အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)

အပိုင်း ၂ : အခကြေး‌ငွေစနစ်စတင်ခြင်း၂

Unicode

{ဒိုကဲဘီ ကိုမြင်ဖူးတာဒါပထမဆုံးပဲ လို့တစ်‌ယောက်ယောက်က ပြောလာတယ်}

ထိုစာကြောင်းဟာ သူ့ခေါင်းထဲရုတ်တရက်ထွက်ပေါ်လာတယ်။ရပ်တန့်သွားတဲ့ မြေအောက်ရထားနဲ့ မှောင်မဲနေတဲ့ရထားတွဲတွေ...သူဒီအခြေအနေတွေကို ကြောက်မက်ဖွယ်ကောင်းစွာပင် ရင်းနှီးနေ၏။

အမှန်တိုင်းပြောရပါလျှင် မြေအောက်ရထားတွေဟာ စက်ချို့ယွင်းခြင်း သို့မဟုတ် အခြေနေအရပ်ရပ်အမျိုးမျိုးကြောင့်ခေတ္တရပ်နားခြင်းမျိုး အရင်ကလည်း ကြုံတွေ့ခဲ့ရသည့်တိုင် သူ့အနေနှင့် အဘယ်အကြောင်းကြောင့်များ ၀တ္ထုထဲကစာကြောင်းအချို့အား စဉ်စားမိရသလဲ တွေးမရ။
လုံး၀ကိုယုတ္တိမတန်သည့်အရာပင် မဟုတ်လား?

ထိုအချိန်မှာပဲ ရထားတွဲအမှတ်စဉ်၃၈၀၇ ၏တံခါးမှာ အဆုံးထိပွင့်သွားကာ ရထားတွဲတွေရှိ လျှပ်စစ်မီးတချို့လည်း ပြန်လင်းလာသည်။သူ့ဘေးရှိယူဆန်းအာ ရဲ့"...ဒိုကဲဘီ?" ဆိုသည့်ခပ်ဟဟရေရွတ်သံကိုကြားလိုက်ရသည်။

သူဖတ်ခဲ့သည့်၀တ္ထုနှင့်လက်တွေ့ဘ၀ တစ်ထပ်တည်းကြကာ ပြောင်းလဲသွားသည်ကို သိမြင်လာပြီး မသက်မသာ စိုးရိမ်ထိန့်လန့်လျှက် ခေါင်းတစ်ခုလုံးပေါက်ကွဲမတတ်မြည်ဟီးနေသည်။

{ခေါင်းပိုင်းတွင် ဦးချိုသေးသေးလေးနှစ်ခုပါပြီး ကောက်ရိုးဖျာပတ်ထားသည့် ဖွာယောင်းသောအမွှေးတို့အပြည့်ဖြင့် ထူးဆန်းသောသတ္တဝါ သည်လေထဲတွင် လွင့်ပျံနေသည်။}

{ထိုအရာဟာ ဒဏ္ဍာရီလာနတ်သူငယ် လို့ခေါ်တွင်ရန် အလွန်ထူးဆန်းသည်၊သို့သော် တမန်တော် လို့ခေါ်ဖို့ရာ အလွန်ဆိုးယုတ်ပြီး မကောင်းဆိုးရွားလို့ခေါ်တွင်ရလောက်သည်အထိလည်းမဟုတ်‌ချေ။}

{အဆိုပါအချက်တွေကြောင့် ထိုအရာကို 'ဒိုကဲဘီ' ခေါ်သည်။}

{T/N ~ ဒိုကဲဘီဆိုတာ ကိုရီးယားမှင်စာပါပဲ ဒါပေမဲ့ ကိုယ်ကတော့E ဘာသာပြန်သူ အတိုင်း ဒိုကဲဘီပဲဆက်သုံးသွားမှာပါ။}

ပြီးတော့ ဒိုကဲဘီ ဆိုလာမည့်ပထမဆုံးစာကြောင်းအား သူသိသည်။

[&0|#@!&0|#@!...]
[&0|#@!&0|#@!...]

စိတ်ကူးယဉ်၀တ္ထုနှင့် လက်တွေ့ဘ၀ဟာ အတိအကျလွဲစရာမရှိအောင်ပင် တစ်ထပ်တည်းကျသွားသည်။