အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)

အပိုင်း ၁၀ : ဇာတ်လိုက် (၅)

တစ်‌ယောက်ယောက်သာအခုအခြေအနေအားမြင်ရင်ရယ်စရာဖြစ်နေမှာသေချာသည်။အကြောင်းမှာ အရွယ်ရောက်ယောင်္ကျားတစ်ယောက်ကသူ့လည်ပင်းအားညှစ်ထားကာသူကတော့မျောက်တစ်ကောင်လိုတန်းလန်းလေးဖြစ်နေသည့်အတွက်ကြောင့်ပင်။

အီဟွန်းဆုန်းကလွတ်မြောက်ဇုန်ကနေသူရှိရာတံတားတစ်ဖက်ကမ်းသို့လှမ်း‌ကြည့်နေသည်။
သူ့အမူအရာမှာစိုးရိမ်မှုအပြည့်ဖြင့်ဖြစ်နေသော်လည်းလွတ်မြောက်ဇုန်၏အကာအရံများကြောင့်သူကသာတစ်‌ဖက်ကမ်းအားမြင်တွေ့ရပေမဲ့အီဟွန်းဆုန်းတို့ကတော့တစ်ဖက်ခြမ်းမှဖြစ်ပျက်နေသည့်အရာများအားမမြင်ရချေ။

"နာမည်"

"ဘာ?"

"မင်းနာမည်ကဘာလဲ?"

သူမတူတဲ့စကားပြောဆိုပုံအားကြည့်ရုံဖြင့် ဇာတ်လိုက်မှန်းသိသာစေသည်။သို့သော်လည်းအခုလောလောဆယ် ထိုလူအားသွားဆွသည်မှာ ကောင်းသည့်အချက်မဟုတ်။

"ဂင်မ်ဒို့ဂျာ"

"ထူးဆန်းတဲ့နာမည်ပဲ".

"တော်တော်များများအဲ့လိုပြောကြတာပဲ"

ထိုအချိန်မှာပင်ယူဂျွန်ဟော့ရဲ့လက်သီးဟာသူ့ဗိုက်ဆီသို့ဦးတည်လာကာ သူ့ဗိုက်တစ်ခုလုံးပေါက်ကွဲထွက်မယောင် ခံစားလိုက်ရသည်။

"...အ"

ထိုလူ၏လက်သီးချက်ဟာသူခန္ဓာကိုယ်၌စိုက်နေသောဓားအားဆွဲထုတ်လိုက်သလိုပင်အလွန်အားပြင်းသည်။

"မင်းခန္ဓာကိုယ်ကမာသားပဲ။ဒင်္ဂါးတွေရဲ့အသုံးချနည်းကိုသိပြီးပြီပေါ့?"

"မင်းနဲ့အတူတူပဲ..."

ဘမ်း ထိုလူကထပ်ပြီးတော့သူ့ဗိုက်အားထိုးနှက်ပြန်သည်။ဒီတစ်ကြိမ်တော့သူ့ညည်းညူသံအားထိန်းထားရန်ပင်အနိုင်နိုင်။

"မလိုအပ်တာတွေမဖြေနဲ့။အခုကစပြီးငါမေးတာပဲပြန်ဖြေ နားလည်လား?"

(T/N~ဘဲကြီးကအစထဲကကျိတ်တာနော် ဟင်းဟင်းယူနော် ငါမှတ်ထားတယ် ( ꈍᴗꈍ)sorry I'm a sucker for this ship huhu.)

သူပြန်မဖြေ။ယခုကဲ့သို့ဖြစ်လာမည်ဟုကြိုတွေးထားခဲ့သော်လည်း အခုအခြေအနေမှာသူဘယ်တုန်းကမှ
ဖြစ်မလာရန်မျှော်လင့်ခဲ့သည့်အဆိုးဆုံးအခြေအနေမျိုးပင်။