جيتني من أقصى دنياي...وصرت الدنيا بعيوني

البارت-36

-
مرت ثلاث أيام على الاحداث بدون اي حدث مُتغير علاقة عِنان وسُلاف اللي كل مالها وتتعمق اكثر كل ماله ويقرب لها وكل مالها وتبعد عنه....
باقي على الدراسة 4 أيام والبنات قرروا يروحون لرياض عشان يشترون أغراض وقبل الدراسة والتعب قرروا يتجمعون عند سُلاف ويتغيرون نفسيتها بحكم انها من زمان ماطلعت من البيت ولا راحت اي مكان
وهم جالسين يسولفون ويتقهوون ومبسوطين انهم غيروا تفسية سُلاف ولو واحد بالمية
وعد وهي منسدحه على الكنب: يوو يابنات وربي كل ماقربت ولادتي أتعب زيادة يارب تسهلها علي
سُلاف بخوف: اسكتي تكفين لا تخوفيني بطريق انا ماشيته
وعد: لا حبيبتي عندتس عِنان والله واضح يقلب الأرض لراحتتس ورضاتس
ابتسمت بضيق من طاريه: اي الله يحفظه
جود: يووو حب عِنان لسُلاف خلاني جافه لاابعد ححدد
اديم: عندنا وعندتس خير نفس حب فواز لوعد والله يااني تمنيت الزواج وانا ماابيه
وعد : انتي ماتبين الزواج؟؟؟؟ ودي اصدق بس قويه
حنين: وربي تضحك خليها بس قال ايش قال ماتبي الزواج
رسل: ههيييي حدكم شفيكم كلكم عليها
حنين: صديقتتس بقره
رسل: اسكتي لا نغلط على بعض يااختي
اديم: خلينا من الزواج الحين الدراسة باقي عليها 4 ايام وانا للحين ماشريت شي ولا عندي احد يوديني يعمري عني
وعد:الا وين دلول ياجود
سُلاف تنهدت:يروحي يادلول قسم أشتقت لها
وعد: كلنا وحششتناا الحيوانه
جود تمثل الزعل:أجل كيف شعوري انا يااختها يعيوني يادلول
سُلاف: الا هي وينها راحت لرياض؟
جود تهز رأسها بـ اي: راحت امس
وعد: خلوها تنبسط
سُلاف التفت لااديم: ديمي خلاص نروح انا وانتي وعِنان
اديم: يسسسس خلاص تم
جود: وانا بقول لعزوز نروح معهم
حنين: جودي بخاويتس عندي موعد أسنان
جود : من عيوني تمم
سُلاف : خلاص تم بقول لعِنان
اديم : يووو ماقلتي له يمكن يرفض
سُلاف: لا مايقول لي لا
اديم غمزت: اعشق الواثق
-
الرياض 7:33ص
طرف ثاني بالفندق عند أجمل وأنقى أحباب بالدنيا عند أحلى زوجين بالكون عند حمد ودلال كانت واقفه عند البلكونه لابسه قميص نوم بأكمام قصيره وخفيفه وفوقها روب تتأمل الشارع والناس وتشرب قهوتهاوتنتظر حمد يصحى سرحانه تتأمل الناس وهي متعوده على الديره وحياة الديره والبساطة صحت على صوته وراها: صباح الخير يالخير الوحيد الدنيا
ابتسمت له : صباح النور صح النوم
تقدم وحضنها من ورا: صح بدنتس يروحي حابه نروح مكان اليوم؟
دلال وهي تحط يديها على يديه اللي ماسكه خصرها: مدري كيفك بس انا ودي
حمد: وش ودتس فيه واقول تم
دلال:نطلع
حمد: تم ماطلبتي شي لو انتس طالبه روحي ماتغلى
دلال بعدت يده والتفت له ونطقت بنعومه :حمد
حمد تقدم ومسك خصرها وقربها له اكثر صارت وجهه ملامح لملامح وجهها: ياعيونه وياكل شي له
دلال: بكره يمكن يجون خواتي الرياض ويروحون للسوق عادي اروح معهم؟
حمد: حبي بدون مانعصب روحه لسوق بدوني مافيه
دلال بنعومه يحبها حمد: تكفى حمد
حمد وهو مايبي يضعف قدامها: دلول قلت لتس لا
عرفت انه ماراح ينفع معه الا انها تتمسكن عنده مسكت يديه وقربته اكثر وطبعت قُبلة على منطوقه ارتعش كل مافيه من البوسه أيقضت كل حواسة النائمه طبعتها بكل نعومة ورقة ابتعدت عنه قرب ومسك خصرها وقربها له وقبلها بكل لهفة وحب رماها على السرير وقبلها بكل مالديه يرى أثار قبلاته في عُنقها الطويل وقَبل شامتها المعانقه لشفتها قبلها بكل حب يمتلكه وبكل شعور بداخله قبلها وكأن شفته لا يرويها الا شفتها
-
الرياض
بيت ابو صقر
كانت جالسه بالصالة متملله وتتقهوى نزلت رأسها لجوالها علو صوت رسالة وشافتها وركزت على الاسم انصدمت كان مكتوب "سَهم الضيّ" استغربت رسالته لانه من يوم الورد ماشافها ولا شافته ولا حتى كلموا بعض فتحتها وكان محتوى الرسالة "السلام عليكم يالضيّ"
مسكت جوالها بسرعه وردت عليه" عليكم السلام يالسَهم"
رد عليها لانه ماطلع : اخبارك ان شاءالله احسن من اول؟
ضيّ: كيف مااصير احسن وانا فهمت شعرك وماقصده
سَهم ضحك : احلفي كل هالوقت تترجمين المعنى؟
ضيّ : اي والله مافهمت معليش يعني شعركم بدوي عشان كذا ماافهم
سَهم: وذا احلى شي ماتفهميني عشان اقول اللي ابي
ضيّ: بنتزاعل ترا!!
ضحك عليها: لا خلاص اسفين اخت ضيّ
ضيّ عصبت: اخت فعينك
زاد ضحكه عليها وسجل صوت وهو يضحك: ياخي انتي قسم بالله نكته طيب طيب تدرين ان الحب بلوى وهم من هموم الزمان....
دق عليها وردت على طول وبادرت بسؤال بعد ماسمعت الصوت
ضيّ:ليه تحب انت؟
سَهم يدري فاهمته بس تستغبي: لا ذي شيلة
ضيّ: شيلة؟؟
سَهم: بجلس ادرسك لبكره ذي شيلة لفلاح المسردي اسمعيها اسمها الحب بلوى
ضيّ: خلاص بسمعها بس اقفل منك
سَهم تنهد: ايوه واخبارك وايش مسويه
ضيّ: تمام الحمدلله ومو مسويه الصدق طفشانه وانقذتني يوم ارسلت
سَهم ضحك: واضح من يوم رديتي بسرعه
ضيّ تمثل الزعل : هاه اقفل ترا
سَهم زاد ضحكه: لا لا خلاص ياخي الله يديمتس مااضحك الا اذا كلمتس
ضيّ ابتسمت: تضحك علي مو مني
سَهم: الله يديمتس بالحالتين
ضيّ: ويديمك
سَهم: ماراح تروحين الجامعة ترا ماباقي شي على الدومان
ضيّ: لا مابروح سجلت عشان اهلي بس مابروح
سَهم حك جبينه: بكلم اهلي هاليومين واجي اخطبتس عشان تدرسين بسس
ضيّ زعلت: كثر الله خيرك ماقصرت المهم انا بروح انام تبي شي
سَهم: كل ماكلمتك بتنامين؟
ضيّ: اي تصبح على خير
سَهم عرف بزعلها بس سكت: وانتي من أهلي يارب
كان يبي يرضيها ولا يعرف كيف ف قرر يقول هالكلمة يدري بترضيها وفعلًا ارضتها قفلت وهي تبتسم بشكل كأنه داخل قلبها فراشات
-
الديره
بيت عِنان
جالسه بالغرفه كالعادة وهو بالصالة ماتبي تقابله وهو تملل من هالحالة بس ساكت لانها حامل ويتوقع انها تقلبات نفسية قرر يغير نفسيتها قام ودخل للغرفه شافها تكتب انتبهت له وقفلت الكتاب تقدم ومسك يدها: وش قاعده تسوين؟
سُلاف فلتت يدها: مااسوي شي اسلي نفسي
عِنان: عادي اشوف وش تكتبين؟
سُلاف هزت رأسها بـ لا تنهد وهو يبي يكبت عصبيته عنها لان حركاتها صايره ماتنطاق: طيب تقومين نروح الرياض؟
سُلاف هزت رأسها بـ لا : الحين وش تبين كل شي لا لا لا لا
سُلاف: بنروح الرياض
عِنان استغرب من تناقضها: طيب تو اقول لتس تقولين لا
سُلاف: بنروح بكره انا وانت وبتروح معنا اديم
عِنان: وليه اديم؟
سُلاف: تبي تروح تشتري أغراض لدوام وانا قلت لها عِنان مايرد لي طلب بخليه يودينا
عِنان ابتسم لثقتها فيه وانه مايرد لها طلب تقدم وحضنها من ورا ونزل وباس عنقها: احب اللي يثق اني ماارد له طلب
ابتسمت له بأمتنان وكمل: خلاص قولي لها تم
سُلاف: اوكِ
قرب ومسك خصرها وحط يده على بطنها: وحبيب بابا كيفه؟
سُلاف : الحمدلله بخير
نزل وصار رأسه مقابل بطنها قرب ورفع البلوزه وباسه وطول بالبوسه وبعد: انتظرك على أحر من الجمر ياعيون ابوك انتظر يالشيخ فهد
سُلاف حمر وجهها من حركته وحست الدنيا تحترق داخلها من الخجل بس ركزت على اسم "فهد" :ايش معنى فهد يمكن ماابيه؟
عِنان: هالمره مو على كيفتس ياحبي لان من يومي ينادوني ابو فهد وعلى ابوي
سُلاف: ان شاءالله بنت وانتهى
وقف وباس منطوقها : كذا تسكتين
وقفت مكانها وهي كل مالها ويحمر وجهها خجل ضربته مع صدره تبعده: حييوانن ترا تماديت سكتت عنك كثير اطلع برا
ضحك بطول صوته: طيب ياحب انتبهي لنفستس انا طالع للعيال
كشرت وهو ضحك وطلع.......
-
الرياض 1:33
عند حمد ودلال اللي كانوا جالسين على السرير وماسكين يدين بعض ويسولفون ويضحكون وكأن الحب غامر بقلوبهم بشكل كبببييييررر
حمد: يووو يادلول تدرين مو مصدق للحين اني لتس وانتس لي
ابتسمت دلال: صدق ياحبيبي شوف انا وانت بفراش واحد
حمد مسك خصرها وقربها له: يابعد كل من لي اي والله
دلال: حمود
حمد قرب وباس منطوقها بقوه: لا تنطقين اسمي بكل براءه تعذبيني كذا
ضحكت دلال طول صوتها: طيب رد علي
حمد: يروحه سّمي ياعروق قلبي ولبيه
دلال: تحبني؟
حمد فتح عيونه بذهول: كل هالحب وتسألين صدق ماتستحين على وجهتس
ضحكت وقربت ومسكت وجهه بيديها: مو قصدي بس ابي اسمعها منك
حمد: مو يكفي تشوفينها بتصرفاتي وافعالي
دلال: اي اشوفها
حمد: خلاص اجل بس والله مااخليها بخاطرتس "نزل وجهه وقابل وجهها وصار خشمه على خشمها " احبتس اكثر من اي حب بالدنيا
دلال وهي منزل عيونها بخجل: اموت فيك ياكل خلاني نزل باس منطوقها: اعشق الكلام منتس لو تافهه اعشق حروفتس لو مالها داعي احبتس والله احبتس
نزل وطبع قبلاته على جسدها وجعل الأيام جميعها لذيذة ليست يوم فقط.......
حمد: فيه حفلة لخالد نروح لها ؟
دلال شهقت وفزت:اححلفففف
حمد: شفيتس بسم الله
دلال: اححبببه اححببههه
حمد ضربها على رأسها بخفه: بنت اعقلي وش تحبينه
دلال: صدق خلود اححبببه بشكل ماتتخيله دايم اسمع له
حمد صرخ: ببنتتت اقول لتس اعقلي ماتفهمييينن وبعدين اسمه خالد وحفله مافيه مافيه مافيه
دلال قربت له ومسكت يده : مو قصدي خلاص لا تزعل
حمد: دلال وخرييي عنيييي بنام
دلال قامت وسحبته معها غصب للبلكونة ناظرها بأستغراب: وين؟
دلال : مطر مطططرر
طلعوا تحت المطر: دلال مجنونه تمرضين بعدين
دلال: احببب المطر تعال نرقصه تحته
ضحك عليها وصار يراقصها ويغني لها"أحببني بلا عُقدِ وضيعي في خطُوطِ يدي ,أحبيني لأسبوع لأيام لساعات فلست أنا الذي يهتم بالأبد".
كملوا رقص بكل حُب ولهفات وتحت قطرات المطر وفي البلكونة الصغيره صارت تتمايل بفستانها الأحمر القصير وتتمايل تحت مسكات يده لخصرها وتسمع صوته اللي يغني التفت له وحطت يدينها على رقبته وهمست: صوتك حلو وانا توي ادري
حمد بكل حب : يصير حلو اذا انتي بترقصين عليه
تقدمت وطبعت بوستها الثانية اللي تبادر فيها له بس هالمره طولت بالبوسه وكأن شفاته أسرها بعدت ونطقت بكل حب: أحبك
حمد نزل يبوس عنقها ويستنشق ريحتها بكل حب ويطبع آثار حبه على عنقها : اموت بدنياتس وبكل شي يخصتس انا صرت اموت بترابتس
وكملوا الليلة تحت قطرات المطر والحب......
-
صباح اليوم الثاني بالديره
كانوا ماشين لرياض ومتسمين سيارتين
"سيارة عِنان"
سُلاف
اديم
وبراء
براء كان قدام عند عِنان والبنات ورا..
"سيارة عبدالعزيز"
جود
حنين
وراما"بنت ابو سَهم من زوجته الثانية امهم قالت لهم ياخذونها لانها حتى هي بتشتري أغراض قبل الدراسة وماقدروا يقولون لها لا "
"سيارة عِنان"
كانوا يسولفون براء وعِنان ويضحكون ومسك براء سلك المسجل وشغل اغنية وصرخ بكل صوته: مقصودددههه
جود حمر وجهها لانها عارفه انها المقصوده
وضربه عِنان على رأسه: ترا فاهمك يابقره
ضحك براء : افهمني ماهمني
شغل اغنيته اللي يقصد فيها جود"سَهمك جرحني وغرامك تيهه أفكاري وشوقي فضحني وطيح بالهوى أسراري ,حبكِ أسرني ودلالك غير ألواني "
كانت تسمع بكل حواسها وأهمها قلبها وميته خجل من البنات وعِنان اللي عارفين انه يقصدها وكملوا المشوار بكل حب
"سيارة عبدالعزيز"
ماشين ورا عِنان بس وقف عند محطه بحكم انهم مااخذوا شي معهم التفت لجود: تبون شي؟
جود التفت للبنات: بنات تبون شي؟
حنين: لا شكرًا بس مويا
نطقت راما بكل دلع وغنج: بالله عزوز ابي جيب مويا بارد لاني مااحب الحار
التفت لها حنين بصدمه من نعومة صوتها ولا من دلعها لعبدالعزيز!!!!
عبدالعزيز ابتسم لانه شاف نظرات حنين بالمرايا وهذا يعني انها غارت عليه وهو مبسسوط على هالشي وده يشكر راما نزل من السيارة والتفت حنين لها: خير راما تتعدلين وتتغنجين استحي على وجهتس وبعدين اسمه عبدالعزيز وش عزوز ؟؟؟
راما وهي مو مهتمه:اوك اوك
جود : خليها مريض الله يشفيها
راما: جود مالتس دخل بالله
جود التفت لها : اول شي لي دخل غصب ذا اخوي تمام وثانيًا ترا ميت تعرفين كيف يعني ميت على حنون يشوفها هواه وروحه وكل من له يعني ارتاحي لو تتدلعين لصبح ماهو شايفتس
انقهرت من كلامها وحست الدنيا تحترق داخلها بس وضحت العكس : اي اوك يتهننون
حنين انبسطططت على كلام جود حست انها كسرت خشمها وارتاحت منها

تعالوا انستا لتسريبات والتشبيهات اللذيذة"rwiiai1"🤍🫦