرف
حمد: ابد تم
-
بيت ابو سَهم
وعد: بكره بعرفتس على بنات عماني
سُلاف اللي مافهمت كلامها: لم افهم ماتقولينه
وعد: سوف اعرفك على بنات عائلتنا
سُلاف بحماس: نعم أريد ان اتعرف عليكم جميعكم
وعد بضحك: ابد تم
شوي ودخل عليهم سَهم
سَهم بضحك: مسرع تعودت عليتس
وعد بضحك: حبيبي انا وعد بخليها تتعود علي وماتقدر بدوني
سَهم ضحك: اهم شي علميها كلامنا
وعد: ههاي جالسه اعلمها معليك "وبتنهيده"بس واضح ياخوي يبي لنا مشوار
سَهم ابتسم: اثق فيتس ولا فيها شك بتسحبينها سحب
وعد: تم ابشر بي
ضحك سَهم وطلع
-
عند عِنان وهو يكلم براء
براء : الحين بروح لوعد واقول لها كل شي
عِنان: زين وطمني
براء: ابد تطمن وينك الحين
عِنان : وصلت الرياض واخذت لي غرفه برتاح فيها
براء:ماعندك دوام؟
عِنان: لا ماعندي بس ياخي الروحه ذي كلها عذر عشان لااملك
براء: زين زين فمان الله
عِنان: ياهلا
-
دخل براء عند وعد وسُلاف
براء: السلام عليكم
كلهم بصوت واحد: عليكم السلام
براء التفت لوعد وضحك:والله ماعرفتتس علمتيها السلام
وعد: لا لا عاد السلام من يوم جت وهي تعرفه
براء: اشوى بعد
وعد: هي تدرس عربي ترا وتفهم بس مو ذاك الزود
براء: ياليتها تتعلم كلامنا وتتكلم نفسنا احس لايق مره
وعد بضحك: صادق مرههه لايقق
براء: المهم بكلمتس بموضوع
وعد بأستغراب: امر؟
براء تنهد: انتي عارفه ان عِنان مايبي هالزواج وانتي بعد صح؟
وعد: اي صح وش الجديد
براء: عِنان سافر لرياض
وعد: طيب ؟
براء وهو شوي وينجلط من برودها:وش اللي طيب وعد اقول لك عِنان سافر لرياض مهمه يعني مافيه ملكة مافيه عِنان مافيه شي
وعد بفرحه:الحمدلله ياربي يمدي اليوم اروح انام عند رسل وحنين البنات كلهم بيروحون
براء: لا طبعًا ماتروحين
وعد: ليشششش
براء: لان محد يدري عن عِنان ولا عن المهمه حتى اهله ف تصيرين مثل الشاطره وتكملين تمثيل دور العروس لين يجي وقت الجد ومايلقونه
وعد وهي تستوعب الخطة: زين
-
بيت ابو عِنان
رسل فتحت عيونها بذهول وهي مصدومه: هـ.. هـ.. هتان
هتان ابتسم: ياعيون وقلب وروح هتان سمي ولبيه
رسل زاد توترها زيادة اخذت الشاهي ويدها ترجف
رسل:بعد بطلع
هتان: طيب علميني اسمتس بعرف مين انتِ من بنات عماني
رسل:مو لازم تعرف
هتان: لا لازم ومهم بعد
رسل:هتان بعد ماابي اطول على البنات
هتان بهمس:رسل؟
رسل غمضت عيونها نقطة لااسمها قلب موازينها
هتان:انتِ رسل اخت حمد صح؟
رسل هزت رأسها بنفي: لا ماني رسل
ضحك هتان :لا تكذبين علي اكذبي على غيري
رسل بخوف:كيف عرفت اني رسل؟
هتان:شفتتس مره بالغلط ببيتكم
رسل وهي تحاول تتذكر متى شافته بالغلط وادركت انهز ماقد صادفته
رسل: متى مااذكر اني قد صادفتك
هتان ابتسم:شفتتس مع شباك المطبخ اللي يطل على الحوش شفتتس وقتها وخربتي كل شي بداخلي
رسل شهقت وبصراخ:كـ كـ كيف كذااا ليه كنت تشوفني وانت صاحب حممدد كيف تخون ثقته فيك وتشوف اختتتهه
هتان: لا لا تكفين لا تفهميني غلط والله مو قصدي اني اشوفتس وقتها وربي بالغلط طاحت عيني عليتس
رسل:وكيف عرفت اني رسل؟
ابتسم هتان:حمد قال مافيه غيرتس وعرفت انتس نفسها اللي شفتها
رسل: طيب الحين وش تبي مني تلحقني
هتان:اول شي مالحقتتس انتي بمطبخنا ثاني شي رسل اول انا دكتور واعرف اعالج الناس بس اول مره ودي احد يعالجني من يوم شفتتس وانا موازيني ماش وكل شي فيني ماش لخبطتي كل شي فيني كل شي يارسل
رسل اللي زاد توترها وبان هالشي على رجفة يدها ونزلت دمعتها
هتان مسك رأسها بين يديه ومسح دمعتها بأبهامه
هتان: لا تكفين الا دمعتتس يابنت عبدالرحمن لا تنزل اقلب الكون والدنيا والخلق بس ماتنزل دمعتتس طلبتتس
رسل:هتان خلني بروح للبنات
هتان: بخليتس بس اوعديني ماتنزل دمعتتس
رسل: هتان تكفى وخر
هتان: تكفى تهز رجاجيل وابشري بس اوعديني وابعد
رسل:وعد
هتان: على ايش ؟
رسل بعصبية:ههتتتاااان
ضحك هتان:يروح هتان اول مره احب اسمي تدرين
رسل:بتبعد ولا بفلت الصينيه من يديني واخليهم كلهم يجون
هتان ضحك :لا لا خلاص هاه بعدت روحي
التفت له رسل: ان انعاد هالموقف بقول لحمد صدق حقير ماتستحي
هتان وكأنه انصب عليه مويا بارررردده من كلامها زادت دقات قلبه وهو اعترف لها بكل شي كيف تقول له كذا يعني ماتحبه تكرهه استعجل بأعترفه تشوفه حقير مايستحي؟؟ كل هالاسألة تدور برأس هتان اللي دخل غرفته وطاح على السرير وسلم نفسه لتفكير والنوم
راحت رسل ركض لغرفة البنات ودخلت ووجهها احمر وايديها ترجف
دلال: شفيتس رسل؟
رسل: مافيني شي
جود: طيب شفيتس ترجفين كذا
رسل: مدري يمكن برد
ضحكوا دلال وجود: الدنيا موت حر وانتِ تقولين برد
جود وهي تغمز لها: وبعدين شفنا هتان عندتس وش يبي
رسل ارتبكت: مايبي شي بس يسألني عنكم
دلال بضحك:يختي ماتعرفين تكذبين انتي
غطت رسل وجهها بيدينها
جود انهارت ضحك:بالله وش سوا لتس
رسل: ياخي اخوكم مجنون مجنون والله
دلال: مو اخونا المجنون قصدتس اللي يحب مجنون "وهي تغمز لها"
جود: تكفين قولي لي وش صار ووش قال
قالت لهم رسل كل شي وهي ترجف ووجهها احمر
دلال بضحك: اوووو كل ذا ويطلع من هتان ماعرفته
جود: اخص طلع اخوي طايح فيتس وحنا ماندري
رسل:اسكتوا بس قلبي قبل شوي كان بيطيح من الخوف
جود:ياخي عادي ترا هتان مره طيب وحبوب فديته اخوي
رسل: حبيبتي انا مالي دخل اخوكم انا شدخلني
دلال غمزت لها:حنا خواته وانتِ حبيبته ويمكن زوجته المستقبلية
رسل: بأحلامه
جود ضربتها مع كتفها بخفه:يحصل لتس ياحبيبتي
رسل: وكسر للعدو كسرتي يدي
-