جيتني من أقصى دنياي...وصرت الدنيا بعيوني

البارت-64

«تسريع شوي بالأحداث بعد مرور 4 شهور »
مرّت الأيام بثقل وتعب على رسل اللي محبوسها بالبيت ماتطلع لكن يجون عندها البنات ومحد فاهم السالفه وليه صار كل ذا وعلى خواتها وفواز اللي ماقال لااحد شي عن اللي صار حتى ابوه واخوانه ماقال لهم وألتزم بالسكوت وقرر يحل الموضوع بنفسه
-
وسُلاف اللي باقي شهر على رجوع عِنان وبطنها اللي بدأ يبرز تتمناه يجي ويشوفه ويشوف ولده اللي كان ياما ينتظره ابتسمت وانسدحت على سريرها وحطت يدخا على بطنها تفكر فيه وبحبها له كيف قدر يستحل قلبها بأكمله ودخل حياتها وغيرها تفكر لو كانت عند اهل امها كيف كانت بتعرف عِنان تحمد ربها ان الطُرق والسُبل دلتها عليه تفكر بحبه لها ابتسمت وغفت على امل رجوعه انتظرت 5 شهور ماهي قادره تنتظر شهر؟
-
دلال وحمد
حب الرواية وحروبها وانتصاراتها
الحب اللي كل ماله ويكبر بينهم ويحبون بعض اكثر من قبل بكثييرر وبالذات انها جت نقطة الحب لهم كلهم "رتيِل" اللي صار عمرها 4 شهور بين حب وحياة وبيئة تحبها وتحب وجودها والكل مبسوط فيها كونها ثاني حفيدة لأبو حمد واول حفيدة لأبو عِنان وعايشين بحب محد يقدر يوصفه ولا يرسمه ولا سطور شعر تقدر توصفه
"
أنتِ دُعاي المُستجاب والأمنيات الأولة
أنتِ لي الدوب الصواب وفرحة سنيني المقبلة
عمري كتبته لك كتاب وسمّيت بأسمك أجمله
"
-
وعد وفواز
وثمرة الحب "عذّوب" او عذّوبنا اللي صار عمرها 9 شهور
والحب بينهم يزداد وحال فواز اللي بالايام اللي طافت كان سيئ بخصوص موضوع رسل وهتان لكن وعد ماتركته كانت تغمره بالحب كل يوم اكثر وكانت جنبه بكل حالاته وكانت ترعى حال شعوره ومشاعره بعد اللي صار وتهديه وتحاول قد ماتقدر تطلع رسل من الموضوع وتخلي اللوم على اللي ارسل الصور ....
-
هتان
اللي حاله انقلب مليون بالمية بعد الموضوع وبعد ماقال له فواز كل شي وحط الصور بيّن عيونه وكان يموت ويعرف مين اللي صورهم وارسل الصور ماكان الا شخص حاقد عليهم او على واحد فيهم كانت النار تشب بضلوعه بس يعرف مين اللي ارسل الصور كلهمم
-
عِنان
بطلنا اللي كان بمهمة يحارب عشان وطنه وكان يفكر فيها كثير ويبحر بالهواجيس اكثر بكثير وهو فاقدها فاقد حبها وفاقد ازعاجها فاقد كل شي فيها ماسمع صوتها طول ال4 شهور ناكان يبي يدق ويَحن وهو مايبي يطلع لان مو لصالحه وكان يدق على ابوه ويتطمن منه عنها وهو للحين مايعرف بالحمل ولا بالخبر الحلو اللي ينتظره رفع بكت الدخان وطلع دخانه وحطه بين شفتيه وشلغها وصار يدخن وهو يطفي شوقه بالدخان ويعرف هالشي يضره وكثير لكن مايقدر يقاوم الشوق بدون شي....
-
صباح اليوم بالديرة بين البيوت والأسواق والمسجد المليان كان يوم جمعة والرجال كلهم بالمسجد وبعد المسجد الكل يروح لسوق ويشتري اغراضه خلص هتان صلاته ومشى للبيت بدون مايروح معهم لسوق ولا لأي مكان صادف مازن قدامه :وينك ياولد بترجع البيت؟
هتان بوجهه مشحوب: اي برجع بغيت شي؟
مازن مستغرب من وجهه الشاحب والحزن اللي استوطنه اخر فترة: فيك شي يااخوي
هتان فرك عيونه: لا سلامتك بغيت شي بروح ارتاح
مازن : لا ابد سلامتك بس ترا بجيك بعد العشاء بوديك لمكان اوفففف
هتان: مالي خلق روح لحالك
مازن: المكان مو لي لك عشان تفضي هالحزن اللي واضح بعيونه مهما تخفيه
هتان: ان شاءالله
دخل البيت وراح لغرفته وكالعاده صار يتأمل الصور اللي اخذها من جوال فواز بدون لا يدري ويتنهد بتعب وزعل وحزن وكل شعور سيئ غفت عيونه والصوره بيده لكن للأسف ماغفت أحزانه....
-
بيت دلال وحمد
جاء حمد من الصلاة واستقبله بكاء رتيِل جاء يركض وشالها:شفيتس يروح بابا اسم الله عليتس
التفت لدلال: شفيها!!
دلال: مافيه شي بس جوعانه
حمد : طيب؟؟؟ سوي لها حليب
دلال رفعت الحليب : وهذا وشووو؟؟ قاعده اسوي لها بس وترني بكائها
التفت له دلال وهي بكامل اناقتها بفستانها الأحمر البسيط وشعرها المنتثر على ظهرهع وماسكته من قدام وروجها الناعم على شفتها وسلسالها اللي جايه هديه حمد لها بليلة زواجهم مانزلته ابد : بالله خذها وانزل تحت الحين اخلص واجيبها واجي
ابتسم وتقدم وبيده رتيِل باس نحرها وفزّت : ماتحسين نفستس مره حلوه؟
ابتسمت دلال : ادري ياحبيبي
حمد بأبتسامة: اعشق الغرور والثقه ياربي
طلع هو ورتيِل ورفع صوته قبل يطلع: لو طلعت تشبهتس بكل شي انا رحت فيها منتس ومنها
ضحكت بقوه ووصلته صوت ضحكاتها ابتسم ونزل ومعه رتيِل...
-
بيت ابو عِنان
كانوا كلهم مجتمعين على الغداء ومن ضمنهم سُلاف وكانوا يحبون هالجمعه كثير ماعدا هتان وعِنان اللي ناقصين التفت جود لاابوها: يبه عادي اسألك
ابو عِنان: اسألي
جود: يبه مجيد وينه؟
ابو عِنان انزعج من السؤال: مدري بقلع جدي لا تجيبون لي طاريه هالعاق مسافر برا ومبسوط ووناسينا
جود: طيب وعزيز ماله حس
ابو عِنان: مدري يقول عنده قضايا وشغل بجده وراح
ابو عِنان صار يتلفت على السفره ومافيه غيره هو وجود وسُلاف: وين هتان؟
جود: بغرفته
ابو عِنان: ليه وش فيه صاير بس بهالغرفة
جود: والله علمي علمك
ابو عِنان: قومي فزّي نادي له
جود: ابشر
قامت وراحت للغرفه دقت الباب اكثر من مره ومافتح ودخلت له وماشافته على السرير وشافت صوره تقدمت وشافتها وشهقت وكان هتان وراها التفت وشهقت مره ثانية: شفيتس
جود بتوتر: ولا شي ابوي يقول تعال الغداء
هتان: ليه شهقتي يوم شفتي الصوره؟
جود: ر...رسل
هتان: طيب ورسل
جود: كيف كذا بيوم ذاك نفس اللبس ومين مصور اذا بس حنا هناك ومدري مدري
هتان وكأنه جاء بباله شي كيف مافكر يسأل خواته مين عندهم ومين طلع بالوقت ذاك: اسمعي
جود رفعت رأسها له وكمل: مين كان هناك ومين طلع من عندكم بعد ماراحت رسل المطبخ
جود صارت تفكر دقايق وشهقت: شفييتتسس
جود فتحت عيونه بصدمة : شّجن
هتان وفع حاجبه: شّجن؟
جود : اي اي هي الوحيده اللي كانت معنا حنا وبنات عمي ولما راحت تسوي رسل القهوة بعدها بشوي طلعت وقالت اخوي وليد برا وهي بعد الوحيده اللي مو متزوجه وكان معها جوال
هتان فتح عيونه بذهول ومسح رأسه: كييففف يعني شّجن هي اللي مصورتنا!!!!! مااصدق
جود: مدري الصراحة بس ذا اللي صار ذاك اليوم
هتان صار يرص على أسنانه بغضب داخله: زين زين خلاص روحي
جود: ابوي يقول تعال
هتان : زين جاي
طلعت جود وهتان صار يفكر ايش ممكن يسوي فيها وكيف يعرف الحقيقة وهل هي صدق اللي مصورتهم وارسلت الصور لفواز التفكير أكل راسه وقرر يروح مع مازن للمكان اللي قاله ويفكر ويخطط زين بهدوء
لبس وطلع عندهم
-
اما عند شّجن اللي مبسوطه جدًا ان الصور وصلت لفواز واللي خلاها مبسوطه اكثر انه مارد هذا يعني انه ماكذبها وصدق كل شي وحست فعلًا انها منتصره وقررت تطلع بوجهه هتان كثير عشان يدخلها برأسه ويشيل رسل من رأسه وهي تتوقع بعد اللي صار مستححيييل يتزوجون
-
بالرياض ببيتهم كانوا توهم راجعين من السفر من شهرين وكانت تخطط تسوي للبنات مفاجأة لانها ماقالت لهم دخل سَهم عليها وهي تشرب قهوتها وجاء وجلس جنبها واخذ قهوتها منها وصار يشربها فتحت عيونها بصدمة:خير ماتحلى قهوتك الا بكوبي
سَهم ببرود وهو يشرب : بالضبط مايحلى لي شي الا من بعدتس وبعدين شفيتس النفسية احسها هاه ماش
ضيّ: بنروح لااهلي وبعدين الديره واحشيينييي شفيك صار لنا شهرين بالرياض ولا رحنا مكان مو معقوله؟؟؟
سَهم: والله كنت ابي ارتاح وابيتس ترتاحين تعرفين حامل لازم عليتس ترتاحين
ضيّ بزعل: طيب ارتحت بروح
سَهم: بسس!! من عيوني قومي اجهزي نروح لااهلتس وبكره نروح لديره
ضيّ فزّت من مكانها وفعلًا راحت تتجهز ولبست وبدقايق بس خلصت كل شي وطلعت له وصارت تلف بفستانها قدامه وقف وصار قدامه مسك خصرها وسحبها له:أهدى من كذا حامل
ضيّ: معليش بس بوريك شكلي
سَهم بعد عنها وشافها وصفر بأعجاب: زاهيه زاهيه والله كل شي يزهى عليتس يأم تيّم
ضيّ فتحت عيونه بذهول: تيّم!!!!!
سَهم: اسألتس بالله مو حلو؟
ضيّ: اي حلو بس ماتوقعت ومنك انت
سَهم: ادري كنت ابيه مطلق
ضي شهقت: ايشششش مطلقق؟؟؟؟
سَهم: لا تصيحين ادري انتس ماتحبين ف بحثت بحثت بحثت وطلع تيّم
ضيّ: احمد ربك تدري لو جايب لي مطلق ذا رميتك من سطح الفندق تفهم؟؟؟
سَهم: اوك شكرًا
-
مساء الخير ومساء اليوم الحلو اللي بيمرّ على اهل الديره كلهم وعلى قلب سُلاف بالذات
8:00
بدأ السماء بطلوعه من الرياض متوجهه لديره مسك جواله ودق على براء ودقايق ووصله صوته: أرححبب ياولد العم
عِنان: البقى يابعدي ارحب تراحيب
براء:امر؟
عِنان: انت بالديره؟
براء: اي رجعت قبل امس
عِنان: اي مريت المركز ولا لقيتك
براء: طلععتتت؟؟؟؟
عِنان: هالله هالله اشوف الديره قدامي
براء فزّ: ارححببب جعلها تراحيببب مليييون
عِنان ابتسم: البقى يابعدي بس اسمع
براء: سّم
عِنان: لااحد يدري ابد ابد ابد ترا ماعلمت غيرك
براء: ابشر بعزك تطمن
سكر الجوال وكمل الطريق وتفكيره معها وش درة فعلها لو شافته جاء وباقي شهر ويطلع وبكره اول ايام رمضان تنهد بحب وأبتسم وهو بيبدأ رمضان معها ويدعي انها تنتظره بخبر يسر قلبه .....
-
عند هتان ومازن اللي طلعوا للبر او لملجأهم وتناثر أفكارهم وحزنهم وفرحهم وحتى خططهم تنهد هتان وهو يفكر التفت على صوت مازن: ياخي تكلم صار لك ساعة تفكر
هتان بملل: طيب بقول لك الموضوع بس والله لو تنفعل لااهفك
مازن خاف : طيب وش قول
هتان بلع ريقه خايف من ردة فعل مازن: قبل 4 شهور صارت سالفه ومحد يعرف فيها غير فواز وهي تخصني وتخص اختك رسل
فزّ مازن :وشششهووو؟؟؟
هتان مسكه وجلسه: حلفت لااهفك اجلس خلني اكمل
سكت مازن وهو يسمع بكل مافيه لهتان وكمل :مره جتنا بالبيت وقابلتها بالغلط بالمطبخ والله بالغلط وانا احبها وابيها بالحلال قسم بالله ولا العب فيها ولا ألوي ذراعك ولا ذراع اخوانك ولا ذراع عمي قبلكم المهم شّجن بنت ابو وليد تحبني وصورتنا انا ورسل لما كنا بالمطبخ وارسلت الصور لفواز وقالت ان اختكم قليلة ادب وارجع ربّها من جديد ومن هالكلام وفواز انفعل وثارت الدنيا بعين عيونه وبس وانا بسوي خطه تكشف ان شّجن ورا السالفه ورسل مالها دخل بشي والله مالها دخل اللوم علي مو عليها
مازن تنهد بخيبة: ليه تسوي كذا ليه تقابلها من ورانا؟
هتان : افهم ياخي افففهمم اقول لك ولا صار شي شفته بالصدفه كنت بدخل وهي موجوده داخل اصلًا
مازن مسح وجهه: طيب وش بتسوي بشّجن وهل انت متأكد؟
هتان بتردد: اي متأكد وابي انتقم
مازن: وكيف بتنتقم
هتان التفت بكامل جسمه لمازن: وانا جبتك هنا بقول لك وش فكرت فيه
مازن اسلم اسمعك
وبدأ هتان يقول خطته لمازن اللي عجبته الخطه والوضع وكيف يرجع حق اخته......
-
عند بطلنا عِنان
وقف قدام باب بيتهم ودخل وشاف الكل جالس بالحوش ابوه وخواته وسُلاف وعبدالعزيز وعبدالمجيد انصدم من وجود عبدالمجيد بينهم لكن ماوضح دخل وكلهم فزّوا له وحضنوه واولهم جود اللي تموت بشي اسمه عِنان وهو يحب الجود وكثيييرررر: هلا هلا بجويد هلاااا
جود بحب وهي حاضنته: هلابك يابعد روحي تو مانورت الديره والله
بآس رأسها وتقدم لاابوه وسلم عليه وبأس رأسه وتقدم لدلال وحضنها وشاف بحضنها طفلة ضحك بقوه: جت حفيدتنا العسسلل
عبدالعزيز:هالله هالله هذي حفديتكم رتيِل
اخذها من حضن دلال وبأسها:هلا هلا بعيون خالها هلا بأول حفيدة واحبهم لقلبي
ضربته جود بخفه على كتفه: احبهم هاه وعيياليييي؟؟؟؟
ضحك ورجع رتيِل لدلال وحضن رأسها:انتي غير اذا انا اموت بأمهم وابوهم كيف العيال
استغربت جود "ابوهم": ابوهم؟
عِنان ماحب يقول ويحب يعصبها وغمز: فيصل؟
انقلبت على طول ملامح جود وركضت بتدخل ركض وراها ومسك يدها وباس جبينها: امزح يعيوني امزح
نزل لااذنها وهمس: حبيب القلب
تركها وراح يسلم على اخوانه وتقدم لعبدالمجيد:السلام عليكم يااخوي
عبدالمجيد وحواجبه معقده:عليكم السلام
عِنان: شفيك معصب
عبدالمجيد تأفف: ماني معصب
ابو عِنان:اجلس تقهوا
عِنان: ابشر يبه بس بغير لبسي واتروش واجيكم
التفت وشافها تتأمله من بعيد تقدم ومسك يدها وسحبها معه ودخلوا الغرفه ووقف قدامها وتأملته بالبدلة كيف هو هيبة وتحبه كثييير فيها تحس الأمن والأمان فيه وحوله أبتسمت على شكله رغم انه واضح تعبان بس هيبة بالبدلة ودقنه المليان شعر وهو يتأملها كانت حميلة لابسه فستان ابيض بأكمام طويله وشعرها منسدل على ظهرها أبتسم وتقدم وحضنها بدون اي كلمة ارتمى بحضنها وصار يستنشق ريحتها ويشد بحضنه عليها ابتسمت وبادرت بالحضن ورفعت يدها وحضنته وصار يعوض عن الأيام اللي مرت بدونها حضنها بقوه ويشد عليها بحضنه بعد عنها ومسك وجهها بكفينه وباس خدها بلهفة وهو مششتاق لها همس وخده على خدها:نوّيت أسلم بس من كثر الوله ضاع السلام وحضنتتس اعوض ايامي بدونتس
ردت الهمس بهمس وقالت: جيت بزعل وناويه بالخصام بس من يوم شفتك قلت برضا وأجيك
جت بتبعد سُلاف ورجعها لحضنه وحضنها اكثر من قبل وهمس:خلي روحي بروحك خذا اغلى وسام وخلي عيني بعينتس ويدي بأيدتس لا تروحين بعوض حياتي بدونتس
سُلاف حضنته ومسحت على ظهره :مابروح ياحبيبي يلا ادخل تروش لان عندي خبر لك
ابتسم وحط يده على بطنها: واضح اصلًا وبارز كم صار لتس؟
سُلاف: 5 شهور
نزل وباس بطنها: مبروك ياحبيبة خاطري مبروك الله يجيبه على خير يارب
سُلا أحمر وجهها من قوة الخجل: الله يبارك فيك ويخليك لنا
قام ودخل الحمام"تكرمون"وتروش وحلق دقنه ولبس وطلع عند اهله وشافهم مجتمعين كلهم جلس عندهم وصار يتقهوى التفت على صوت عبدالمجيد: مو كان باقي لك شهر وش صار؟
عِنان وهو يحاول يجاوبه ولا يتهاوش لان يعرف لو عصبه بيتهاوشون: ابد شديت حيلي بالخمس شهور وطلعوني
عبدالعزيز: كفو عليك يالمحزم الله يوفقك يارب
عِنان ابتسم له: امين ياحبيبي امين وانت كيفك مع القانون؟
عبدالعزيز مسك رأسه: والله ياهو يشيب الرأس
ضحك عليه والتفت بعيونه يدور هتان: وين هتان؟
عبدالعزيز:طالع هو ومازن للبر لمكاننا المُعتاد
وقف عِنان : اجل قهوتكم دايمه بروح لهم
عبدالمجيد:لاحق لاحق توك وصلت ماشاءالله
عِنان غمض عيونه وزفر وتعداه وطلع وركب سيارته ومشى لهم...
-
الرياض
بيت ابو صقر
كانوا جالسين ومن ضمنهم سَهم وضيّ وابوها وانها وسلطان وجسار ومبسوطين كثير بضيّ وسَهم
ابو صقر: والله تو مانورت الرياض
ضيّ وهي تناظر لسَهم: منوره من زمام لكن سَهم ماجابني لكم
سَهم ضحك: والله ياعمي لو تدرون ليه رفضت تجي بتعذروني
ام صقر: ليه علمنا يالسَهم
سَهم: حفيدكم جاي بالطريق
فزّت ام صقر وحضنت سَهم: حلفتك بالله تقولها صادق
سَهم ابتسم ويبادلها الحضن اي والله ياخالتي اقوله صادق
سلطان: مبروك مبروك ياحبيبة خالك بس من متى؟
ضيَ: عمري خالو الله يبارك فيك بـ لندن كشفت وطلعت حامل
جسار: مبروك مبروك والله وبيجينا احلى حفيد بالكون
ضيّ: الله يبارك فيك وعقبالك يارببببب
جسار رفع يدينه: اميييييييننن
ضربه سلطان مع كتفه بخفه: استح
جسار يمسح مكان الضربه:ماقلت شي
وكلموا جلستهم بالفرح والضحك والاخبار الحلوه ....
-
بعيدًا عن الديره
بالبر عند هتان ومازن
جالسين ويتفقون على الخطه والكلام وكل شي بيسوونه غمضوا عيونهم على نور سيارة وقفت عندهم ميّز اللوحة وفزّ من مكانه وركض وفتح الباب : هلا هلا بحبيب قلبي هلا والله هلا يادهر قلبي ورجعانه هلابك يابعد كل من لي
بادله الحضن وضرب على ظهره بخفيف: هلابك ياسندي هلابك
تقدم لمازن وسلم عليه: هلابك ياولد العم
عِنان: هلابك ياولد العم شلونك
مازن : بخير الحمدلله انت شلونك وش اخبارك
عِنان: الحمدلله كل شي بخير
سكتوا شوي وكمل عِنان: وش عندكم وش تسوون
هتان: تفضل تفضل ونبي ندخلك بالموضوع
تقدموا وجلسوا ويشرون شاهي ويقولون كل شي مرّ لعِنان.....

"اهلآ أحبابي وحشتونيييي
شرأيكم بالاحداث العسل؟؟؟؟🫣🫣
ولاتنسون النجمة ودعمكم العسل عشان نكمل
تعالوا انستا لتسريبات القويه"rwiiai1"🤍🤍🤍🤍🤍🤍🤍