𝘜𝘯𝘪𝘤𝘰𝘥𝘦
𝘚𝘤𝘳𝘰𝘭𝘭 𝘥𝘰𝘸𝘯 𝘧𝘰𝘳 𝘡𝘢𝘸𝘨𝘺𝘪
[ကြယ်တာရာ‘အိပ်စက်နေသောဘရိုကိတ်အမျိုးသမီး’သည်သင့်အဖြေကိုစောင့်ဆိုင်းနေသည်။]
ယုံကြည်ချက်အပြည့်ဖြစ်နေရှာသောမင်ဂျီဝန်းဘက်သို့သူပခုံးတွန့်ပြကာအကြောင်းပြန်၏။
“မလုပ်ချင်ဘူး”
သူမမျက်လုံးတွေမှာပြင်းပြင်းထန်ထန်တုန်လှုပ်သွားသည်။အမျိုးသားတစ်ချို့မှာလည်းပါးစပ်အဟောင်းသာဖြစ်ကုန်ကာ သရုပ်ဆောင်ဖြစ်သည့်မင်ဂျီဝန်းတောင်မှသူမအမူအရာကိုဖုံးကွယ်မထားနိုင်ချေ။သူမကမှင်တတ်သောလေသံမျိုးဖြင့်စကားပြောလာ၏။
“...ဟမ်?”
သူမသည်သူမကြားခဲ့သောစကား၏အမှန်တရားကိုလက်ခံရမည့်အစား နားကြားမှားသည်ဟုသာသံသယဝင်နေလေသည်။
“ကျွန်မနားကြားလွဲသွားသလားလို့...ရှင်ထပ်ပြောပါလား?”
“ငါမင်းရဲ့လက်အောက်ခံမဖြစ်ချင်ဘူး”
ဒင်္ဂါး၂၀၀၀လေးနှင့်သူမလက်အောက်ခံဖြစ်လာရမယ်ဆိုသည်မှာဟာသပင်။သူသူ့အနောက်တွင်စောင့်နေသောအဖွဲ့သားများကိုပြောလိုက်သည်။
“သွားရအောင် ငါတို့မြန်မြန်လုပ်မှရမယ်”
သူတို့တုံ့ဆိုင်းခြင်းမရှိ လှည့်ထွက်လာသည်နှင့်မင်ဂျီဝန်းတစ်ယောက် ပြာပြာသလဲလှမ်းအော်၏။
“ခဏနေပါဦး!မလောက်သေးဘူးဆိုကျွန်မဒင်္ဂါးတွေထပ်ပေးနိုင်တယ်။ကျွန်မစပွန်ဆာကိုကျွန်မပြောပေး—”
“မလိုပါဘူး”
“စောင့်ဦးလို့ပြောနေတယ်လေ!”
သူမသည်ရေးကြီးသုတ်ပြာပြေးလာပြီးသူသွားမည့်လမ်းအားပိတ်လိုက်သည်။သူမရဲ့လျင်မြန်ဖြတ်လတ်မှုlevelနှင့်ယှဉ်လျှင်ထိုလှုပ်ရှားမှုဟာတော်တော်လေးလျင်မြန်သည်ဟုဆိုလို့ရ၏။
“ရှင်ဒင်္ဂါး၂၀၀၀ရဲ့တန်ဖိုးကိုမသိဘူးလား?”
သူမမသိဘူးလား?ဒီလိုဒင်္ဂါး၂၀၀၀လောက်ကို သူခဏလေးနဲ့အလွယ်တကူရနိုင်တယ်ဆိုတာ။
YOU ARE READING
အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)
Adventureအိုအာဗီရဲ့မြန်မာဘာသာပြန် အပိုင်း ၁ - အပိုင်း ၁၄၆ credit အပြည့်အစုံမပေးတာက CRမိမှာကြောက်လို့ပါ။စာရေးသူတွေရဲ့နာမည်ကိုပျက်စေလိုခြင်းအလျင်းမရှိပါ။ဝတ္ထုကို Eလိုဖတ်ချင်ပါက ကိုယ့်ဆီမှာ linkလာတောင်းလို့ရပါတယ်။သူကwebtoonလည်းရှိပါတယ်။ အိုအာဗီရဲ႕ျမန္မာဘာသာျပန္...
