جيتني من أقصى دنياي...وصرت الدنيا بعيوني

البارت-62

-
كان المطر يوصل قلوبهم قبل أجسادهم كانوا يحسونها قطرات حب ماهي مطر وأخيرًا خضع للأعتراف واعترف بحبه لها ولكل مافيها ولكل شي يخصها كان يحقق لها أمنيتها وأنها تعيد لحظة رقصة المطر معه كان يراقصها بدقة وحب رغم انه مايعرف عاش بين العسكر والأسلحة وابوه القاسي وحياته الجافة فجأة يراقص أنثى أرّق من الريشة وأنعم من الورد كان يراقصها ويقبّل جرح رقبتها ويتمتع بطبع القُبل من نحرها لمنطوقها همس: حطي خط تحت الموته اللي تبين واموتها
ابتسمت بحب وباست خده: وانا اعشقك والله واسم الله عليك من الموت اللي يطول بعمرك ويخليك لي يارب
عِنان بحب يغمره: ويخليتس لي يعيون عِنانتس
مسك يدها : يلا أمشي ندخل والله بتمرضين علي وانا بكره رايح
سُلاف بحزن: بكره بتروح للمهمة؟
عِنان مسكها وصاروا يركضون تحت المطر لين وصلوا للغرفة دخل ومسكها مع خصرها: اي بكره ماشي وابي اودعتس وداع يخليني انتظر الدقايق عشان أرجع لتس وينتظر شي معتس
سُلاف فهمت عليه وقالت بتوتر: مـ.. مافهمت؟
أبتسم على جنب بخفه وهو يدري انها تفهمه بس متوتره:طالب قربي لتس وقربتس يابنت العم وهالمره ابيها برضاتس
سُلاف صارت ترجع شعرها على ورا وهي مرتبكه: بروح اتروش واغير
عِنان مسكها قبل تروح وسحبها له وبطع قُبلة على منطوقها: خلينا نجيب حفيد العايلة بديت اغار من فواز ترا
مَرر يده على سحاب الفُستان وفتحه ونزل كمها وصار يمرر يده على كتفها وانمالها نزل وباس كتفها وغرقها بالقُبل والحب وانتهت ليّلتهم بُكل حُب
-
صباح اليوم الثاني وصباح الحب على أبطالنا والزعل على سُلاف لان عِنان بيتركها 6 شهور لمهمة عشان يترقى وكانت واقفه ترتب معه أغراضه: عِناني
تقدم وهو يلبس بدلته وبأس راسها : لبيه سّمي ياخلف جدي
ابتسمت له: مطول؟
عِنان خلص لبس وصار يتعطر: قلت لتس 6 شهور وجاي
سُلاف: بس بتوحشني
عِنان ابتسمت وتقدم وحضنها: معتس جوال كل مااشتقتي دقي
سُلاف: بتصير معنا برمضان ولا؟
عِنان هزت رأسها بـ اي: بأذن الله 20 كذا وانا عندكم
سُلاف عبست وجهها: اول رمضان معك وتروح وتتركني
نزل وباس خدها: ومو اخر رمضان ان شاءالله وبعدين وش اسوي ياسُلاف عشان اترقى
سُلاف: زين انتبه لنفسك وطمني عنك
عِنان اشر على عيونه: من عيوني وانتي انتبهي لنفستس "غمز لها" خليني ارجع واشوف ثنين ينتظروني
سُلاف أحمر وجهها بخجل وصارت تحك جبينها: ان شاءالله "سكتت شوي وكلمت"بس بسألك قبل تروح
عِنان: سّمي
سُلاف: ليه تغصب جود على فيصل
عِنان تنهد بقوه: انا ماقصدي اغصبها بس انا سمعت براء يكلم حمد ويقول له انه يحبها من سنتين ويبيها وانا أصريت توافق عشان يجي ويواجهنا وياخذها من فيصل غصب ولا انا ماابيها لفيصل والله لكن قهرني يوم انه يخبي عني خبر مثل كذا والمفروض خاطبها من زمان لو مايبي يتزوج للحين امسكها له لين يجي وقتها قهرني اني اقرب له من كل اخذ بس مشى عني وراح للاحد
سُلاف : زين بس تكفى روح طيب خاطر جود قبل تطلع
عِنان ابتسم: ابشري
ابتسمت له وبأس راسها:استودعتتس الله
طلع وسُلاف حزينه جدًا كونها بدت تحبه وخافت تفقده استودعته الله بقلبها ورجعت تنام
طلع ودخل البيت سلم على وابوه وودعه وراح لجود اللي بالحوش : هلا والله جويد
جود: هلابك عِنان
عِنان : شلونتس وش فيتس خايفه مني؟
جود بتوتر: مو خايفه وبخير الحمدلله انت شلونك
تقدم وبأس راسها :اسف على كل شي صار امس وانا ماابي اغصبتس على فيصل وادري براء يحبتس وانتي تحبينه "نزلت رأسها بخجل ومسك رأسها ورفعه" انا سويت كذا عشان براء يجي ياخذتس غصبًا على اللي يرضى واللي مايرضى ويحارب عشان حبتس مايتركتتس بالسهوله ذي فهمتي حبيبتي
جود: صح والله كلامك وابد مااخالفك بشي يابعد قلبي وانا معك لو تبيني أرمي نفسي بالناس قلت لك تم وامر ولبيه
حضنها بقوه: سامحيني ياحبيبتي انا رايح
جود بادلته الحضن: استودعتك الله
طلع من عندهم وأتصل على براء ووصله صوته:هلا عِنان
عِنان: وينك!!!
براء :وين بكون يعني بالبيت
عِنان استغرب صوته وهو عارف انه زعلان: يلا قم نروح
براء بملل: مابروح امسك طريقك
عِنان بحدة: براء احسن لك قوم
براء: ماراح اروح ياولد
عِنان تنهد: ادخر الشيطان وقم احسن لك لااجي ادخل بيتكم واتلك من اقصاك ققممم
براء : ادخل اذا فيك خير مع السلامة
سكر الجوال وانقهر عِنان من حركته توجهه لبيتهم وهو ناويها دخل وصرخ: ياولللدد
محد رد توقع مافيه احد بالبيت وهو يدل غرفته مشى وشافها شاف أديم بالمطبخ كانت تسوي القهوة والفطور التفت على طول من يوم لمّح زولها: ياولدددد
شهقت بقوه : بسم الله مييينن
عِنان: عِنان افتحي طريق بروح لغرفة براء
اديم: طيب
تخبت ورا باب المطبخ ومر من جنب المطبخ وطلع فوق ووقف عند باب غرفته ودق الباب ووصله صوته:ننعععمم
عِنان: بتقوم ولا شلون
فزّ وفتح الباب: شلون دخلت هنا!!!
عِنان التفت وأشر على الباب: من الباب
براء: تستهبل عِنان البيت فيه بنات
عِنان: بناتكم محفوظين ماشفتهم امش معي احسن لا اسحبك
تأفف بضيق: طيب توكل بلبس واجيك
طلع برا البيت ووقف عند سيارته ينتظره وطلع دخانه من جيبه وصار يدخن....
صار يفكر فيها ويفكر كيف بيتحمل ال6 شهور بدونها وبدون لا يشوفها وتخيل لو يرجع وتطلع فعلًا حامل وتخيل لو انه مايرجع تنهد بقوه وابتسم وهو ذكرها بباله يعشقه كثيييرر
-
الرياض..
بيت ابو صقر..
كانوا جالسين يفطرون والكل مجتمع الا مّلاذ اللي لين تنسى كل ولا تنسى موقفها مع صقر وتتجنب تجلس معهم التفت سلطان يدورها: وين مّلاذ؟
ام صقر: والله ياسلطان بنتك مدري شفيها بس لحالها من يوم راحت ضيّ ماتجتمع معنا
سلطان وقف: بقوم اشوفها
صقر: لا ارتاح ياخال انا قايم قايم بغسل واناديها لك
سلطان: زين يعطيك العافية ياصقر
ابتسم له ودخل داخل مشى لغرفتها وسمعها تتكلم بالجوال والواضح له انها مع ضيّ: تكفين افهمييينييييي عجزت اطلع قدامه عجزت اشوف وجهه احاول اتحاشى اي شي يجمعني فيه قسم بالله
ضيّ ضحكت: يابنت شفيك عادي والله يمكن صقر نساها اصلًا
صارت تقلد كلامها وهي متنرفزه: يابنت شفيك عادي والله يمكن صقر نساها اصلًا ضيّ والله بتهاوش صدق والله مره ماابي اشوففهه
صقر عقل حاجبه يوم سمع اسمه وكملت: اهخخ ياضيّ كيف بحط وجهي بوجهه احس اني قليلة ادب
ضيّ انفجرت تضحك: والله انك مريضه
مّلاذ بقهر: مريضه عشاني مستحيه منه!!!
انفتح الباب بقوه وفزّ وطاح الجوال منها: عمى بسم الله
صقر : شفيك ذا انا
مّلاذ: من متى تدخل كذا فيه شي اسمه طق الباب فرضًا البس ولا شي خيرر!
صقر ابتسم بخفه: ادري انك ماتلبسين ولا شي وسمعت كلامك كله وابي اعرف بأيش مستحيه مني فيه
توتر مره : لا شدعوه مافيه شي
صقر بحدة: مّلاذ ماامزح معك تكلمييي وش صايرر وايش سويتي عشان مستحيه تشوفيني وتحطين وجهك بوجهي ولا تبين شي يجمعنا!!!!
مّلاذ بربكة: مافيييه شي صقر خلاص انسى
صقر : مّلاذ صبري عليك طويل تكلمي
مّلاذ شبكت يديها ببعض : مستحيه بعد يعني ماابي احط وجهي بوجهك بعد...
صقر: اي بعد ايشش كملييي
مّلاذ بلعت ريقها: بعد اخر موقف لنا بالمسبح
صقر صار يتذكر وتذكر فعلًا انه سوا لها تنفس اصطناعي ضحك بطول صوته وهي توترت زيادة: صقر خلاص اطلع
صقر : والله نسيت يامّلاذ نسييتها
مّلاذ وهي منزله رأسها: طيب اطلع
صقر قرب لها: ياحلوه مستحيل يصير شي بيننا حنآ أخوان تطمني واذا عليها ف انا نسيتها تقدرين تطلعين
تجمعت الدموع بمحاجرها بعد كلمة"حنا اخوان":طيب شكرًا اطلع
صقر عطاها ظهره: ابوك يبيك قومي له
طلع وركضت غسلت وجهها تمنع من دموعها بالسقوط وعدلت نفسها وطلعت لاابوها حلفت ماعاد تحبي نفسها عشانه وهى يفكر فيها كذا....
-
~الديرة
بيت ابو حمد مجتمعين على العشاء وياكلون ومبسوطين وكانت الكائنة اللطيفة تلعب بينهم كملت 5 شهور من عمرها وكانت تلعب وتطلع أصوات مو مفهومه فزّ مازن لعندها: تنادينييييي
حنين ضحكت:  اقول بعد عنها هي للحين ماتدري انك عمها الله يعينها
مازن: ان قمت قلبت الضحك لبكي ف اسكتي
شال عذّوب من الأرض وتكلمت وعد: مازن تكفى انتبه لها
مازن وهو يلاعبها: افا عليك ياحَرم اخوي تطمني
ابتسمت وعد ورجعت تلعب عذّوب وتطلع اصوات فزّت رسل وركضت عند مازن: صار دوري
مازن : عفوًا اختنا فالله بأيش؟
رسل تأشر على عذّوب: تناديني
مازن بعد عذّوب عن وجهها: لو تناديتس لبكره مافيه مناك يلا
رسل صرخت: فففووواااااززززز
عذّوب بكت من صرخت رسل ومازن ركض ونزله عند وعد ركض لرسل وهي هربت مسكها مع شعرها: يحماررر بزرر لا تصرخخييين قدامهااا
رسل ببوجع: عمى عمى بعد عننييييي
نزل فواز من فوق من صراخهم: شفييكمم
رسل صرخت: شوففف مازززننن
فواز شافه ماسك شعرها وقال بحدة:مازن خير!
مازن تركها: ترا صرخت وبكت بنتك لاتلومني وانت تدري كيف احب عذّوب وماارضى عليها
فواز وجهه انظارة لها: نعم رسل؟
رسل: اسفه بس كنت ابيها وهو مو راضي يعطيني
فواز : والحل تصرخين؟
رسل: اسفه
فواز تنهد: طيب خلاص بس يويلك تعيدينها البنت صغيره وتخوفينها كذا
رسل: ابشر
ركضت وراحت لوعد واخذتها منها وصارت تلاعبها وتبوسها
وحرفيًا الكل طايح بهيّام عذّوب اول حفيدة للعائلة والحب يغمرها من خوالها وعمانها والجدان والام والأب والكللل غامر عذّوب بحبه ودلعه بتصير اميرة العائلة والحفيدة الأولى والفرح الأول ومسك البداية....
-
بيت عِنان
كانت الأيام تمرّ عليها بتعب بدونه مرّ اسبوعين وللحين ماشافته كانت تتعب بالفترة الاخيرة كثير بس ماقالت لااحد تتوقع تعب عادي
بس ماهي قادره تتحمل الوجع وتستفرغ كل شي تاكله ولونها مخطوف
لبست وطلعت راحت لبيت اهل عِنان وشافت جود وابوها دخلت وسلمت عليهم وجلست عندهم
التفت ابو عِنان وردقق فيها : شفيتس يابنتي لونتس مخطوف
سُلاف: والله تعبانه ياعم صار لي اسبوع وابيك تطلب من العيال احد يوديني للمستشفى تدري عِنان بيطول على بال مايجي
ابو عِنان: ابد ابشري اليوم اكلم هتان ياخذتس وتروحين انتي وجويد
سُلاف قامت وباست راسها: ماقصرت ياعم الله يطول بعمرك
ابتسم لها ورفع جواله ودق على هتان ودقايق ووصله صوته وواضح انه صحاه من النوم: وللددد
فزّ هتان وتنحنح: سـ...سّم يبه
ابو عِنان: وينك فيييه وليه توك تصحى؟
هتان توهق: يبه انا نايم عند تركي
ابو عِنان: وشو هو ياانتم عندهم ياهم عندنا؟
هتان نسى نفسه: يبه نحب بعض مانقدر
ابو عِنان صرخ بقوه: وووشششهههووو!!
هتان بعد الجوال عن اذنه وضرب نفسه كف: اقصـ..."تنحنح"اقصد يعني عيال عم وكذا نكون مع بعض احسن من اننا يكون كل واحد مع الغريب
ابو عِنان: اي زين يسرعه وانت عندي ابيك تودني جويد وسُلاف للمستشفى
هتان: خير وش صاير؟
ابو عِنان: تعال
سكر الجوال بوجهه وتأفف بضيق قام وقف وضرب تركي بالمخده وضحك وهرب.....
-
~ لندن
بين الأجواء والمطر والثلوج والمناظر والبرد  والشعور والحب ينولد حُبًا جديدًا الحب بين الأحياء الحب بشوارع لندن الحب عند ساعة لندن والحب عند بحرها الحي انزرع بجميع أماكنها بين الضيّ وسهمها وسَهم الضيّ وحبه
كانوا واقفين عند الساعة ويتمشون ومبسوطين وكل واحد ماسك اللي يحبه هي ماسكه قهوة فرنسية وهو ماسك شاي التفت له : سَهمي
سَهم التفت لها بذوبان لنطقها لااسمه: عيون سَهمتس
ضيّ مدت قهوتها وكمل: تبيني أرميها ؟
ضيّ بقوه: لاااااا
استغرب سَهم: اجل ليه تمدينها علي؟
ضيّ ابتسمت: ذوقها
سَهم هز راسه بـ لا: مااحبها
ضيّ بوجهه بريئ: عشانييي
سَهم : ياضيّ دنياي والله مااحبها
ضيّ عبست : اوك
سَهم ابتسم عرف انها زعلت مسك قهوتها من يدها التفت له وكمل: وين مكان شفتك؟
توترت وبلعت ويقها نزل لها وهمس: منطوقتس الحلو وين مكانه؟
أشرت على مكان اللي شربت منه وكان فيه روج خفيف التفت وشافه وشرب منها ابتسمت بحرج وهمس بأذنها:طعم منطوقتس احلى من القهوة بكثيير بس لو ماكان بالكون
ضيّ ضحكت بخجل: سَهههمم
اخذت قهوتها وصار تشرب منها ابتسم وهو يتأملها ورفع صوته يغني: آه وأحسدُ كاساتً تُقبل ثغرها إذا وضعتها موضع اللثم في الفمِ
ضحك بقوه وهي تشوف الناس صارت تناظر له وسحبت يده: سَهممييي
ابتسم وهو عارف انه احرجها: عيون السَهم
ضيّ : خلاص احرجتني شوف الناس كيف تشوفنا
تنهد بقوه ومسك أكتافها: والله العظيم الحب اللي املكه كبير اكبر من كل شي انا قاعد اطلعه اعشقتس واعشق تفاصيلتس اعشق حتى مكان خطواتتس ضيّ احس قلبي مايكفي لحبتس صدق احتاج قلب ثاني عشان يوسع للن حبتس صاير ينتشر بقلبي بشكل فضيييعع
ابتسمت وتقدمت وحضنته : الله يخليك لنا يابعد كل الناس لي اححبك
بعده عنه ومسك وجهها بكفينه: اصبري اتركي كل شي على جنب بس لنا؟
ابتسمت بقوه : اي لنا
سَهم : لنا لنا ولا لتس
ضحكت وحضنته: لنا لنا
سَهم : يعني "مسك رأسه" اللي ببالي؟
ضيّ ابتسمت بحب: اي حامل
شالها وحضنها وصار يدور فيها قدام الساعة وقدام الناس والحب والفرحة معميه عن الناس اللي حوله قَبل كتفها وهمس:الله يخليكم لي يارب
ضيّ ردت له القُبله: ويخليك لنا يارب
رفع رأسه لسماء وشاف الشمس بدت تغرب : يلا نرجع
مسك يدها ومشوا ناحية الفُندق ...
-
~ الديرة 10:22
بيت حمد ودلال
كانت جالسه تاكل وحمد يكلم عِنان ويسولفون عن الشغل رغم فرق شغلهم الكبير الا انهم مع بعض بكل شي ومع بعض وعلى قلب واحد حمد وبراء وعِنان
حست بوجع ونغز ببطنها وصار يزيد عليها تتريجي مسكت بطنها من تحت وصوخت بقوه : حححممددد
فزّ حمد من صراخها وركض لها وسمعها عِنان وتكلم: حمد شفيهااا دلال
حمد: دقيقه عِنان بشوفها واكلمك شكلها بتولد
ابتسم عِنان وسكر المكالمة وهو يستودع اخته الله
نزل الجوال ومسكها: شفيتس بسم الله عليتس
دلال ماسكه بطنها وظهرها: حمد حمد وجعع تعبني وذبحنننييي
حمد خاف لانه اول مره يمرّ بالموقف ذا ركض جاب عبايتها ولبسها ومسك يدها وهمس: تحملي تكفين لا تصرخين ماابي نخوف ابوي
وفعلًا تحملت لين طلعوا وركبها السيارة ومشى بسرعه كبيره للرياض.....

"اهلًا احبابي واصدقاء الرواية🤍🤍🤍🤍🤍🤍🤍🤍
وحشتونيييي٬عطوني رأيكم بالبارت العسل ولا تنسون النجمة ياحبايبي 🫶🏻
وتعالوا انستا بنزل تشبيهات"rwiiai1"