جيتني من أقصى دنياي...وصرت الدنيا بعيوني

البارت-66

-
~دُبي
وصلت الطيارة ونزلوا منها وهي عرفت انها بدُبي بس توقعتهم بيبقون هنا التفت ومسكت يد عِنان بحذر عشان لا تضيعه ودخلوا لصالة وجلسوا لان الطيارة الثانية باقي عليها ساعتين التفت لعِنان :عِنان
عِنان والتعب واضح عليه:ههممم
سُلاف: جوعانه
عِنان زفر بتعب : طيب قومي ناكل بطعم بما ان الرحلة مطوله
فتحت عيونها بذهول: اي رحلة
ناظرها بأستغراب: اكله ذي اسمها رحلة
سُلاف ضحكت وضحك لضحكتها: جد عِنان ايش
عِنان: سفرتنا
سُلاف: ماراح نبقى بدُبي؟
عِنان هز راسه بـ لا ومسكها وتوجهوا للمطعم وجلسوا ياكلون...
-
بيت ام سَهم
جالسين كلهم مجتمعين يتقهوون قهوة العصر مع بعض ام سَهم وسَهم وضيّ وابو سَهم واديم وتركي وبراء التفت ابو سَهم لضيّ: كم صار لتس حامل يابنتي
ضيّ ابتسمت له : 4 شهور ياعمي
ام سَهم: اييي انتي مع سُلاف اجل لان صار لها 4 شهور
ضيّ هزت رأسها: اي ياعمه
اديم التفتت لسَهم : اقول انت وين بتسكنون؟
سَهم قرب لها ومسك أذنها: اسمي اخوتس الكبير وسَهم مو اقول انت وبعدين وش دخلتس بجلي على كبدتس
أديم مثلت البكي: يييممههه شوفي ولدتتتسس
التفت لضيّ: وانتي بعد امسكي خروفتس عننا
شهق سَهم وفتح عيونه بذهول وتركي وبراء ميتين ضحك عليه قام يلحقها: اوريتس الخاروف زين تعاللليييييي
ام سَهم وهي تضحك: ياسَهم تعال خل البنت بحالها
رجع سَهم وجلس: اوريها انا
براء وهو يدمع من الضحك: اما عاد خاروف مره وحده
سَهم: اسكت لااكمل عليك انت بعد
تركي وهو يضرب رجل براء من قوة الضحك: ياخي المتزوجين الحمدلله اني عزابي
سَهم: ماردك تتزوج واوريك
تركي رفع يديه: انسى تبي تمسك براء ممكن لكن انا انسى اني اتزوج
براء تنحنح: صح على طاري الزواج يمه روحي اخطبي لي
ام سَهم: ماصدق على الله ويفتحون موضوع الزواج اهجد ياولد
براء يمثل الزعل: يمه وش ذا وش كبري رجال وشنبي خاط ووظيفه عندي وكل شي عندي مو ناقصني شي
ام سَهم: مو كل من خط شنبه يعني رجال
سَهم شرق بالقهوة :اوووففف قوييييهه قويه ياام سَهم تكفين تعجبينيييي
ام سَهم التفت عليه: تراك من ضمن المثال
تركي اللي حاول يمسك الضحكه بس ماقدر وطاح ميت ضحك على وجيهه سَهم وبراء وحاول يمسك الضحكه عشان مايجي دوره
ام سَهم: اقول الا صدق ياسَهم وين بتسكن؟
سَهم : بالرياض يمه
ام سَهم: ليه ياوليدي المفروض تجي عندنا
سَهم: انا مرتاح هناك وشغلي وكل شي
ام سَهم: ابد اللي يريحك
ضيّ قامت : سَهم بالله تعال ابيك شوي
قام سَهم وراها وطلعوا لغرفتهم التفت براء لاامه: شفتي خاروف من الطراز الرفيع
ام سَهم: خلاص عاد عيب اسكتوا عن اخوكم الكبير
حط يده على فمه: ابشري
عند سَهم وضيّ
مسكت يده وناظرت له ببراءة: سَهم احس امك تبيك عندها هنا ليه مُصر تسكني بالرياض
سَهم مسك وجهها بكفينه وباس جبينها : انتي طول عمرتس عايشه بالعز والدلاّل عمري ماراح اخليتس تعيشين عيشه عاديه وهذا وعد بعيشتس عيشه تشوفين الناس من فوق من الغرور اللي فيتس
ابتسمت بحب وباس خده وحضنته وبادلها الاحضان.....
-
~دُبي
سمعوا نداء لرحلتهم "رحلة ميلانو" قام واخذها ومشوا للطيارة وهي مصدومه من اللي سمعته" ميلانو" معقوله بتسافر ميلانو وتشوفها لأول مره ومع مين؟ مع حبيبها وزوجها ركبوا الطيارة وجلسوا بأمكانهم مسكت يده وناظرها وابتسم ورجع سند نفسه على السرير لانه فعلًا تعبان ويحتاج يرتاح نام لين يوصلون....
-
الرياض
بيت ابو صقر
كانت جالسه بالصالة وتتفرج لجوالها دق الجوال وشافت الأسم وكان صديق لها ايام الدراسة برا ردت على طويل وبدت تتكلم باللغة الانجليزي : اهللًا جاسي
جاسي: آهلًا بكِ عزيزتي مّلاذ
ملاذ وهي تبتسم: أشتقت لك ياجاسي
جاسي: وانا أيضًا لنَ تعودي لنا؟
مّلاذ بحزن: لا لنَ أعود سوف اكون ببلادي
دخل باللحظة ذي صقر وارتبكت ووضح هالشي عليها قامت بتطلع وقبل تروح استوقفها صوته: انتظري
وقفت والتفت له: نعم؟
كان بكامل أناقتها وجمالها جمالها الل يأسر صقر وبقوه تكلم بحدة: مين تكلمين ؟
مّلاذ طنشته ورجعت تكلم: حسنًا جاسي سوف أتصل بك بوقت أخر
جاسي : حسنًا عزيزتي
سكرت الجوال والتفت له: بغيت شي أخ صقر؟
أبتسم بخفه على جنب: عجبتني أخ صقر
رفع عيونه لها وبحدة أقوى من قبل: مييين تكلمييين ومييين جاسي!!!
مّلاذ صارت تكلم بخصلات شعرها تبعد التوتر: صديقي أيام الجامعة
صقر رفع حاجبه بأستغراب: لا والله؟ وتقولينها بكل برود؟
مّلاذ: عندك مانع بعد ؟
صقر سحب جوالها من يدها :عندي مانع وهالجوال انسيه
تركها وصار يطلع على الدرج ولحقته: صصقققررر مو من حققك تاخذذذ شي لييي وبعدين مالك دخل فيينيي
صقر ماكان يناظرها ولا يعطيها وجه وانقهرت مّلاذ باللحظة : صققرررر وعمى رد عليييي
صقر بكل برود: انزلي بنام لا تزعجيني احسن لك جاي من الدوام وبرتاح
التفت بيروح ومّلاذ بتصرف غير متوقعه ولحظة غصب مسكت كوب القزاز ورمته وانكسر على رأسه صرخ بهاللحظة ومسك رأسه ونزل على الأرض وصار ينزف دم وطاح على الأرض مّلاذ وكأنها وعت على اللي هي تسويه حطت يدها على فمها وركضت له ومسكت رأسه وحطته على حضنها وصار تضرب خده بخفيف: صقر تكفى قومم لا تموتت والله مو قصدي قوممم ماابي تموت بس قهرتني
صقر ماكان يرد عليها وبس تطلع منه الـ آهخخ مّلاذ صارت تبكي واخذت جوالها ودقت على ابوها على طول بحكم ان البيت فاضي ومافيه غيرهم ووصلها الرد من ابوها على طول: هلا مّلاذي
مّلاذ بصراخ: بابا تعاللل
سلطان فزّ خايف : شفييييك
مّلاذ: صقر صقر طايح تعال الحق علي
سلطان سكر الجوال وغيرت وجهته للبيت على طول وكان يسرع بقوه مايدري وش صاير وش ممكن يصير لصقر وصل للبيت ونزل على طول وركض داخل دخل وماشاف احد وصار ينادي بقوه: مّلللااااذذذ
مّلاذ: هنا يابابا ففووقق
ركض فوق وشافهم بالمنظر جمد مكانه مو قادر يتحرك ولا يتحرك فيه ساكن صحى على صرخة مّلاذ:ببباابباااا
ركض ونزل عنده : شفييييهه كيف صار كذا
مّلاذ:ضربته بالغلط والله مو قصدي
قام على طول ومسك صقر وسنده على يده والطرف الثاني سنده على مّلاذ وطلع وركبه السيارة وراحوا للمستشفى
-
~إيطاليا~ميلانو
وصلت الطيارة ونزلوا وكانت الدنيا مُمطره بشده نزلوا ومسك يدها وركضوا ودخلوا تحت مظلة مثبته وحاوط كتوفها وصار يدفي يديها من البرد التفت له وصار وجهها بوجهه وابتسمت وهمست: ميلانو
أبتسم لها وهمس نفس همسها: بتكون مدينة حُبنا وبعلن حبي لتس هنا
شدت على يده: الله يديمك يارب
وصلت السيارة وركبوا وراحوا داخل المطار أخذوا شناطهم وطلبوا سيارة وصاروا يتمشون بميلانو التفت لعِنان: بنروح الفندق؟
عِنان وهو يتأملها: اي وبعدين بنطلع نفطر
أربكتها نظراته والتفت للشباك: شوف كيف الجو حلو
ابتسم وهى باقي يتأمل وجهها وتفاصيلها:وش ابي بالجو وانتي عندي؟ وجهتس يستحق التأمل اكثر من الجو
كملوا حديثهم ووصلوا عند باب الفُندق ونزلوا ونزل الشناط ودخلوا للغرفة وكانوا مُهلكين فعلًا جلست على السرير والتفت لعِنان: عِنان شرايك ننام والله تعبت وبكره نطلع
عِنان وهو من اول نفسه ينام لكن ماكان يبي يكسر خاطرهت ويبي يمشها: اللي تشوفينه ياحلوه
وفعلًا نزلت جاكيتها ونزل جاكيته ورموها على الكرسي واخذهم النوم وناموا بحُب.....
-
الديرة
بيت ابو وليد
شّجن جالسه بالغرفة وهي تفكر بالكلام اللي وصلها من عبدالعزيز وتفكر بالكلمة مليون مره انبسطت انه فيه شخص يحبها ومقدر وجودها بينهم مسكت جوالها وفتحته على الرقم ورسلت "مساء الخير"
رفعت جوالها على صوت امها تنادي :شّججننن
شّجن ردت بصوت عالي: جاايه يمه جايه
قامت وطفت جوالها وحطته على السرير وطلعت لاامها...
-
بأحد مستشفيات الرياض
كان عنده عملية وضروري يحلق لبس لِبس المستشفى واخذ البالطو بيده وركض لسيارة ركب ومشى على طول أنورت شاشة جواله التفت وشاف أسمها أبتسم وهو يدري ان كلمته للحين ببالها شاف كلمتها وطفى الجوال ولا رد شغل المسجل ومشى مسرع للمستشفى وصار يغني مع الاغنية وهو مبسوط حتى هو مستغرب روقانه فترة الظهر بس تأكد ان الفرحة لان خطته بدن تنجح
"
اللي جابك هو حبي؟
ولا شيٍ مستخبي
ياللي ساكن وسط قلبي
ليه من حبي تتنكر
"
وصار يسوق وهو بقمة الفرحة ان الخطة بدت تجي لمحوره وليديه
وصل للمستشفى ونزل ونزل أغراضه بالمكتب ولبس البالطو وركض لغرفة العمليات وبدأ بأجراء عمليته....
-
~إيطاليا~ميلانو
7:7ص
صحوا من النوم ولبسوا وطلعوا كانت ماسكه بيدها جاكيتها البُني ومسك باليد الثانية يد عِنان طلعوا لمطعم للفطور التفت له: ايش المطعم اللي بنروح له؟
عِنان :مطعم"LÚBAR" أحلى مطعم فطور بميلانو كلها
سُلاف وهم يتمشون رايحين للمطعم لانه قريب من الفُندق: تدري على كثر ماجلست بإيطاليا مافكرت اجي ميلانو ابد
عِنان ابتسم ومسك يدها وباسها: حلو بتكون اول مره ومعي
سُلاف ابتسمت له: ومو أخر مره ان شاءالله
عِنان حط يده على بطنها:المره الجايه مع حبيب ابوه
سُلاف ابتسمت: ان شاءالله
دخلوا المطعم وصاروا يفطرون وشوي ونزل المطر عليهم وكان خفيف التفت سُلاف لعِنان اللي فتح عيونه بذهول: لا لا حبيبتي افطري وانتي ساكته ماراح نرقص نفس كل مره تحت المطر
ضحكت سُلاف بقوه تقدم وحط يده على فمها: عمى اي والله خير لا تضحكين تراتس مو بالبيت
سُلاف: شفيك عادي
عِنان : لا ووالله يعني عادي الكل يسمع ضحكتتس او بالاصح مُوسيقتي المُفضلة؟
سُلاف هزت راسها بـ لا وكمل: اي على بالي يلا كملي عشان نطلع نتمشى
وكملوا يفطرون.....
-
الرياض
بيت ابو صقر
كان منسدح بغرفته ومايطلع منها الا للأسطبل لا ياكل ولا يروح ويجي نفس قبل عايش بقيّد ماينفك الا بأديم وكالعادة كل الوقت نايم التفت على باب غرفته اللي انفتح وكانت امه: هلا يمه
ام صقر: وش فيك ماتطلع ولا تروح ولا تجي وحتى اكل ماتاكل معنا وحدك الاسطبل شفيكك؟
جسار لف وجهه عنها : مافيني شي بس بنام
ام صقر: كل وقتك نايم لا تكذب علي ياجسار شفيك
مارد عليها وتقدمت وجلست على سريره وسمعت شهقاتها الخفيفه : يمه اسم الله عليك شفيييك قام وأرتمى بحضنها وصار يبكي مثل الطفل: شفيك جسار يمه اسم الله عليك ياابوي شفيييك
جسار بتعب: يمه بيحرموني منها وانا والله مااقدر اعيش بدونها والله
ام صقر: منهي اللي يحرمونك منها
جسار: منهي يعني يمه أديم ادييييم خطبتها وابوها رفض يقول لعيال عمها والمشكلة عيال عمها ولا واحد فكر فيها ولا واحد خطبها بس ليه ليييه يرفضني "صار يأشر على نفسه" يمه فيني شي ناقصني شي فيني ععيييببب لييه ليه يرفضضننيي ابي سبب مُقنع وماعاد اخطب والله
ام صقر حضنته وصارت تهديه: اهدى ياوليدي اهدى مافيك شي ورجال قد الكلمة وماناقصك شي وصدقني بيوافق بس هو انصدم انك خطبت
جسار: ينصدم ليييه اخذين بنتنا ينصدم ليييه ليه
ام صقر: ابشر بها يقلبي والله مايهنى فيها غيرك
جسار: تكفين يمه تكفين والله بموت بدونها
ام صقر: اسم الله عليك وابشر ابشر مايصير خاطرك الا طيب....
-
بعيدًا بالمستشفى
خلص عمليته بعد مادامت ساعتين ونص ورجع للمكتب وهو منهد حيله جلس على الكرسي واستند عليه ونزل البالطو ورماه على المكتب ورفع يديه لرأسه وصار يهمزه وسمع صوت رسالة بجواله وتذكر فجأة رفع نفسه واخذ الجوال من على المكتب وفتح رسالتها وشافها مرسله "مساء الخير" "وينك ماترد" "اسفه لو ازعجتك بس فكرت بكلمتك امس" "اول مره احس بالحب تجاهه احد"
ضحك بقوه وهو يستغرب كيف حبته بيوم وليلة رد عليها وكتب" مساء النور" "معليش كان عندي عملية""لا عادي ماازعجتيني" " أحبك "
ارسلها وصار يكتب تقراير ويخلص شغله قبل يرجع الديرة ووصلتها رسالة : "عملية؟ مو انت محامي "
ضرب رأسه بغباء على تصرفه وكتب لها" عملية تحقيق وكذا مو مستشفى"
وكان ردها" اها اوك"
وكتب لها"أحبك"
وردت عليه على طول بدون اي تردد"أموت فيك"
أبتسم بخفه على جنب "شّجني"
شّجن"عيوني"
هتان" بشوفك"
شّجن ارتبكت"مااقدر"
هتان"شدعوه حبي تراني احبك وبخطبك وعادي اني اشوفك وصدقيني انك بيني وبين نظر عيني"
شّجن تطمنت لكلامه وفعلًا ارسلت صورتها او نقول صورها له اكثر من صوره لف الجوال عنه وصور كل شي بدون مايشوف ومسح المحادثة طلع صورته وصورتها اللي اخذها من فواز وهمس: والله مااخونك يانظر عيني لو بالنظرة
رجع الصوره لكڤر جواله وكتب لها" عمليني بالله ايش الجمالل ذااا مو معقوله انتي بتكونين زوجتي ياححظيي ياشّجنييي ياحظييي"
شّجن استحت من كلامه" حبيبي انت"
هتان"أحبك يازوجتي"
شّجن الكلمة ذي هزت فيها مشاعر مايكفيها الحب ابد"اموت فيك ياحبيبي"
هتان" زين حبيبتي بروح الحين عندي شغل اخلص واكلمك"
شّجن"زين قلبي"
سكر جواله واخذ أغراضه وطلع وهمس وهو طالع : بعد تتغزل هي ووجها وتقارن نفسها برسل ياكبرها عند الله مين يقارن نفسه بحبيب قلبي...
-
بالطرف الثاني من المستشفى كانت جالسه عند باب غرفة العمليات هي وابوها وتبكي عشان صقر اللي مايدرون عنه للحين وابوها جنبها:مّلاذ ابيك تقولين لي كيف صار كل ذا
مّلاذ وهي تبكي: بابا هو استفزني واخذ جوالي وانا ضربته بدون مااحس بوقت غضب
سُلطان: مو طبيعي ياملاذي ليه كل ذا لييييه
مّلاذ زادت بكي: بابا خلاص عاد قلت لك مو بقصدي مايفيد اللوم
سُلطان: مو يكفيني ماقلت لااختي ولا لاابوه وش اسويييي
جت بتتكلم مّلاذ وقطع كلمها طلوع الدكتور من غرفة العمليات ركضت مّلاذ عنده قبل ابوها: طمنا دكتور تكفى طمنا
سُلطان جاء جنبها: بشر يادكتور
الدكتور: تطمنوا كل شي تمام وكان مُجرد قزاز دخل برأسه والحمدلله قدرنا نطلعه وصحته تمام
مّلاذ: بشوفه
الدكتور: ماتقدرون تشوفونه لين يصحى وهو احتمال كبير ماراح يطول
مّلاذ وهي تبكي: تكفى بس دقيقه والله مااطول والله
الدكتور: يأخت مايصير
مّلاذ: بس بتطمن عليه والله مايرتاح قلبي لين اتطمن
الدكتور بقلة حيلة: زين روحي للمُمرضه تلبسك اللبس الخاص بالعناية وادخلي بس اتمنى ماتزعجينه وتبكين
مّلاذ وهي تمسح دموعها: خلاص تمام
راحت للمُمرضه ولبست لبس العناية ودخلت وشافته نايم قربت له وكان هادي مره تقدمت وحطت يدها على رأسه اللي كان ملفوف بالشاش نزلت له وباسته برقه وصارت تتكلم بهدوء: اسفه على كل شي سويته والله مو بقصدي والله اني احبك كثر ضررك لي من يومي وعيت على الدنيا وانا احبك لا جاسي ولا غيره والله انك كثير بقلبي ياصقر كثير الله لا يبيّن غلاك والله اني احبك واغليك اتمنى ماتزعل مني ولا توريني فيك
تقدمت وباست رأسه وطلعت
اول ماطلعت فتح عيونه بخفه وأبتسم ابتسامة تعب ورجع غمض عيونه......
-
~إيطاليا~ميلانو
9:00م
كانوا يتمشون والمطر ينزل عليهم بشكل خفيف ويأسر قلب حبيبة المطر سُلاف كانوا يمشون بمعالم ميلانو ومبسوطه جدًا مع عِنان وقفوا عن معلم سياحي التفت لعِنان وشاف نظراتها وعرف انها بتستفسر منه وتسأله وجاوبها قبل السؤال:ذي الدمو معلم سياحي مشهور كثير بميلانو والكل يجيه سوًا سياح او سُكان
سُلاف انبهرت: وااوو مره ححللوهه شكلها مُبهر
عِنان : انتي المُبهره والله بس اصبري باقي ماانبهرتي
سُلاف: ليه فيه شي ثاني؟
رفع يديه لفمه وصفر مرتين وطفت الأنوار وبقت الأنوار الهادية جدًا والسماء الصافيه والقمر المكتمل وليلة 15 بدأ عزف الأغنية الاحب لسُلاف والمكان تقريبًا فضى من الناس وصاروا هم بنص الدمو مد يده لها ومدت يدها له ومسك يدها وحط يده الثانية على خصرها وبدأ يرقص معها وبدت تتمايل بين يديه وصاروا يرقصون والحب محاوطهم وشوي شوي الأحباب بدوا يدخلون
كل شي مسك يد حبيبته ودخلوا مكان الرقص والكل بدأ يرقص ولكن الآساس وبالنص بين الناس كانوا موجودين عِنان وسُلاف كان يتأمله وكأن وجهها مُسكر يسكر لما يشوفه وينسى اللي حوله بدأ يتأمل تفاصيلها اللي تأسره ويحبها وجدًا نزل واستنشق ريحة عطرها اللي يحبها ويحبها عليها بالذات قربها له وصارت قريبه له بشكل كبير نزل لأذنها وهمس: ياحبيبة المطر وحبيبتي أعلن خضوعي لحبتس واقول لتس آني احبتس أعلن انتس جيتي من أقصى دنياي وصرتي الدنيا بعيوني
ابتسمت ورفعت يديها وحاوطت رقبته وهمست نفس همسه: أموت فيك ياكل الصح بين الأغلاط
وانتهت ليلتهم تحت إعلان الحُب بينهم وبين قلوبهم وقدام الدمو وبوسط آراضي إيطاليا وبهوى وقطرات مطر ميلانو......
-
الديرة
5:00م
بيت ابو عِنان
دق الباب وكانوا جالسين بالصالة قام هتان وراح للباب وفتحه وكانوا براء وابوه وتركي تقدم وسلم عليهم
هتان: هلا والله ياعم هلابكم حياكم اقلطوا
ابو سَهم: الله يبقيك ياهتان
دخلوا وجلسوا بالمجلس وراح بنادي ابوه: يبه عمي ابو سَهم وبراء وتركي بالمجلس
جود فزّت يوم سمعت اسمه لكن ماوضحت قام ابوها وراح المجلس وهتان ضربها بالمخده: قومي سوي قهوة
مسكت المخده ورجعتها له: عشان ابوي ورجاله مو عشانك ياسويد الوجهه
قامت وراحت المطبخ وتسوي القهوة والابتسامة تنسرق لشفتها خلصت القهوة وراحت الحوش دقت الباب وجاها هتان واخذها ورجع للرجال
ابو سَهم: ياابو عِنان حنا جايينك خطاب
أبو عِنان انبسط لانه يحب عيال ابو سَهم وبشكل كبير:والله هذي الساعة المباركة وين بنلقى احسن من نسبكم
ابو سَهم: مشكور يااخوي ماتقصر
ابو عِنان: بس مين جايين تخطبون له الجود
ابو سَهم: نبي جود لبراء وهو شاريها وبيحطها بعيونه
ابو عِنان: تم والله ان تبشرون بها بس الشور شورها ياابو سَهم
ابو سَهم: تم روح اسألها عشان بالليل نجيب الملاك
ابو عِنان: ابد تبشرون
التفت لهتان: انقز شاورها
هتان قام: ابشر
طلع وراح لجود
ابو عِنان : والله نتشرف ببراء ولدنا وعِنان لو يدري بيفرح اكثر من جود بكبرها
براء: ماتقصر ياعمي جعلك ذخر وجعل عمرك طويل
عند هتان اللي دخل لجود وشافها جالسه تتقهوى جلس عندها واستغربت: تارك الرجال وجاي عندي ماتوقعتك تحبني لذي الدرجة
هتان ضرب رأسها بخفه: من زينتس عشان احبتس جاي بشاورتس
جود بلعت ريقها: عـ....عن ايش
هتان: اسمعي ياخويتي براء ولد عمي عبدالعزيز جاي يخطبتس وقالوا نشاورتس عشان بالليل يجيبون الملاك وبكره الحفلة
جود حست الدنيا ماتشيلها من قوة الفرحة حمر وجهها من الخجل ونزلت رأسها وصارت تلعب بأصابعها هتان حس انه استحت
ضحك عليها: يلا قولي لي موافقه ولا لا
جود بصوت يالله يطلع: بكيفكم الشور شوركم
هتان: لا مو شورنا تكلمي
جود ماردت وكمل هتان: جودي قولي اي او لا بس ووعد بروح ماراح احرجتس
جود نطقت بهمس: اي
ابتسم ومسك خدها: مبروك يابزر
ضربته وطلع يركض وراح عندهم وفزّ براء على طول كأنه يدور الجواب بأسرع وقت وشافه هتان وابتسم بخبث: الصراحة الدنيا نصيب ولازم ترضى بنصيبك يابراء
براء هنا خاف وكأنه عرف الجواب: وش صار؟
هتان: للأسف تقول لا ماتبيك عاد ارضى بنصيبك
براء انصدم وكأنه انصفق على وجهه واحتر وكأن الدنيا تحترق تحته لكن وعى على ضحكت هتان : ياخي تنكه انت صدق تطمن واقفت واقفت
مسك عقاله ونزله وصار يلحق هتان وطلع برا البيت ويلحقه ومسكه وضربه وهتان ميت ضحك عليه.....
-
الرياض
المستشفى
كان صاحي ويطقطق بجواله ودخل على أسمها وكان بيرسل لها بس تذكر ان جوالها معه تأفف بضيق ونزل جواله وانسدح وصار يفكر بكلامها امس ويفكر ودار التفكير بكلامها شاف ساعة جواله اللي تُشير لـ7:33 تأفف لان الزيارة خلصت وهو ودّ عينه يشوفها ويكلمها ويعتذر منها دق على خاله سُلطان ودقايق وصله صوته :هلا مين؟
صقر ضحك بصوت مبحوح : افا ياخال حتى رقمي مو مسجله
سُلطان فزّ : صقققررر!!!
صقر : هالله هالله 
سُلطان:  الحمدلله ياربي الحمدلله متى صحيتت؟
صقر وهو عارف انه بتسأل ابوها: من لما كانت عندي مّلاذ
سُلطان ناظر لها وابتسم: طيب بكره جايينك ان شاءالله
صقر: حياكم
سكر الجوال وضحك وهو وصل لها رسالة انه يعرف كل شي قالته....

"اهلًا حبايبي وحشتوني🤍🤍🤍🤍
رأيكم بالبارت 🫦
لا تنسون النجمة ياحبايبي 🤍🤍🤍🤍🫶🏻