𝘜𝘯𝘪𝘤𝘰𝘥𝘦
𝘚𝘤𝘳𝘰𝘭𝘭 𝘋𝘰𝘸𝘯 𝘧𝘰𝘳 𝘡𝘢𝘸𝘨𝘺𝘪
သေသေချာချာကြည့်ကြည့်တော့ အမျိုးသမီးမှာအတော်လေးအသက်ကြီးပုံရ၏။
မျက်နှာပေါ်မှပါးရေများအရ သူမသည် အသက်၄၀လောက်မရောက်သေးသော်ငြား အနည်းဆုံးတော့အသက်၃၀ကျော်၄၀နားတော့ရှိလောက်၏။
သူကငါ့ကိုသိတယ်လား။ဘယ်လိုလုပ်?
သူအနည်းငယ်မျှကြောင်အမ်းသွားသော်လည်း ထိုအမျိုးသမီးအားကြည့်ရင်းသူ့အမူအရာသူပြန်ထိန်းလိုက်သည်။
“ခင်ဗျားမှားနေပြီ။ငါနာမည်က ယူဂျွန်ဟော့။ဂင်မ်ဒို့ဂျာဆိုတာငါအမုန်းဆုံးလူရဲ့နာမည်ပဲ”
“...ယူဂျွန်ဟော့?”
“ဟုတ်တယ်။အဲ့တာကြောင့်ခင်ဗျားခေါင်းဆောင်ကိုပေါက်ကရမပြောဖို့သွားပြောလိုက်။ငါဘာပြောလဲဆိုတာခင်ဗျားနားမလည်ရင်တောင်မှ အဲ့အတိုင်းသာပြောပြလိုက်။”
သူ့နံဘေးအားကြည့်လိုက်တော့ ဟန်ဆူယုန်းတစ်ယောက်‘နင်ဘာပေါက်ကရတွေပြောနေတာလဲ’ဆိုသည့်အမူအရာမျိုးဖြင့်သူ့အားကြည့်နေလေရဲ့။သူ သူမအားမျက်လုံးမှိတ်ပြလိုက်သည်။ဟန်ဆူယုန်းသာဆို အခုကစသူမဘာလုပ်ရမလဲဆိုတာရိပ်မိလောက်သည်။အမျိုးသမီးကထပ်မံကာပါးစပ်ဟလာသည်။
“မင်းကဂင်မ်ဒို့ဂျာဆိုတာငါသိပြီးသား?ထပ်လိမ်မနေနဲ့တော့”
[ဇာတ်ကောင်‘ဟန်ဆူယုန်း’သည် ထိုစကားများအမှန်ဖြစ်ကြောင်းအတည်ပြုသည်။]
ဟန်ဆူယုန်းကသူ့အားခေါင်းညိတ်ပြလာသည်။ဒီအမျိုးသမီးသူ့ဆီရောက်လာတာ သူဘယ်သူလဲဆိုတာသေချာကိုသိနေလို့။
“ငါတို့ဘုရင်က မင်းဆီဒီဥက္ကာခဲအပ်ထားလိုက်မယ်လို့ပြောတယ်”
မထင်ထားဘူးပဲ။သူမကသူ့ကိုသိနေရုံတင်မက အခုကျဥက္ကာခဲပါပေးလာတယ်...
“ခင်ဗျားကဘယ်သူလဲ?”
“ငါတို့ကလေလွင့်ဘုရင်ရဲ့လူတွေ”
“ဟိုနားမှာရှိနေတဲ့အမျိုးသမီးက ခင်ဗျားဘုရင်လား?”
အမျိုးသမီးကခေါင်းညိတ်ပြ၏။သူခပ်လှမ်းလှမ်းရှိမျက်နှာဖုံးအုပ်ထားသည့်အမျိုးသမီးအားကြည့်လိုက်သည်။သေချာကြည့်လေ ဒီမြင်ကွင်းအားဒီဂျာဗူး(deja vu)တစ်ခုလိုခံစားရ၏။သို့သော်တစ်ခုခုထူးဆန်းနေသည်။
YOU ARE READING
အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)
Adventureအိုအာဗီရဲ့မြန်မာဘာသာပြန် အပိုင်း ၁ - အပိုင်း ၁၄၆ credit အပြည့်အစုံမပေးတာက CRမိမှာကြောက်လို့ပါ။စာရေးသူတွေရဲ့နာမည်ကိုပျက်စေလိုခြင်းအလျင်းမရှိပါ။ဝတ္ထုကို Eလိုဖတ်ချင်ပါက ကိုယ့်ဆီမှာ linkလာတောင်းလို့ရပါတယ်။သူကwebtoonလည်းရှိပါတယ်။ အိုအာဗီရဲ႕ျမန္မာဘာသာျပန္...
