အင်းဆက်တွေဟာ ရထားတွဲထဲ လွတ်ထွက်သွားသည်ကိုမြင်သည်နှင့် လူအုပ်ကြီးမှာထိတ်ထိတ်ပျာပျာဖြစ်ကုန်ကြသည်။
"...ဟေ့! မ-မင်းဘာလို့အဲ့လိုလုပ်-"
လူတစ်ချို့ကကြောင်အမ်းနေချိန် အထာနပ်တဲ့လူကတော့သူ့အားတွန်းထုတ်လိုက်သည်။
"ခွေးမသား"
"...မင်းတို့မြန်မြန်ရှာရင်ကောင်းမယ်နော်၊အချိန်ကသုံးမိနစ်ပဲကျန်တယ်"
သူ့အသံကြားသည်နှင့် လူအုပ်ကြီးမှာ စိတ်လွတ်နေတဲ့သားရဲကောင်တွေလို ရထားတွဲရှိ နေရာအနှံ့အား သည်းကြီးမဲကြီးရှာတော့၏။
"ငါတွေ့ပြီ!အား!"
အင်းဆက်အား ရှာတွေ့သူမှာ ပျော်ပင်မပျော်လိုက်ရ နောက်တစ်ယောက်ကသူ့အားတိုက်ခိုက်လာသည်။ဤသို့နှင့်ရထားတွဲကြီးတစ်ခုလုံးမှာ ပရမ်းပတာအခြေအနေသို့ ရောက်ကုန်ကြ၏။
"ဟေ့ခင်ဗျား ဒီတိုင်းပေးလိုက်လို့ရရဲ့သားနဲ့ ဘာလို့အဲ့လိုလုပ်တာလဲ?"
သူနောက်လှည့်ကြည့်တော့ ဂင်နမ်ဝူး မှာသူ့လည်ပင်းအားအကြောဆန့်ကာ ထလာပြီဖြစ်သည်။
သူဂရုတစိုက်ပြန်ဖြေသည်။
"လူက၁၂ယောက်ရှိတာ"
"...ဟမ်?"
"အဲ့ဘူးထဲမှာ အင်းဆက်၃ကောင်ပဲကျန်တော့တာ"
ဂင်နမ်ဝူး မှာတခဏလောက်မျက်မှောင်ကြုံ့လိုက်ပြီးနောက် ကျယ်ကျယ်လောင်လောင်ရီသည်။
"၁၂ယောက်ကို၃ကောင်?ဟားဟားဟားဟား! ဟုတ်တာပေါ့ နဂိုထဲကအကုန်လုံးအသက်ရှင်နိုင်မှာမှမဟုတ်တာ?အဲ့တော့ခင်ဗျားကအဲ့ဘူးကိုပစ်လိုက်တယ်ပေါ့?"
"အင်း"
"ဟာသတွေလာမပြောစမ်းနဲ့"
"...!?"
"ခင်ဗျားသာပုံမှန်အသိစိတ်ရှိနေတဲ့လူတစ်ယောက်ဆို အဲ့လိုလုပ်မှာမဟုတ်ဘူး" ဂင်နမ်ဝူး အပြုံးတွေကပို၍ပင် ပီပြင်လာသည်။
"အမှန်တိုင်းပြောစမ်းပါ ခင်ဗျာ ဒီလိုအခြေအနေမျိုးကိုမြင်ချင်တာမလား?"
သူ'ရှင်သန်ရာနည်းလမ်းများ'ထဲကဂင်နမ်ဝူး အကြောင်းအားပြန်တွေးမိသည်။
YOU ARE READING
အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)
Adventureအိုအာဗီရဲ့မြန်မာဘာသာပြန် အပိုင်း ၁ - အပိုင်း ၁၄၆ credit အပြည့်အစုံမပေးတာက CRမိမှာကြောက်လို့ပါ။စာရေးသူတွေရဲ့နာမည်ကိုပျက်စေလိုခြင်းအလျင်းမရှိပါ။ဝတ္ထုကို Eလိုဖတ်ချင်ပါက ကိုယ့်ဆီမှာ linkလာတောင်းလို့ရပါတယ်။သူကwebtoonလည်းရှိပါတယ်။ အိုအာဗီရဲ႕ျမန္မာဘာသာျပန္...
