အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)

အပိုင်း ၁၂၅ : ပြောင်းလဲ၍ရသောအရာများ (၅)

Unicode
Scroll down for Zawgyi

ယာမမိုတိုဟာ ကျည်ဆံသုံးတောင့်တည်းဖြင့်အသတ်ခံလိုက်ရသည်။အနောက်တိုင်းကောင်းဘွိုင်တစ်ယောက်လို ဖြူလွှလွှမီးခိုးများ အီဘို့ဆွန်း၏ လက်ညိုးထိပ်မှထွက်လာ၏။သူမကတကယ့်ကိုသန်မာလွန်းတဲ့ အဖွားအိုပဲ။

[နာမည်ကြီးကပ်ဘေး အသတ်ခံလိုက်ရသည်။]

[‘ကိုလိုနီနယ်ချဲ့’ဟုခေါ်သောကပ်ဘေး ပျောက်ကွယ်သွားသည်။]

[သင်သည် ဒင်္ဂါး၅၀၀၀ရရှိသည်။]

[အဓိကပါဝင်ပံ့ပိုးသူများ : အီဘို့ဆွန်း ၊ဂင်မ်ဒို့ဂျာ]

သူ့အနေနဲ့မြွေအားမဖမ်းနိုင်ခဲ့တာ နောင်တရဖွယ်ကောင်းသော်ငြား ဝန်ကြီးချုပ်ကို ရလိုက်ခြင်းက မကောင်းတဲ့ဝင်ငွေတော့မဟုတ်။ဂျပန်ဝန်ကြီးချုပ်နေရာပျောက်သွားခြင်းဟာ ဂျပန်တပ်ဖွဲ့ကြီးထွားလာမှုအပေါ်  ကြီးမားသောအဟန့်အတားဖြစ်ပေါ်စေလိမ့်မည်။အဲ့တာအပြင် ဆုလဒ်ကလည်းအတော်လေးကောင်း၏။

[ကြယ်တာရာတချို့သည် မျိုးချစ်စိတိပြင်းထန်နေသောသင့်စိတ်ကူးအပေါ် ဆန့်ကျင်သည်။]

သူ့ဇာတ်ကွက်အားဆန့်ကျင်နေသည့် ကြယ်တာရာအများအပြားရှိသော်ငြား ဘယ်တတ်နိုင်ပါ့မလဲ။အဲ့ မျိုးချစ်အပေါ်ပဲ ကိုးရီးယားကျွန်းဆွယ်က ဒင်္ဂါးတွေပေးနေတာကိုး။သူသာပုံပြင်တစ်ပုဒ်ရောင်းရမယ်ဆို ဈေးကောင်းကောင်းနဲ့ရောင်းတာအကောင်းဆုံးပဲလေ။

[ကိုရီးယားကျွန်းဆွယ်၏ကြယ်တာရာများသည် သင့်ပြန်လည်တင်ဆက်မှုအပေါ် အားပေးနေသည်။]

[ဒင်္ဂါး၁၀၀၀၀အား စပွန်ဆာပေးသည်။]

ဒါပေါ့ ဒီနေ့အချိန်ထိ ‌ရှေးယခင်အတိတ်တွေကို မမေ့လိုက်နိုင်သည့် ကြယ်တာရာများရှိနေသေး၏။ဇဝေဇဝါဖြစ်နေသည့်ဂျပန်များဟာ ယာမမိုတိုဆီပြေးလာကြပေမဲ့ အချိန်ကားနှောင်းသွားခဲ့၏။

“ဝန်...ဝန်ကြီးချုပ်...!”

ထိုအချိန်မှာပဲ ဒါဇင်မီတာလောက်ဝေးနေသည့် အီဘိုဆွန်းဆီ သူပြေးသွားသည်။အီဘို့ဆွန်း၏ကိုယ်ဟာတဖြည်းဖြည်းနှင့်သေးလာ၏။