جيتني من أقصى دنياي...وصرت الدنيا بعيوني

البارت-17

مرت الأيام بهدوء وجاء يوم الخميس وقت رجوع العيال من الرياض لديره رجعوا كلهم وكل واحد رجع لااهله وهو حامل شوق بقلبه مثل شوق فواز لوعد اللي ماقدر يكبته اكثر دخل بيتهم وهو ينادي بأسمها
:وعد وعود ياوععد وينتس
فز من سمعت صوته وهي من زمان ماسمعت اسبوع ماشفاته ولا سمعت صوته الا يوم واحد فاقدته فاقد شي حولها طلعت وعد من داخل: فوازز
ناظرها فواز كان بكامل اناقتها وجمالها وفستانها الماسك على جسمها وشعرها المسدول على ظهرها كانت أنيقة وهو مشتاق للجمال ذا من زمان ماشافه مشتاق لحضنها ولريحتها ابتسم وهو يناظرها: اشتقت لتس يروح فواز
ركضت له وحضنته ورفعت رأسها له: اول مره ابادر بمشاعري بس صدق هالمره الشوق كان أقوى
نزل رأسه وباس عيونها وتنهد بقوه: لا تدرين طيب عن الشوق اللي فيني والله ودي احطتس بين ضلوعي من الشوق
رفعت نفسها وحضنته اكثثرر وهي ساكته
بعدها عنه وباسها: خليني اروح اغير واتروش واجيتس نسولف صلحي القهوة وعشان اعطيتس الجوال
وعد اشرت على عيونها: من عيونيييي
ابتس ودخل الغرفه وراحت للمطبخ
-
بيت ابو عِنان
كانوا البنات مجتمعين عند دلال وجود وكانوا يسولفون
جود: اهخخ بنات مره مبسوطههه ان ملكة دلال السبت
اديم: كلنا مبسوطين وربي
رسل: اخترتوا فساتين ولا باقي؟
جود: لا باقي
شهقت رسل: حتى دلال؟؟؟
جود: اي
رسل: اوفر بنات وش هالبرود الملكة بعد بكره ترا
جود: والله ياحبيبتي هاللي قدامك بارده انا مالي دخل
دلال: خلاص بنات البس اي فستان وبس
رسل: نعم حبيبتي؟؟؟ وش اي فستان ملكتتس ماهي ملكة شخص غريب
سُلاف: صدق دلال ملكتك ليش ماتختاري شي فخم ؟
دلال: عندي فستان فخم حق زواج وعد البسه
رسل وهي تفكر كيف كان شكل فستانها: اي حلو البسيه حتى نفس الاكسسوارات بتطلعين فخمه صقر بيموت فيتس
وكانت حنين ساكته ماتشاركهم بالنقاش ودلال تشارك بدون نفس
كانت ملاحظة حنين عليها انها تتكلم بدون نفس وتفكر بنفسها وتسأل ليه وافقت دامها بالزعل ذا كله ليه توافق
معقوله بتكسر رأس حمد بعد كلامه طيب ولو كسرت رأس حمد مين يرجعها له وهي صارت بذمة غيره ؟
قامت من عندهم سُلاف
رسل: وين
سُلاف: بروح اشرب مويا
جود: زين بس انتبهي العيال على وصول
سُلاف: زين
طلعت سُلاف رايحه للمطبخ وقفت عند المطبخ يوم سمعت اصوات خافت يكونون العيال
ووقفت تسمع بس كانوا عمتها ام عِنان وعمتها ام سَهم وسمعت ام سَهم تتكلم عنها
ام سَهم: يختي مدري كيف اطلع هالعله من حياتنا
ام عِنان: شفيتس على البنت ماسوت شي طيب والذنب ماهو ذنبها ذنب رجلتس اللي يمشي ويتزوج احمدي ربتس انها بس هي ماجوتس من الحريم الباقيات
ام سَهم: بس مستحيل اتقبلها وتظل بنت زوجي ولا هي وحده من بناتي
مشت من عند المطبخ وطلعت من عندهم للحوش وراحت بالحوش من ورا ووفقت تتأمل اللي قدامها
كانت تتأمل حديقة عِنان تشوفها وتتأمل بالورد المليان فيها وتبهرها وتسأل نفسها كيف ولد بالخشونه ذي والصرامه والجمود
وعقدت الحاجبين اللي ماعمرها شافته مبتسم يكون يحب الورد وله حديقة خاصه؟ طيب ليه يخافون منه ومايجون عندها
دخل بالوقت ذا عِنان للبيت وكان بيمشي داخل بس شد انتبهه صوت كان بالحوش من ورا مشى ناحية الحوش اللي ورا
وهو يسمع صوت بنت تتكلم باللغة الإنجليزية وقف يسمعها وهو مو فاهم من كلامها شي بس شد انتبهه انها تكلمت بالعربي وكانت تهاوش على احد
بس مايدري مين: ليه هم كذا يكرهوني ماذا فعلت وماذا الشي الذي لم افعله وهو يرضيهم ضحكت بنص هوشتها وبين دموعها
وحطت يدها على فمها: لا تسمعني دلال اقول لماذا ولماذا وبتقول ليه ماتقولين ليه وليش وضحكت طول صوتها
ماحس بنفسه وكان جالس يتبسم لضحكتها كان ساهي بوجهها كانت جميلة جميلة وتوقف كل عبر الجمال كان كل شي فيها رقيق وجميل كانت ناعمه حركاتها ناعمه صوتها ونعومته وهي تهاوش حس نفسه وتداركها وطلع لها شافته وهو يمشي ناحيتها وانصدمت وهي تناظر له وكان عِنان اللي جاي بلعت ريقها ورجعت على ورا
وصل عندها ونطق بكل حده: وش تسوين هنا؟
سُلاف نزلت رأسها:كنت اشوف الحديقة
عِنان: ومين سمح لتس تروحين لها اصلًا ماقالوا لتس انها لعِنان وممنوع احد يوصل لها
سُلاف رفعت رأسها لما شافته يصرخ عليها وقالت بصراخ: الا قالوا وجيت اشوفها ماجيت......وسكت وهي تتذكر اللي كانت بتقوله كيف يقولون بكلامهم
عِنان: اشوفتس سكتي كملي
حطت يدها على فمه: اششش خلني اتذكر
فتح عيونه بذهول وزادت دقات قلبه وانفاسه اول مره يد ناعمه تلمس منطوقه ابتسم وهو يتحسس يدها على فمه
وشكلها وهي جالسه تتذكر والتفت له وشالت يدها: اي تذكرت "وكملت هواش" انا ماجيت اسرق منها شي ولا جيت اشب بوردك النار
كنت متضايقه وجيت اشم هواء واتفرج عليها استغفرالله
استغرب عِنان من نطقها لأسم الله وهي مو مسلمه: اوو طلعتي مسلمه
التفت له: عفوًا ليه فيه احد قال لك اني كافره؟
عِنان رفع كتوفه : لا بس حسيت
تقدمت وضربته على كتفه وبعدت: لا تظن بالناس شي اسألهم اول غبي
التفت بتدخل ودقق نظره وشاف الجرح اللي برقبتها من ورا نفس الجرح اللي شافه برقبتها بالزواج ونفس الشعر همس وهو يسأل نفسه وعيونه على الورد:نفس الشعر والجرح معقوله هي نفسها المشكلة ماشفت ووجهها عشان اتأكد مسح على وجهه وهمس: واذا هي الله عاد لا زود ولا زايد
دخل داخل وتنحنح ودخل يسلم على امه وعمته وطلعوا خواته يسلمون عليه
-
بيت فواز
جلسوا يتقهوون ويسولفون ويعبرون عن الشوق المحمول بقلب كل واحد فيهم جالس يسولف لها وهو ماسك كفها بكفه ويبوسها: ياربي لو تدرين الشوق قلبي كيف
وعد: وانا بعد مشتاقه لك قد كل شي
بعد كفه عن كفها وطلع الجوال: صح عشان ماانسى ذا لتس يأحلى وعد بالكون
وعد تقدمت وحضنته: شكرًا لك يأحلى زوج بالدنيا
بعدت عن حضنه وباسته: أحبك
فواز حاوط خصرها وقربها له: وانا اموت فيتس واعشق اراضيتس يبعد دنياي انتي
وعد: احب الرضا اللي يحطيني جنبك
فواز باس عيونها: ياجعلني دايم لتس رضا ويجعلتس لي رضا يارضاي الدنيا
-
يوم الجمعة وقبل الملكة بيوم
طلعوا العيال كلهم وابو عِنان وابو سَهم وابو حمد يصلون الجمعة والبنات يصلون ويجهزون الغداء للعيال
عند العيال بالمسجد
ابو عِنان قال لااخوانه ان بكره عنده ملكة بنته دلال ولازم يجون هم والعيال
ابو سَهم: مبروك مبروك يااخوي يافهد الله يوفقهم يارب وييسر لهم
ابو عِنان: امين امين بس هاه لاارجع اوصيكم السبت العصر وانتم عندي انتم اخواني ماابيكم تجون بعد الناس
ابو حمد حط يده على رجل ابو عِنان: ابد ابشر بنا ياخوي
عند العيال
كلهم بخير ومبسوطين الا حمد وبراء حمد لان مستثقل الدنيا بشعور ان بكره ملكة حبيبته
وبراء لانه حاس بشعور حمد خلصت الصلاة وخطبة الجمعه رفع يدينه يدعي ربه ويدعي ويدعي ويدعي خلص وسمع العيال يتكلمون عن الملكة
قاام وأستأذن وطلع ورجع للبيت ودخل الغرفه ودخل بسبات عميق من الأفكار ونام نام نوم عميق لانه من امس مانام جلس مواصل ويفكر
اكل من عقله وروحه وعمره التفكير لكن مازال يفكر تعب وجه نحف جسمه تغير كل شي فيه
افترقوا العيال من المسجد ورجعوا بيتهم
-
بيت ابو عِنان
دخلوا العيال وابو عِنان وخلصوا الغداء جاهز تغدوا وجلسوا يشربون الشاهي بعد الغداء ويسولفون
ابو عِنان: خلصتي امورتس يابنتي ولا باقي ؟
دلال تنهد بضيق ونطقت: اي الحمدلله خلصت
ابو عِنان: زين الله يوفقتس يارب ويكتب لتس اللي فيه الخير
دلال: امين
لف هتان لعِنان: اقول عِنان ماشفت حمد اليوم بالمسجد؟
فز قلبها من ذكر اسمه عندها تحبه تحبه كيف تبي تاخذ غيره قلبها متعلق معه مو مع غيره
روحها تبيه قلبها عنده كيف تبي تصير على ذمة شخص ماتبيه شخص ماتعرفه شخص مافزت له
ولا تحمست لزواجها منه كيف تبي تكمل حياتها مع صقر وهي تشوف حياتها بحمد
قطع تفكيرها من نطق عِنان: اي شفته بس من يوم خلصنا طلع للبيت ماتلاقينا ابد
هتان: والله هالولد مدري وش فيه هالفترة قبل تجون طاح علينا واغمى عليه وبس بالبيت وان جيت ادوره بس نايم ونحفانه ومتغييير مره
وجعها قلبها من كلامهم عنه حست انها تهورت بقرارها بس كلامه وجعها وجعه للحين بقلبها
كيف تنساه بس ماتبي تتعبه وتدري تعبه كله بسبب خبر زواجها وقررت تشوفه لأخر مره
-
بيت ابو سَهم
مجتمعين يتقهوون بعد الغداء ويسولفون مع بعض
سَهم: وعد مشتاقه لها
اديم: امس راحت من عندنا جلست طول الوقت يوم فواز مو فيه
سَهم: غير اروح ازورها اليوم
اديم: كان ودي اروح بس معليش انا وسُلاف بنجلس نجهز للملكة بكره
سَهم: زين
ابو سَهم: شلونتس ياسُلاف؟
سُلاف: الحمدلله تمام
ابو سَهم: عساه دوم يابنيتي
ام سَهم: اسألي عنه قولي وش اخبارك ماتعلمتي الآدب
سُلاف: معليش"التفت لاابو سَهم" اخبارك
ابو سَهم التفت لأم سَهم: اتركي البنت بحالهاا "التفت لسُلاف" بخير يابنتي نحمده ونشكره
اديم حست ان امها عصبت من اهتمامه بسُلاف: سُلاف قومي نروح للغرفه نجهز
قاموا سُلاف واديم للغرفه يتجهزون ويجهزون الفساتين ويختاروا وكيف بيسوون الميكب
-
بيت ابو حمد
حمد مثل حاله ماتغير شي فيه نايم طول الوقت ماياكل ولا يطلع من الغرفه ولا يقابل احد ولا يكلم احد
كان الشعور كبير على قلبه عاش طول عمره بدون حب بدون مايحس بشعور انه ملك الدنيا تخيل للحظات انها تكون لغيره
يشوف جمالها يشوف شامتها اللي عند شفاتها تخيل للحظات انه يملك كل شي فيها شخص غيره
وقف بعصبية وكسر العطور وضرب المرايا بيده وانكسرت وانجرحت يده جت حنين ورسل يركضون وفتحوا الباب وركضت ومسكت يده وشافتها تنزف دم
حنين: حمد شفيك بسم الله عليك وش صاير ليه مكسر الدنيا
حمد نزل رأسه يبي يمنع دموعه تنزل سحب يده وطلع برا البيت بدون كلام ركضوا وراه مايبونه يطلع
حنين تصرخ طول صوتها: حمد لا تروح حمد
طلع برا البيت ولا رد على ولا وحده فيهم طلع ركب سيارته وراح
لبست عبايتها وطلعت تركض لبيت عمها ابو عِنان دقت الباب وفتح لها عبدالعزيز مسكت كفه
وهو نزل رأسه منصدم وهو يشوف يدها بيده رفع رأسه وسمعها تبكي
: حنين شفيتس بسم الله تبكين؟
حنين بصوت باكي :عبدالعزيز
عبدالعزيز نزل وصار بطولها: يعيونه لبيه سّمي
حنين: عبدالعزيز تكفى
عبدالعزيز: افا وانا ولد فهد وش بتس قولي يابنت
حنين: حمد
عبدالعزيز: شفيه حمد؟؟
حنين: طلع من البيت معصب ويده تنزف ولا ادري وين راح
عبدالعزيز سكت ومسكت كفه :تكفى عزيز تكفى
عبدالعزيز: لا تقولين تكفى والله لااقلب الدنيا واطلع لتس حمد من أرضه ابشري الحين روحي البيت وانا بطمنتس
حنين: زين تكفى طمني
عبدالعزيز مسك وجهها بكفه وابتسم: قلت لتس لا تقولين تكفى عشان لااقلب الدنيا "بعد عنها" والحين يلا روحي البيت وانا بطمنتس لا تخافين
التفت بتروح وناداها: حنين
التفت له وكمل: لا تبكين حبيبتي اكرهه دموعتس وزعلتس ياجعلني اصير لتس رضا
ارتبكت من كلمة "حبيبتي" ابتسمت ونزلت رأسها بخجل وراحت للبيت
-
بالمكان البعيد بين الظلام والنجوم ونور القمر والصحراء والمكان الخالي من جميع الناس
وهو لحاله بمكانه جالس يبكي ويطلع حرته بالوحده: دلال يادلال ليييه لييه تعبت والله العظيم وانا اتخيلك لغيري تعبت وانا اتخيل يملكك شخص ثاني
تعبت اتخيل وتعبت افكر تعبت اهلكني التفكير اهلكني واتعبني تعبت وتغيرت نحفت وتغير كل شي فيني ماصرت اقابل الناس
ماداومت بشغلي كرهت كل شي كلل شي يادلال كل شي تكفين لا تكسرين ظهري فيتس لا تكسرينه يادلال لا تكسرينه
والله اني انكسر فيتس احبتس كثر حبي لنفسي واكثر مين اللي يحب شخص اكثر من نفسه علميني يادلال علميني
-
كان يقول كل مافيه ماانتبه لشخص اللي وراه واللي سمع كل شي عرف سبب زعله
عرف سبب كسره وسبب تغيره من كل ناحية عرفت سبب اللي قاعد يمر فيه حمد عرف كل شي وعرف انه يحب دلال يحبها
واللي مغيره ومغير كل شي بحياة حمد هو ملكة دلال وسبب زواجها من شخص ثاني