جيتني من أقصى دنياي...وصرت الدنيا بعيوني

البارت-53

بعد شهر من الأحداث السابقة
والكل عايش بسّلام وحُب
والكل ارتاح بعد ماباح اللي بقلبه
الا فواز اللي كان خايف على
وعد اللي صحتّه من نومه بصراخها ووجعها
وعد وهي تصرخ وماسكه بطنها: ففواززززز
تكفى قوممم بموتتت من الوجععع
فواز فزّ من نومه: بسم الله عليتس يابنت شفيتسس
وعد: شكلي بولّد قوممم وددنييي المسستشففىى
فواز شاف الساعة اللي كانت تُشير لـ 1:20ص ركض يلبس ثوبه ويجيب عبايتها : قومي البسي يلاااا
وقفت وعد بصعوبة ولبسها عبايتها
ومسكها عشان تستند عليه ونزلوا
وركبها السيارة وركب هو وانطلقوا لرياض
بدون علم اي احد وبعد نص ساعة
وصلوا لرياض ووعد كل مالها ويزيد وجعها
وفواز مرتبك وخايف عليها
ولا يدري وش يسوي انه يسرع بشكل كبير
عشان يوصلون وصلوا للمستشفى
ونزل جاب لها عربيه وجلست عليها
وركض فيها للمستشفى واخذوها المُمرضات
ودخلوها غرفة العمليات على طول......
-
بيت عِنان وسُلاف
الكل نايم الا عِنان وسُلاف وكأنهم
ماصدقوا يجتمعون وخايفين الايام تبعدهم
كان جالس على الكنب وهي جنبه
مسك يدها وصار يسولف معها: وش ودتس فيه؟
سُلاف بضيق:ماودي بشي بس....
عِنان عقد حواجبه وهو واضح الضيق بصوتها: بس وشو؟
سُلاف: متى بنسافر وأعالج عيوني اشتقت اشوف العالم
قرب وباس عيونها: اوعدتس بتشوفين وبأذن الله سفرتنا قريبه بس جالس اضبط
وضعي بالدوام ياكثر ماسحبت واخذت اجازات ترا شوي ويطردوني
ضحكت من قلب والتفت على ضحكتها وهو اول مره يشوفها تضحك كذا : ياجعلها دايمه يادنياي
سُلاف: عِنان
عِنان : سّمي ياعروق قلب عِنان ولبيه
سُلاف ابتسمت بحب: ليه كنت تكرهني
عِنان ضحك بقوه : والله يابنت الناس ماكرهتتس ابد بس المكابره عندي عاليه شوي
وانا من يوم شفتتس اول مره وانا طايح فيتس والله بس خليت الكف عذر
سُلاف فتحت عيونها بذهول: لا والله طيب والكرهه والتعامل البارد
عِنان : والله كلها كانت بحب بس مدري كنت اكابر
سُلاف: لو فكيتنا من المكابره ماوصلت للي انا فيه
عِنان بنبرة اسف: والله مو قصدي اسف يانظر عيني
سُلاف ابتسمت: معليه كل شي نسيته
قرب عِنان وباس عنقها: ياجعل يومي قبل يومتس يابعدي
سُلاف: اسم الله عليك لا تقول كذا
وكملوا ليلتهم بكل حب لين غفت عيونهم وهم مع بعض...
-
بالرياض بالمستشفى
كان جالس وعلى أعصابه اخذت ساعة كامله وللحين محد طلع له
ولا قال له شي وكان ينتظر وينتظر وينتظر
يحس الوقت بطيء بشكل يزعجه فزّ على الدكتوره اللي طلعت
من الغرفة وركض لها: بشري تكفين يادكتوره
ابتسمت الدكتوره : انت زوجها؟
فواز: اي فيه شي؟؟؟
الدكتوره: تطمن بس جتك احلى بنوته بالدنيا
ابتسمت وتنهد براحة: طيب امها كيفها؟
الدكتوره: الام بخير وماعليها وشوي ونطلعها للغرفة
فواز: يعطيك العافية ماقصرتي
الدكتوره : ولو واجبي
جلس وهو ينتظرها وينتظر يشوف بنته على احر من الجمر وبكل شوق وحب
-
بيت ابو صقر
كانوا جالسين على طاولة الفطور كلهم ماعدا مّلاذ التفت صقر
بعيونه وكأنه يدورها والتفت لضيّ وبهمس: وين مّلاذ صار لي شهر مااشوفها بالبيت
ضيّ: موجوده معليك بس شتبي فيها ؟
صقر تنحنح: لا ماابي منها شي بس استغربت ماهي معنا
ضيّ: اي تعبانه شوي وبالغرفه تبي ترتاح طلعنا لها اكلها فوق
صقر: ليه شفيها؟
ضيّ بأستغراب: انت شفيك صاير تسأل عنها؟
تأفف صقر: خلاص لا تجاوبين شكرًا لك انك غثيثه
قام من السفره وهو يحمد الله وطلع من البيت وباله مو معه.....
اما عند مّلاذ اللي تاكل فوق وماتبي توف وجهه صقر بعد اللي صار لها
وكانت طول الشهر تتهرب منه وماتبي تشوفهه مستحيه تحط عينها بعينه
رفعت يدها لشفتها ولمستها وهي ماهي مصدقه اللي صار بينهم
صح كانت مساعده بس ولو يبقى شي تستحي منه.....
-
بالمستشفى عند وعد وفواز
وعد اللي طلعت من غرفة العمليات وراح عندها فواز وهو يشوف
البنوته جنبها والتفت لوعد: تشبهتس كثير وياهني قلبي بواحدٍ يشبهتس ياحبيبة قلبي
وعد ابتسمت: عذّوبة ها وابوها
فواز: يعني للحين تبين اسم عذّوب ؟
وعد: اي ابيه
فواز: تم يصير عذّوب ليه مايصير يصير كل شي بالدنيا عشانتس
وعد ابتسمت ومسكت يده : الله يخليك لي
فواز: ويخليتس لي ياحبيبة روح فواز وحياته
فزّ على جواله اللي يدق وشاف الاسم وكان ابوه رد بسرعه:سّم ياابو حمد
ابو حمد: وينك فيه؟
فواز ابتسم: بارك لي اول
ابو حمد: على وشو؟
فواز: صرت جد
ابو حمد فزّ بفرحة: تقولها صادق؟؟؟
فوا: اي والله وهذي هي قدامي بعد
ابو حمد: ولد ولا بنت؟
فواز: بنت زي القمر يايبه
ابو حمد: مبروك مبروك ياوليدي الله يخليها لكم ويخليكم لها
ويجعلها باره فيكم وينبتها نباتٍ حسن بأذن الله
فواز: الله يبارك فيك يابعد روحي ماقصرت بس ياليت تقول لااهلها لان جوالها مو معها
ابو حمد: ابشر ابشر انتم بس ارجعوا لنا بالسلامة
فواز: معليك ابشر يانظر عيني
-
صباح اليوم الثاني بالديره
الكل صحى وفقدوا فواز ووعد وابو حمد للحين ماقال لااحد وقرر يجمعهم
اليوم على عشاء ويقول لهم كلهم وكلم ابو سَهم وابو عِنان وقال لهم اليوم العشاء
عنده والكل مستغرب من هالعشاء وعدم وجود فواز ووعد وبدون علم اي احد حتى اهاليهم...
~بيت ابو عِنان
جالسين على الفطور ابو عِنان وام عِنان وجود وشوي
ودخل عليهم عِنان وجلس يفطر التفت جود عليه بتسأل:وين سُلاف؟
عِنان: والله نايمه عجزت وانا اصحيها روحي صحيها تجي تفطر
وقفت جود وراحت لبيت عِنان والتفت ابو عِنان لعِنان:شلون وضعك مع سُلاف؟؟
عِنان وهو عارف ان مغزى سؤاله تهاوشت معها سويت لها شي
زعلتها جاوب بهدوء: تطمن كل شي على احسن حال
ابو عِنان: الحمدلله جعلها دوم
عِنان: امين يارب
رفع رأسه على جود اللي جت: وين سُلاف؟
جود: صحيتها تبي تتروش وتلبس وتجي
عِنان: زين انا طالع اذا جت خليها تفطر زين ترا مااكلت امس
جود: ابشر
طلع عِنان وجت سُلاف عند جود : وين عِنان ؟
جود: يلا هو يسأل عنك وانتي تسألين عنه انا شدخلني بينكم
ضربتها سُلاف مع كتفها بخفه: اقول جاوبي بس وينه؟
جود: تو طالع وقال خلي سُلاف تاكل زين لانها مااكلت امس
ابتسمت سُلاف وجلست تفطر وجود تناظر بأستغراب: حابين بعض بزيادة يعني
ضحكت سُلاف على سؤالها ودخل عِنان بهالوقت وابتسم:ضحكتتس جابتني من اخر الديره
جود: لا مره حابين بعض مو شوي
تقدم عِنان ومّر من وراها وضربها مع رأسها بخفه: مالتس شغل
قامت جود ترتب الاغراض وتشيل الفطور: حبوا بعض بروح اسوي شاهي
عِنان سوا نفسه بيقوم عليها وركضت جود داخل وصرخت:امزززحححح
ضحك عِنان عليها وضحكت سُلاف وهي تضرب يده:يويلك تسوي لها شي الا جودي
عِنان تقدم وباسها مع خدها: ابشري ياعيوني
سُلاف حمر وجهها خجل وتحاول تبعده : بعد عني لااحد يشوفنا عييبب
عِنان: خليهم ماهمني زوجتي وحلالي
سُلاف: عِناننن
عِنان رفع راسه لسماء :اهخخ ياربي ارفق بعِنان تكفى مااقدر انا كذا
"رجع التفت لها" ياعيون عِنان لبيه وسّمي
سُلاف: خلاص بعد الحين تجي جود
عِنان: من عيون عِنان يروحه" قام وقف"المهم انا رايح انام شوي صحيني العصر
سُلاف: ماتبي غداء؟
عِنان: لا مو مشتهي بس بنام
سُلاف: زين نوم العافيه
عِنان: انتي العافية والله العظيم
سُلاف ابتسمت وعِنان راح لبيتهم ينام......

"اسفه اذا البارت قصير بس أصحاب الانستا مُصرين انزله ونزلته رغم كان ودي اطوله وانزله مره وحده بس متحمسيينن🫣"
المهم حبايبي لاتنسون النجمة ورأيكم العسل 🤍🤍🤍🤍🤍🤍
"وتعالوا انستا لتشبيهات ونسولف مع بعض"rwiiai1