𝘜𝘯𝘪𝘤𝘰𝘥𝘦
𝘚𝘤𝘳𝘰𝘭𝘭 𝘋𝘰𝘸𝘯 𝘧𝘰𝘳 𝘡𝘢𝘸𝘨𝘺𝘪
ထိုညတွင်ကလေးမလေးမသေခဲ့။ယူဆန်းအာသည်ထိုကလေးအားမသတ်ချင်သလို သူသည်လည်းသဘောတူခဲ့၏။
“လုပ်ချင်သလိုသာလုပ်ကြတော့”ဟုဆိုကာဟန်ဆူယုန်းတစ်ယောက် စိတ်ဆိုးမာန်ဆိုးတတွတ်တွတ်ရေရွတ်ရင်း သူနှင့်ယူဆန်းအာအားအဆောက်အအုံပျက်ကြီးထဲချန်ရစ်ကာထွက်သွားတော့၏။ကလေးမမှာ အဓိကမှတ်ကိုတိုက်ခိုက်ခြင်းကြောင့် ခဏတာလှုပ်ရှားမှုတို့ရပ်တန့်နေသည်။အိပ်မောကျနေသောကလေးမ၏ဆံပင်အား ယူဆန်းအာတစ်ယောက်ခပ်ဖွဖွပွတ်သပ်ရင်း အသံနက်နက်ဖြင့်ပြော၏။
“သူမကကပ်ဘေးလား?”
“အင်း”
“ဒို့ဂျာရှီ ဒါကိုရှင့်စွမ်းရည်နဲ့သိတာလား?”
“သူနဲ့တူတာမျိုး”
ရှင်သန်ရာနည်းလမ်းများမှ စာသားအားသူပြန်အမှတ်ရမိ၏။
⎾ ပဉ္စမဇာတ်ကွက်ရဲ့နောက်ဆုံးကပ်ဘေး။ဖုံးလွှမ်းကပ်ဘေးသည် အန္တရာယ်အများဆုံးနှင့်ဝမ်းနည်းဖွယ်အကောင်းဆုံးသောကပ်ဘေးဖြစ်သည်။ ⏌
ယူဆန်းအာမှာသူမနှုတ်ခမ်းအားဖိကိုက်ထားရင်းမေး၏။“သူမကမေးခွန်းများကပ်ဘေးနဲ့အတူတူပဲလား?”
“တူတော့တူပေမဲ့ နည်းနည်းကွဲတယ်”
ဖုံးလွှမ်းကပ်ဘေး ။အကယ်၍သူမသာသူမစွမ်းအားများအားလုံးကိုအသုံးပြုခဲ့မည်ဆို မေးခွန်းများကပ်ဘေးနှင့်တောင်ယှဉ်၍မရသည့်ကပ်ဘေးဖြစ်သည်။မေးခွန်းများကပ်ဘေးဟာဂန်ဒုန်-ဂု၌သာသက်ရောက်သော်ငြား ဖုံးလွှမ်းကပ်ဘေးကတော့မတူ။သူမစွမ်းအင်ဖြင့် တစ်နာရီမပြည့်ခင်မှာပင် ဆိုလ်းတစ်ခုလုံးအားဖျက်ဆီးပစ်နိုင်၏။
“ကျွန်မဘယ်လိုပဲကြည့်ကြည့်ကပ်ဘေးနဲ့ကိုမတူဘူး။ဒီကလေးမက ဒီငါးရက်အတွင်းကပ်ဘေးဖြစ်လာနိုင်လို့လား?”ယူဆန်းအာကအံ့ဩနေသည်။
တကယ်တော့ယူဆန်းအာမှန်၏။အခုလက်ရှိတွင် ထိုကလေးမသည်ကပ်ဘေးမဟုတ်။
[မူပိုင်စကေး ဇာတ်ကောင်ဇယားကိုအသက်သွင်းသည်။]
+
YOU ARE READING
အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)
Adventureအိုအာဗီရဲ့မြန်မာဘာသာပြန် အပိုင်း ၁ - အပိုင်း ၁၄၆ credit အပြည့်အစုံမပေးတာက CRမိမှာကြောက်လို့ပါ။စာရေးသူတွေရဲ့နာမည်ကိုပျက်စေလိုခြင်းအလျင်းမရှိပါ။ဝတ္ထုကို Eလိုဖတ်ချင်ပါက ကိုယ့်ဆီမှာ linkလာတောင်းလို့ရပါတယ်။သူကwebtoonလည်းရှိပါတယ်။ အိုအာဗီရဲ႕ျမန္မာဘာသာျပန္...
