جيتني من أقصى دنياي...وصرت الدنيا بعيوني

البارت-45

-
الرياض بدأت هبايِب لَيالِي الشِتاء الباردة مُعلنه دخول فَصل الشتاء مجتمعين كلهم بالحوش وسهرانين ومبسوطين مع بعض
سلطان: ماودكم ندخل برد الجو
ضيّ هزت راسها بـ لا: خالووو مانبي ندخل خلنا ننبسط قبل يجي الشتاء ونحلل الايام مع بعض
سلطان: هو مشكلتي مااقدر ارد لك طلب تمم وترا تعرفت على حبيب القلب
ضيّ ضاق خلقها من طاريه : الحمدلله عسى اعجبك بس
سلطان: عجبني لكن الله يهديه تهجم علي
ام صقر ضحكت :لولا الله ثم انا كان ذبحه
شهقت ضيّ: وش صاييرر؟؟
مّلاذ : اوووو صارت العجايب
ضيّ: طيب قولوا لي
سلطان: الله يسلمك جاء ومسكتي مع ياقتي وصار يهاوش يوم قلت له انتظر الاهل وقال مين اهلك وش تبي وا وا وطلعت امك وقالت له ذا سلطان اخوي وخال عيالي وهنا انقلب الله لا يوريك صار شخص ثاني
ضيّ ابتسمت على جنب بخفه انه عرف الحقيقة والشي الغريب اللي صار له هو صدمه لااكثر ولا اقل ...
-
الديرة
بيت عِنان وسُلاف
دخل البيت وشافها تنظف وتفتح الشبابيك تقدم وحضنها من ورا بدون ماتحس فزت يوم حست فيه حضنها : ايش قاعد تسوي انت؟
عِنان ابتسم: اشتقت لتس
سُلاف: طيب بعد تشوفني انظف مو فاضيه
عِنان : طيب تعالي ارتاحي
سُلاف وهي تحاول تفلت منه: مرتاحه كذا بعد عني
عِنان مسكها ولفها له : الحين بعرف وش فيتس علي وش مسوي انا؟
سُلاف بعدت عنه : خلنا حلوين لا نتهاوش خلاص عاد
رجع وحضنها أقوى: سُلافي شوفي شفيتس
سُلاف : ماراح تسمع وبتعصب وتهاوششش واخر شي تطلع حرتك علييي
عِنان تنهد: ماراح اعصب واعدتس امسك اعصابي
سُلاف: موضوع حملي ...
عِنان: وش فيه حملتس؟
سُلاف تنهدت ونزلت دمعتها والتفت له وصارت تصرخ وتضرب صدره : كله منككك جسمييي ليه ضعف لاني ماني مستعده للحمل لانك عقلك المريض تحسب اني بتربى كذا اذا سويت هالشي غصبًا علي كل شي عليك اللوم فيه كلللل شييييي اككررهكك انت مو كفو تصير ابووو حتتتىى يوم ربي اخخذذهه كان بيلطف فيه ماانت كفففووو اححدد يجي ويقول لك اب اكرهك عِنان اكرهـ...... ماكملت كلمتها الا وحست بالكف شتت كلامها مسكها وبعدها عن حضنه ودفها على الجدار قرب لها ومسك رقبتها وكان لوهله نفّسها بيروح كانت تضرب يده عشان يبعدها عنه :قد كلامتس اللي قلتيه؟؟؟
سُلاف وهي يالله تتكلم: بعد عننيييي اييي قده واعيد ماانت كفو تصير ابـ..... حذفها على الأرض والتفت عنها يهدي من عصبيته ماكان يسمع صوت منها والتفت يشوفها وشاف شي ماكان يتمنى يشوفه.......
-
بيت ابو سَهم
كان منسدح على سريره ويفكر ايش يسوي ماكان متوقع طيب ليه ماقالت ليه ماتكلمت ليه مابررت مسح على وجهه وشعره اخذ جواله وكان متردد يكلمها قرر يرسل لها رسالة فتح محادثتها وكتب " اسف " طلع ونزل جواله وقرر يروح يراضيها ببيتهم...
-
الرياض
بيت ابو صقر
كانت منسدحه على الكنب عند خالها ومّلاذ وتسولف وتضحك معهم
سلطان: اقوللل اعزمي النسيب عندنا
قلب لون وجهها على طول وسكتت
شافها سلطان وحس فيها شي التفت لمّلاذ: امي قومي جيبي لي اكل جوعان
مّلاذ: ابشر
قامت وراحت من عندهم قرب منها : تكلمي
ضيّ بأستغراب:شفيك اتكلم بأيش؟
سلطان: صاير شي بينك وبين سَهم؟
ضيّ نزلت رأسها وماردت رفع رأسها بيده: تكلمي لا تكذبي علي
ضيّ نزلت دمعتها على طول وقالت له كل شي وهي تحس كل ماتقول كلمه من كلامه تبكي اكثر حضنها وهو حاس بشعورها وزعلها اللي واضح عليها : خلاص امي صدقيني هو نادم الحين وقولي سلطان ماقال وخصوصًا يوم عرف اني خالك انتي لا تزعلين نفسك ومعليك من احد اهم شي انتي عندي وبالدنيا خلاص ياحبيبـ... سكت على صوت جوال ضيّ رفعت وفتحته وشافت رسالة منه والتفت لخالها: منه؟
هزت رأسها بـ اي وكمل:افتحيها
فتحتها وشافت محتواها كلمة" اسف" طفت الجوال وحطته وراها: ماراح تردين
ضيّ: لا ماني عديمة كرامة وعديمة عزة نفس عشان ارجع له يخسي
سكت وكملت: شفت نجوم الليل؟
سلطان : اي شفيها؟
ضيّ: اذا وصلها يوصلني
سلطان ضحك وحضنها: حبيبتي اللي عندها عزة نفس وكرامة
ضحكوا مع بعض وطلعت غرفتها ترتاح.....
-
بيت عِنان ..
كان واقف مصدوم من اللي يشوفه كان بوقت عصبية بس وش صار شافها طايحه وطرف الطاولة ضاربه رأسها والدم تحتها ماكان قادر يرمش من الصدمة وش سوا مو مستوعب وصار يهمس انا قتلتها وش صار فيها اخذتها عشان اصير آمان صرت الخوف حس رجله مو قادر تشيله ركض لها وشال رأسها وصار يصرخ: سُلااافففف تكفييين قومييي سُلاف والله اسففف اسففف ماكان قصدي سُلاف تكفيييين لا تكسريني فيتس انكسرت كثييير حرام عليتس تصيرين من ضمن الكسوو وتروحين عنيييي قومي والله مستعد اسوي اي شي تبينه والله لااسويه بس قومي طلبتتس قومي لا تروححيييييييننن "نزلت دمعته على جبين سُلاف وتنهد بقوه" اهخخ ياسُلاف تكفين الا انتي ماابي الكسر من جهتتس تكفين والله يوم ام سَهم هاوشتتس هاوشتها وانا سبب اعتذارها لتس ماارضى والله ماارضى عليتس تكفيييينن قومي قسم بالله اخر مره تنمد يدي عليتس بغضب ولا بدون تكفين قومي "نزل رأسه وحط جبينه على جبينها وتحسس مكان الدمعه وصار يتنهد" اهخخ ياآماني لا تروحييين
استوعب على نفسه وانه جالس مكان والمفروض يوديها المستشفى شالها وركض لسيارة ركب وانطلق بكل مايملك من سرعه لرياض......
-
بيت ام عِنان
جود جت تركض وخايفه وعلى طول راحت عند امها اللي جالسه هي وهتان وابوهم: يمه يمهههه
ام عِنان:بسم الله شفيتس؟
جود: يمه سُلاف
ام عِنان نزلت الفنجال من يدها:شفييهااا
جود وهي تتنفس بسرعه: يمه مدري شفت عِنان شايلها وهي مغمى عليها ركبها السيارة وطلع وثوب عِنان يمه كله دمممم
فزت ام عِنان: يمهه دممم دم من ايششش
جود: يمه والله مدري تكفين كلميه بتطمن على سُلاففف
هتان: يارب الله يستر وش صايررر
ابو عِنان: وين راح طيب
جود : اعتقد الرياض لان اكيد بيروح المستشفى
مسكت ام عِنان جوالها ودقت عليه ماكان يرد عليهز مره مرتين ثلاث ولا كان يرد عليها خافت عليه زيادة ورجعت عند ابو عِنان: تكفى يافهد دق عليييهه والله اني خايفه مايرد علي
ابو عِنان: اهدي طيب ان شاءالله مافيه الا كل خير
-
عند عِنان
كان مسرع وخايف عليها يشوفه منسدحه ورا والجرح العميق برأسها كل مايشوفها بالمرايا يزيد من سرعته يبي يوصل قبل يصير فيها شي كان يسمع الإتصالات بس ماهى رايق يرد على احد مسك الجوال وطفاه نهائي وكمل طريقه وهو يستودعها الله وبعد ربع ساعة وصل للرياض بأقل من الوقت ركض على طول وصوت لهم وجابوا السرير وحطوها فيه ودخلوها وشاف الدكتور الجرح وعلى طول دخلها العمليات وجلس ينتظر عند الباب وهو يحس عروقه بتطلع من قوة العصبية والخوف ويدعي انها تكون بخير وترجع له يحلف انه يسوي كل شي تطلب ولا يرد لها طلب لو على حساب حياته ..
-
الديره بيت ام عِنان
جالسين حول بعض وكانوا خايفين على عِنان وسُلاف وجوا عندهم البنات بعد ماقالت لهم جود
اديم: يقلبي يااختي ودي اتطمن عليييهاا
جود قامت من عندهم وراحت المطبخ
وعد: ان شاءالله تكون بسيطه ومافيها شي
ام عِنان: ان شاءالله يارب المشكلة هو مايرد
وعد: الله يستر بس
راحت جود المطبخ وصارت تبكي من كل شي من الموقف ولا من اخوها وهي سمعته يوم يضربها بس ماقالت لااحد وصارت تبكي بشكل مو طبيعي طلعت على طول من عند الباب اللي عند حديقة عِنان وكانت حاطه شرشف على راسها وتبكي تبي تفضي اللي داخلها وترتاح ...
كان يمشي طالع من بيتهم وطفشان مايدري وش يسوي توجهه لبيت عِنان يتوقع انه فيه عشان يبي يروح هو وعِنان لشغله عندهم كان بيطق الباب بس استوقفه صوت صوت شخص يبكي ورا او بالاصح بنت تبكي راح وشاف وشافها هي جالسه وتبكي والشرشف محطوط بشكل مُهمل على رأسها وطالع نص شعرها ووجها تقدم بسرعه تنحنح فزت من مكانها وتغطت : هلا مين؟
براء: وش بتس تبكين؟
جود: مافيني شي بغيت شي؟
براء :بغيت عِنان وينه؟
جتها غصة اول ماسمعت اسمه وماقدرت تتكلم وصارت تبكي استغرب براء انها بكت فجأة: جود فيتس شي وش صاير
قالت له كل شي وكل شي محد يعرفه : بس تكفى لااحد يدري طلبتك
براء: ابشري ابشري محد بيدري بس وينه الحين بالرياض؟؟
جود: اي بالرياض واخذ سُلاف معه ولا ندري عنهم
براء: لا حول ولا قوة الا بالله
جود: براء
فز من سمع اسمه منها: سّمي ياعروق قلبي
جود: طلبتك عادي تروح له وتشوفه وتطمنا لو تدق على وعد تكفى
براء: انتي لو تبين عشانتس أروح القمر واخر الدنيا ماتبيني اروح الرياض كيف بالله ؟ ابشري ماطلبتي شي كلها نص ساعة ساعك بالكثير وهو وصالكم خبر
جود ابتسمت:شكرًا مره براء
براء ابتسم بخفه: يلا ادخلي داخل ويويلتس احد انتس تبكين
دخلت جود وسكرت الباب وهي مبسوطه كيف كذا قدر يغير نفسيتها بدقيقه
-
بالرياض بالمستشفى..
جالس عند غرفة العمليات اللي صار لهم ساعة محد طلع منهم بعد نص ساعك زيادة طلع الدكتور ركض عِنان له:بشرني طلبتك
الدكتور نزل رأسه وبدون أي جواب........
عِنان خاف وصار يهز الدكتور: تكفى دكتور قول اي شي بس لا تسكتتتت لا تقول ماتتت تكفىىى
الدكتور: تطمن ماهي ميته بس"نزل رأسه يحك جبينه"
عِنان: تكفى تكلم وعطني المُختصر
الدكتور: بسألك هي جاها قبل شي برأسها ضربه او شي
عِنان: اي كان حريق وكذا المهم انه جاها برأسها ضرر
الدكتور: وقالوا لك اي ضربه ثانية تؤدي لـ ايش؟
عِنان كان يتذكر كلام الدكتور ووصل للمطلوب ارتخت يده من على الدكتور وطاحت فتح عيونه بذهول وهي صاير لونها أحمر من البكي والتعب وصار يغمض ويبلع ريقه بصعوبة ماكان يقدر ينطق الكلمة وحاول مره ومرتين وقالها:صارت عمياء؟
كان مغمض عيونه مايبي يسمع جواب ابد يتمنى الدكتور يسكت ولا يجاوبه بس فتح عيونه على صوت الدكتور:اسف بس هذا اللي صار الضربه مره قويه على رأسها وهالشي اللي خلاها عمياء وحنا حاولنا قد مانقدر لكن هذا المكتوب
عِنان ماكان يرد على الدكتور وكان بحالة صمت بشكل مُرعب التفت عن الدكتور وصار يمشي بالمستشفى بتشتت يصدم بالناس ويمشي ولا يدري وين بيروح تتجمع اادموع بمحاجر عيونه ويمسحها طلع وجلس برا عند باب المستشفى وكان يناظر باللاشي بالفراغ رغم ان المكان مليان بالناس نزل رأسه ومسكه بيده وصار يلوم نفسه ويهاوش وقام وصار يضرب الجدار وكأنه توه يستوعب كلام الدكتور صار يضررب بشكل مو طبيعي ألين انمدت يد ومسكت يده التفت وشاف براء قدامه حضنه وصار يبكي يبكي بقوه كأنه طفل ولأول مره يبكي قدام الناس وخصوصًا قدام براء وماكان يطلع الشخصية ذي حتى بينه وبين نفسه رغم انه عاش حياة قاسية جدًا مع ابوه صار يبكي بقوه وبراء مصدوم من كل شي بعده عن حضنه ومسك وجهه: شفيك ياعِنان بسم الله وش صاير سُلاف فيها شي؟؟؟
ماردت عليه واكتفاء بانه يبكي وصار يهزه: تكفى قولللل سُلاف فيهااا شيييي قولللل
عِنان: فقدت نظراه وانا اللي صرت مااشوف والله مااشوف يابراء مااشوف رغم اني اشوف كل شي
طاح على الارض وطلعت منه الـ"اهخخخ" سند نفسه على الجدار وصار يمسح وجهه وشعره بيده
براء بغضب: كيفففف فقده كيف عِنان وش صااييييررر
عِنان : مو قبل بالحريق حق جسار انضربت على رأسها وقالوا لو تجيها ثانية احتمال تنعمي وجتها اليوم جتها ليتها جاني قبلها
براء: وكيف جتها؟
عِنان: طاحت وضرب رأسها الطاولة
مسكه براء ووقفه قدامه وصفقه كف : كذابببب كذاب انت ضربتها انت سبب كل شييي والله لو يصير لااختي شي مايصير خاطرك طيب والله لاانسى انك روحي وصديقي واخوي وولد عمي قبل تصير نسيبي
عِنان كان ساكت ولا صارت له ردة فعل حتى على الكف كان ساكت كان يحس انه يستاهله لان اللي سواه فيها كثير كثيييرر
براء: تكلللممم تكلم وش صار فيها وش صصااررر
عِنان : مدري ذا اللي قاله الدكتور
تركهه ودخل داخل وراح لدكتور ويرحع يناظر الفراغ وهمس : هي اللي أنعمت بس انا اللي صرت مااشوف
تنهد وصار يدعي لها ويتوقع ايش بتسوي لو تصحى وهو حلف انه يسوي اللي تبيه لو تبي فراقه بيلبّي لها
دخل براء عند الدكتور دق الباب ودخل: السلام عليكم
الدكتور: عليكم السلام تفضل
براء : انا اخو المريضه سُلاف ابي افهم حالتها
الدكتور تنهد: اخت سُلاف جتها ضربه قبل وآثرت على رأسها وحذروا الاخ عِنان ماتتعرض لأي شي يضرب رأسها بس انضربت على رأسها وهالشي اللي سبب لها العمى
تنهد براء وكمل الدكتور: بس العمى مو دائم تقدر تسوي عملية وبأذن الله يرجع نظرها
براء : بأذن الله اقدر اشوفها؟
الدكتور: لا عطيناها مُهدي تقدر تجي بكره الصبح لان مانبي تصحى وتنصدم نبي تهدأ شوي
براء: زين يعطيك العافية
الدكتور : ولو واجبي
قام وطلع من عنده وهو لو بيده يذبح عِنان طلع عنده وشافه بمكانه ماتحرك فيه ساكن قرب ومسك ياقته ودفه على الجدار: انبسطت الحين سويت اللي تبي قردت عضلاتك عليها؟ ومن متى ان شاءالله البنت عندنا تنضرب ؟ ولا صح طلعت زي ابوك ابوك مو بعيد عنك
عِنان كان ساكت ويسمع كلامه ولا تكلم ولا سوا اي شي يبي يسوي فيه اي ياخذ حق اخته ...
-
الديرة
الكل تفرق لبيته جاء اخر الليل ولا وصلهم خبر وقرروا ينتظرونه لين يرجع والبنات تجمعوا عند حنين ورسل
جود: بنات والله خايفه منظر سُلاف كان يخوف
دلال: يارب تستر مدري وش صاير بس خايفه يكون صار شي لها
جود: عاد عِنان شراررر اذا عصب شرار يارب مايكون عصب عليها وصار شي
دلال شهقت: تصدقين ممكن يكون ضربها
جود رفعت يديها يمعنى مدري : يجوز ليه لا
وعد: والله لااخلي ابوي واخواني يكسرون يديه ليه اخذها يضرب فيها هو
أديم: اتمنى بس يطلع صدق انا اللي والله لااوريه نجوم الليل بعز الظهر والله وهاه حلفت
حنين: يارب ماصار شي تكفون وربي خفت عليها
رسل دخلت عليهم: دلال حمد يبيك
قامت دلال وطلعت لحمد : هلا حمد
حمد استغرب من صفار وجهها قرب ومسكه: وش بتس ليه وجهتس كذا باهت تعبانه؟
دلال هزت راسها بـ لا: بس خايفه على سُلاف
حمد رفع حاجبه بأستغراب : وش فيها؟
دلال: مدري صاير شي بينهم بس تقول جود شافته طالع وشايلها بيده وعلى ثوبه دم
حمد: ياساتر وعرفتوا ايش صار؟
دلال : لا والله ننتظر
حمد قرب وباسها: بأذن الله يقلبي ماهو صاير شي
دلال : ان شاءالله يارب
حمد: نروح البيت؟
دلال : بجلس مع البنات شوي مُمكن؟
حمد: تمام بي لا تطولين
دلال : ابشر
التفت بتروح ومسكها مع خصرها وقربها له: احبتس
ابتسمت بخجل : اموت فيك تركها ورجعت للبنات...

"عطوني رايكم بالبارت ياحلوين عشان اذا شفت تفاعل اكمل"
ولا تنسون النجمة
وتعالوا انستا لتسريبات والتشبيهات اللذيذة مثلكم"rwiiai1"🫦🤍🤍