အသင်္ချေစာဖတ်သူ၏ရှုထောင့်(အိုအာဗီရဲ့ဘာသာပြန်)

အပိုင်း ၅၉ : ဘုရင်တို့ရဲ့တိုက်ပွဲ (၁)

𝘜𝘯𝘪𝘤𝘰𝘥𝘦
𝘚𝘤𝘳𝘰𝘭𝘭 𝘥𝘰𝘸𝘯 𝘧𝘰𝘳 𝘡𝘢𝘸𝘨𝘺𝘪

သူ့အစီအစဉ်ကရှင်းသည်။

ပထမနောက်လိုက်ဖြစ်သည့်ခိုးကူးကောင်တွင် ရှင်သန်ရာနည်းလမ်းများ၏အစဖြစ်သည့် ‘တတိယနှင့်စတုတ္ထအကြိမ်မြောက်ပြန်လည်ရှင်သန်ခြင်းများ’နှင့်ပတ်သတ်သည့်အချက်အလက်ရှိသည်။ထိုအကြောင်းအားသိရှိထားသည့် လူများနှင့်ကြုံတွေ့တိုင်း နောက်လိုက်သည် အချက်အလက်များကိုလက်ဝါးကြီးအုပ်ထားပြီး၎င်းတို့ကို ရှေ့ဖြစ်ဟောများဆီမှလျို့ဝှက်ထားခဲ့သည်။

တခြားတစ်ဖက်ရှိအာဏာရှင်ဘုရင်မှာ ရှေ့ဖြစ်ဟောများ၏တည်ရှိမှုကိုသိလိုက်ရပြီးနောက် ဗျာဒိတ်ကျမ်းကိုအသုံးပြုလာသော ဆိုလ်း၏ဘုရင်ခုနှစ်ပါးထဲမှတစ်ပါးဖြစ်သည်။

အချက်အလက်များကိုလက်ဝါးကြီးအုပ်ချင်သူနှင့် အချက်အလက်များကိုတူးဆွရန်ကြိုးပမ်းသူ။အကယ်၍ထိုသူတို့နှစ်ယောက် အချင်းချင်းထိပ်တိုက်တွေ့ရင် ဘာများဖြစ်လာမလဲဆိုတာသိသာထင်ရှားနေ၏။

အီဆန်းကွတ်ကမေးသည်။“...ဒါဆိုခင်ဗျားကဝတ္ထုတစ်ပုဒ်ရေးတော့မယ်ပေါ့”

“အမှန်ပဲ”

အစီအစဉ်ကိုယ်တိုင်ကရိုးရှင်းသည်။သူတို့ ခိုးကူးစာရေးဆရာဝတ္ထု၏စာသားများကိုပြန်လည်ရေးသားမည်။အဲ့နောက် ဘူတာရုံအသီးသီးရှိလူတွေကြားဖြန့်ဝေမည်ဖြစ်၏။

အကြမ်းဖျဉ်းတော့သူတို့ဒီလိုခံစားချက်မျိုးခံစားရလိမ့်မည်။

-ရှေ့ဖြစ်ဟောတစ်ချို့ရဲ့ဗျာဒိတ်ကျမ်း ပေါက်ကြားလာတယ်!

အဆုံးသတ်ကိုလည်းကောင်းစွာဖော်ပြထား၏။

ဟန်ဒုံဟွန်းရဲ့အင်တာနက်မှတ်ချက်များစိတ်ကြိုက်ချယ်လှယ်ခြင်းကျေးဇူးကြောင့်ရှေ့ဖြစ်ဟောများနှင့်ပတ်သတ်သည့်အချက်အလက်များမှာအင်တာနက်ပေါ်တွင်ပျံ့နှံ့ထားပြီးသားဖြစ်၏။အကယ်၍txtဗားရှင်းသာပေါက်ကြားလာမယ်ဆို အင်တာနက်ပေါ်တွင်ကြီးကြီးမားမားကိုဂယက်ထလာလိမ့်မည်။

အစောပိုင်းစာဖတ်သူအနည်းစုသည် လျို့ဝှက်အပိုင်းအစများကိုရယူရန်ကြိုးပမ်းနေစဉ် အာဏာရှင်ဘုရင်သည်လည်း၎င်းတို့ကိုရရှိနိုင်ရန်အလိုအလျောက်ကိုရွေ့လျားလိမ့်မည်ပင်။