အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)

အပိုင်း ၁၁၄ : ကတိသုံးခု (၆)

𝘜𝘯𝘪𝘤𝘰𝘥𝘦
𝘚𝘤𝘳𝘰𝘭𝘭 𝘋𝘰𝘸𝘯 𝘧𝘰𝘳 𝘡𝘢𝘸𝘨𝘺𝘪

ဂင်မ်နမ်ဝူးရဲ့နောက်ဆုံးပုံရိပ်မှာသူ့စိတ်ထဲကျန်ရစ်နေပေမဲ့ အစကတည်းကသူသည် အနှီကောင်လေးအားကယ်ဖို့လာခဲ့သည်မှမဟုတ်ဘဲ။

အဲ့တာအပြင် အဲ့ကောင်လေးငရဲမှာနေရတာကို သဘောကျမှတော့ ငါကဘာလို့များကယ်နေဦးမလဲ?

ခြေထောက်မပါရှိသောတရားသူကြီးဟာ လှေကားထစ်များအပေါ် တစ္ဆေတစ်ကောင်နှယ်တိတ်တဆိတ်သာတတ်လေသည်။လမ်းတစ်လျှောက်ရှိ ကိုယ်စားပြုခန္ဓာကိုယ်အချို့ကမူ သူ့အားစိတ်ဝင်စားနေသောမျက်လုံးတို့ဖြင့်ကြည့်နေကြ၏။ထိုသူတို့တွေက ဟေးဒီစ့်နန်းတော်ထဲနေထိုင်နေကြသောကြယ်တာရာများလား ဆိုတာသူမသိ။ဒီနေရာတွင် ကြယ်တာရာများသာရှိနေကြသည်မဟုတ်။

သူစိတ်လွင့်နေသည်အကြောင်း တရားသူကြီးသတိထားမိတော့ နောက်လှည့်မကြည့်ဘဲပြောလာသည်။

[မင်းသေသေချာချာအနောက်ကလိုက်မလာရင် လမ်းပျောက်သွားလိမ့်မယ်။]

၎င်းဟာ သူအားစိတ်မသက်မသာဖြစ်စေသော တဂျစ်ဂျစ်အသံပင်။သို့တိုင် ၎င်းဟာမှန်ကန်သောအကြံပြု‌ချက်ဖြစ်၏။

သူမျက်နှာကြက်အားအကြည့်မပြောင်းခင် တရားသူကြီးအားအခြေအနေခဏကြည့်နေပြီးမှ အသံတိုးတိုးဖြင့်ပြော၏'ဟေး ငါပြောတာကြားရလား?'

၎င်းဟာ တရားသူကြီးမကြားနိုင်လောက်သော လေသံခပ်တိုးတိုးသာဖြစ်သည်။

'မင်းနားထောင်နေတာငါသိတယ်'

ဒီနေရာသည်ကမ္ဘာမဟုတ်သော်ငြား ဟေးဒီစ့်၏မရဏကမ္ဘာဖြစ်သည်။သူသိချင်မိ၏။ဒိုကဲဘီချန်နယ်ရော ဒီနေရာမှာအလုပ်လုပ်ရဲ့လားဆိုတာ?ထို့နောက် ခပ်ဖျော့ဖျော့အသံတစ်ခုသူ့နားထဲဝင်လာတော့သည်။

-...ဟုတ်ကဲ့

ဒိုကဲဘီဆက်သွယ်ရေးမှတဆင့်ပြန်ဖြေလာခြင်းဖြစ်သည်။၎င်းဟာ ဘီဟွန်းအသံမဟုတ်။

'မင်းက ဒိုကဲဘီအသစ်လား?'

-ဟုတ်ပါတယ်။ကျွန်တော်က အဆင့်နိမ့်ဒိုကဲဘီယုန်းဂီပါ။ဘီဟွန်းဗျူရိုကိုရောက်နေတုန်း အုပ်ချုပ်ရေးမှုးအဖြစ်ယာယီထမ်းဆောင်နေသူပါ။