𝘜𝘯𝘪𝘤𝘰𝘥𝘦
𝘚𝘤𝘳𝘰𝘭𝘭 𝘋𝘰𝘸𝘯 𝘧𝘰𝘳 𝘡𝘢𝘸𝘨𝘺𝘪
အိုလံပတ်ရဲ့အဖြေအား ယူဆန်းအာရဲ့အမူအရာမှတဆင့်သိနိုင်နေသည်။သူမမျက်နှာ နီမြန်းသွားပြီးနောက် ဖြူဖျော့သွားသည်။ယူဆန်းအာရဲ့မျက်လုံးများအရ ထိုကိစ္စအား အခုချိန်ထုတ်ပြောရန်မှာစောလွန်းနေသေး၏။
“အဲ့တာ...ဒိုဂျာ-ရှီ”
သူ့အားကြည့်နေသည့်ယူဆန်းအာတစ်ယောက်ဘာလို့များတုံ့ဆိုင်းနေရသလဲဆိုသည့်အဖြေအားသိချင်မိ၏။အကြောင်းတချို့ချို့ကြောင့်သူမအတွက်စိတ်မကောင်းဖြစ်မိသွား၏။
“စပွန်ဆာပြောတဲ့အရာကိုပြန်ပြောပြလို့ရမလား?”
ယူဆန်းအာရဲ့ကိုယ်မှမီးပွားများလွင့်စင်ထွက်လာသည်။အာရီအခ်နီးဒေါသထွက်နေပုံရ၏။အခြေအနေများပြန်လည်ငြိမ်သက်သွားအထိ သူခဏလောက်စောင့်နေလိုက်သည်။အမေးအဖြေသုံးခုရဲ့နောက်ဆက်တွဲက အဲ့လောက်ကြီးမားလိမ့်မည်လို့သူ မထင်ထားခဲ့။မီးပွားများတဖြည်းဖြည်းလျော့ကျသွားပြီးနောက် ရောထွေးနေသောအသံတစ်သံ ယူဆန်းအာဆီမှထွက်ပေါ်လာသည်။“ညဥ့်နက်ယံသူဌေးရဲ့အဖေ ဆိုတာက မင်းလွယ်လွယ်ကူကူတွေလို့ရနိုင်တဲ့လူမျိုးမဟုတ်...”
ညဉ့်နက်ယံသူဌေး၏အဖေ(The Father of the Rich Night)။၎င်းသည် အိုလံပတ်ရဲ့ထိပ်တန်းနတ်ဘုရားသုံးပါးအနက်မှတစ်ပါးဖြစ်သောဘုရင်ဟေးဒီစ့်၏ ဂုဏ်ပုဒ်ဖြစ်သည်။
(*ညသူဌေးဖေဖေလို့ပြန်ချင်နေတဲ့စိတ်ကိုမနည်းထိန်းထားရတယ်။)
အိုလံပတ်ရဲ့ထိပ်တန်းနတ်ဘုရားသုံးပါးအနက်မှတစ်ပါးဖြစ်သည့် အဆိုပါနတ်ဘုရားသည် ‘အိုလံပတ်ရဲ့နတ်ဘုရား၁၂ ပါး’မဝင်ရောက်နိုင်သောနေရာတွင်နေထိုင်လေသည်။အာရီအခ်နီးအနေနှင့် ဟေးဒီစ့်အားဆက်သွယ်နိုင်ဖို့ရာအလွန်ဝေးကွာလွန်းလှသည်။
သူမြန်မြန်ဆန်ဆန်ပင် သူမအားကျေးဇူးတင်လိုက်သည်။“ကျေးဇူးပါ ယူဆန်းအာ-ရှီ”
“စကားမစပ် ဒို့ဂျာ-ရှီ”
ဉာဏ်ကောင်းလှသည့်ယူဆန်းအာအနေနှင့် ညဉ့်နက်ယံသူဌေး၏အဖေ ဟာ ဟေးဒီစ့်မှန်းသိသွားလောက်ပြီဖြစ်သည်။သူဟေးဒီစ့်ကိုရှာနေရသည့်အကြောင်းအားလည်း ခပ်ရေးရေးတော့မှန်းမိလောက်ချေပြီ။
YOU ARE READING
အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)
Maceraအိုအာဗီရဲ့မြန်မာဘာသာပြန် အပိုင်း ၁ - အပိုင်း ၁၄၆ credit အပြည့်အစုံမပေးတာက CRမိမှာကြောက်လို့ပါ။စာရေးသူတွေရဲ့နာမည်ကိုပျက်စေလိုခြင်းအလျင်းမရှိပါ။ဝတ္ထုကို Eလိုဖတ်ချင်ပါက ကိုယ့်ဆီမှာ linkလာတောင်းလို့ရပါတယ်။သူကwebtoonလည်းရှိပါတယ်။ အိုအာဗီရဲ႕ျမန္မာဘာသာျပန္...
